Shani's cooking

සුබ දවසක් මගේ යාලුවො හැමෝටම❤️

ලඟ එන උත්සව සමයට ඉක්මනින් පහසුවෙන් , හදන්න පුළුවන් හරිම රසවත් රසකැවිල්ලක් තමයි අද මං කියලා දෙන්න හදන්නේ..

ලඩ්ඩු කිව්වහම අපි කවුරුත් දන්නවා ඒක ඉංදියාවට හුඟක් සමීප රසකැවිලලක් කියලා. ඉතිං ගොඩක් අමාරු නැහැ හරිම ලේසියෙන් මේක සකස් කරගන්න පුළුවන් .

ඉතිං අතුරුසක් ලෙස ඒ වගේම පොඩි බබාලගේ උපන් දින සාදවලට වගේම විවිධ උත්සව අවස්ථාවන් සඳහාත් අපිට මේක හදලා තියන්න පුළුවන් .

දැන් බලමු මේකට අපිට මොනවද අවශ්‍ය කරන්නේ කියලා.

අවශ්‍ය ද්‍රව්‍ය :-

රුලං කෝප්ප - 1
සීනි කොප්ප - 1/2 (හොදින් කුඩු කරගන්න )
එළඟි තෙල් මේස හැඳි - 3
කුඩාවට කපාගත් කජු මේස හැඳි 2/3
මුද්දරස් පලන් මේස හැඳි 2
කිරි (එළකිරි) මේස හැඳි 3/4
ලුණු ස්වල්පයක්

මුලින්ම භාජනයක් ලිපට තබා එය රත් වුණාට පසු එළඟි තෙල් මේස හැන්දක් එකතුකර එයට කජු දමා තප්පර තිහක් පමණ බැදගෙන ඒකටම මුද්දරස්පලන් ටික එකතු කරගෙන තත්පර 30ක් පමණ බැදගන්න.
දෙකම දැන් ඉවතට ගන්න ඊට පසු නැවතත් භාජනයට එළඟි තෙල් මේස හැඳි දෙකක් එකතු කර රුලන් ටික එයට එකතු කරගන්න.
රුලන් ටික හොඳින් සුවඳ එනතුරු අඩු ගින්දරේ බැඳගන්න .
ලිපේ ගින්දර හොඳටම අඩුකරලා තියාගන්න .
දැන් මේ වෙලාවට සීනි ටික එකතු කර ⁣හොඳින් කලවම් කරගන්න .

සීනී රුලනුයි හොඳින් කලවම් වුනාට පසු එයට කිරි මේස හැදි දෙකක් තුනක් දාලා හොඳට කලවම් කරගන්න
අතට දැනෙන තෙත ගතිය එනතුරු හොඳින් කලවම් කරගන්න

රුලන් ටිකක් අතට අරගෙන අත මිටි මළවල බලන්න හොඳට ගුලි වෙනවද කියලා ගුලි වෙන්නේ නැත්නම් නැවතත් කිරි මේස හැන්දක් විතර දාලා ආයේ ඒක හොඳින් කලවම් කරගන්න

දැන් මේකට බැද ගත්ත කජු මුද්දරස්පලන් සහා ලුණු ස්වල්පෙකුයි දාලා හොඳින් කලවම් කරගන්න රස අනුව ලුණු දාගන්න ගොඩක් වැඩි කරගන්න එපා

දැන් ලිපෙන් එළියට අරගෙන රස්නෙන්ම ඉක්මනින් බෝල ටික සාදා ගන්න..🤗

තරුණ කොස් කරිය (පොලොස්)

ශ්‍රී ලාංකික ආහාර එහි ව්‍යංජන සඳහා ප්‍රසිද්ධයි - සහ "පොලොස්" නොහොත් තරුණ කොස් කරිය මගේ පෞද්ගලික ප්‍රියතම එකක්.

ශ්‍රී ලංකාවේ කොස් ගෙඩි විවිධ ඉදුණු අවධි ගණනාවකදී අනුභව කරනු ලැබේ, නමුත් පොලොස් සකස් කිරීම සඳහා, තරුණ, නොඉඳුල් කොස් ගෙඩි භාවිතා වේ.

🥰