Stevo beauty lounge

«البركة مش فلوس كتير» البركة في أن يعدي شهر واتنين وتلاتة.. وانت مش مضطر تروح للدكتور لأن ربنا مبارك في صحتك..

▪البركة إنه يعدي موسم واتنين وتلاتة وانت مش مضطر تجيب لبس.. لأن جسمك زي ما هو.. ربنا مبارك في شكله.. ومبارك في اللبس فـ متقطعش وما فسدش..

▪البركة في إنك تأكل أكل قليل وتشبع.. في إنك تنام حبه قليلين وتصحى فايق.. في إنك بتفهم أي حاجه جديدة عليك.. وتبقي شاطر فيها من غير ما تحتاج حد يساعدك أو يشرحلك..

▪البركة في إنك تروح مكان عامل حسابك إن فيه زحمة وهتتأخر.. وربنا يسخر لك اللي يمشي لك أمورك بلا حول لك ولا قوة..

▪البركة في إنك لما تروح مكان..
كل الناس تحبك من غير مجهود منك..

▪البركة في حاجات كتير لا تحصى.. ولا تعد.. بس إحنا اللي دماغنا ضيقة.. ولا زلت أذكر كلمة قالها لي أحد مشايخي في موقف بيني وبينه قال "قليل مبارك خير من كثير منظور"

فاللهم بارك لنا فيما أعطيت..
الحمد لله رب العالمين