Special Noted

“ရောဂါရှိပြီး ငွေမရှိရင် ဆေးမရှိတာနဲ့အတူတူပါပဲ။”

အနာသိရင် ဆေးရှိတယ် ဆိုပေမယ့်
ငွေမရှိရင်တော့ ဆေးဝယ်လို့ မရပါဘူး။

ငွေကြေး အဆင်သင့်ရှိခြင်းဟာ
ဆေးဝါး အဆင်သင့်ရှိခြင်းပါပဲ။

သို့သော် -
ငွေပေးရင် ဆေးဝယ်လို့ရပေမယ့်
ကျန်းမာခြင်းရဖို့တော့မသေချာဘူး…။

ကျန်းမာရေးကို ငွေပေးပြီး ဝယ်လို့မရတဲ့အတွက်
ရောဂါကို ငွေပေးပြီးမဝယ်မိပါစေနဲ့။

ပြီးတော့ -
ကျန်းမာခြင်း အဆုံးရှုံးခံပြီး ငွေမရှာနဲ့…။
ငွေကြေး ပြည့်စုံလာတဲ့အချိန်ကျ
ကိုယ့်မှာ ရောဂါဘယတွေလည်း ပြည့်စုံလာလိမ့်မယ်။

အဲ့ဒီအခါ-
ရှာထားသမျှငွေတွေ ဆေးကုရင်း ကုန်သွားလိမ့်မယ်။
ဒါပေမယ့် ပြန်ကျန်းမာလာဖို့ကတော့ မသေချာဘူး။

ငွေရဖို့ပဲ ဂရုစိုက်ပြီး
ကိုယ့်ကျန်းမာရေးကို ဂရုမစိုက်ရင်
ကိုယ်ရှာသမျှ ငွေတွေဟာ
ဆေးရုံ၊ ဆေးခန်းတွေအတွက်ပဲ ဖြစ်သွားလိမ့်မယ်။

ကျန်းမာရေးချို့တဲ့ခြင်းဟာ
အကြီးမားဆုံး ငွေထွက်ပေါက်ကြီးပါ။

ချမ်းသာချင်လို့ ဝင်ငွေတွေရှာခဲ့ပေမယ့်
ရောဂါဖြစ်လို့ ဆင်းရဲသွားရတဲ့သူတွေလည်း ရှိပါတယ်။

ဒါ့ကြောင့် -
ကျန်းမာရေးကို အထူးဂရုစိုက်ပါ။

ကျန်းမာခြင်းဟာ လာဘ်တစ်ပါးလို့ ဘုရားဟောတယ်။
ကျန်းမာခြင်း မရှိတာနဲ့ လာဘ်မရှိတာပဲ။
ကျန်းမာခြင်း ဆုံးရှုံးသွားတာနဲ့
လာဘ်လာဘတွေ ဆုံးရှုံးသွားတာပဲ။

ကျန်းမာ ၊ ချမ်းသာကြပါစေလို့
ဆုတောင်းပေးလေ့ရှိကြတယ်။

ကျန်းမာ မှ ချမ်းသာမှာပါ။
မကျန်းမာရင် မချမ်းသာပါဘူး။

ကျန်းမာဖို့က ချမ်းသာဖို့ရဲ့ အရှေ့မှာ ရှိပါတယ်။

အားလုံး ကျန်းမာရေးကို အထူးဂရုစိုက်ပြီး
ကျန်းမာ ချမ်းသာတဲ့ ဘဝတွေ ရရှိကြပါစေ။

Phoo Kyaw Zin - FutureWave

Crd

🛑ကျောက်ကပ်ဆေးခ မတတ်နိုင်သူများအတွက်_
စိတ်ရင်းနဲ့ပြောပြတာပါ။

မိတ်ဆွေတို့အနေနဲ့ကြုံရင်ပြောပြပေးလိုက်ကြပါ။
ကျောက်ကပ်နာ ၊ကျောက်ကပ်မကောင်းလို့ ကျောက်ကပ်ဆေးနေရတဲ့ သူမှန်ရင်..
ဒီနည်းလမ်းအား လိုလိုချင်ချင် ယုံယုံကြည်ကြည်နဲ့
ပုံမှန် လုပ်ကြည့်ပါလို့။

ဆေးနည်း။

လက်ဆတ်သော မုလာဥဖြူအား (အခွံမခွာရ)ရေသေခြာဆေးပြီး..အရေရအောင်..ကြိတ်ပါ။

ရလာတဲ့ ကြိတ်ရည်ကို အဖတ်မပါအောင် အဆင့်ဆင့် သေချာစစ်ပြီး...(အချို၊အချဉ်၊အငံ၊အဆိမ့်)
ဘာမှ မထည့်ပဲ သောက်နိုင်အောင် သောက်ပါ။

မနက်တစ်ခွက် ညတစ်ခွက် သောက်နိုင်သလောက်သောက်ပေးပါ။

တစ်နေ့ ၂ကြိမ် တစ်လီတာအနည်းဆုံးသောက်ပေးပါက ကျောက်ကပ်ပြန်ကောင်းလာပါလိမ့်မယ်။

သက်သာတဲ့အခါ ဆက်သောက်ရန် မလိုပါ။

လုပ်ပါဆိုပြီး အတင်းကြီး မတိုက်တွန်းပါဘူး။

ယုံကြည်တယ် သက်သာချင်တယ် လုပ်မယ်ဆိုတဲ့ဆန္ဒအမှန်ရှိမှ လုပ်ပါ။

(ဘေးထွက်ဆိုးကျိုးမရှိကြောင်း အာမခံပါတယ်)...

Crd_
#ကျန်းမာရေးဗဟုသုတရကြပါစေ

🍜 ခေါက်ဆွဲခြောက်စားတာ ကြိုက်တဲ့သူတို့အတွက် ဆင်ခြင်ရအောင်လို့ တင်ပေးလိုက်ပါတယ်

အသင့်စား ခေါက်ဆွဲများ များများစားသုံးပါက ခံစားရမယ့် အကျိုးရလာဒ်များ..

အလုပ်များတဲ့နေ့တွေမှာ အသင့်စား ခေါက်ဆွဲပြုတ်တွေပဲ အမြဲတမ်း လုပ်စားဖြစ်နေပြီလား။ ဒါဆိုရင်တော့ သင့်ရဲ့ကျန်းမာရေးအတွက် သေချာဆန်းစစ်ပေးဖို့ လိုအပ်နေပါပြီ။
တာရှည်ခံ ခေါက်ဆွဲခြောက်တွေကို များများစားသုံးမိပါက ကျန်းမာရေးအတွက် ဘယ်လိုထိခိုက်နိုင်သလဲဆိုတာကို စာဖတ်သူတို့အတွက် ဝေမျှပေးချင်ပါတယ်။

👉 အငန်ဓာတ် လွန်ကဲနေခြင်း

အသင့်စား ခေါက်ဆွဲခြောက်မှာ ဗီတာမင်ဓာတ်၊ အမျှင်ဓာတ်၊ သတ္တုဓာတ် စတဲ့ အာဟာရဓာတ်များ လုံးဝမပါဝင်ပါဘူး။
ဒါပေမဲ့ ဆိုဒီယမ်ဓာတ်နှင့် ကာဘိုဟိုက်ဒြိုက်ဓာတ်များ လွန်ကဲစွာပါဝင်ပါတယ်။ ဒါ့ကြောင့် လွန်ကဲစွာ စားသုံးမိမယ်ဆိုရင်တော့ သွေးတိုးရောဂါ၊ အဝလွန်ရောဂါတို့ကို ခံစားရစေနိုင်ပါတယ်။

👉 အစာချေစနစ်ကို နှောင့်နှေးစေခြင်း

အသင့်စား ခေါက်ဆွဲများကို ကြာရှည်ခံအောင် ပြုလုပ်ထားတဲ့အတွက်ကြောင့် စားသုံးပြီးတဲ့နောက်မှာတော့ အစာအိမ်ထဲမှာ အချိန်အကြာကြီး ရှိနေမှာပဲဖြစ်ပါတယ်။
လတ်ဆတ်တဲ့ ခေါက်ဆွဲကို စားသုံးပြီးနောက် အစာချေရန် ကြာချိန်ကတော့ ၂ နာရီဖြစ်ပြီး အသင့်စား ခေါက်ဆွဲခြောက်ကတော့ စားသုံးပြီး ၂ နာရီကြာမှ အစာချေမှု စတင်မှာပဲဖြစ်ပါတယ်။

👉 ရောဂါအဖြစ် လွယ်ခြင်း

လေ့လာတွေ့ရှိချက်များအရ အသင့်စား ခေါက်ဆွဲကို တစ်ပတ်နှစ်ကြိမ်ခန့် စားသုံးတဲ့ အမျိုးသမီးများမှာ ဆီးချိုရောဂါ၊ နှလုံးရောဂါ ခံစားရနိုင်ချေ ပိုများပြီး မကြာခဏ ခေါင်းကိုက်ခြင်း၊ မူးဝေခြင်းတို့ကို ခံစားရနိုင်တယ်လို့ လေ့လာတွေ့ရှိရပါတယ်။

👉 အမြင်မှုန်ဝါးစေခြင်း

အသင့်စား ခေါက်ဆွဲခြောက်တွေမှာ ကြာရှည်ခံအောင် ပြုလုပ်ထားတဲ့ ဓာတုဆေးဝါးများက ခန္ဓာကိုယ်အတွက် အဆိပ်အတောက်ဖြစ်စေတဲ့ ထိုအရာကို စွဲစွဲလမ်းလမ်း စားသုံးပါ အမြင်အာရုံကို မှုန်ဝါးစေပါတယ်။

👉ကျန်းမာရေးနဲ့ ညီညွှတ်တဲ့ အစားအစာများကိုသာ များများစားသုံးပေးပါ

အသင့်စား ခေါက်ဆွဲကို ရံဖန်ရံခါပဲ စားသုံးပေးပါက ကျန်းမာရေးကို ထိခိုက်စေမှာ မဟုတ်ပါဘူး။ ဒါပေမဲ့ မှန်မှန်စားသုံးမိမယ်ဆိုရင်တော့ အထက်ဖော်ပြပါ အကျိုးကျေးဇူးများကို ခံစားရနိုင်တာ ကြောင့် ကျန်းမာရေးနဲ့ ညီညွှတ်တဲ့ အစားအစာများကိုပဲ ဦးစားပေး စားသုံးသင့်ပါတယ်။

👉 ရသာမှုန့်ကို ဖယ်ရှားပြီး ဟင်းသီးဟင်းရွက်များများ ထည့်စားပါ

ထိုခေါက်ဆွဲပြုတ်တွေကို မဖြတ်နိုင်ဘူးဆိုရင်တော့ ခေါက်ဆွဲထုပ်ထဲမှာပါဝင်တဲ့ ရသာမှုန့်ကို မထည့်ဘဲ ဟင်းသီးဟင်းရွက်များများထည့်ပြီး စားသုံးပေးလိုက်ပါ။
ဟင်းသီးဟင်းရွက်ထဲမှာ ပါဝင်တဲ့ အမျှင်ဓာတ်နဲ့ ပရိုတင်းဓာတ်များက သင့်ရဲ့အစာချေစနစ်ကို ပုံမှန်အတိုင်း ချေဖျက်ပေးနိုင်အောင် ကူညီပေးပါလိမ့်မယ်။
ပြန်လည်မျှဝေခြင်းဖြစ်ပါသည်

Cr

ခါးနာခြင်း အကြောင်းများ
_______________________

ရိုးရိုးခါးနာတာလား ……
စိုးရိမ်ရမယ့် အနေအထားလား ……

ခါးနာတယ်ဆိုတာက လူတိုင်းနီးပါး
ခံစားရနိုင်တဲ့ နာကျင်မှု ပြဿန တစ်မျိုးပါ ။
လူလတ်ပိုင်းအရွယ် ၈၀ ရာခိုင်နှုန်းလောက်ဟာ
သူတို့ တစ်သက်တာမှာ ခါးနာမှုကို
တစ်ကြိမ်တော့ ခံစားဖူးကြပါတယ် ။

ခါးနာတယ်ဆိုတာက ဆယ်ကျော်သက်အရွယ်
ကစလို့ ဘိုးဘိုးဘွားဘွားအရွယ်အထိ
အားလုံး ခံစားရနိုင်တဲ့ ကျန်းမာရေးပြဿန
တစ်ခုပါ။ နေ့စဉ် လှုပ်ရှား သွားလာမှုတွေ
လုပ်ရင်းနဲ့ကို ခါးနာတာကအမှတ်မထင်
ခံစားရနိုင်ပါတယ် ။

# ဘာတွေကများ ခါးနာစေတာလဲ ………
# ခါးနာစေနိုင်တဲ့ အကြောင်းအရင်းကတော့
အများကြီးပါ ။

# အလေးအပင်မတာ
# ရုတ်တရက် အထိုင်အထ လုပ်မိတာ
# ကိုယ်နေဟန်ထား မမှန်တာ
# ပြုတ်ကျတာ
# ချော်လဲတာ
# လေ့ကျင့်ခန်း အပြင်အထန် လုပ်တာ
# မတော်တဆ ထိခိုက်မိတာ
# အဆစ်ရောင်နာ
# အရိုးပြတာ
# အရုံကြောညပ်တာ
# ကြွက်သားရောင်တာ
# ကျောက်ကပ် ရောဂါ စတဲ့ ပြဿန
အမျိုးမျိုးကြောင့်
ခါးနာတာကို ခံစားရနိုင်ပါတယ် ။

# ရိုးရိုး ခါးနာတာလာ …………

# ခါးနာတာက အဖြစ်များတဲ့ ကျန်းမာရေး
ပြဿန တစ်ခုပါ။ ခါးနာတဲ့ခါ

# ရေသောက်တာ
# ရေနွေးအိတ်ကပ်တာ
# ရေခဲဝတ် ကပ်တာ
# နှိပ်နယ်ပေးတာ
# ဆေးလိမ်းတာ
# လေ့ကျင့်ခန်း လုပ်တာ
# အနားယူတာမျိုးတွေ လုပ်ပေးရပါမယ် ။
ဒီလို လုပ်ဆောင်ပေးမှုနဲ့အတူ ၃ရက် အကြာမှာ
ခါးနာတာက သက်သာသွားမယ်ဆိုရင်
ဒါက ရိုးရိုး ခါးနာတာပါ ။

# ဘယ်လို အခြေအနေဆို စိုးရိမ်းရမလဲ ………

တကယ်လို့ အပေါ်မှာပြောသလိုတွေ
လုပ်ဆောင်တယ်။
ဒါပေမယ့် ၃ ရက်ကျော်တဲ့အထိ
ခါးနာတာက မသက်သာဘူး။
ခါးနာတာမသက်သာတာနဲ့အတူ
အခုလိုတွေခံစားရမယ်ဆိုရင်
အမြန်ဆုံး ကုသမှု ခံယူဖို့ လိုနေပါပြီ ။

# ခါးထဲက စူးခနဲနာကျင်မယ်
ဒါက ကြွက်သား ဒါမှမဟုတ် အရွတ်
စုတ်ပြဲတာဖြစ်နိုင်ပါတယ်။ နောက်ထပ်
ဖြစ်နိုင်တာကတော့ ကိုယ်တွင်းအင်္ဂါတစ်ခုခုမှာ
ရောဂါ ခံစားနေရတာပါ ။

# ခါးထဲနေရာ အနှံမှာ တဆစ်ဆစ် နာမယ် ……
နာကျင်မှုက နေရာစုံကို ရွေ့နေမယ်။
ခြေ လက်တွေထဲအထိ နာကျင်မယ်ဆိုရင်တော့
အာရုံကြော ညပ်နေတာဖြစ်နိုင်ပါတယ် ။

ခါးနာရင်းက ခြေထာက်တွေထဲ အားမရှိသလို
ခံစားရမယ် ခါးထဲက နာတဲ့အခါ
ခြေတောက်တွေပါ နာလာတာ
ခြေထောက်တွေထဲ အားမရှိသလို
ခံစားရတာက အာရုံကြော ဖိမိနေတာ
တင်ပဆုံးက အာရုံကြောတွေ ညပ်နေတာမျိုး
ဖြစ်နိုင်ပါတယ် ။

# ဆီး ဝမ်းမနိုင်တာမျိုး ဖြစ်မယ် ……
ခါးနာတာက ခါးတင် နာတာ မဟုတ်ဘဲ
ဆီးတွေ ဝမ်းတွေကို မထိန်းနိုင်တဲ့အထိ
ဖြစ်နေတာဆိုရင် အာရုံကြောပျက်စီးနေတာ
ကျောရိုးမကြီး ပိုးဝင်နေတာ
ဦးနှောက်အမြှေးရောင် နေတာတွေ
ဖြစ်နိုင်ပါတယ် ။

# ပေါင်းရင်းက ထုံနေတာ ( သို့မဟုတ် )
တစ်ဆစ်ဆစ်စူးပြီး နာမယ် ခါးနာတာက
ပေါင်ခြံ ဒါမှမဟုတ် ပေါင်ရင်းက ထုံနေမယ်
ဒါမှမဟုတ် တစ်ဆစ်ဆစ် စူးပြီး
နာနေမယ်ဆိုရင်
အာရုံကြော ပြင်းပြင်းထန်ထန် ထိခိုက်တာ
ဖြစ်နိုင်သလို ကျောရိုးမကြီး ထိခိုက်တာမျိုး
ဖြစ်နိုင်ပါတယ် ။

# ခါးနာက အဆိုးရွာဆုံးအနေနဲ့
အောက်ပိုင်းသေသွားတာမျိုးအထိ
ဖြစ်စေနိုင်တာကြောင့် သေချာလေး
ဂရုစိုက်စေချင်ပါတယ် ရှင် ။



Dr THW …
Crd

ကျန်းမာရေးနဲ့အညီညွတ်ဆုံး အစားအစာ များ

ကမ္ဘာပေါ်မှာ ကျန်းမာရေးနဲ့အညီညွတ်ဆုံး အစားအစာအများစုဟာ သာမန်မီးဖိုချောင် သုံး ဟင်းသီးဟင်းရွက်များမှ ရရှိနိုင်တဲ့ ဗီတာမင်၊ သတ္ထုဓာတ်နဲ့အာဟာရဓာတ်တွေ ကြွယ်ဝတဲ့ စားသောက်စရာများ ဖြစ်ပါ တယ်။

ရှောက်သီး
ရှောက်သီးတစ်လုံးမှာ ဗီတာမင်စီဓာတ် ၁၀၀ ရာခိုင်နှုန်းအထက် ပိုမိုပါဝင်ပြီး ခန္ဓာကိုယ်အတွက် အကျိုးပြုတဲ့ HDL ကို လက်စထရော ပမာဏကို မြှင့်တင်ပေးနိုင်ပြီး အရိုးအဆစ်တွေ ကြံ့ခိုင်သန်မာစေပါ တယ်။
ရှောက်သီးမှာ ပါဝင်တဲ့ flavonoid ဓာတ် တစ်မျိုးက ကင်ဆာဆဲလ်တွေကြီးထွားမှုကို တားဆီးပေးနိုင်ကာ ရောင်ရမ်းနာကျင်ခြင်း ကိုလည်း တိုက်ဖျက်ပေးနိုင်ပါတယ်။

ပန်းဂေါ်ဖီစိမ်း
ပန်းဂေါ်ဖီစိမ်း ရိုးတံတစ်ခုမှာ ဗီတာမင် ကေဓာတ် ရဲ့ ၁၀၀ ရာခိုင်နှုန်း နှင့် ဗီတာမင် စီဓာတ် ၂၀၀ ရာခိုင်နှုန်းလောက် ပါဝင်ပါ တယ်။

ထိုဗီတာမင်ဓာတ်နှစ်မျိုးလုံးဟာ အရိုး အဆစ်တွေကိုသန်မာစေတဲ့အာဟာရဓာတ် တွေ ဖြစ်ကာ၊ ကင်ဆာဆဲလ်တို့ကြီးထွားမှု ကို ရပ်တန့်နိုင်ပါတယ်။

နို့မပါဝင်တဲ့ ချောကလက်အနက်
ချောကလက်အနက်စားပေးခြင်းက သွေးပေါင်ချိန်ကို ထိန်းညှိပေးပါတယ်။

ကိုကိုးမှုန့်မှာ ပါဝင်တဲ့ flavonoid (ဖလေ ဗာနွိုက်) နှင့် anti-oxidiants များ ကြွယ်ဝ ခြင်းကြောင့် မကောင်းတဲ့ LDL ကိုလက်စထ ရောတွေကို လျှော့ချပေးနိုင်ကာ HLD ကို လက်စထရောပမာဏကို မြင့်တက်စေပါ တယ်။

အာလူး
အာလူးတစ်ဥမှာ သွေးနီဥဆဲလ်တွေကို ထုတ်လုပ်ရာမှာ လိုအပ်တဲ့ ဖော်လစ် အက်စစ် ၆၆ မိုက်ခရိုဂရမ်ပါဝင်ပြီး အာလူး နွယ်ဝင် ကန်စွန်းဥမှာတော့ ကင်ဆာကိုတိုက် ဖျက်နိုင်ကာ၊ ခန္ဓာကိုယ်ရဲ့ ခုခံအားကို မြှင့် တင်ပေးနိုင်တဲ့ ဗီတာမင်အေဓာတ်တစ်နေ့ တာ လိုအပ်တာထက် ရှစ်ဆ ပိုမိုပါဝင်ပါ တယ်။

နှလုံးနဲ့ သွေးကြောရောဂါတွေ မဖြစ်ပွား အောင် ကာကွယ်နိုင်ပြီး ကာဗိုဟိုက်ဒရိတ်၊ ပရိုတင်း၊ ကယ်လ်ဆီယမ်၊ နိုင်ယာစင်၊ ဗီတာမင်စီ နဲ့ ဗီတာမင်ဘီ အုပ်စု စတာတွေ ကြွယ်ဝစွာ ပါဝင်တယ်။

ဆယ်လ်မွန်ငါး
Omega-3 fatty acid : မျိုးဖြစ်ပြီး စိတ်ဓာတ်ကျခြင်း၊ နှလုံးရောဂါ နဲ့ကင်ဆာဖြစ်နိုင်ခြေတို့ကို လျော့ကျစေပါ တယ်။

သစ်ကြားသီး
အခွံမာသီးတွေထဲမှာ သစ်ကြားသီးက omega-3 fatty acid အကြွယ်ဝဆုံးဖြစ်ပြီး Omega-3 acid ဟာ ကင်ဆာကို တိုက်ဖျက် နိုင်သလို နေရောင်ခြည်ကြောင့်ပျက်စီးမှုကို လည်း ကာကွယ်ပေးနိုင်ပါတယ်။

ထောပတ်သီး
ကျန်းမာရေးနဲ့ညီညွတ်တဲ့အဆီဓာတ် တွေပါရှိပြီး ကိုလက်စထရောပမာဏကို ၂၂ ရာခိုင်နှုန်းအထိ လျှော့ချ ပေးနိုင်ပါတယ်။

ထောပတ်သီးတစ်လုံးမှာ ဖော်လစ်အက် *** ဆစ် ၄၀ ရာခိုင်နှုန်းလောက်ပါဝင်ကာ နှလုံးရောဂါရနိုင်ခြေကိုလည်း နည်းစေပါ တယ်။

ကြက်သွန်ဖြူ
ကြက်သွန်ဖြူကတော့ အစာ အဆိပ်သင့်ပိုး E.coli စတဲ့ ဘက်တီးရီးယား ကြီးထွားမှုကို ဟန့်တားပေးနိုင်သလို ကို လက်စထရောနဲ့သွေးပေါင်ချိန်တို့ကိုလည်း ကျစေနိုင်ပါတယ်။

ဒေါက်ခွ
ဒေါက်ခွရွက်မှာ မျက်စိကျန်းမာရေးကို ကောင်းစေတဲ့ Lutein နဲ့zeaxanthin ဆိုတဲ့

anti-oxidants နှစ်မျိုး ပါဝင်ကာ ကင်ဆာကို တိုက်ဖျက်နိုင်ပါတယ်။

ပဲအမျိုးမျိုး
ပဲတောင့်ရှည်မျိုးနွယ်တွေဖြစ်တဲ့ ပဲနီကလေး၊ ပဲစိမ်းတောင့်တွေကို တစ်ပတ် လေးကြိမ်စားပေးခြင်းဖြင့် နှလုံးရောဂါ ဖြစ် နိုင်ခြေကို၂၂ ရာခိုင်နှုန်း လျော့ကျစေပါ တယ်။
ရင်သားကင်ဆာဖြစ်နိုင်ခြေကိုလည်း လျော့ကျစေနိုင်ပါတယ်။

Special Noted

✅ကျန်းမာရေး ကောင်းမွန်ဖို့ နေ့စဉ် ဆောင်ရန်နဲ့ ရှောင်ရန်များ
———————
၁ ။ ရေခဲရေနဲ့ ဆေးမသောက်ပါနဲ့။

၂ ။ ညနေ ၅ နာရီနောက်ပိုင်း အစာပမာဏများများ မစားပါနဲ့။

၃ ။ မနက်ပိုင်းမှာ ရေများများသောက်ပြီး ညပိုင်းရေလျှော့သောက်ပါ။

၄ ။ ည ၁၀ နာရီမှ မနက် ၄ နာရီအထိက အိပ်ဖို့ အကောင်းဆုံး အချိန်ပါ။

၅ ။အစာစားပြီးပြီးချင်း မလဲလျောင်းလိုက်ပါနဲ့။

၆ ။ဘယ်ဖက်နားနဲ့ ဖုန်းလက်ခံပြောပါ။

၇ ။ ဖုန်းဘက်ထရီက ၁၀ % ထက် လျော့နည်းနေရင် ဖုန်းမပြောပါနဲ့တော့။ ဓာတ်ရောင်ခြည်သင့်နိုင်ပါတယ်။

၈ ။ မနက်စာကို မစားပဲမနေ့ပါနဲ့။ သင့်တစ်နေ့တာအတွက် လောင်စာဖြည့်ပေးနိုင်တာကြောင့်ပါ။

၉ ။ အစာစားပြီးပြီးချင်း လက်ဖက်ရည် ဒါမှမဟုတ် ကော်ဖီ မသောက်ပါနဲ့ ။

၁၀ ။ နေ့စဉ် အနည်းဆုံး မိနစ် ၃၀ လောက် နေရောင်ခြည်နဲ့ ထိတွေ့ပါ။

၁၁ ။ အမှောင်ထဲမှာ အချိန်အကြာကြီး ဖုန်းအသုံးမပြုပါနဲ့။

၁၂ ။ တစ်နာရီကြာ ထိုင်ပြီးတိုင်း သင့်ခန္ဓာကိုယ်ကို ဆွဲဆန့်လေ့ကျင့်ခန်းပြုလုပ်ပါ။

၁၃ ။ သင့်အကြားအာရုံကို ကာကွယ်ဖို့ နားကျပ်ကို အသံအကျယ်ကြီး မဖွင့်ပါနဲ့ ။

၁၄ ။ အစာစားနေစဉ်အတွင်း ရေများများ မသောက်ပါနဲ့ ။

၁၅ ။ သင်အိပ်နေစဉ် သင့်ဖုန်းကို သင့်ဦးခေါင်းနဲ့ ဝေးဝေးမှာ ထားထားပါ။

၁၆ ။ သစ်သီးဝလံတွေကို အစာအိမ်မ်ထဲ အစားအစာမရှိတဲ့အချိန်မှာ စားသုံးပါ။ ထမင်းစားပြီး စားရမှာ မဟုတ်ပါဘူး။

၁၇ ။ အစာခြေမှု ကောင်းမွန်ဖို့ အစားအစာကို ဖြည်းဖြည်းချင်း ဝါးစားပါ။

၁၈ ။ အကြော်ကြော်ပြီးသားဆီတွေကို ဟင်းချက်ဖို့ ပြန်လည် အသုံးမပြုပါနဲ့။ ဒုက္ခပေးနိုင်ပါတယ်။

၁၉ ။ နေ့ခင်းပိုင်းမှာ ရေဓာတ်ပြည့်ဝအောင်နေပါ။ အထူးသဖြင့် ပူအိုက်တဲ့ရာသီ မှာပါ။

☘️အကြံပေးချက်အနေဖြင့်-ကျန်းမာရေးတွက်ဖော်ပြပါအချက်များအတိုင်းလိုက်နာမှတ်သားပေးဖို့အကြံပြုပါတယ်။

အားလုံးကျန်းမာကြပါစေ။
ဒေါက်တာခင်မိုးမိုး

ဇက်ကြောတက်တာ၊ အကြောတွေထုံးပြီး ကိုယ်လက်မအီမသာဖြစ်တာတွေဟာ လူအတော်များများ ခံစားနေရတဲ့ "သွေ;ပျစ်ခြင်း" ရဲ့ လက္ခဏာတွေပဲ ဖြစ်ပါတယ်။ ငွေကုန်ကြေးကျလည်းသက်သာပြီး သဘာဝအတိုင်း (၂၁) ရက်အတွင်း သိသိသာသာ သက်သာပျောက်ကင်းစေမယ့် နည်းလမ်းကောင်းလေးတစ်ခုကို မျှဝေပေးချင်ပါတယ်ရှင်။
သွေးပျစ်တဲ့အခါ ဇက်ကြောထိုးတာတင်မကဘဲ တစ်ကိုယ်လုံးက အကြောတွေတက်ပြီး နေရထိုင်ရ အတော်လေး ခက်ခဲတတ်ပါတယ်။ ဆေးရုံ၊ ဆေးခန်းပြပြီး သွေးထုတ်ရမယ့်အဆင့်ထိ ဖြစ်လာရင်တော့ ငွေကြေးအကုန်အကျများသလို လူလည်း တော်တော်လေး ပင်ပန်းရပါတယ်။ ဒါပေမဲ့ မစိုးရိမ်ပါနဲ့ဦးရှင်။ ကျွန်မတို့ ပတ်ဝန်းကျင်မှာ အလွယ်တကူ ရှာဖွေရရှိနိုင်တဲ့ ဆေးဖက်ဝင်အပင်တွေနဲ့ ဘေးဥပါဒ်မရှိ ကုသနိုင်မယ့် နည်းလမ်းလေး ရှိပါတယ်။
ဒီနည်းလမ်းဟာ ဆရာကြီးသာဂဒိုးရဲ့ ဆေးမြီးတိုစာအုပ်မှ ထုတ်နုတ်ထားတာဖြစ်ပြီး လက်တွေ့အသုံးပြုသူတွေလည်း ထိရောက်မှုရှိတယ်လို့ ဆိုကြပါတယ်ရှင်။
🌿 လိုအပ်မယ့် ဆေးဖက်ဝင်အပင်များ
• ကန်ဇွန်းရိုးအနီ (အဖြူမဟုတ်ဘဲ အရိုးအနီရောင်ကိုသာ သုံးရပါမည်) - လက်တစ်ဆုပ်စာခန့်
• စူလာနဖာပင် - အနည်းငယ်
☕ ပြုလုပ်ပုံနှင့် သောက်သုံးနည်း
1. ကန်ဇွန်းရိုးအနီ ပြုတ်ရည်စပ်နည်း
• ကန်ဇွန်းရိုးအနီရဲ့ အရွက်တွေကို ဖယ်ရှားပြီး အရိုးသီးသန့်ကို ရေစင်အောင် ဆေးကြောပါ။
• ၎င်းအရိုးများကို ရေဖြင့် ပွက်ပွက်ဆူအောင် ကြိုချက်ပြီး နေ့စဉ် ပုံမှန် သောက်သုံးပေးပါ။
2. စူလာနဖာပင် အသုံးပြုနည်း
• စူလာနဖာပင်ကိုလည်း အလားတူ ရေစင်အောင်ဆေးကာ ရေနွေးဖြင့် ဆူအောင်ပြုတ်ပြီး ကဇွန်းရိုးအနီပြုတ်ရည်နှင့်အတူ တွဲဖက်သောက်သုံးပေးရပါမည်။
💡 အကြံပြုချက်
ဒီသဘာဝဆေးနည်းအတိုင်း (၂၁) ရက်တိတိ မှန်မှန်လေး သောက်သုံးပေးသွားမယ်ဆိုရင် ဝေဒနာတွေ သိသိသာသာ သက်သာပျောက်ကင်းသွားတာကို ခံစားရပါလိမ့်မယ်။

Crdcrd

အတွေးမများဘဲ အိပ်ပျော်အောင် အိပ်လိုက်နော်
🥰🥰🥰🥰 အတိတ်ကအမှားတွေ နောင်တရစရာတွေက ဘယ်လောက်ပဲတွေးတွေး ဘယ်လောက်ပဲ အိပ်ရေးပျက်နေပါစေ ပြန်ယူလိုမရတော့ဘူး
မနက်ဖြန်အတွက်ပဲ အားယူပြီး ဒီနေ့တော့ အိပ်ပျော်အောင်အိပ်လိုက်နော်
🥰🥰
Special Noted

☘️ကြုံတွေ့လေ့ရှိသော ခန္ဓာကိုယ်တွင်း ရောင်ကိုင်းခြင်း၏ သင်္ကေတများ ——-

🌟ခန္ဓာကိုယ် နာကျင်ကိုက်ခဲနေခြင်း
🌟အဆစ်တွေ နာကျင်နေခြင်း
🌟 အသားတွေ နာကျင်နေခြင်း
🌟အမြဲလိုလို နွမ်းလျနေခြင်း
🌟အိပ်မပျော်ခြင်း
🌟စိတ်ဓာတ်ကျဆင်းနေခြင်း
🌟ပူပင်သောက များနေခြင်း
🌟စိတ်ခံစားမှု ပြောင်းလဲနေခြင်း
🌟ဝမ်းချုပ်/ ဝမ်းလျော
🌟ရင်ပူရင်ပြည့်နေခြင်း
🌟ကိုယ်အလေးချိန်အတက်/အကျ ရှိနေခြင်း
🌟မကြာခဏ နေထိုင်မကောင်းဖြစ်ခြင်း

✅ရောင်ကိုင်းခြင်းဟာ နာတာရှည်ရောဂါမျိုးစုံရဲ့ အခြေခံပါပဲ။

☘️ ခန္ဓာကိုယ် ရောင်ကိုင်းရခြင်းအကြောင်းများ
🌟သကြားဓာတ်များနေခြင်း
🌟ပတ်ဝန်းကျင်အဆိပ်မျိုးစုံ
🌟ပိုးမွှားမျိုးစုံ
🌟 ဟင်းသီးဟင်းရွက်မှာ ပါနေသည့် Oxalates
🌟Autoimmune ရောဂါမျိုးစုံ ( အူလမ်းကြောင်းနံရံ ယိုစိမ့်မှု ) စသည်ဖြင့် ဖြစ်ပါတယ်။

“Hypothyroidism မှာ ကလာပ်စည်းတွေ ရောင်ကိုင်းခြင်းဖြစ်ပြီး ဇီဝဖြစ်စဉ်ပြဿနာမျိုးစုံ / ကင်ဆာရောဂါတွေပါ လက်တွဲလိုက်ပါလာနိုင်ပါတယ်

☘️ခန္ဓာကိုယ်ရောင်ကိုင်းခြင်းကို ပြောကြရာမှာ —-

သကြားအကြောင်း/ homocysteine အကြောင်း / seed oils / vegetable oils တွေ စသည်ဖြင့်ကိုတော့ ပြောနေကြပြီး ဟင်းသီးဟင်းရွက်မှာ ပါနေသည့် Oxalates တွေအကြောင်းကို ထည့်ပြောလေ့မရှိကြပါ။
စဉ်းစားစရာပါပဲ။
လောကမှာ အကောင်းချည်းဆိုတာ မရှိဘူးလေ။

အမှန်ကတော့ Oxalates crystal တွေဟာ အူလမ်းကြောင်း ယိုစိမ့်ခြင်းကို ဖြစ်စေတတ်ပါတယ်။
Leaky gut ပါပဲ။
Autoimmune ရောဂါတွေ ဖြစ်လာဖို့ trigger ထဲမှာ အကြောင်းတစ်ပါးအနေနဲ့ ပါဝင်နေပါတယ်။
Autoimmune ရောဂါရှင်တွေ သတိပြုဖို့အချက်ပါ။

Vitamin B6 ကိုလဲ လျော့နည်းစေတတ်တာမို့ ပြဿနာဖြစ်ပြန်ပါတယ် ။
B6 ဓာတ် လျော့နည်းသွားပြန်ရင် ခန္ဓာကိုယ်ရောင်ကိုင်းစေတတ်သော homocysteine ဓာတ် တက်လာပြန်ပါတယ်။

ကြိုးစားနေပေမဲ့ ရောဂါမှ သက်သာမှုမရရင် Oxalate ပမာဏများသည့် ဟင်းသီးဟင်းရွက်တွေကို အချိန်ပိုင်းအတွင်း ရှောင်ကြည့်လိုက်ရင် အရှုံးမရှိနိုင်ပါ။

သွေးကြောအတွင်းနံရံမှာ ကြေးတွေပိတ်ဆို့လာတယ်ဆိုရာမှာလည်း အဓိကအကြောင်းက
သွေးကြောအတွင်းနံရံရောင်ကိုင်းခြင်းနဲ့ အစချီတာ ဖြစ်ပါတယ်။

ရောင်ကိုင်းနေတဲ့သွေးကြောနံရံမှာ လာကပ်ကြတာက
ဥပါဒ်ပေးအဆီ ( ပျော့တဲ့သဘော )
ကျောက်မှုံများ ( အထူသဖြင့် oxalate crystals ) မာတဲ့သဘော
ကလာပ်စည်းအပျက်များ
Fibrin စသည်ဖြင့် ဖြစ်ပါတယ်။
သွေးကြောတွေ ကျစ်ကုန်တယ်ဆိုရာမှာလည်း အမာဓာတ်ရှိတာ oxalate crystals တွေ ဖြစ်ပါတယ်။
အဆီရဲ့သဘာဝက ပျော့ပြောင်းတယ်မဟုတ်ပါလား?

ရှုထောင့်တစ်မျိုးကနေ စဉ်းစားကြည့်ဖို့ တင်ပြနေခြင်းသာ ဖြစ်ပါတယ်
သတိရှိကြစေချင်ပါတယ်။

အစာလမ်းကြောင်းဟာ အလွန် အရေးကြီးတယ်ဆိုတာ သတိထားမိကြမယ်လို့ ထင်ပါတယ်။

ရုပ်တရားဖြစ်ကြောင်းလေးပါးမှာ အာဟာရကလဲ ပါနေတယ်နော်။
ဗဟိဒ္ဓဩဇာဟာ ( ပြင်ပမှ အာဟာရ ) တွေဟာ ခန္ဓာကိုယ်တွင်းရှိ အဇ္ဈတ္တဩဇာနဲ့ ပေါင်းပြီးမှ အာဟာရဇရုပ်ဆိုတာ ဖြစ်လာတာပါနော်။
ကောင်းမွန်ကျန်းမာတဲ့ အာဟာရဇရုပ် ဖြစ်ဖို့ အစာလမ်းကြောင်းပါ ကျန်းမာနေဖို့ အရေးကြီးပါတယ်။
ပြင်ပမှ လာတဲ့ အာဟာရတစ်မျိုးတည်းနဲ့ အလုပ်မဖြစ်ပါ။

ခန္ဓာကိုယ် ခုခံအားတွေ ၈၀% တွေ ရှိနေတဲ့ နေရာလည်း ဖြစ်တယ်။

ပိုးမွှားမျိုးစုံ ရှိရာနေရာလည်း ဖြစ်တယ်။

အပြင်လောကနဲ့ ခန္ဓာကိုယ်နဲ့ တိုက်ရိုက် ဆက်သွယ်နေရတဲ့နေရာဆိုလည်း မမှားနိုင်ပါ။

ဒီလောက်အရေးကြီးတဲ့အလုပ်တွေ လုပ်နေရတာဖြစ်နေတာကြောင့်သူ့ကို ကျန်းမာနေအောင်ထားနိုင်ပါမှ ဟန်ကျနိုင်ပါလိမ့်မယ်။

ဒီတော့ အစာစားတဲ့အခါမှာ သတိထား ဂရုစိုက်ရပါလိမ့်မယ်။
ရသတဏှာကို ဦးစားပေးပြီးစားရင် ရေရှည်မှာ ဒုက္ခဖြစ်ဖို့များပါတယ်။
တွေ့သမျှအစာတွေ အကုန်စားမယ်ဆိုရင် ပိုးမွှားတွေကလဲ စုံလှပါတယ်။
ပိုးမွှားမျိုးစုံဝင်ရာ အပေါက်လဲ ဖြစ်နေလို့ပါ။
ဥပါဒ်ပေးမဲ့ ပိုမွှားတွေ စားမိရင် အော့အန်တာ ဝမ်းလျောတာတွေ ချက်ချင်းကို ဖြစ်တယ် မဟုတ်ပါလား။ အစာလမ်းကြောင်းက ဆန္ဒ ပြပြီလေ။
အစာလမ်းကြောင်းနေမကောင်းရင် သိသာလှပါတယ်။ မအီမသာနဲ့ နေလို့ မကောင်းတော့ပါ။

အစာလမ်းကြောင်းကို ဒုက္ခပေးတာ processed foods စက်ရုံမှ ပြုပြင်ပြီး အစားအသောက်တွေဆိုတာလည်း မမေ့လိုက်ကြပါနဲ့။
Processed foods အများဆုံးစားတဲ့လူတွေဟာ အစာလမ်းကြောင်း ကျန်းမာရေး မကောင်းသူတွေ ဖြစ်ဖို့ များပါတယ်။
Processed foods အစားနည်းလေ အစာလမ်းကြောင်း ပြဿနာ လျော့နည်းလေပါပဲ။

Autoimmune ရောဂါမျိုးစုံရဲ့ ဖြစ်ရာ အစလည်း ဖြစ်နေပြန်ပါတယ်။

အစာလမ်းကြောင်း ကျန်းမာရေးကို ဂရုစိုက်ဖို့ အရေးကြီးပါတယ်။

☘️အူကျန်းမာရေး ကောင်းရအောင် ——-

၁.ပြုပြင်ပြီး အစားအသောက်ကို ရှောင်နိုင်ရင် ကောင်းပါတယ်။

၂.အစားအသောက် ရွေးချယ်သည့်အခါမှာလည်း အစာကျေနိုင်ခဲသည့် အစားအသောက်ကို ရှောင်နိုင်ရင် ကောင်းပါတယ်
Bioengineered foods
ဗီဇပြောင်း အစားအသောက်များ

၃.အစာချေရည် လုံလုံလောက်လောက် ရှိဖို့လိုပါတယ်။
Stomach acid လုံလုံလောက်လောက် ရှိပါမယ်
အခြားအစာချေ enzymes များလုံလုံလောက်လောက် ရှိပါမယ်။
မရှိရင် ဖြည့်ပေးပါ။

၅.အူလမ်းကြောင်းရှိပိုးများ ဟန်ချက်ညီနေဖို့ လိုပါတယ်။

၆.အူနံရံ သိပ်သိပ်သည်းသည်း ရှိနေရပါမယ်။
ယိုစိမ့်မှုများ မဖြစ်ရလေအောင် အထက်ဖော်ပြပါ အချက်များကို ဂရုပြုပါ။
ယိုစိမ့်မှု ဖြစ်နေရင် ပထဝီဓာတ်ဖြင့် ပြန်ပြင်ယူပါ။
Collagen/ Glycine

၇.အူလမ်းကြောင်း ရောင်ကိုင်းစေနိုင်မည့် အကြောင်းများကိုရှောင်ပါ။

ToAbetterHealth
#အူလမ်းကြောင်းကောင်းအောင်

#ကျန်းမာရေးဗဟုသုတများရယူနိုင်ကြပါစေ

လေဖြတ်ဝေဒနာကြောင့် စကားပြောတဲ့အခါ ဗလုံးဗထွေးဖြစ်ပြီး အခက်တွေ့နေရသူတွေအတွက် လက်တွေ့ထိရောက်တဲ့ ဆေးနည်းကောင်းတစ်ခုကို ပြန်လည်မျှဝေပေးလိုက်ပါတယ်။ မိဘဆွေမျိုးတွေနဲ့ မိတ်ဆွေတွေထဲမှာ ဒီလိုဝေဒနာ ခံစားနေရသူတွေကို မြင်ရတဲ့အခါ စိတ်မကောင်းဖြစ်ရတာ အမှန်ပဲဖြစ်ပါတယ်။
ကျွန်တော်တို့လည်း မိတ်ဆွေတစ်ယောက် လေဖြတ်လို့ သွားရောက်အားပေးတဲ့အခါ သူက စကားတွေအများကြီး ပြောချင်ပေမဲ့ ပီပီသသ မပြောနိုင်တာကိုတွေ့ပြီး စိတ်မကောင်းဖြစ်ခဲ့ရပါတယ်။ ဒါပေမဲ့ နောက်တစ်ကြိမ် ထပ်သွားတဲ့အခါမှာတော့ အရင်ကနဲ့မတူဘဲ စကားသံတွေ ပီသကွဲပြားလာပြီး အပြောလည်း တော်တော်လေး သွက်လာတာကို တွေ့လိုက်ရပါတယ်။ ဒါနဲ့ ဘယ်လိုကုသလဲလို့ မေးမြန်းရာကနေ ဒီဆေးနည်းလေးကို သိရှိခဲ့ရတာပါ။

လိုအပ်သောဆေးနည်း (သပွတ်ခါးသီး)
၁။ သပွတ်ခါးသီးကို (တောအရပ်ဒေသများမှ) အတော်အသင့် ရှာဖွေဝယ်ယူပါ။
၂။ လူတစ်ယောက် အဆင်ပြေပြေ မတ်တပ်ရပ်နင်းနိုင်မယ့် ကျယ်ဝန်းတဲ့ စဉ့်အင်တုံထဲမှာ ဆား (၁၀) သားကို အောက်ကခင်းပါ။
၃။ ဆားပေါ်ကနေ သပွတ်ခါးသီးစိမ်း (၁၀) လုံးကို တင်ထားပါ။
၄။ မတ်တပ်ရပ်ပြီး နင်းနိုင်တဲ့သူတွေအနေနဲ့ နေ့စဉ် မနက်တစ်ကြိမ်၊ ညနေတစ်ကြိမ် (သပွတ်ခါးသီး အမြှုပ်ထွက်လာတဲ့အထိ) နင်းပေးရပါမယ်။ ဒီလိုနင်းပေးခြင်းဖြင့် စကားပြန်လည် ပီသလာတာ ဖြစ်ပါတယ်။

အိပ်ရာထဲ လဲနေသူများအတွက် ကုသနည်း
မတ်တပ်မရပ်နိုင်ဘဲ အိပ်ရာထဲ လုံးဝလဲနေတဲ့ ဝေဒနာရှင်တွေအတွက်ကတော့ သပွတ်ခါးသီးကို အမြှုပ်ထအောင် အရင်လုပ်ပြီးမှ၊ အဲဒီ သပွတ်ခါးအမြှုပ်နဲ့ ဆားရောစပ်ထားတာကို ခြေဖဝါး၊ လက်ဖဝါးတွေမှာ ပွတ်တိုက်ပေးရမှာ ဖြစ်ပါတယ်။
ဒီလိုလုပ်ပေးခြင်းဖြင့် သပွတ်ခါးရဲ့ အခါးဓာတ်ဟာ ပါးစပ်အထိ ရောက်ရှိသွားပြီး စကားပြော ပြန်လည်ပီသလာစေတယ်လို့ ဆိုပါတယ်။
လေဖြတ်ဝေဒနာကြောင့် စကားမပီသဖြစ်နေသူများအားလုံး သပွတ်ခါးနင်းတဲ့နည်းဖြင့် အမြန်ဆုံး ပြန်လည်စကားပြောနိုင်ကြပါစေကြောင်း ဆုမွန်ကောင်းတောင်းအပ်ပါသည်။

MON SOUNG
Crd

☘️☘️ကင်ဆာ၊ဆီးချို၊သွေးတိုး၊နာတာရှည်ရောဂါများ ကာကွယ်နိုင်ရန်အတွက်-

ဆရာမကြီး ၏ကျန်းမာရေးပညာပေးဟောပြောပွဲမှကောက်နှုတ်ချက်များ-

လူတွေဟာ သွေးတိုး၊ဆီးချို၊လေဖြတ်၊ကင်ဆာ၊
Bပိုး၊Cပိုးစတဲ့ရောဂါအမျိုးမျိုး တွေနဲ့ ဆေးကုကြရ၊ ငွေကုန်ကြေးကျများနေကြခြင်းရဲ့အကြောင်းရင်း ဖြစ်တဲ့ ကိုယ်ခံအားကောင်းအောင် မပြုပြင်ကြပဲအကျိုးဖြစ်တဲ့ ရောဂါကိုသာ ကုသ နေကြတာ တွေ့ရပါတယ်။ဒါတွေကို မိမိဖာသာ အစားအသောက် အနေအထိုင်ပြုပြင်ရင် ငွေကုန်ကြေးကျ မများပဲ ပိုမိုကျန်းမာသက်ရှည်တဲ့ ဘဝတွေကို ပိုင်ဆိုင်နိုင်မှာဖြစ်ပါတယ်။

အန္တရာယ်မဖြစ်စေနိုင်တဲ့နည်းလမ်းတွေဖြစ်တာကြောင့် ကိုယ်တိုင်လေ့လာ စမ်းသပ် ကြည့်ကြဖို့ တိုက်တွန်း ချင်ပါတယ်။

☘️☘️အရေးတကြီးသိမှတ်ရန်-

ကင်ဆာ၊ဆီးချို၊သွေးတိုး၊နာတာရှည်ရောဂါများ
ကာကွယ်နိုင်ရန်အတွက်-

(၁) ခန္ဓာကိုယ်တွင်းဓာတ်တိုးခြင်း(=သံချေးတက်ခြင်း=Oxidation) မဖြစ်အောင်နေရမည်။
☘️ကင်ဆာဆဲလ်များသည်အက်ဆစ်ဓာတ်နှင့် အချိုဓာတ်တွင် ပိုပွားနိုင်သဖြင့် ခန္ဓာကိုယ်ကို အက်ဆစ်ဓာတ်မဖြစ်အောင် နေရမည်။အချိုရှောင်ရမည်။
(၂) ခုခံအားကောင်းအောင် အစားအသောက် ၊ အနေအထိုင် ပြုပြင်ရမည်။
(၃) အကျိုးဝေဒနာကို ကုသရင်းနဲ့အကြောင်းရင်းကို လည်း ရှာကုရမည်။
(၄) အဆိပ်အတောက်များ၏ ပေါင်းခြင်း (အဆိပ် ၁+၁+၁+၁) သည် အဆိပ် ၄ မကပဲ အဆိပ် ၄၀ဖြစ်သွားနိုင်သည်။
(၅) မည်သည့်အချိန်မဆို ပြုပြင်လျှင် နောက်မကျသေးပါ။ အချိန်မီပါသေးသည်။
(၆) အသက်ရှည်ခြင်း၏ သော့ချက်သည်
အစားနည်းခြင်း၊ချင့်ချိန်စားခြင်း ဖြစ်သည်။
(၇) အစားအသောက်သည် အခြေခံကြမ်းခင်း
နှင့်တူ၍ Vitaminsနှင့် Supplements များသည်အမိုးအကာနှင့်တူသည်။ အားလုံး လုံပါမှ ပတ်ဝန်းကျင်မှ airpollution ,waterpollution,carcinogen စသော အဆိပ်အတောက်များ၏ဒဏ်ကို ခံနိုင်မည်။

☘️☘️ရှောင်ရန်-

(၁) ကွမ်းယာဝါးခြင်းရှောင်ပါ။ (ခံတွင်းကင်ဆာ ၊ လျှာကင်ဆာ ၊ သွားဖုံးရောဂါ ၊ရေစီးကမ်းပြိုရောဂါမှတဆင့် ဦးနှောက်ယောင် ၊ နှလုံးရောဂါထိဖြစ်နိုင်သည်။)

(၂) အစားအသောက်ပူပူများကို ပလပ်စတစ်ကြွပ်ကြွပ်အိတ်နှင့်ထည့်ခြင်းရှောင်ပါ။(ကင်ဆာဖြစ်စေနိုင်ပါသည်)

(၃) လက်ဖက်ရွက်အရင့် (Black Tea) ဖြင့် ပြုလုပ်သော လက်ဖက်အကြမ်းခြောက် ၊အချိုခြောက်များရှောင်ပါ။(အရွက်ရင့်သည် မြေထဲမှ အဆိပ်ဓာတ်များကိုစုပ်ယူထားသောကြောင့်)
လက်ဖက်ခြောက်ကို Green Tea (မနုမရင့်) သို့မဟုတ် White Tea (အနု) ကိုသာသုံးရန်။

(၄) လက်ဖက်ရည်ချိုပူပူကို ကြွပ်ကြွပ်အိတ်ထဲထည့်လျှင်
Black Tea + အချို + ဆိုးဆေး + အလူမီနီယမ်ဘူးဖြင့် ထည့်ထားသော နို့ဆီတို့သည်အဆိပ်အတောက်များဖြစ်၍ ဆတိုး ဒုက္ခပေးနိုင်ပါသည်။

(၅) Ready Made ခေါက်ဆွဲခြောက်ထုပ်များရှောင်ပါ။ (သုံးပြီးဆီ ၊အချိုမှုန့်များ သုံးထားတတ်သောကြောင့်)
အထူးသဖြင့် ဆီချေးစော်နံလျှင် Oxidized ဖြစ်ထားပြီဖြစ်သောကြောင့်လုံးဝမစားပါနှင့်။

(၆) ပလပ်စတစ်ရေသန့််ဗူးကို နေပူပူထဲမထားရ။ ပူနေသောကားထဲမှ ရေသန့်ဗူးရေကိုမသောက်သင့်တော့ပါ။(ကင်ဆာဖြစ်နိုင်သည်)ဖန်ပုလင်းဖြင့်သာ ရေထည့်သောက်ပါ။

(၇) Preserved Food ( ကြာရှည်ခံအောင်လုပ်ထားသောအစာ) များကိုရှောင်ပါ။

(၈) ဝက်အူချောင်းစားခြင်းရှောင်ပါ။ (၀က်အူချောင်းလုပ်ရာတွင် သုံးသောယမ်းစိမ်း = Nitrate သည်သွေးကင်ဆာ Leukemia ဖြစ်စေနိုင်သည်။)

(၉) M.S.G = Natural Flavouring = Hydrolized Protein = အချိုမှုန့် အတူတူဖြစ်ပါသည်။
အစားအသောက်များတွင် အချိုမှုန့်အမည်ကွဲအမျိုးမျိုး သုံးထားတတ်သည်။ယင်းအမည်များပါလျှင် ရှောင်ပါ။

(၁၀) Coffeemix များ သောက်ခြင်းရှောင်ပါ။

(၁၁) အချိုစာ ၊ ထမင်း ၊ ကာဘိုဟိုက်ဒရိတ်များ လျှော့စားပါ။

(၁၂) Cholesterol lowering agents
ကိုလက်စထောချသော ဆေးများ အလွန်အကျွံမသောက်ပါနှင့်။(Cholesterol 120 mg/dl အောက် မချပါနှင့်။ ဦးနှောက်၏ ၆၀% သည် ကိုလက်စထောများဖြစ်သည်၊ကိုလက်စထောထုတ်လုပ်မှု ပိတ်လျှင် CoQ10လည်း မထုတ်နိုင်သောကြောင့် HeartFailure ဖြစ်နိုင်သည်၊Alzeimer’s disease ဖြစ်နိုင်သည်၊ခန္ဓာကိုယ်တွက် အရေးကြီးသောဟော်မုန်းများလည်း မထုတ်နိုင်ပါ။)ဆီးချိုထိန်းဆေး၊သွေးတိုးကျဆေး၊အတက်ရောဂါထိန်းဆေး(Anti convulsants) တို့ကိုမဖြစ်မနေသောက်ရန် လိုအပ်လျှင် Co Q10 နှင့် တွဲသောက်ပါ။

(၁၃) ငရုပ်မှို ၊ မြေပဲမှိုများသည် အသည်းကင်ဆာဖြစ်စေနိုင်ပါသည်။ ရေဆေးခြင်း ၊ဆီပူထိုးခြင်းဖြင့် ပျောက်မသွားနိုင် သောကြောင့် မှိုတက်သောအစာဆိုလျှင်လုံးဝမစားပါနှင့်။

(၁၄) ရင်သားဓာတ်မှန် Mammogram ရိုက်တိုင်း ရင်သားကင်ဆာဖြစ်စေနိုင်ခြေ 1-3%တိုးပါသည်။ Radiation Hazard ရှိ၍ မလိုအပ်ပဲ မကြာခဏ ဓာတ်မှန်ရိုက်ခြင်း ရှောင်ပါ။(မိသားစုထဲတွင် ကင်ဆာရှိ၍ မကြာခဏ စစ်ဆေးရန်လိုလျှင် Anti-Oxidants များကြိုတင်သောက်ထားရန်လိုပါသည်။)

(၁၅) တုပ်ကွေးကာကွယ်ဆေး Vaccine များသည် Mercury နှင့် Aluminiumများပါပြီး ၄င်းတို့ကို ဦးနှောက်တွင် သိုလှောင် ထားသဖြင့် Alzeimer’s disease(သတိမေ့ရောဂါ)ဖြစ်စေနိုင်သည်။

(၁၆) ဆီများကိုတခါသုံးပြီး ပြန်မသုံးပါနှင့်။ (Transfat ပြန်ကြော်ဆီသည် ကင်ဆာဖြစ်စေပါသည်။)­­­­­ ဆီကို အငွေ့ပျံသည်ထိ အပူမပေးပါနှင့်။ ဟင်းချက်လျှင်ဆီမသတ်ပဲ လုံးချက်ပါ။ အသားများကို ရှာလကာရည်အနည်းငယ်ထည့်ပြီးမီးအေးအေးချက်ပါ။ ဟင်းသီးဟင်းရွက်နူးအောင်အရင်ပြုတ်ပြီးမှ ဆီနှင့်ကြော်ပါ။(ဆီစိမ့်၀င်မှုလျော့စေရန်)

(၁၇) Non-Stick ဒယ်အိုးများသုံးလျှင် အိုးထဲတွင်ဘာမျှမရှိပဲ အပူမပေးပါနှင့်။
အပူလွန်အောင်တည်မထားရပါ။

(၁၈) Microwave oven ကို ဟင်းချက်ရန်
မသုံးပါနှင့်။ဟင်းနွေးရုံမျှသာသုံးပါ။

(၁၉)ဒန်ပစ္စည်း+ပြဒါး+ဖလူရွိုက်ပေါင်းလျှင် အဆိပ်ဖြစ်စေတတ်သောကြောင့် ရှေးက သွားဖာ ရာတွင် Aluminium, Mercury သုံးထားလျှင်အစားထိုးပစ်ပါ။

(၂၀)ခပ်နွေးနွေး အနေအထားတွင် ပိုးများပိုပွားနိုင်သောကြောင့် ချက်ပြီးဟင်း များကို အပူ(သို့)အအေးသာထားပါ။ မီးငွေ့ငွေ့ဖြင့် ခပ်နွေးနွေးအနေမထားပါနှင့်။

(၂၁) Paracetamol သည်အသည်းကို ထိခိုက်စေနိုင်သောကြောင့်ဖြစ်နိုင်လျှင်ရှောင်ပါ။

☘️☘️ဆောင်ရန်-

(၁) ပုံမှန်အစာစားသည်ထက် ပိုဝလာခြင်း ၊
ဗိုက်ပူခြင်း ၊ မျက်နှာဖောင်းခြင်း ၊
အသားအရေခြောက်ခြင်း ၊ ဝဲနှင်းခူ Psoriasis ၊ သမင်ဖြူ Vitiligo ၊ တင်းတိပ် ၊ ဝက်ခြံများဖြစ်ခြင်း ၊ အမြဲချမ်းနေတတ်ခြင်းတို့သည် Hypothyroid ၏လက္ခဏာများဖြစ်သည်။ (နံနက်အိပ်ရာထလျှင် အပူချိန်ကြည့်ပါက 97.8 ံF ထက် နေ့စဉ်
ရက်ဆက်လျော့နေတတ်ပါသည်။) Cholesterol တက်နေ တတ်သည်။ ထိုသို့ခံစားရလျှင် Free T3 , T4 ,TSH စစ်ကြည့်ပါ။ Reference ဖြစ်သော 0.45 -4.5 miu/ml အတွင်းဖြစ်သော်လည်းထင်ရှားသော ရောဂါလက္ခဏာ ၂ခုထက်ပိုလျှင် သွေးအဖြေကိုလူနာအခြေအနေနှင့်တိုက်ကြည့်ပြီးမှ ရောဂါရှိမရှိ ဆုံးဖြတ်ရပါမည်။ လိုအပ်လျှင်Thyroid Hormone ဆေးသောက်ရပါမည်။

(၂) ဝမ်းချုပ်ခြင်း ၊ ကြွက်တက်ခြင်း ၊ ကြွက်သားနာကျင်ခြင်း ၊ အကြောတက်ခြင်း ၊နှလုံးခုန်မမှန်ခြင်း ၊ နှလုံးရုတ်တရက် ရပ်ခြင်း၊အိပ်မပျော်ခြင်း၊အသားအရေခြောက်ခြင်း၊ခြေဖဝါးလက်ဖဝါးများ အက်ကွဲခြင်း ပျောက်ကင်းစေရန် ၊အသားအရေ နူးညံ့စေရန်Magnesium Maleate (or) Citrate သောက်ပါ။ (သို့) ဆားခါး MagnesiumSulphate 2 cups= (500cc) =(အချိုပန်းကန် ၂ ခွက်) နှင့် Baking Soda စားဆော်ဒါ½ cup (125 cc) ကို ရေချိုးကြွေကန် Bath Tub(သို့) ရေအပြည့် ဇလုံ တွင်ဖျော်၍စိမ်ချိုးပေးပါ။ (သို့) အချိုးကျဖျော်၍ ခြေထောက်စိမ်ပေးပါ။

(၃) ကိုယ်ဝန်ဆောင်များ ဝမ်းမချုပ်စေရန်၊ ကြွက်မတက်ရန် ၊ ကလေးဉာဏ်ကောင်းစေရန် ၊ကိုယ်ဝန်ဆိပ်မတက်စေရန် အတွက်လည်း Magnesium Maleate (or) Magnesium Citrate သောက်ပေးရပါမည်။ ကွန်ပျူတာအသုံးများသူများအညောင်းထိုင်သူများလည်း သောက်သင့်ပါသည်။

(၄)ဆီးကျောက်တည်ခြင်းကင်းရန် ရေများများသောက်ပါ။

(၅) နေ့စဉ် ချွေးထွက်အောင် လှုပ်ရှားကစားပေးပါ။ (ကျောက်ကပ်မှ အဆိပ်စွန့်ထုတ်ရမှုသက်သာစေသည်။)

(၆) ကြက်ဥစားပေးပါ။(ဥအနှစ်လိမ္မော်ရောင် ဆိုလျှင် ပိုကောင်းပါသည်)

(၇) Vit D3 နည်းလျှင် ကင်ဆာဖြစ်နိုင်သဖြင့် နေ့စဉ် Vit D3 5000 IUသောက်လျှင် ရင်သားကင်ဆာ ၊ ဆီးကြိတ်ကင်ဆာ ကာကွယ်နိုင်သည်။ နေရောင်မှလည်း ရနိုင်သည်။နွားနို့မှရသော Vitamin သည် D3 မဟုတ်ပါ။

(၈)ဆီးချိုရောဂါ ကာကွယ်ရန် သစ်ကြမ်းပိုးမှုန့် လက်ဖက်ရည်ဇွန်း ½နေ့စဉ်သောက်ပါ။

(၉) ရင်သားကင်ဆာ ၊ ဆီးကြိတ်ကင်ဆာများ ဖြစ်စေတတ်သည့် ဖလူရွိုက်ကို ဖယ်ထုတ်ရန်အိုင်အိုဒင်းပါသော ကျောက်ပွင့်စားပါ။

(၁၀) ၀မ်းပျက်၀မ်းလျှော ကာကွယ်ရန်
အူလမ်းကြောင်းထဲရှိ ကောင်းသောပိုးများကိုအားပေးသော ဒိန်ချဉ် (သကြားမပါ) သောက်ပါ။

(၁၁) နေ့စဉ်သောက်သင့်သည့်ဖြည့်စွက်စာSupplements များ-
(1)Vitamin D3
(2)Vitamin K2
(3)Magnesium Malate (or) Citrate(or)Glycinate
(4) Vitamin C 500mg(or)1000 mg
(5)CoQ10
(6)Probiotic
(7) R-Lipoic Acid 100 mg
(8) B12 5000 mcg + B6 100 mg + Folate 800 mg ( B complex + B12 လဲ အဆင်ပြေ)
(9)Zinc
(10)Omega 3 / Fish Oil

ကျန်းမာရေးဗဟုသုတများရယူနိုင်ကြပါစေ

Credit