Rith-Admin168

#ស្វែងយល់អំពី៖ ខ្លាញ់ល្អ ( HDL Cholesterol) និង
ខ្លាញ់អាក្រក់( LDL Cholesterol ) និងផលវិបាកនៃការ
លើសជាតិខ្លាញ់អាក្រក់
===

#មិនមែនខ្លាញ់គឺសុទ្ធតែអាក្រក់ទាំងអស់នោះទេដែលមុខងារទូរទៅនៃខ្លាញ់(fat) គឺជាសារជាតិចឹញ្ចឹមនៅក្នុងរាងកាយរបស់យើងហើយ ខ្លាញ់គឺដើរតួរនាទីសំខាន់ផងដែរក្នុងការជួយទ្រទ្រង់មុខងារមួយចំនួននៃសរីរាង្គកាយយើងនិងផ្តល់ថាមពលដល់រាងកាយយើងផងដែរ។ ខ្លាញ់ក៏បានចូលរួមចំនែកជួយធ្វើឲ្យវីតាមីននៅក្នុងរាយកាយយើងងាយស្រួលរំលាយចូលក្នុងឈាមបានល្អដែរ។

#ខ្លាញ់គេបែងចែកជា ខ្លាញ់ Cholesterol និង Triglyceride ហើយខ្លាញ់​ Cholesterol បានបែងចែកជា2ប្រភេទទៀតគឺ៖
> ខ្លាញ់ល្អ គឺគេហៅថា HDL (high-density lipoprotein), ឬ ហៅថា“good” cholesterol,​ខ្លាញ់នេះគឺជួយដឹកនាំខ្លាញ់អាក្រក់​ LDL cholesterol ចេញពីរាងកាយយើង ឬពីរសរសៃឈាមអាទែរទៅឲ្យថ្លើម រួចថ្លើមបានច្រោះចេញនូវសារជាតិខ្លាញ់ cholesterolនេះចេញពីរាងកាយយើង។ ការថយចុះនូវកំរិតខ្លាញ់ល្អនេះគឺអាចធ្វើឲ្យយើងអាចប្រឈមមុខនឹងជំងឺបេះដូងនិងសរសៃឈាមខួរក្បាល។ពេលដែលយើងទៅពិនិត្យឈាមគឺយើងចង់បានកំរិតខ្លាញ់ល្អនេះឡើងខ្ពស់។

> ខ្លាញ់អាក្រក់ ឬ LDL (low-density lipoprotein), ឬ ហៅថា “bad” cholesterol,នៅពេលរាងកាយរបស់យើងមានខ្លាញ់អាក្រក់នេះច្រើន,​ខ្លាញ់នេះវាបានទៅកកផ្តុំនៅលើជញ្ជាំងសរសៃឈាមដែលបង្កើតបានជាកំនកខ្លាញ់ “plaque.” ហើយនៅពេលសរសៃឈាមរបស់យើងបង្កើតបានជាកំនកខ្លាញ់នេះយូរៗទៅវាធ្វើឲ្យប្រហោងលំហូរនៃសរសៃឈាមយើងរួមតូច។ Page គ្រូពេទ្យក្មេង Young Doctor។ ការរួមតូចនេះធ្វើឲ្យមានការស្ទះចរន្តលំហូរឈាមរត់ទៅបេះដូងនិងត្រឡប់ចេញពីបេះដូងដើម្បីចែកចាយទៅសរសៃរាង្គផ្សេងៗវិញ។ ដូច្នោះនៅពេលដែលសរសៃឈាមស្ទះមិនអាចទៅចិញ្ចឹមបេះដូងបាននោះធ្វើឲ្យមានការចុកទ្រូងនិងគាំងបេះដូងបាន។​ដែលពេលយើងពិនិត្យឈាមគឺចង់អោយកំរិតខ្លាញ់អាក្រក់នេះចុះទាប។

> ចំនែកឯខ្លាញ់ Triglyceride ​វិញគឺជាខ្លាញ់ដែលបានមកពីចំណីអាហារដែលយើងបរិភោគប្រចាំថ្ងៃដូចជាមាននៅក្នុងប័រ(យកមកអាំងសាច់ជាដើម), ប្រេងរុក្ខជាតិនិងនៅក្នុងខ្លាញ់សត្វ ហើយខ្លាញ់នេះក៏បានមកពីការឡើងនូវកាល់ឡូរីខ្ពស់ពេក​ហើយពេលណាកាល់ឡូរីឡើងច្រើនពេករាងកាយមិនត្រូវការកាល់ឡូរីនេះទេហើយក៏បំលែងទៅជាខ្លាញ់ Triglyceride ដែលត្រូវបានស្ទុកក្នុងកោសិកាខ្លាញ់រួចបញ្ចេញទៅក្នុងចរន្តឈាមបង្កើតបានជា​ថាមពលដែលត្រូវបានប្រើប្រាស់ដោយកោសិការបស់យើង។

#ផលវិបាកនៃការលើសខ្លាញ់អាក្រក់និងខ្លាញ់Triglycerideអាចបណ្តាលឲ្យ​៖
> មានបញ្ហាត្បៀតសរសៃឈាមបេះដូង និងសរសៃឈាមខួរក្បាល
> គាំងបេះដូង
> មានបញ្ហាលើសសំពាធឈាម
> មានបញ្ហាជំងឺទឹកនោមផ្អែម
> អាចមានបញ្ហាប៉ះពាល់ដល់តំរងនោម
> អាចបណ្តាលឲ្យមានខ្លាញ់រុំថ្លើម
> ឡើងគីឡូ ឬលើសទំងន់​ (​ធាត់)​
> អាចប្រឈមមុខនឹងការបង្កើតបានជាគ្រួសក្នុងថង់ទឹកប្រមាត់
> អាចធ្វើឲ្យមានដុំពកតូចៗនៅលើស្បែក(​subcutaneous xanthomas​)​

#ការកំណត់រោគវិនិច្ឆ័យហើយនិងការព្យាបាល​
> ដូច្នោះដើម្បីបញ្ជៀសពីផលវិបាកទាំងអស់នេះគឺមានតែការពិនិត្យសុខភាពឲ្យបានទាន់ពេលវេលាដោយធ្វើតេស្តពិនិត្យមើលកំរិតជាតិខ្លាញ់ក្នុងឈាមឲ្យបានត្រឹមត្រូវនិងជាប្រចាំទៅតាមការកំណត់របស់វេជ្ជបណ្ឌិត។
> និងធ្វើការបរិភោគអាហារឲ្យបានត្រឹមត្រូវដូចជា៖ កាត់បន្ថយអាហារខ្លាញ់ច្រើនជាពិសេសខ្លាញ់សាច់សត្វដែលជាប្រភេទខ្លាញ់ឆ្អែត​ ( saturated fat)
> ​ធ្វើការហាត់ប្រាណឲ្យបានទៀងទាត់
> កាត់បន្ថយការពិសារស្រានិងបារី (​ពីព្រោះសារជាតិនេះធ្វើឲ្យមានការបំលែងទៅជាខ្លាញ់បាន)​
> និងគួរកាត់បន្ថយអាហារដែលផ្អែមច្រើនពេកផងដែរ​(​ពីព្រោះសារជាតិផ្អែមនេះធ្វើឲ្យមានការបំលែងទៅជាខ្លាញ់បាន)​​៕

#ដោយ វេជ្ជបណ្ឌិត សុខ ពុទ្ធី