https://www.facebook.com/100877826139419/

Ombré Store, Battambang province, Battambang (2026)

11/02/2026

🌱ការងារជាគ្រូបឋម មិនមែនគ្រាន់តែជាអាជីពមួយសម្រាប់ចិញ្ចឹមជីវិតនោះទេ ប៉ុន្តែវាគឺជា សិល្បៈនៃការសូនរូបមនុស្សនិងជាការលះបង់ដែលចេញពីបេះដូងរបស់គ្រូបង្រៀនគ្រប់រូប។❤️
🌱គ្រូបឋម🫱🏻ជាពិភពលោកទាំងមូលរបស់ក្មេងៗ 🌍 ជាការពិត😄ព្រេាះនៅកម្រិតបឋមសិក្សា កុមារប្រៀបដូចជាក្រដាសស🤍 ហេីយក្នុងក្រសែភ្នែកដ៏ស្រស់ថ្លារបស់ពួកគេ គ្រូបង្រៀនគឺជាគំរូ ជាអាណាព្យាបាលទីពីរ និងជាមនុស្សដែលពួកគេទុកចិត្តបំផុត។ ចំណែកគ្រូវិញ អារម្មណ៍ដែលបានឃើញក្មេងៗរត់មកទទួល
ដោយស្នាមញញឹមរាល់ព្រឹក វាគឺជាថាមពលមួយយ៉ាងពិសេសដែលជម្រុះអស់រាល់ភាពហត់នឿយ។
🌱ជាគ្រូបឋម ពិតជាមានសេចក្តីសុខនៅពេលឃើញ «ពន្លឺនៃការយល់ដឹង»របស់សិស្ស✨គ្មានអ្វីដែលរំភើបជាងការបានឃើញសិស្សម្នាក់ដែលធ្លាប់តែអានមិនដាច់ សរសេរមិនត្រូវ ចាប់ផ្តើមចេះផ្សំអក្សរ និងអានជាពាក្យបាននោះទេ។ ខណៈពេលដែលពួកគេបន្លឺសំឡេងអានដំបូងដោយមោទនភាពបញ្ចេញមកក្រៅយ៉ាងស្វាហាប់ ក្នុងចិត្តគ្រូបង្រៀនម្នាក់ៗពោរពេញដោយសេចក្តីរំភើប ព្រោះយើងដឹងថា យើងបានផ្តល់ចំណេះដឹងឱ្យពួកគាត់ ពួកគាត់ទទួលបាន ហេីយពេលពួកគាត់ចេះ ពួកគាត់សប្បាយចិត្តណាស់ (ទឹកមុខវិញឡេីងខ្យូតៗ😘)។
🌱គ្រូបឋម គឺជាអ្នកសាងសង់ "គ្រឹះ"នៃធនធានមនុស្សរបស់ប្រទេសជាតិ។ បើគ្រឹះមាំ អនាគតក្មេងម្នាក់ៗនឹងរឹងមាំទៅតាមហ្នឹងផងដែរ។ការដែលដឹងថា កុមារម្នាក់ដែលយើងកំពុងបង្រៀននៅថ្ងៃនេះ អាចនឹងក្លាយជាវេជ្ជបណ្ឌិត វិស្វករ ឬថ្នាក់ដឹកនាំនៅថ្ងៃអនាគត វាធ្វើឱ្យយើងមានអារម្មណ៍ថាការងាររបស់យើងមានតម្លៃជាវិជ្ជមានបំផុតចំពោះសង្គម។😊
🌱គ្រូបឋមតែងទទួលបានភាពស្មោះត្រង់ និងក្តីស្រឡាញ់ដែលគ្មានលក្ខខណ្ឌ ។ ក្មេងៗមិនចេះលាក់ពុតទេ។ ភាពស្មោះត្រង់របស់ពួកគេ សំណួរប្លែកៗដែលធ្វើឱ្យយើងសើច 😂 និងការយកចិត្តទុកដាក់តូចតាច (ដូចជាការ សួរសុខទុក្ខគ្រូ យកបង្អែម ផ្លែឈេីមកផ្ញើគ្រូ ឬការគូររូបឱ្យគ្រូ ឬពេលខ្លះគូររូបគ្រូទៀត…😆)គឺជាសុភមង្គលដែលរកទិញមិនបាន។ វាជាទំនាក់ទំនងដែលកើតចេញពីចិត្ត និងចិត្ត។🤍
🌱គ្រូបឋមក៏អាចរៀនសូត្រពីក្មេងៗត្រឡប់មកវិញ
ទោះបីយើងជាគ្រូពិតមែន ប៉ុន្តែក្មេងៗបង្រៀនយើងឱ្យស្គាល់ពី «ភាពអត់ធ្មត់» និង «ការមើលពិភពលោកក្នុងផ្លូវល្អ»។ ពួកគេរំឭកយើងឱ្យចេះសើចឱ្យបានច្រើន និងចេះអត់ឱនឱ្យគ្នា។ ការរស់នៅក្បែរក្មេងៗ ធ្វើឱ្យចិត្តរបស់យើងនៅតែក្មេង(តែរូបរាងគ្រូចាស់ទេ🤭) និងមានភាពស្រស់ស្រាយជានិច្ច។
☘️សរុបមក ការងារជាគ្រូបឋម គឺជាការងារដែលហត់នឿយ ប៉ុន្តែវាជាភាពហត់នឿយដែល «ពេញចិត្តនិងពេារពេញទៅដេាយក្តីស្រឡាញ់បង្កប់នូវភក្តីភាព» ។ យើងមិនត្រឹមតែបង្រៀនអក្សរ និងលេខប៉ុណ្ណោះទេ ប៉ុន្តែយើងកំពុង «ដាំដុះក្តីសង្ឃឹម» នៅក្នុងបេះដូងកុមារគ្រប់រូប(សិស្សបឋម)។ #គ្រូបឋម #ការអប់រំ #ចែករំលែកចំណេះដឹង #សិស្សបឋម