Yummy Keto

يعد المغنيسيوم من اهم المعادن اللي بيحتاجها الجسم سواء خصوصا لمتبعي حمية الكيتو.

#كيتو #رشاقة #صحة

الحفاظ على المكملات الغذائية اثناء حمية الكيتو ضروري لنجاح الحمية.. والمغنيسيوم من اهم المعادن اللي بيحتاجها الجسم.. سواء للكيتونيين او حتى اللي ما بيتبعو حمية الكيتو..

#كيتو #رشاقة #صحة

المافن المالح😋😋
احلى شي بهالوصفة انها fixable يعني بتقدرو تضيفولها اي شي بتحبوه😍😍

انا استخدمت بالوصفة
🥚٤بيضات
ملعقتين كبار زيتون اسود مشرح🫒
ربع كوب جبنة بيضاء
٣ ملاعق كبار فلفل اخضر حلو🫑
ملعقة صغيرة باكيغ باودر
ربع كوب كريمة
ملعقتين ونص تقريبا كبار دقيق لوز
ملح وفلفل اسود وممكن بهارات ايطالية حسب الرغبة

تخلط جميع المكونات مع بعض وتوضع بالفرن لمدة ٢٠-٢٥ دقيقة على درجة حرارة ١٦٠ .. وبنرجع نحمرها من فوق
والف صحة وهنا❤❤😋😋

#رشاقة #علاج #كيتو

رولات مسخن:
مكونات العجينة:
ملعقة زبدة
مكعب جبن كيري او اي جبن كريمي
نص كوب موزوريلا
نص كوب دقيق اللوز

لسلق الدجاج:
صدر دجاج
بصل
كركم،ورق غار،بصل،فلفل اسود

لخليط المسخن:
زيت زيتون
بصل كبيرة
سماق
ليمون
فلفل اسود

والف صحة وهنا😋😋

المحليات المسموحة والممنوعة بالكيتو دايت

#رشاقة #علاج

المفروض بأي دايت هدفنا يكون خسارة الدهون.. ونظام الكيتو من اكتر الانظمة اللي بتساعدنا نحقق هاد الهدف.

#رشاقة

بدائل في الكيتو

#صحوة #رشاقة #علاج

من اسرع وازكى الأكلات دجاج بالكريمة والجبنة والفطر 😋😋😍😍

واخيرا وصفة البيتزا الناجحة بكل المقاييس😍😋🍕🍕🍕
المكونات :
كوب طحين اللوز تقريبا 80 غرام
ملعقة كبيرة سيليوم هوسك (اسباغول) البدائل عنو : ملعقة من مطحون (بذور الكتان أو بذور الشيا أو بذور القاطونة )
بيضتين
250 غرام جبنة موتزاريلا أو خليط أجبان معا متل الشيدر
رشة ملح
ملعقة كبيرة بيكنج باودر
الطريقة :🍕🍕
- منحط طحين اللوز و البيض و السيليوم هوسك و البيكنج باودر و الملح و منخلطن مع بعض منيح بصيرو متل العجينة بس مبينة إنا بتلزق .
- و الجبنة مندخلا على المايكرويف لتذوب , تقريبا ممكن تاخد دقيقة .
بعدين رح نضيف الجبنة على العجينة و نبدا نخلطن و نعجنن مع بعض كتير منيح لتتداخل و تمتزج الجبنة مع طحين اللوز .
- و بس تنعجن منيح رح نمدها بصينية الخبز بس منحط تحتا ورق زبدة حتى ما تلزق , منفردا منيح و بعدين رح نضغط عليا بأصابعنا أو إزا بتحبو تعملو ثقوب بالشوكة حتى ما تنتفخ وقت الخبز .
- مندخلا على الفرن قبل ما نحط الصلصة و الجبنة , الفرن منكون محمينو على درجة حرارة 180 و مشغلينو منو فوق و من تحت , منحطا بس شي 5 دقايق بس تاخد لون خفيف .
- منطلعا من الفرن و منحط عليا صلصة البيتزا و الجبنة و أي إضافات تانية حابين تضيفوها .
- و منرجع ندخلا على الفرن بس منحطو على درجة حرارة 200 و من فوق و من تحت و بالطبقة الوسطانية , منخليا حتى تستوي , تقريبا بتاخد 10 دقايق .

وهيك بكون عنا أطيب بيتزا والف صحة وهنا🍕🍕🥰🥰