Salon Manal&Eman

نصائح العناية بالشعر بعد الصبغة والهايلايت 🥰
لحتى تحصلي ع نتيجة فخمة وثابتة إقرئي وادعيلي 😉👇
💥 بالبداية حلو تكون خصل الهايلايت بدرجة فاتحة ومتوازنة مع لون الشعر الأساسي وتكون رفيعة لحتى تندمج بالشعر وما تكون مسطرة تسطير متل يلي واقف طابور مدرسة 😅
💥الصبغة اختياري درجة مناسبة لتغطية الشيب إذا عندك بالشعر يا ويلي عليكي 😁
💥التونر يكون بلون متناسق مع الهايلايت لتعزيز قوة اللون بعد البروتين في حال حابة تعملي خصل ع الصبغة وبروتين بعدها مهو في زبونات متل النسكافيه 3*1 فرصة تقلب انجلينا جولي 😂
💥البروتين يتم بعد عدة أيام من الصبغة والهايلايت من اسبوع ل عشر ايام لسببين الأول لأنو الشعر بعد الصبغة والهايلايت يحتاج وقت ليستقر اللون ويثبت داخل الشعرة وما يتغير لونه للبرتقالي ونخفف عليه ضغط كيماويات والسبب التاني أنا مش ماكينة اعملك كل هدول بنفس اليوم بنهلك 😭
💞 نجي لبعد الصبغة:
💥ممنوع تغسلي شعرك قبل يومين من صبغ الشعر لثبات اللون مش تقوليلي والله غصب عني اتطريت اتحمم 😉😅
واذا لا بد بتغسلي شعرك بمي فاترة وبدون شامبو نهائي
💥 ممنوع وضع سيروم ع الشعر المصبوغ أول إسبوع لإنو أغلب أنواع السيروم تحتوي سيليكون أو زيوت ثقيلة بتغلف الشعرة بسرعة ووقتها بتقلل من استقرار اللون داخل الشعرة ويا فرحتي لو حطيتي سيروم وسشورتي بعدها او تعرض لاي نوع حرارة بيضرب اللون فورا وبيتغير وبتصير تحكيلي صبغتك مش اصلية واللون حل😵‍💫 وتجي تقوليلي صبغتك مش ثابتة وقتها 🙄
💥 ما تربطي الشعر بقوة في الأيام الأولى بعد الصبغة والأفضل استخدامي ربطة شعر ناعمة او ملقط شعر أو تتركيه الشعر ع راحتو فالت 🤭
💥استخدامي شامبو مخصص للشعر المصبوغ لحماية الشعر من الجفاف والتقصف وإطالة عمر الهايلايت ولون الصبغة
# #ملاحظة # #
الشامبو العادي بيحتوي على سلفات قوية بتسرع زوال اللون وما بثبت ويا ويلها مني يلي بتحط سيرف ع شعرها 🫨
💥تجنبي الماء الساخن لإنو بضعف اللون وتركيزه بالشعر وإستخدمي مي فاترة متل ما حكيت قبل 😎
💥 وضع ماسك مغذي مرة بالإسبوع لترطيب الشعر

💞بالنهاية العناية المستمرة تساعد على تثبيت اللون والحفاظ على صحة الشعر ونعومته 🤗
لأي استفسار انا جاهزة إسأليني مع انو مضلش نقطة الا وحكيتها بس بهمش اسألوا 😁
إيمان خضير ❤️

تألقي مع لمسات منال خضير 😍🥰
ميك اب مرافقة سوبر شامل كنتور ورموش طبيعي 15 دينار فقط 💥
#موقعنا المنارة شارع النوافل مقابل مسجد النوافل رقم البناية 54
0796716045 منال خضير
0792253037 إيمان خضير

تألقي مع لمسات إيمان خضير ✨🥰
ميك اب مرافقة سوبر شامل كنتور ورموش طبيعي 15 دينار فقط 💥
#موقعنا المنارة شارع النوافل مقابل مسجد النوافل رقم البناية 54
0796716045 منال خضير
0792253037 إيمان خضير

✨ميك اب مرافقة شامل كنتور ورموش طبيعي 15 دينار
✨ب 15دينار تسريحة3D
💥 تسريحة3D + ميك أب فقط 25 دينار
#بالإضافة للخدمات التالية بيرسينج لجميع مناطق الجسم صبغة بروتين هايلايت قص سشوار حواجب تنظيف بشرة تنظيف وجه رسم حواجب بالحنة تنظيف جسم
#العنوان المنارة شارع النوافل مقابل مسجد النوافل بناية 56
0796716045 منال خضير
0792253037 إيمان خضير