Ola Cosmetics

انواع الغسول وشلون نختار غسول مناسب لبشرتنا. كولولي شنو انواع الغسول الي تستخدمو؟ واكو غسول سوا فوق كلش كبير الكم؟

اوكي، انتِ تريدين تبدين روتين عناية بالبشرة بس متعرفين شنو لازم تسوين. دونت وري واتبعي هالخطوات:
1. تنظيف البشرة بغسول لطيف. لطيف مو كيوت وانما لطيف يعني ما بي مواد مؤذية ومقشرة للبشرة لانه ممكن هيج تتأذى الطبقة الخارجية وتبدي تطلع حبوب ونصير نبجي
2. لازم toner. التونرهو سائل يعادل الpH بالبشرة (كوكل يكول معنى pH هو الأُس الهيدروجيني....)، فطبيعة البشرة تصير متوازنة لا حمضية ولا قاعدية. فمراح تفرز دهون زايدة وحاجات كلام فارغ على كولة عادل امام. التونر ايضا يساعد على التقشير البسيط للبشرة والتخلص من الخلايا الميتة فالبشرة تكون صحية ونضرة
3. سيروم او المصل. هذا راح يصير الشغل كله عليه سواء تجديد البشرة، تقليل التجاعيد، الplumping (يعني بالعراقي متفح). هاي كلها اشياء تجي من السيروم بسبب تركيبته الكيميائية، مو من المرطب.
4. مرطب العين: طبعا بشرة العين رقيقة ولازم نعتني بيها باستمرار حتى تقل بيها التجاعيد والهالات (راح نحجي اكثر بهالموضوع)
5. المرطب: دور المرطب من اسمه، استرجاع الترطيب للبشرة واذا المرطب نوعيته جيدة ممكن حتى يقلل افراز الدهون والرؤوس السوداء (مع المقشر الصحيح اكيد)
6. واقي الشمس: حجينه عنه قبل، جداً مهمة هالخطوة حتى تحمي البشرة من الشمس الي تسبب التجاعيد والتصبغات وغيرها من المضار. طبعا الواقي هو للاستخدام الصباحي فقط، ولازم يستعمل حتى بالايام المغيمة







العراق #
كوزمتك #
الجمال_العراقي #
الجمال #
البشرة #
حب_الشباب #
صور #
مشاهير_العراق #
البصرة #
بغداد #
العراق #

ماسكات الطين مو دائما تتماشى ويا كل نوع بشرة. وبنفس الوقت ممن تأذي البشرة اذا تستخدم بطريقة مفرطة. جربي الماسك بمكان صغير مثل الايد قبل الوجه، وخلي الاستعمال مرة كل اسبوعين.
وعلى فكرة، ماكو ماسك يشيل الرؤوس السوداء. الرؤوس السوداء تصير بعد ما تتجمع الدهون وافرازات البشرة بالمسامات. احسن طريقة لتقليل الرؤوس السوداء هي الازالة عند خبراء تجميل بانتظام، و التقشير (اللطيف مو قوي) المنتظم، واحسن شي استخدام المقشرات الكيميائية الي راح نغطيها بوستات جاية، او مقشرات بيها حبيبات ناعمة، بس لازم نختار منتجات متجفف البشرة وتسبب تجاعيد. منتجات التقشير الي ننصح بيها حسب نوع البشرة هي:
١. البشرة الدهنية
Cosrx One Step Original Clear Pads
٢. البشرة الجافة
SkinFood Black Sugar Strawberry Wash-Off Face Mask
٣. البشرة المزيج دهينة و جافة
Cosrx One Step Original Clear Pads
٤. البشرة الحساسة
SKINFOOD Rice Mask Wash Off



#كوزمتك #بغداد #البصرة #تجميل #مكياج #مكياجي

وحدة من اكثر المفاهيم الخاطئة هو البشرة الدهنية متحتاج ترطيب. بالعكس! البشرة الدهنية تحتاج ترطيب مثل البشرة الجافة والفرق بينهم هو انه البشرة الدهنية تفرز دهون لما تجف والبشرة الجافة غير قادرة على افراز الدهون. فلازم تستخدمين مرطب مائي وراح تشوفين افراز الدهون يقل.
البشرة الدهنينة هي نعمة لانه اذا تعرفين شلون تعتنين بيها راح تبقى نضرة فترة اطول ومتبين التجاعيد بيها بكد البشرة الجافة. المنتجات الي انصح بيها:
غسول Super Volcanic Pore Cleansing Oil من innisfree
سيروم Green Seed Tea من innisfree
مرطب Isntree - Hyaluronic Acid Aqua Gel Cream
واقي شمس Isntree - Hyaluronic Acid Watery Sun Gel






العراق #
كوزمتك #
الجمال_العراقي #
الجمال #
البشرة #
حب_الشباب #
صور #
مشاهير_العراق #
البصرة #
بغداد #
العراق #

واقي الشمس.....مو الكل يحبه، مو الكل يعرف اهميته. بس كل العناية بالبشرة متفيد اذا واقي الشمس مموجود.

اسهل طرق لتحسين شكل وملمس البشرة بدون مستحضرات:
١. حاولي متلمسين بشرتج ابد خلال اليوم، واذا تحطين مكياج، اي مرطب على البشرة او اي شغلة تستدعي تحطين ايديج على وجهج فلازم تكون الايد مغسولة
٢. النوم على الظهر لتقليل الضغط على البشرة
٣. غطاء المخدة لازم ينغسل مرة كل اسبوع
٤. تأكدي من مكونات الشامبو والبلسم الي تستخدمي لانه ممكن يكون السبب بالحبوب على الظهر او الاكتاف
٥. اتركي المراية. مهما كانت حالة بشرتج حاولي انه تحبيها ومتركزين على الاشياء الي متحبيها بنفسج. انتِ جميلة بدون اي شي