The Face Shop

بنات حبيباتي منو منكم من متابعين قصص الواتباد حبيت انصحكم انه اكو قصص هادفة وواقعية من حياتنا واكو قصص جد تافهة وتعبانة بس بالعموم فقرة حلوة انه نقرة قصص من واقعنا المهم اكو قصة هسة داقراها اسمها مذكرات مريم جد حلوة واكو غيرها قصص هواية حلوة فقرة القصص احس اطلعنا من همومنا شوية من نشوف هموم غيرنا عسى ربي مايجعلكم تشيلون هم احبكم .

رجعتلكم ادري مر وقت هواية بس اريد تعذروني لان ظروف المهم راجعين وبقوة اللريدة منكم تفعيل للحساب ونزود عدد المتابعين وراح ابدي وياكم بفقرة المنتجات انتظروني باجر راح نتعرف على منتجات لان جايتنا فترة تخفيضات الجمعة السوداء فحتى تستفادون من خلال تجربتي لمنتجات كثيرة خلال الفترة الماضية انتظررروني

مساء الفل والياسمين على عيونكم طبعا اعتذر عن الانقطاع وضع الصيف والتعب والانتقالة النفسية هههههههه المهم حبايبي كثفو دعوات احبابكم للاعجاب بالصفحة مثل ماوعدتكم بس نوصل لرقم ١٠٠ اكو هدية سيروم وانتظروني بنصائح وتطبيقات جديدة.
احبكم

مساء الخير حبيباتي اليوم نحجي عن آخر خطوة بتطبيق الروتين النهاري واللي هو واقي الشمس.

يعتبر واقي الشمس (بالإنجليزية: Sun Block) أحد أشهر المنتجات في عالم البشرة وأكثرها شيوعاً واستخداماً بين الناس، وهو تركيبة كيميائية أو فيزيائية قد تكون على شكل كريم، أو بخاخ، أو محلول، أو بودرة.
يوصى بوضع واقي شمس على البشرة والجلد في جميع المواسم وفصول السنة لحماية الجلد من تأثيرات أشعة الشمس الضارة الناتجة عن الأشعة فوق البنفسجية، مثل الحروق، والحساسية، وظهور التجاعيد المبكر، والإصابة بسرطان الجلد.
وواقي الشمس يقاس من عامل الحماية اللي هو spf وبي ارقام بس الاكثر تداولا بجونا الحلوو 🤣🤣🫣🫣 هي 30 و 50 فإن واقي شمس بعامل حماية 30 يسمح بوصول 3% فقط من الأشعة فوق البنفسجية للجلد، بينما واقي شمس بعامل حماية 50 سيسمح بوصول 2% فقط من الأشعة فوق البنفسجية، ولا يوجد في الواقع فرق كبير بين حماية SPF 30 و SPF 50 .
طبعا ينصح بوضع واقي الشمس قبل التعرض للأشعة بربع ساعة.
اما انواع واقيات الشمس فمثل ماذكرنا اكو فيزيائي واكو كيميائي وراح اختصرلكم الفرق بينهم
واقي الشمس الفيزيائي وواقي الشمس الكيميائي
يمتص واقي الشمس الكيميائي (بالإنجليزية: Sunscreen) الأشعة فوق البنفسجية قبل وصولها طبقات الجلد العميقة، ومن أهم مكوناته الأوكسي بنزون (بالإنجليزية: Oxybenzone)، والأفوبينزون (بالإنجليزية: Avobenzone)، و حمض البارا امينوبنزويك (بالإنجليزية: Para-Aminobenzoic Acid).
أما واقي الشمس الفيزيائي (بالإنجليزية: Sun block)، فهو طريقة فيزيائية لحماية الجلد، إذ يعمل كحاجز يعكس الأشعة فوق البنفسجية من على البشرة، ومن أهم مكوناته أكسيد الزنك (بالإنجليزية Zinc Oxide)، وأكسيد اليتيانيوم (بالإنجليزية: Titanium Oxide)، ومن الجدير بالذكر أن كثير من المنتجات تستخدم مزيجاً ما بين واقي الشمس الفيزيائي والكيميائي.

يحمي كلا النوعين من واقيات الشمس من خطر الأشعة فوق البنفسجية، إلا أن اختيار المناسب منهما يعتمد على نوع البشرة وحساسيتها تجاه المكونات.
اما الشركات فهواية شركات وماركات وبيها حتى معالجات وأنصح انه بدون تنت بين قوسين فاونديشن لان ماراح يشتغل شغله صح .
وبالنهاية خلصنا كل خطوات الروتين للعناية بالبشرة اتمنى تكونون استفاديتو احبكم .

جمعة مباركة عليكم حبيباتي وصباح العافية ويجعل يومكم وكل أيامكم فرح وسعادة .
تقريبا كل خطوات روتين البشرة تكلمنا عنها باقي نتكلم عن مزيل المكياج وواقي الشمس فبخير وسلامة هذا البوست راح نخصصة لمزيل المكياج واللي يعتبر اول خطوة قبل غسل البشرة اذا كانت بشرتنا بيها مكياج وطبعا الحذر من أن تنامون والمكياج على البشرة جدا يتعب البشرة ويعجل من شيخوختها ويراكم الدهون وراح تتعرض البشرة لكثير من المشاكل لذلك لازم ولابد ان يتم تنظيف البشرة من المكياج بواسطة المزيل اولا ثم يتم بعد ذلك غسل البشرة لان المزيل وحدة مايكفي. واكو انواع من مزيل المكياج اكو حليب منظف او مزيل زيتي او ماء الميسيلار او كمحاليل تحتوي على مواد تذوب المكياج المهم المزيل الزيتي ماانصح بي خصوصا للبشرة العادية والدهنية اما الباقي فبراحتكم اكو ماركات وانواع وشركات كثيرة بس كاستخدام شخصي اني استخدم المزيل الذي يحتوي على ماء الميسيلار شفته لطيف على البشرة .
تابعوني حتى نكمل اخر شي بالروتين اللي هو واقي الشمس .
احبكم🤩🤩🤩

مساء الورد والقداح والرازقي على اجمل متابعين بالدنيا كلش دافرح من اشوف الاعجاب والمتابعات للصفحة ديزيد
واني على وعدي بمجرد وصول الصفحة إلى ١٠٠ تسجيل إعجاب ومتابعات هدية سيروم من براند معروف وحسب نوع بشرة الفائزة .
المهم اليوم نكمل فقرة روتين البشرة واللي يعتبر مهم وهو الترطيب باستخدام مرطبات خاصة لنوع بشرتنا . اكو مرطب نهاري نكدر نكمل بي روتينا الصبح ونطلع واكو مرطب ليلي يحتوي على مواد تتحسس من أشعة الشمس وحسب رأيي المتواضع ماكو داعي ناخذ نوعين مرطب هو مرطب واحد يرهم للصبح وبليل المهم الترطيب طبعا الترطيب ماقاصر بس ع الروتين لا شوكت ماتكدرين حطي مرطب يساعد على تحسين ملمس البشرة ويحافظ عليها من الجفاف كذلك يساعد على تهدئة البشرة خصوصا بعد جلسات التقشير والليزر وغيرها واترجاكم ابتعدوا عن الفازلين❌️❌️❌️❌️ ترى مو للوجه اكو مرطبات خاصة للوجه ولكل نوع بشرة مثلا البشرة الدهنية مرطباتها يكون قوامها جل او لوشن والبشرة الجافة تكون مرطباتها كريم قوامه ثقيل حتى يعزز حاجز البشرة واكو هواية نوعيات متوفرة بالسوق منها الرخيص ومنها الغالي عن تجربة شخصية المرطبات اللي شفتها حلوة وفادتني هو بيبانثين ومرطب سيرافي غالي بس كميته هواية تكفي لمدة طويلة كاستخدام يومي وكذلك مرطب كريستيان لورانت اللي كتلكم عنها كمنتجات بالبوستات القادمة اتكلم عنها واخيرا وليس اخرا اتمنالكم ليلة سعيدة ولاتنسون دعم الصفحة ودعوة احبابكم الها حتى نكبر بيكم 🥰🥰🥰🥰

مساء العافية والسعادة على احلى وارقى متابعين شلونكم حبايبي يارب تكونون بخير .
اليوم راح نكمل سلسلة الروتين للعناية بالبشرة ونتكلم عن كريم العيون وهو موجود بالروتين الصباحي والمسائي طبعا اكو انواع بيها نسبة من spf كحماية من أشعة الشمس للروتين الصباحي المهم منطقة تحت العين و حول العين جدا حساسة ورقيقة حتى التركيب النسيجي يكون حساس ومو اي منتج يرهم اله وحتى تداخل الحقن كفلر اله بي خطورة لان مثل ماكلت هي منطقة جدا حساسة والمشاكل اللي نعاني منها كأغلبية لمنطقة تحت العين هي اما هالات سوداء او خطوط وتجاعيد او تقعر او انتفاخ او بهتان وتعب . طيب نتكلم بصراحة ماكو كريم يعالج تقعر ولا اكو كريم يعالج انتفاخ هاي المشكلتين حلهم جراحي فقط اما بالنسبة للهالات و التجاعيد والبهتان والتعب فماكو كريم يقضي عليها نهائيا إنما يقلل منها فلذلك نحتاج اضافة الى الكريمات النوم وإعطاء راحة للعين وكذلك المنتجات الطبيعية مثل الخيار والشاي كل هذه الأمور راح تحسن من مظهر حول العين واكو هواية كريمات متواجدة لكن كتجربة شخصية اللي فادني هو كريم العين من glam glow و كيلز و كريستيان لورنت طبعا هاي الماركة مو كلش معروفة بس منتجاتها رهيبة واسعارها مناسبة بالايام الجاية نتكلم عنها .
واخيرا اتمنى استفاديتو من البوست والبوستات القبله واتمنى دعم للصفحة حتى نتواصل باعطاءكم المعلومات اللي توصل بشرتنا لمرحلة الابهار ✌️✌️.
احبكم 🥰🥰🥰🥰

انتباه انتباه انتباه 👀👀👀
هدية بمجرد وصول الصفحة الى ١٠٠ تسجيل إعجاب ومتابعة راح نختار بنوتة وتربح ويانة سيروم للبشرة وحسب نوع بشرتها والمشكلة اللي تعاني منها
يله بنات كثفو تسجيل الإعجاب للربح معانا 🎉 🎉🎉🎉

مساء الخير والسعادة حبايب اليوم العواصف والجو شي ثاني والطالع من بيته اكيد متورط بهيج جو هههههههه.
حبايب اليوم نتكلم عن خطوة اني اعتبرها الاكثر فائدة سواء بالروتين الصباحي او المسائي واللي هو السيروم طبعا هو تستفاد منه البشرة لان قوامه اكثر سيولة من الكريمات وبي مواد نشطة واعلى تركيز وممكن اختصرلكم فوائد السيرومات بهاي النقاط
١- ترطيب عميق للبشرة وتحسين ملمسها
٢- يؤخر ظهور التجاعيد
٣- يمنح البشرة النظارة والحيوية
٤- يحمي البشرة من التعب والارهاق
٥- تفتيح البشرة والتخلص من التصبغات
٦- تقليل من مظهر المسامات الواسعة
طبعا كل نوع سيروم يعالج مشكلة معينة بالبشرة لذلك اختيار السيروم يعتمد على نوع البشرة دهنية جافة عادية لو مختلطة وكذلك شنو المشكلة اللي تعاني منها البشرة التصبغات اكو سيرومات خاصة لهذا الشي لو التعب والبهتان اكو سيرومات معينه وهكذا وطبعا اكو سيرومات للروتين الصباحي واكو خاصة بالروتين المسائي توضع مساء لان مايصير تتعرض لاشعة الشمس.
لايك ودعمكم تكبر الصفحة احبكم 🥰🥰🥰

مابين يوم ينتهي ويوم يبدأ والصفحة تكبر بوجودكم شلونكم حبايب اتمنى تكونون بخير.
اليوم نحجي على تكملة الخطوات للعناية بالبشرة حجينا بالبوستات السابقة على غسول البشرة و بعده التونر هسة نتكلم عن خطوة المستحضرات المعالجة يعني بالمختصر اذا بشرتنا تعاني من مشكلة مثل حب الشباب او البثور او التصبغات او الاحمرار وغيرها فنستخدم الكريم المعالج لهذه المشكلة بعد خطوة التونر ونتبع تعليمات استخدام المنتج الموجودة على علبته وطبعا هاي الخطوة مانكدر نختصرها ببوست لان كل مشكلة الها منتجات معالجة مختلفة وحسب نوع البشرة وهذا اللي راح نسولف بي بالبوستات والمراحل القادمة واللي اطلبة منكم حبيباتي حتى الصفحة تكبر ونحاول نفيد اكبر عدد ونبتعد عن المنتجات المقلدة والربحية هو أن تساعدونا بدعم الصفحة بشير ودعوة للاعجاب بالصفحة حتى بيكم نكبر .
🥰🥰🥰🥰

مساء الحب والعافية شخباركم على الحر طبعا الصيف كلش يتعب بشرتنا ولازم نلتزم بروتين العناية حتى نحافظ عليها تكلمنا بالبوست السابق عن أول خطوة وهي غسول الوجه وهسة نتكلم عن الخطوة الثانية اللي هي التونر .
ومن مميزاته راح ابسطها بنقاط والي هيه
١- التونر يعمل على تنظيف البشرة وغلق المسام الواسعة مما يساعد على تقليل الزيوت التي تفرزها.

٢- أغلب أنواع التونر تحتوي على فيتامينات طبيعية مثل فيتامين أ وب وهـ والتي تساعد على تجديد خلايا البشرة وتنشيط الدورة الدموية بها .

٣- يستخدم التونر في إزالة زيوت البشرة الزائدة وبقايا المكياج واللي من الممكن الغسول مانظفها ١٠٠% والتي من الممكن أن تسد المسام وتمنع وصول مكونات مستحضرات العناية بالبشرة إلى طبقات الجلد.

٤- مسح الجلد بالتونر يساهم أيضًا في إنعاش مظهر البشرة بعد يوم حار طويل.

٥- يعمل التونر على تعديل توازن ترطيب البشرة الطبيعي خاصة بعد استخدام الصابون العادي عليها.

اما بديل التونر الطبيعي هو ماء الورد

مساؤو عسل على عيونكم بالبوست السابق نزلت الكم الروتين الصباحي والمسائي للبشرة واول شي راح نتكلم عنه هو غسول البشرة وتعتبر هذه الخطوة من أهم الخطوات للعناية بالبشرة لأنها هيه اللي راح تهيأ بشرتنا لاستقبال باقي مراحل الروتين لذلك من المهم اختيار الغسول المناسب والابتعاد عن الصابون❌️❌️❌️ نختار غسول افضل من الصابون ترة الصابون للجسم مو للوجه🙃 وممكن يكون غسول رغوي او جل او سائل وحسب نوع البشرة وطبعا كل شركة تنتج غسول لكافة انواع البشرة ويتم الاختيار حسب نوع البشرة فمثلا الغسول الرغوي للبشرة الدهنية افضل وخصوصا بالصبار او شجرة الشاي لكي يمنع تكون الحبوب وطبعا يفضل الغسول اللي يكون خالي من المواد الحافظة مثل البرابين وغيرة وحاليا اني استخدم غسول سيرافي كميته مناسبة لسعرة وايضا الغسول الرغوي من ماركة the body shop حتي بشرتي لاتتعود على نوع معين وبعدين ماينطيني النتيجة كل فترة نغير بالغسول ولازم نختار النوعية الزينة لان مثل ماحجيت هاي تعتبر اهم خطوة للتهيئة للخطوات الجاية تابعوني وراح تنزل البوستات الممتالية للخطوات التالية من روتين العناية بالبشرة.
احبكم 🥰