Renad beauty salon

البوست يالي من زمان كان لازم ينزل

عزيزتي العروس /صاحبة الصالون
1. ما في اشي اسمه هاد الترند وهاي الموضه وانا لازم اعمل هيك
2. خلي تفكيرنا ليش ما اختار المناسب !
3. التقدير حسب الاقدميه لا بالعكس في كثير صبايا موهوبين لازم نقدرهم من ناحية صالونات من مصورات ......
4. ما ننتقد بعض حبي الخير للكل وخلي شغلك يحكي عنك جيبي مودل اعرضي شغلك ادفعي صوري اتعبي ما تصوري زبونه وحطي تحتها مليون خط ما تاخدي تعب غيرك وتنشريه لانه كله بنكشف ما في داعي نلجأ لأساليب التشويه والاساءه ارتقو!!! وفرجينا شغلك شطارتك تطورك .......
5. البيئة يالي قائمه عالمعارف والاقدميه للاسف هاي بعمرها ما بتطور
6. تميزي بشغلك تعلمي احضري تدربي مش غلط الشاطر كل يوم بتعلم شي جديد هاد مجال التطور فيه ما بخلص ما توقفي مكانك خلي الك بصمتك اسلوبك مش ضروري كلهم نفس النسخ وبعرف اعمل ستايل معين وامشي الكل عليه.
7. ما تحطو الحق على صاحبة المصلحة ممكن اختيار العروس هو الخطأ في نسبه كبيره فعلياً ما بتعرف تختار شو المناسب وما بتسمع النصيحة .
8. ما في ميك اب نفسه مناسب للكل ما في داعي تسريحة اكبر من راس العروس ما في داعي انه عروس لازم اركب اكستنشن الا اذا كانت فعلياً بحاجة لازم كذا لازم كذا اكون لوني كذا شكلي كذا نطلع نسخة عن بعض فكري كيف اكون مميزة مختلفه .....
9. ما في فلانه بتاخد كم عالعروس كل وحدة بتحط سعر مدروس يتناسب مع الجودة والمنتجات والماركات يالي بتستخدمها وتعبها حتى الفساتين جودتها موديلها........ .
10. لازم تفكري كيف بعد سنين اطلع على البوم الصور واحب حالي وكأنه عروس هاي السنه .
11. اختيار الفستان بلعب دور كبيييير بإطلالتك نختار الاجمل نختار يالي بناسبنا نختار على اساس انه نفسي البس هيك اكون هيك اطلالتي هيك مش غلط تتميزي انتي العروس والقرار الك مش لأي شخص ثاني لانه انتي العروووووس.
12. اهم نصيحة اهتمي بحالك بجمالك ببشرتك بشعرك بجسمك بكل شي يكمل اطلالتك ويزيدها جمال
#جمال

عرايس 2026 وهاد الحكي مش بس للعروس اي صبيه حالياً بشوف عدم اهتمام بالبشرة بشكل كبير لا بنظافة البشرة ولا بمشاكل البشرة من حبوب من تصبغات من مسام من جفاف من اي مشكلة ممكن تعاني منها بشرتك لازم تهتمي يا حبيبتي على الاقل قبل 3 شهور من مناسبتك في بشرة بتحتاج زيارة لدكتور جلدية وهو الحل الافضل لحتى يحدد شو العلاج المناسب ويالي بناسبك ما بناسب غيرك
حالياً السوشيال ميديا ما خلت حدا ما بيعرف بآخر التطورات بالتجميل ما بحيكلك فلر وبوتوكس وابصر شو لا اهتمي بطبيعة بشرتك اختاري دكتور يحدد شو المشكلة ويحطلك خطه تمشي عليها لمده مش اقل من 3 شهور ما نستخدم منتجات على كيفنا ونزيد مشاكل بدل ما نخفف ونعالج تجربة اختك صاحبتك او اي صبيه تانيه اذا زبطت معها الامور ممكن وعالاكيد ما تزبط معك كل بشرة الها خطه معينة مع دكتور جلديه مختص سواء الوجه او الجسم

بهمني تكوني احلى عروس 🥰
اهتمو يا حلوين 🙏🏻🙏🏻🙏🏻