Nutri Zone

كُـل عام وانتم بخيــر .. رمضـان كريـم !!

نمـط الحيـاة الصحـي 🤗

يسعد أوقاتكم جميعا 🙌
إحنا كأخصائيين تغذية بننصح الناس انهم يمشو على نظام غذائي صحي وهذا النظام شرط انو ما يكون لفترة مؤقتة يعني النظام الصحي ما بيكون بس بفترة تنزيل الوزن وبعد ما توصل للوزن الي بدك اياه ترجع تخبص وتاكل زي الأول ❌

لما الشخص يقرر يلتزم بنظام غذائي بغض النظر عن السبب سواء كان لتنزيل او زيادة الوزن او لتنظيم السكري او لمعالجة مشكلة صحية المفروض احنا نوعيهم على انو هالنظام رح يستمر معك طول فترة حياتك لحتى تحافظ على كل النتائج اللي عملتها 🤗 وخصوصا اذا كان النظام متوازن ومعتدل !

نيجي للمهم ومعنى نظام غذائي صحي ، باختصار النظام الصحي هو الي بيحتوي على كل العناصر من كل المجموعات الغذائية واليوم رح احكيلكم نصائح لحتى يكون نظام اكلك صحي: .
✔ حاول تكون الخضار معك ع كل وجبة رئيسية .
✔ حاول تنوع بالفواكة ومعك من 2 لحد 5 حصص .
✔ بدل المخبوزات البيضاء بالمخبوزات السمراء .
✔ تناول منتجات الحليب قليلة .
✔ حاول تشيل الجلد عن الدجاج والدهون عن اللحوم .
✔ الابتعاد عن الوجبات السريعه ، والتركيز على اكل البيت
✔ الابتعاد عن مصادر الاكل المليانة بالسكريات والموالح
✔ حافظ على رطوبة الجسم بشرب الماء
✔ ضيف الدهون الصحية للاكل مثل زيت الزيتون والافوكادو
✔ ممارسة الرياضة بشكل مستمر

واذا بدك تظهرلك بوستاتنا واخر المواضيع الي بنحكي فيها علق برأيك عن النظام الغذائي الصحي و
أعمل لايك وشير .... وطبعا منشن لأصحابك الي مهتمين بمواضيع النظام الغذائي الصحي الي بدون حرمان 🤗

#تغذية #صحة #عادات #نشاط #عمان #الاردن

new successful story 👌👌

يسعد أوقاتكم جميعاً وبداية اسبوع موفقة 🤗

النجاح لا يأتي بالخجل ومشاهدة الناجحين فقط لكنه يأتي بالتركيز عليه والتخطيط له والأهم من ذلك هو الفعل 💪🏻

📖 قصة النجاح لهذا الأسبوع بدأت السنة الماضية وقدرت الأخت Samar Shalaby انها تتخطى كُل التحديات الي بطريقها لتوصل للقمة ، نزلت سمر اكثر من ٣٠ كغم والصورة للفرق لحالها بتحكي 🗣️

طبعاً كانت ماشية ع نظام الحمية معانا وبالاضافة الي التزامها بالتمارين الرياضية مع نادي
Juman Fitness Center
واشتركت بمسابقة الرابح الأكبر ضمن فعاليات النادي ..
🌸 وكانت هي الفائزة بالرابح الأكبر 🌸
👏 يعطيكم العافية جميعاً 👏

تحية كبيرة من أسرة مركز Nutri Zone لصاحبة هالأنجاز الفخم وبنتمنالها مزيد من وافر الصحة والعافية 😊

🗣️ شو بتحبوا تحكوا لسمر بالنسبة لإنجازها؟؟

#تغذية #صحة #ثقافة #عمان #الاردن #نيوتريزون

new successful story 👌

يسـعد أوقاتكم جميـعاً وبداية أسبوع ابداعيـّة 🤗
😇 الحُلم هو مجرد حُلم .. اما الهدف فهو حُلم له خُطه و موعد نهائى لتحقيقه.
قصة النجاح والوصول لهدف جسم مثالي وحياة صحيـّة لهالأسبوع بدت قبل 8 شهور .. بدت مع الأخت Jasmine Shubart
👌 قررت أنـها تغيير طريقتها بالأكل وتعمل تغيير جذري لنمط حياتها من كثير نواحي ومن ضمنهـا - كمية ونوعيـّة الأكل وطريقة النشاط الحركي
ومن يوم ما بلشت معانا بعيادة Nutri Zone بنظام الدايت الصحي بلّشت تلاقي نتائج حقيقية ع ارض الواقع وتحسـّن في الأداء الرياضي ⛹️‍♀️
⏬ وقدرت تنزل 18.8 كغم من وزنها
🔥 18.5 كغم من ضمنهم دهون - خلال 5 شهور -
وكملنا بنظام التثبيت والرجوع لكمية الأكل المناسبة من قبل 3 شهور ولا زلنا مستمرين في المحافظة ع الوزن والنتيجة اللي وصلنالها ..

🔰 وبالمناسبة ياسمين رح تشارك بالماراثون فبنتمنالها التوفيق وتجيب المركز الأول والميداليـة الذهبيـة >>> وانتو شو بتحبوا تحكولهـا ؟؟

أفضـل 3 بدائـل للسُكـر :)

يسعد أوقاتكم جميعـاً 🤗
من أهم الخطوات اللي ممكن نعملـها لحتى نعيش بطريقة صحيـّة هي انو نقلل من استخدام السـُكر ونقلل من المنتجات الي بتحتوي عليـه .. بس إلّا ما يجي عبالنا ناكل أشي حلو ونعيش طعم حلاوة السـُكـر ..
✍️ طبعاً بلا شك السُكر هو اشي مش مفيـد لعدة أسباب .. من أهمها :
ما بيحتوي على بروتينات أو دهون او الياف او فيتامينات او معادن وهو يعتبر من الأشيـاء الفارغة بمحتواها من الفايـدة بالإضافة الى انو بيرفع السكر بالدم بشكل كبير مما يساهم في حدوث مشاكل بالجسم من ضمنها زيادة الدهـون 😲

🛡 اليوم حنحكي عن أفـضل 3 بدائل للسكر ممكن نستخدمها بحياتنا وتعطينا نفس طعم السكر بس بيكون في بمحتواها فائدة او على الأقل بتكون أقل بالسعرات الحرارية من السكر المكرر "سكر الطعام"

1️⃣ أول بديل : سكر الستيفيا STEVIA
بنحصل عليه من خلاصة ورق الستيفيا .. محلي آمن ولا يحتوي على سعرات حراريـة وأثبتت الدراسات انو لا يوجد علاقة بين زيادة الوزن وتناول الستيفيا في الحياة اليومـية .

2️⃣ البديل الثاني : العسـل
احنا بنحكي عن العسـل الأصلي .. مليان بمحتواه بمضادات الأكسـدة وبيحتوي على كمية عاليـة جداً من المعادن وبعض انواع الفيتامينات المفيدة لأجسامنا .. بس بدنا ننتبه لنقطـة انو العسـل بيحتوي على سعرات حراريـة وبكل ملعقة طعام بيعطينا 64 سعرة حرارية فبدنا ننتبه لهالنقطـة ونستعمل العسـل بإعتدال.

3️⃣ البديل الثالث : سكر الزايليتول XYLITOL
اسم غريب بس هو من افضل البدائل للسكر المكرر ويستخلص من الذرة او من شجرة اسمها البتولا Birch wood وبيحتوي على سعرات أقل ب40% من السكر المكرر وأثبتت الدراسات انو ما بيرفع السكر بالدم وإلو رقم جلايسيمي منخفض وبيساعد في امتصاص الكالسيوم المفيد لصحة الأسنان والعظام.

🗣 إحكولنـا شو نوع البديل اللي بتستعملوه بحياتكم ؟؟

💫 طبعاً اذا عجبك موضوع بدائل السكر ادعمنا بلايك وشير ولا تنسى تعمل منشن لحدا بتعهموا معلومات عن أفضل 3 بدائل للسكر المكرر.

#تغذية #صحة #ثقافة #سكر #نيوتريزون #عمان #الاردن

يسعد أوقاتكم جميعاً 🤗
من جد وجد ومن سار على نمط الحياة الصحي وصل للوزن الطبيعي 👍🏽.
معانا اليوم نتيجة لمشترك بالعيادة ، قدرنا خلال 5 اشهر انو ننزل 13 كيلو ونثبتهم ، مشينا بنظام الحمية المعتدلة والمتوازنة.
Cico : calorie in calorie out
وخلال 4 شهور نزلنا للوزن الطبيعي وبعديها مشينا عنظام الحمية العكسية لتثبيت الوزن لمدة شهر والنتيجة كانت رائعة ع الشكل والوزن وحتى على مؤشرات الصحة بشكل عام ، بنحيي اخونا سعدي ع هالأنجاز المميز وبنتمناله دوام الصحة والعافية .. شو بتستنوا كونو انتو قصة النجاح القادمة 😊

حبوب حرق الدهـون السحريــّة 🔥🔥🔥

يسـعد أوقاتـكم جميعا ونهاية أسبوع جميلة 🤗
حيــاتنا بتتشكل ع حسب العادات الي بنكتسبـها وبنكررها بشكل لا واعي .. مش حسب الاشياء اللي بنعملها مرة وحـدة وخلــص !

🛡 وفي قاعدة مهمـة جداً للنجاح بأي أشي بالحيـاة .. وهالقاعدة هي الحبة السحرية الي حتحرقلنا الدهـون
" الإستمراريــــــــة "

🕵️‍♀️ والخلطة السحرية للإستمراريـة :
نكون مُصرين على واجباتنا اليومية الي حتوصلنـا لهدفنـا .. وانو نكون مركزين على اهدافنـا بدون تشتيت .. ونركّز على التحديات الي قررنا نعملها بنظام أكلنـا ونضل مكملين عليها :
مثلا : تقليل كمية السُكر .. تجنّـب الوجبات السريعـة .. زيادة كمية الخضار باليوم .. تنظيم اوقات الوجبات .. شرب المي .. اعتماد الأكل المشوي بدل المقلي وحتـى حصة الرياضة بدها استمرارية لحتى نضلنا نشوف النتائج الي بدنا اياها !!

🥇 وشرط الإستمراريـة انو نعمل تغيير صحي بحياتنا بشكل تدريجي لحتى يصير عنـّا عادة ونضل مكتسبينها حتـى على المدى البعيـد ..
وعشـان نستمر ونضـل مكملنا بنمطنا الصحي وبعاداتنا الي غيّرناها لازم نركز على اللحظة الي احنا عم بنعيشـها ونقيس دائما تقدمنا وتطورنا ونتحمـّس ونكافئ حالنا عكل تقدم بنحرزه .

💊 تناولوا حبوب الإستمرارية 3 مرات باليوم ولمدة غير محدودة وانا بضمنلكم حرق للدهون أكثر وصحة وعافية ونشاط طول فترة الحيـاة 😎😎

طبعا اذا عجبك موضوع الحبة السحرية لا تنسى تدعمنا بلايك وشير ومنشن لحدا بتهموا معلومات عن الحبة السحرية لحرق الدهـون 💫

#تغذية #صحة #ثقافة #عمان #الاردن #نيوتريزون

يتخصص مركز نيوتري زون NutriZone بتقديم

⚡استشارات في مجال التغذية ومعالجة السُمنة
⚡تحضير ومتابعة برامج انقاص وزيادة الوزن
⚡تحضير برامج الرشاقة والتغذية لمختلف المراحل العمرية
⚡تنظيم البرامج الغذائية الخاصة بالحوامل والمرضعات وكذلك لاصحاب الحالات الخاصة وتغذية الاطفال
⚡متابعة الرياضيين المحترفين وبناء الأجسام
⚡متابعة الأشخاص النباتيين

💠 وكما أنّ المركز يوفر لعملائُه أفضل المكملات الغذائية الطبيعية والاغذية العضوية بمختلف انواعها وتحديد البرنامج الغذائي الصحي لكل حالة مرضية

🕵️ يتوفر في المركز جهاز فحص متطور لقياس مكونات الجسم ونسبة الدهون وحساب العمر الأيضي وكمية السعرات الحرارية والعديد من القراءات الأُخرى

💫 يُعتبر مركز نيوتري زون احد اهم مراكز الاستشارات الغذائية و إدارة الوزن في الأردن-عمّان

💨 يُشرف على المركز مجموعة من اخصائيين التغذية المؤهلين علمياً وعملياً على مستوى عالي ليقدموا مجموعة من الخيارات المتعددة للمشتركين ليجعل من عملية الحصول على صحة مثالية وتغذية صحية عملية شيقة اكثر من ذي قبل ، وقد استطاع المركز خلال فترة قياسية من الحصول على ثقة جميع مشتركيه لما يقدمة المركز من خدمات متميزة ومتعددة وعلى مستوى عالي من الحرفية تلبي جميع احتياجات زبائنة

📌 موقع العيادة : دوار الواحه قبل مطعم طواحين الهوا عمارة منصور الرشق الطابق4 مكتب 401

📱رقم الهاتف : 0799660986

🕰️ مواعيد العمل : يوميا من ال9 صباحاً وحتى ال5 مساءاً ما عدا الجمعة