ROZE SKIN CARE

Follow me on my page.

Instagram Create an account or log in to Instagram - A simple, fun & creative way to capture, edit & share photos, videos & messages with friends & family.

خلطة الاكزيما 👩‍⚕️
خلطة لترطيب الاقدام 👩‍⚕️
الان متوفره عصفحتنا Roze Skin Care
للطلب والاستفسار الرجاء التواصل عن طريق مسجات الصفحه💙

مسا الخير يا حلوييين 😍😍😍
اليوم موضوعنا حلو كتيير وجديد ورح يهم فئه كبيره
الي هو خطوط الرقبة ... تعد الرقبة من علامات الجمال عند الانثى وبرغم هيك بتهمل الكثير منا الاهتمام فيها وبنفكر ازا اهتمينا بجمالية بشرة الوجه ةالايدين فنحنا امورنا تمام التمام بس هالشي خطأ كبييير🙅‍♂️🙅‍♂️🙅‍♂️🙅‍♂️

نبلش اول شي باسباب ظهور التجاعيد💆‍♀️
-اشعة الشمس🌅
ان التعرض لأشعة الشمس يعتبر عامل قوي في ظهور تجاعيد الرقبة لانه هيك بتتعرض بشرتنا إلى الأشعة الفوق بنفسية والتي تسبب تلف لخلايا البشرة ومن ثم تظهر عليها علامات الشيخوخة في سن مبكر

-التلوث البيئي💨
كمان التلوث البيئي اله دور كبير في معاناة جلد الرقبة من الكثير من المشكلات منها التجاعيد وايضًا التدخين يسبب الكثير من المشكلات الصحية والجمالية فهو سبب قوي في تلف البشرة وجفافها.

-الوزن الزائد والنحافه المفرطه
قصدي الي بنحفو وبقل وزنهم بشكل كبير فجأه من دون ما ياخدو الاحتياطات اللازمه رح يعانو من التجاعيد والترهلات بمنطقة الرقبه

بالنسبة للوقايه من هاي التجاعيد بداية باستخدام الطرق الطبيعيه:
-زيت الزيتون
-الفازلين الطبي مع صفار البيض
ولطرق التحضير الصحيحه ولمعرفة المنتجات العلاجيه الموجوده في الصيدليه تواصلو معنا على مسجات الصفحه

كانت معكم الصيدلانيه رزان 👩‍🔬

#رقبه #تجاعيد

يسعد اوقاتكم حبايبي❤❤❤
اليوم حابه احكي عن مشكلة مهمه بتواجه الأغلب وبتزيد كل ما تقدم فينا العمر وهي مشكلة الخطوط والتجاعيد بالبشرة
اول شي حابه أوضح أنه في نوعين من الخطوط👍 :
1) خطوط خفيفه أو رفيعه وهي اللي تسمى fine lines or dynamic wrinkles
2( خطوط عميقه وهي إلى تسمى deep lines or static wrinkles

الأولى والي هي سببها حركات معينه بنعملها بوجهنا باستمرار بسبب هاي الخطوط مثلا ضحكه معينه حركة حاجب معينه سحب السيجاره مثلا وأمثله كتييير وإذا هاي الخطوط ما تداركناها وعالجناها رح تتحول لخطوط عميقه والي هيه النوع التاني
والي سببها نقص بمرونة البشرة وتماسك بسبب نقص إفراز الكولاجين واللايسين وهادي بيصير كل ما تقدمنا بالعمر ومع قلة الاهتمام
هلأ من وجهة نظري ومن وجهة نظر بعض الدراسات الخطوط بشكل عام ممكن تعبر عنك وعن شخصيتك ومزاجك بس تكون تكون موجوده بشكل مقبول وما بدنا ننسى انه خير الأمور أوسطها يعني ما تصير هاي الخطوط أكبر نتيجة الإهمال المستمر

عشان هيك انا رح اعطي بعض النصائح حتى نهتم بشرنا وأخر علامات تقدم السن ونسمحلها تظهر بكل حلو على وجهنا وبنفس الوقت الي حاب يتخلص منها نهائيا برضو انا مو ضده كل إنسان بشوف نفسه بالطريقه إلى بحبها وما ننسى نحنا مختلفين بطريقة ما ❤😁

في عنا 4 قواعد اساسيه مهمه كتييير لتخفيف ومعالجة مشكلة التجاعيد (الحمايه)🧐
ضروووري جدا نحمي حالنا من المشكله من الأساس اولا بالالتزام باقي الشمس بشكل مستمر لانه الشمس من أهم أسباب ظهور التجاعيد بالوجه
ثانيا استعمال الكريمات والامصال اي بتحتوي على مواد مضاده للتأكسد مثل فيتامين c إلى بتحمي بشرتنا من الجذور الحره الضاره بالبشره
ثالثا اتباع اسلوب حياه صحي يعني نلعب رياضه باستمرار ونحاول نقلل من الضغوطات ونعطي حالنا أوقات نعمل فيها اشياء بنحبها مهما كانت بسيطه
اشربوا يا جماعه أقل شي 2لتر ماء باليوم
تناول أغذية صحيه غنيه بفيتامين cوe إضافات بسيطه ممكن تكون كسناكات بتعمل مفعول حلو ولطيفلبشرتنا وصحتنا🥝🍓🍈🍊
تجنب التدخين أو التقليل منه للي بيحس الموضوع صعب عليه كبدايه
تقيل تناول السكريااات🥨🍩🍘
اتباع روتين خاص بالبشره من تنظيف وتقشير وترطيب وعمل كريمات وماسكات بتساهم بتخفيف وتأخير علامات تقدم السن

واخيرا نحاول نتعامل مع المسببات بشكل ذكي مثلا ننتبه للحركات إلى بنعملها بوجهنا باستمرار تلقائيا ونحاول نقلل منها ونتداركها
و ننتبه على طريقة نومنا على المخده وننتبه لوضعية وجهنا ونحاول نعدلها وننام على الظهر أو الجنب مثلا
اما انا بالنسبه الي الحل الجذري للخطوط مراجعة صيدلاني عندو خبره بالبشره وفيكم تتواصلو معي انا الصيدلانيه رزان حاصله على شهادات بالskin carوكيفية عنايتها بطريقه صحيحه أو مراجعة طبيب جلديه

يا رب تكونو استفدتوااا واسفه على الاطاله🙈😍

ورجعتلكم بعد غياااب طويييل 😍😍
واليوم محضريتلكم موضوع جديد ورح يهم فئه كبيره باذن الله

حبوب الذقن تعتبر وحده من المشكلات الي ممكن تصيب البشره وبتبين لونها احمر او الها رأس ابيض والي بميزها للاسف عن باقي حبوب الوجه انها بتكون قاسيه عشان هيك لازم نلاقبلها علاج حتى ما تتحول لندب واثار مع الوقت 🤷‍♀️

هلا شو هي اسباب ظهور هالحبوب الصعبه😔💔💔
هلا يا حلوين في ببشرتنا غدد زيتيه كتير صغيره بنسميها الغدد الدهنيه وبالانجليزي 💃sebaceous gland ووظيفة هالغدد افراز الزبوت بالبشره وحمايتها وبتببن افرازاتها على البشره عن طريق فتح صغيره موجوده عليها اسمها مسامات كتر الله خيرها 😂😍
بس للاسف الشديد لما تتراكم الاوساخ والزيوت وخلايا الجلد الميته فهاي التراكمات بتسكر مسامات بشرتنا وبتبلش البكتيريا تنشأ جواتها وعالشي بساهم بانه تظهر الحبوب عالوجه وعالذقن

ومن العوامل الي بتساهم انه تنفرز الزيوت ببشرتنا اكتر من اللازم فبتظهر الحبوب ما يلي:
-الهرمونات
-تناول بعض الادويه متل فيتامين b وادوية الاكتئاب...
-الدوره الدمويه الشهريه التي تحدث عند النساء حيث يتغير مستوى الهرمونات بهاي الفتره
-تكيس المبايض
-الحلاقه باستخدام موس ملوث او نستخدم سابقا
-ضغوطات نفسيه
-استخدام بعض انواع المكياج وخاصه الي فيها نسبة زيوت عاليه
-حبوب منع الحمل
-التدخين

هلا نوصل للمهم ♦️♦️♦️♦️
حتى تعرفو خطوات الوقايه من حبوب الذقن وكيف نعالجها تواصلو معي عن طريق مسجات الصفحه

كتير من الصبايا الحلوين ما بقدرو يميزو نوع الحب الي طلعلهم لهيك ما بقدرو يحددوا العلاج المناسب لالهم للاسف الشديد وكتير منهم بضلو يحكو ويشكو انه من شو عم تطلعلنا هاي الحبوب وشو سببها ...

اوك انا رح اساعدكم ان شاءالله من خلال هاي الصفحه الي تسهل عليكم نحلو معظم مشاكل البشره والشعر عندكم
الانواع هي :
1) حب الشباب الاحمر وبصير نتيجة حدوث التهابات في الجلد بتنصاب البشرة بحب الشباب وبيظهر النا باللون الأحمر.
2) حب الشباب الابيض وهو نوع غير ملتهب كتير منتشر عند اصحاب البشره الدهنيه والمختلطه وبصير عندهم لانه بتكون مسامات بشرتهم مفتوحه ولانهم ما بنظفوها بشكل يومي ونتيجة تعرضهم للاتربه والاغبره بتبين عندهم هاي الحبوب عمنطقة الانف والخدين وفي ناس بتبين عندهم بالجبين
3) حب الشباب الاسود والي متعارف بينا عانه الزيوان ويمكن الاغلب بعانو من هاي المشكله وبتصير بالاغلب قبل بمرحله من النوع السابق وبرضو لنفس السبب
4)حب الشباب الكيسي وبهاي المرحله بتكون البشره وصلت لدرجه عاليه او متوسطه من الالتهابات ولهيك بظهر عبشرتهم حب متكيس
5) حب الشباب العقدي وهو نوع متوسط الشده وبصير نتيجة تراكم الزيوت على سطح البشره والوسط احلى وسط بالنسبه للبكتيريا لهيك بتطلع الحبه كبيره او متسوطه الحجم ولونها بكون احمر

هلا رح احطلكم صور لكل حاله من الحالات وبالبوست الجاي رح احكيلك شو اسباب حدوث حب الشباب
ملاحظه: ( فيكم تبعتولي عمسجات الصفحه صوره جزئيه واضحه لبشرتكم لحتى احددلكم نوع البشره وشو العلاج المناسب الها مرحب بالجميع)

مشكله السواد تحت العينين👀

معلومات مهمه لبشره صحيه اكثر للمرأه الحامل 💕🤰

أسهل تنضيف بشرة ممكن تسووه بالبيت 💜

🌼

هلا تنضيف البشرة مو مرة وحدة بتسوا او عشان العيد لازم تسووه مرة او مرتين كل شهر عشان نحافظ عالنتائج 😍 وانتبهو انو السكرب ضروري ولازم قبل التبخيرة مو بعددد .

●اول خطوة ١
لازم نقشر البشرة ونشيل الجلد الميت ونضفها منيح
وهاد عن طريق سكرب القهوة
نص معلقة سكر ونص معلقة قهوة ومعلقتين زيت زيتون بتحركوهم منيح
بترطبو الوجي بمي شوي وبتبلشو تحركوه عوجهكم لمدة 5 دقايق وعند الانف شدو شوي مشان الزيوان وبتتركوه شوي.

او بتجيبو شوفان وزيت جوز هند وشوي ماء ورد وبتسوو السكرب فيهم

انا بفضل سكرب القهوة نتائجو احلا بس لانو في بنات ما ناسبهم فهاد بديل

●خطوة 2
هلا والسكرب ع وجهكم بتجيبو طنجرة مي محيطها اكبر من وجهكم بشوي وبتحطو لترين مي بالطنجرة ليغلو وبتروحو تغسلو وجهكم من السكرب

● خطوة 3
هيك بتكونو غسلتو وجهكم من السكرب والمي غليت

بعد ما المي تغلى بتجيبوها بتحطوها قدامكم وبتحطو فيها التالي:

ازا بشرتكم #جافة بتحطو بالمي معلقة من زيت الورد او زيت البابونج او بتحطو كمشة بابونج او ورق ورد طبيعي ازا ما توفرت الزيوت

ازا بشرتكم #دهنية بتحطو زيت شجرة الشاي او زيت النعنع قدر معلقة كبيرة وازا ما توفر بتحطو نعنع ورق و شرائح ليمون

وازا بشرتكم #مختلطة او عادية بتحطو زيت اللافندر او زيت جوز الهند وازا ما توفر حطو بابونج عادي او شاي اخضر.

●الخطوة 4
بتجيبو بشكير وبتحطو وجهكم عبعد 20 سم عن البخار مشان ما ينحرق من حرارة البخار لمدة دقيقتين وبتغمضو عيونكم وبتتنفسو من انفكم او تمكم حسب شو بريحكم وبعدين بتقيمو وجهكم وبتسمحو بقطنة بماء ورد او تونك الرز اللي حكتكلم عنو قبل وشدو عالمناطق الدهنية شوي وبترجعو تكررو هالخطوة 5 مرات .

●خطوة 5
هلا بتكون المسامات مفتوحة بنجيب لزقات الزيوان وبنحطهم او ليفة مغربية وتفركو دائري شوي شوي وازا عندكم ابرة الزيوان بتستخدموها ب هاد الوقت.

●خطوة 6
المااااسك بعد التبخيرة
هلا بتتركو اللزقة عالانف وبتحطو الماسك عباقي مناطق الوجي.

بدي احطلكم اكتر من ماسك واختارو اللي بناسبكم ومتوفر عندكم .

اول ماسك معلقة شوفان ومعلقة عسل ومعلقة مي فاترة وبتخلطوهم ليتجانسو وبتحطوه عوجهكم لمدة 20 دقيقة وازا في موز بتجيبو حبة موزة وبتهرسوها وبصيفوها للماسك.
.
تاني ماسك معلقة نشا ومعلقة ماء ورد او معلقتين ليدوب النشا شوي وبتحركوهم وبتفردو عوجهكم ربع ساعة لينشف .

وتالت ماسك معلقة حليب بودرة ومعلقة عسل ومعلقة عصير ليمون (هاد بفتح كتير بس اللي بتحسسو ما يستخدمو) لمدة 20 دقيقة

رابع ماسك بياض بيضة ومعلقة نشا وعصرة ليمون وازا توفر جل صبار ضيفو معلقة
(هاد الماسك المفضل عندي )

خامس ماسك مهم للي بدهم ينضفو وجهم بالخيط بتجيبي معلقة لبن زبادي ومعلقة نشا ومعلقة ماء ورد وبتخلطوهم وبتدهنو فيهم بتخلوه ربع ساعة ع بين ما تحسوه شد عالبشرة وبتسيرو تمسحوه بقطنة عليها ماء ورد او مية الرز وبعدين بتغسلو.

اخر شي بتمسحو الوجه بتونك الرز وبتحطو اي كريم ترطيب.
😍😍

اللي بتتحسس من مكون من مكونات الماسك تختار واحد غيرو او تسوي الماسك اللي بناسبها.

وكل عام وانتو بالف خير ي رب❤