DNA skin&beauty

واقي الشمس
كتير ناس بتستعمله بطريقة خاطئة
❌بتحط واقي الشمس على البشرة وبعديها تعرض مباشر للشمس
هالشي بخلي البشرة تتعرض للحروق بشكل اكبر

✅الطريقة الصحيحة وضع الواقي الشمسي اقل شي قبل نص ساعة من التعرض للشمس

طبعا كتير منا بعانو من تساقط الشعر في الاونة الاخيرة الشامبو والزيوت مش كل اشي
مصادر فيتامينات بنلاقيها بالمصادر الغذائية العديد منها بجهلها
6 فيتامينات مهمة لصحة شعرك وأهم الأكلات الغنية بها
１- البيض (البروتين)
２- البقوليات (حديد)
３- الأسماك الدهنية (أوميجا 3)
４- البطاطا الحلوة (فيتامين أ)
５- المكسرات (فيتامين E)
6- السبانخ (فيتامين ج)

dermaroller
كتير منا بسمع عن الديرما رولر بس كيف استخدمها وشو فائدتها ؟؟
الديرمارولر كتير مفيدة للوجه والبشرة اول شي هو عبارة عن ابر جدا جدا صغيرة على عجلة هاي الابر لما تحركيها على بشرتك رح تعمل ثقوب صغيرة بالوجه بس
الجسم هون رح يتحفز عنده اشي اسمه "wound healing stimulation"
يعني تحفز شفاء الجروح لانه بالنسبة للجسم صار في جروح وبالتالي رح ينتج كولاجين وخلايا جلدية جديدة
طبعا بما انها بتعمل ثقوب كتير منكم رح يخاف تزيد حجم المسامات بالعكس هي رح تصغرها
اما بالنسبة لفعاليتها مع السيروم والكرريم فهي جدا ممتازة وبتزيد من فعالية الكريم لانها بتسمح للكريم او السيرم انه يفوت لمناطق اعمق بالبشر
الديرما رولر بتساعد بكل انواع الكريمات حبوب الشباب وعلامات التقدم بالسن والتصبغات وحتى انتفاخ والسواد تحت العينين والجفاف بالبشرة وحتى للشعر الديرما روللر بستخدم على فروة الراس

طريقة استعمال الديرما روللر:
1-اول خطوة لازم لازم تحطي على راس الديرما رولر كحول وبتغسليها بمي دافية
2- بتغسلي وجهك وبشرتك اللي بدك تعالجيها ممكن للرقبة او اليدين او اي منطقة بدك تعالجيها بامكانك تستخدمي عليها ديرما روللر بتغسليها كويس بمي دافية او تونر لينضف البشرة منيح
3- هلا بامكانك تستخدمي الديرمارولر على بشترك متل الصورة اللي تحت وفي فيديو كمان باخر البوست واهم شي تنتبهي حول العين لانها منطقة حساسة
4-بعد ما تخلصي بامكانك تحطي الكريم او السيروم السيروم طبعا بجنن
وهيك بنكون انتهينا من استخدام الديرمارولر بنجاح
نصائح....
اولا بعد استخدام الديرما رولر البشرة بتكون كتير حساسة فالافض تستخدمي مرطب بعد ما تحطي الكريمات المعالجة
ثانيا البشرة بتصير اكثر تحساسا لاشعة الشمس فاستخدميها باليل
ثالثا والمهم كتير انه استخدام الديرمارولر مو يومي استخدامها مرة او مرتي بالاسبوع وحسب سبب الاستخدام
رابعا الديرما رولر بتيجي عدة احجام (0.25/0.5/1.0) اكتر شي متوفر ال (1.0/0.5) وكلما كانت اصغر احسن لهيك افضل خيار ال (0.5)

خامسا سيروم (vichy 89 minerals ) بجنن مع الديرمارولر صورته تحت كمان

رابط فيديو لطريقة الاستخدام 👇👇
https://www.youtube.com/watch?v=yWTQ5_vG8zY

ازا بتعاني من تصبغات بالبشرة او في عدم تناسق بالوان بشرتك وبدك غسول كويس يعطيك نضارة وتفتيح للبشرة
غسول uriage depiderm 👇
من الغسولات الرائعة جدا للبشرة بنصح فيه وبشدة

معلومة سريعة كتير بنات بعرفوها بس في كتير بجهلوها
اي كريم بتحطيه على وجهك بزيد من نسبة احتمالية انه ينحرق وجهك ازا تعرض للشمس لهيك لازم تحطي واقي شمس فوقه وواقي الشمس لازم قبل بنص ساعة تماما من التعرض للشمس ليعطي مفعول
وحتى الكريمات النهارية ما بتغني عن واقي الشمس اقل شي لازم يكون ال (spf ) لاله 30 حتى يعطي حماية كويسة

فراولة ،كيوي،فلفل احمر اخضر ،برتقال وجميع انواع الحمضيات
كل هدول الفواكه بجمعهم اشي واحد عدا عن انهم فواكه جميعهم بيحتوي على (vitamin c )
معظمنا بعرف انه فيتامين سي بس الاغلب بهتم بانه يحصل عليه من الخارج متل سيروم او كريم اكتر من انه يحصل عليه كغذاء وكتير اشخاص ممكن يمر اليوم كامل من دون ان يتناول اي نوع من الفاكهة
بس هاي الفاكهة مهمة جدا لانها بتدع (elastin ) و ال(collagen ) في البشرة وهي اهم انها تكون من الداخل للخارج اكتر من العكس ليه؟؟
بكل بساطة لانه في اغلب الاحيان الكريمات والسيروم اللي بنحطه على البشرة ما بوصل للداخل لانه الجزيئات بتكون كبيرة
فشغلة كتير مهمة انه نحافظ على هدول الفاكهة اليومية ومو بس للبشرة حتى للشعر والاظافر والفيتامين سي بعطي نشاط كتير كبير للجسم
من العناصر اللي جدا مهمة كمان اللي هو المنغنيز نادرا ما نسمع عن هاد العنصر واهميته للبشرة بس هو جدا مهم لانه بالاضافة الى انه بشتغل كمضاد للاكسدة هو بحمي من الاشعة فوق البنفسجية واللي هي عامل اساسي وباثر كتير على البشرة وعلى عمرها
ومن الاطعمة اللي بتحتوي على المنغنيز الفواكه متل التفاح والاناناس
والبقوليات والاوراق الخضراء متل السبانخ
والمكسرات متل الجوز واللوز والكاشو اللي بحتو كمان على زيت السمك اللي اله ادور كبير بلمحافظة على بناء الكولاجين والايلاستن والمحافظة على الرطوبة

كتير منا بعاني من شعره خصوصا بالصيف جفاف شعر ونفشة ومع استخدام ال (straightener) بزيد جفاف وتقصف اليوم رح احكي عن منتج جدا خرافي بحل هاي المشكلة بعطي نتيجة نفس نتيجة ال (straightener)
بنعم وبشيل النفشة بس الفرق انه برطب الشعر وبنفس الوقت بخليه اقوى
كل اللي بحتاجه بعد ما ترشيه على شعرك وتعرضيه لهوا سخن متل سشوار بتلاقي شعرك متل الحرير

اغلب البنات بعانو من مشاكل بالشعر وهاي المشكلة هي اما نفشة الشعر 👩‍🦱او تساقط والشعر هلا حتى تتعالج هاي المشكلة لازم ينعرف المسبب لهاي المشكلة
بداية لازم نعرف انه نقص الفيتامين هو اول مسبب لجميع مشاكل الشعر سواء نفشة او تساقط
يعني مثلا فيتامين د هو اللي بحفز بصيلة الشعر على النمو بالتالي ازا صار في نقص رح يقل نمو الشعر
حتى فيتامين (سي c) كتير مهم للشعر لانه نقصه بخلي الاوعية الدموية كتير هشة وبتتلف فبصير زي بقع حمراء حول الشعر طبعا هاد الاشي بخلي الشعر كمان ضعيف
واكيد نقص البي 12 بعمل نفشة بالشعر ونقص الحديد باثر كتير على التساقط والكثافة
لهاد السبب لازم اولاشي نعرف هل المشكلة بال(vitamins ) اولا
افضل وسيلة لمعالجة الشعر استخدام حبوب (orally(فموي ) ) مع اشياء خارجية متل زيوت او شامبو او لوشن للشعر اوحتى استخدام المجموعة كاملة بكون افضل
المنتج اللي تحت👇👇 منتج جدا رائع لترطيب وتغذية الشعر 👩
هو من شركة Palmer`s الامريكية فيه فيتامين (a,d,e) بعطي الشعر رطوبة عالية والحلو فيه استخدامه بعد الحمام والشعر ناشف وما بحتاج غسيل يعني استخدامه جد مريح

السكر دائما بنحاول نبعد عن السكر لانه دائما بنسمع انه هو مو كويس يؤذي الجسم يسبب سمنةبس اليوم الموضوع مختلف
اول شي السكر مهم جدا بحياتنا وصعب جدا الاستغناء عنه
مش بس عشان هو غذاء مهم وهو بمنح طاقة للجسم السكر اله فوائد للبشرة والشعر
فروة الراس بتراكم عليها قشرة كل فترة وبعد مدة بسبب القشرة او عدم فرك فروة الراس بشكل جيد بتمنع نمو الشعر , ملعقة سكر وحدة صغيرة مع الشامبو ممكن تحل هاد الموضوع ببساطة
اما للبشرة بمنحها نضارة وبعمللها تقشير وازا كانت بشرتك مرهقة ومتعبة ووبعطيها نعومة خرافية وعلى فكرة لما بنحكي بشرة مو معناها الوجه وبس لا الجسم كمان بشرة وبحتاج ماسكات وسكراب عشان يصير ناعم ونشيل الجلد الميت عنه
بمكونات كتير بسيطة واغلبها موجود بالبيت
( كاس سكر+ ربع كاسة زيت زيتون + ربع كاسة زيت جوز الهند )
بنخلط المكونات اللي فوق 👆 مع بعض وبصير عنا احلى خلطة وبامكانا نحطها بعلبة ونحفظها بالتلاجة او الخزانة ونستخدمها قبل كل حمام
بتمنى تكونو استفدتو من هالمعلومة 😇😇

مادة بتكون من 25-35%من بروتين جسم الانسان الاربطة ,الغضاريف والفاصل وحتى العضلات بترتبط ببعضها بمساعدة الكولاجين بالاضافة الى انها مكون اساسي بالشعر والظافر والجلد
المشكلة انه بعد عمر ال25 سنة الجسم بيقفد القدرة على تصنيع الكولاجين لهاد السبب بتبلش البشرة يصير فيها تجاعيد وبتفقد مورنتها والشعر بصير اخف وارفع واشخاص كتير بعانو من مشاكل بالمفاصل بمرور الوقت
يفضل استخدام الكولاجين ابتداءا من خمس وعشرين سنة اما كريم للبشرة او حبوب او امبولات شرب
(beauty code )
من المنتجات اللي كتير بفضلها هو عباة عن امبولات شرب طعمها فراولة
فيها زنك وبيوتين بالاضافة للهايلرونيك اسيد اللي كتير بساعد على ترطيب وتغذية البشرة منتج(beauty code ) مختص بالبشرة اكتر شي
طبعا فيه انواع مختلفة حبوب وكريما للبشرة وجل وامبولات للمفاصل
هاد هو المنتج 👇👇