Dr. Health
Share
My Lady - ម៉ាយ ឡេឌី ដំណោះស្រាយបញ្ហាសុខភាព?
#ដោះស្រាយបញ្ហាសុខភាពប្រកប់ដោយគុណភាពប្រសិទ្ធភាពនិងសុវត្ថិភាជាមួយនិងម៉ាយឡេឌី។
✓ My Lady ជាផលិតផលធម្មជាតិ ត្រូវបានផ្សំឡើងពីរុក្ខឱសថ ១៧ មុខ ជាអ្នកឯកទេសដោះស្រាយបញ្ហាសម្រស់ និងរោគស្រ្តីបានជាច្រើនដូចជា៖
-ជួយដោះស្រាយបញ្ហាធ្លាក់ស រមាស់ ធុំក្លិន និងឡើងពណ៏
-ជួយរឹតបន្តឹងសាច់ដុំទ្វារមាស
-ជួយដោះស្រាយបញ្ហារាំងរដូវ រដូវមកមិនទៀង
-ជួយដោះស្រាយបញ្ហាកើតមុន ជាំមុខ ស្បែកស្រអាប់ គ្មានសំណើម
-ជួយឱ្យដើមទ្រូងតឹងណែនតាមធម្មជត
17/11/2022
ឈប់កុហកខ្លួនឯងថា ចាំឆ្នាំក្រោយខ្ញុំនឹងរកក្ដីសុខឱ្យខ្លួនឯងវិញម្ដង កុំអី! កុំកុហកខ្លួនឯងច្រើនពេកអី ១០ ឆ្នាំមានមិនច្រើនដងទេ បើមិនរីករាយឥឡូវ ពេលវេលាដែលនៅគឺតិចណាស់ តើត្រូវសង្ឃឹមឆ្នាំក្រោយប៉ុន្មានដងទៀត? បើឆ្នាំមុនថាឆ្នាំនេះ មកដល់ឆ្នាំនេះថាឆ្នាំក្រោយ តើពេលណាឱ្យប្រាកដទើបធ្វើឱ្យខ្លួនឯងមានក្ដីសុខបាន?
ល្មមដល់ពេលហើយ ខ្មោចដែលងាប់ ដឹងខ្លួនក្នុងរយៈពេលត្រឹម៧ថ្ងៃប៉ុណ្ណោះ ចំណែកយើងជាមនុស្ស ល្មមដឹងខ្លួនហើយ ក៏ល្មមភ្ញាក់ខ្លួនដែរ ធ្មេញលែងដុះថ្មី ក្លៀកដុះរោមពេញហើយ វាក៏ដល់ពេលដែលល្មមអាចដល់ផ្ដល់ក្ដីសុខ ស្នាមញញឹមឱ្យខ្លួនឯងបាន កុំចាំគេ របស់អ្នកដទៃ វាមិនគង់វង្សដូចរបស់ ដែលយើងបង្កើតវាមកដោយខ្លួនឯងទេ។ ឈឺហើយចេះចាំ កុំដដែលៗ។
#អារម្មណ៍ក្នុងចិត្ត
11/07/2022
កសើចអាត្មាពោនប្រយ័ត្នបាប
05/07/2022
អាហារទាំងនេះសម្បូរវីតាមីនC ជំនួយដល់ប្រព័ន្ធភាពស៊ាំ
វីតាមីនC គឺជាសារធាតុប្រឆាំងនឹងអុកស៊ីតកម្ម ដែលអាចជួយទ្រទ្រង់ប្រព័ន្ធភាពស៊ាំ ជួយដល់ការផលិតខូឡាជែន ព្រមទាំងជួយរាងកាយក្នុងការស្រូបយកជាតិដែកថែមទៀតផង។ ជាទូទៅ អាហារដែលមានវីតាមីនC ខ្ពស់ គឺពពួកបន្លែ និងផ្លែឈើ។ ដូច្នេះហើយ ដើម្បីទទួលបានវីតាមីនC គ្រប់គ្រាន់ ក៏ដូចជាជៀសឆ្ងាយពីជំងឺផ្សេងៗដែលបណ្ដាលមកពីកង្វះវីតាមីនC គ្នាយើងគប្បីញ៉ាំបន្លែ និងផ្លែឈើខាងក្រោមនេះជាប្រចាំ។
១. ផ្លែត្របែក
ផ្លែឈើមួយប្រភេទនេះ ជាអាហារដែលមានជាតិអាស៊ីដAscorbic ខ្ពស់ ដែលផ្ដល់តម្លៃប្រចាំថ្ងៃ៤១៩% ព្រមទាំងអាហារជាតិសរសៃ៩ក្រាម និងប្រូតេអ៊ីន៤ នៅក្នុងទឹកត្របែក១ពែង។ ជាងនេះទៅទៀត ទឹកត្របែកគឺជាភេសជ្ជៈដ៏ល្អឯកក្នុងការផ្ដល់ជាតិទឹក វីតាមីនC ព្រមទាំងធ្វើឲ្យយើងស្រស់ស្រាយពេញមួយថ្ងៃ។
២. ផ្កាខាត់ណាខៀវ
ត្រឹមតែផ្កាខាត់ណាមួយពែងតូច មានផ្ទុកតម្លៃប្រចាំថ្ងៃនៃវីតាមីនC ចំនួន១១២% ជាតិសរសៃ៥ក្រាម និងប្រូតេអ៊ីនជិត៤ក្រាម។ ជាពិសេស ផ្កាខាត់ណាខៀវ ក៏ជាប្រភពនៃវីតាមីនK ផងដែរ។
៣. ផ្លែស្រ្តប៊ឺរី
ផ្លែឈើមួយប្រភេទនេះ មានផ្ទុកវីតាមីនC ច្រើនជាងផ្លែក្រូចទៅទៀត។ ជាមួយនឹងការញ៉ាំផ្លែស្រ្តប៊ឺរីត្រឹមតែមួយពែងប៉ុណ្ណោះ យើងនឹងទទួលបានតម្លៃប្រចាំថ្ងៃចំនួន១០៨% នៃវីតាមីនC និងជាតិសរសៃចំនួន៣ក្រាម។
៤. ផ្លែក្រូច
ទឹកក្រូចមានផ្ទុកសារធាតុចិញ្ចឹមសំខាន់ៗជាច្រើន រួមទាំងកាល់ស្យូម និងវីតាមីនD ។ នៅក្នុងផ្លែក្រូចមួយពែងមានផ្ទុកតម្លៃប្រចាំថ្ងៃនៃវីតាមីនC ចំនួន១០៦%។ យ៉ាងណាមិញ ផ្លែឈើប្រភេទនេះក៏មានកម្រិតជាតិស្ករខ្ពស់ផងដែរ ដូចនេះហើយ យើងគប្បីញ៉ាំវានៅក្នុងបរិមាណសមល្មមទើបជាការប្រសើរ។
៥. ផ្លែល្ហុង
ជាមួយគ្នានេះដែរ ផ្លែល្ហុងមួយពែងមានផ្ទុកវីតាមីនC ចំនួន៩៥%នៃតម្លៃប្រចាំថ្ងៃ។ បន្ថែមពីនេះ វាក៏ជាប្រភពនៃវីតាមីនA និងLycopeneដែលជាសារធាតុប្រឆាំងអុកស៊ីតកម្មដ៏មានឥទ្ធិពល និងអាចកាត់បន្ថយហានិភ័យនៃជំងឺគ្រោះថ្នាក់សរសៃឈាមខួរក្បាល។
៦. ម្នាស់
ម្នាស់គឺជាប្រភេទផ្លែឈើដ៏ឆ្ងាញ់ពិសា ព្រមទាំងមានបរិមាណវីតាមីនC ខ្ពស់ ដល់ទៅ៨៨%នៃតម្លៃប្រចាំថ្ងៃក្នុងមួយពែង។ ដូច្នេះហើយ គ្នាយើងមិនគួររំលងផ្លែឈើមួយប្រភេទនេះទេ។
៧. ផ្លែស្វាយ
ផ្លែស្វាយទុំមានរសជាតិផ្អែមឆ្ងាញ់ ហើយវាក៏ជាផ្លែឈើដែលមានជាតិស្ករខ្ពស់ ដែរ។ បន្ថែមពីនេះ វាមានផ្ទុកសារធាតុចិញ្ចឹម ក៏ដូចជាវីតាមីនC ចំនួន៦៧%នៃតម្លៃប្រចាំថ្ងៃ។ លើសពីនេះ ផ្លែស្វាយក៏មានផ្ទុកបរិមាណប៉ូតាស្យូម វីតាមីនA, E និងK តិចតួចផងដែរ។
Credit: Hellokrupet
05/07/2022
ជៀសវាងកំហុសទាំងនេះ ដើម្បីស្បែកមុខនៅក្មេងជាងវ័យ
យើងទាំងអស់គ្នា សុទ្ធតែប្រាថ្នាចង់បានសម្រស់ក្មេងជាងវ័យ និងសុខភាពល្អ។ ប៉ុន្តែ មានមនុស្សជាច្រើនកំពុងតែប្រព្រឹត្តកំហុសឆ្គងដែលធ្វើឲ្យស្បែក និងរាងកាយរបស់យើងទ្រុឌទ្រោមដោយមិនដឹងខ្លួន។ ដូច្នេះហើយ ប្រសិនបើយើងមិនចង់ឲ្យមុខរបស់យើងចាស់ជាងវ័យទេនោះ ចូរចាប់ផ្ដើមកែប្រែទម្លាប់អាក្រក់ខាងក្រោមនេះ។
១. គេងមិនគ្រប់គ្រាន់
ប្រសិនបើយើងគេងមិនបានគ្រប់គ្រាន់ទេនោះ ស្បែករបស់យើងនឹងចាប់ផ្ដើមលេចឡើងនូវស្នាមជ្រីវជ្រួញ និងយារធ្លាក់មុនវ័យជាក់ជាមិនខាន ពីព្រោះរាងកាយបញ្ចេញអ័រម៉ូនCortisol ដែលជាអ័រម៉ូនស្រ្តេសច្រើន ហើយវាបានចូលទៅបំផ្លាញជាតិកូឡាជែនដែលជាភ្នាក់ងារជួយធ្វើឲ្យស្បែកទន់ល្មើយ និងយឺតល្អ។ ចូរចាប់ផ្ដើមទម្លាប់គេងឲ្យបានទៀងទាត់ម៉ោងពេល ក៏ដូចជាជៀសវាងញ៉ាំគ្រឿងស្រវឹងលើសកំណត់ ឬកាហ្វេអ៊ីន និងលេងគ្រឿងអេឡិចត្រូនិកផ្សេងៗមុនពេលគេង។
២. ជក់បារី
ការជក់បារីមិនត្រឹមតែបង្កើនឱកាសកើតជំងឺមហារីកប៉ុណ្ណោះទេ វាក៏អាចធ្វើឲ្យយើងកើតមានស្នាមជ្រីវជ្រួញ និងយារធ្លាក់នៅវ័យក្មេងផងដែរ។ ជាក់ស្ដែង ការជក់បារីធ្វើឲ្យលំហូរឈាមដែលផ្ទុកសារធាតុចិញ្ចឹមសំខាន់ៗដូចជាអុកស៊ីសែន នៅលើស្បែករបស់យើងថយចុះ ។ កត្តានេះអាចធ្វើឲ្យរាងកាយផលិតកូឡាជែនយឺតយ៉ាវ។
៣. នៅក្រោមកម្ដៅថ្ងៃច្រើនពេក
ថ្វីត្បិតតែពន្លឺព្រះអាទិត្យអាចផ្ដល់អត្ថប្រយោជន៍ដល់យើងក៏ពិតមែន ប៉ុន្តែប្រសិនបើយើងប៉ះពាល់ផ្ទាល់ទៅនឹងពន្លឺព្រះអាទិត្យខ្លាំងពេក វាក៏អាចបំផ្លាញកូឡាជែននៃស្បែករបស់យើង ព្រមទាំងធ្វើឲ្យរាងកាយផលិតជាតិប្រូតេអ៊ីន ដែលហៅថា អេឡាទីន (Elastin) ច្រើនជ្រុលថែមទៀតផង។ យើងអាចសម្គាល់ឃើញថាស្បែកនឹងចាប់ផ្ដើមក្រាស់ និងមានអារម្មណ៍ឡើងគ្រើម ព្រមទាំងលេចឡើងនូវស្នាមជ្រីវជ្រួញផងដែរ។ នៅក្នុងករណីដែលយើងចាំបាច់ត្រូវប៉ះពាល់ផ្ទាល់ទៅនឹងកម្ដៅថ្ងៃ ចូរពាក់មួក ខោអាវដៃវែង និងវ៉ែនតាការពារពន្លឺថ្ងៃ ព្រមទាំងលាបឡេការពារកម្ដៅថ្ងៃដែលមាន SPF៣០ ឬខ្ពស់ជាងនេះ។
៤. ញ៉ាំអាហារមិនត្រឹមត្រូវ
ការញ៉ាំអាហារត្រឹមមិនត្រូវ អាចធ្វើឲ្យយើងមានបញ្ហាជំងឺបេះដូង ជំងឺទឹកនោមផ្អែម និងជំងឺដទៃទៀត ដែលជាកត្តាជំរុញឲ្យថាមពលនៃយុវវ័យរបស់យើងបាត់បង់។ ចូរញ៉ាំរបបអាហារដែលជំនួយដល់បេះដូង ដែលមានដូចជាបន្លែ ផ្លែឈើ គ្រាប់ធញ្ញជាតិ សណ្ដែក ស៊ុត និងសាច់ត្រី។ល។ ហើយអាហារប្រភេទនេះ ក៏អាចផ្ដល់អត្ថប្រយោជន៍ជាច្រើនដល់ខួរក្បាលរបស់យើងផងដែរ។
៥. មិនធ្វើលំហាត់ប្រាណគ្រប់គ្រាន់
ការបញ្ចេញសកម្មភាពរាងកាយជាទៀងទាត់ គឺជាអាថ៌កំបាំងដែលធ្វើឲ្យយើងនៅក្មេងជាងវ័យ។ ពិតណាស់ ការហាត់ប្រាណអាចជួយពង្រឹងសាច់ដុំ បង្កើនថាមពលរាងកាយ និងធ្វើឲ្យអារម្មណ៍របស់យើងកាន់តែប្រសើរឡើង។ បន្ថែមពីនេះ ការធ្វើចលនាចុះឡើងនេះ ពិតជាអាចជួយឲ្យខួរក្បាលរបស់យើងមានភាពឆ្លាតវៃ និងកាត់បន្ថយហានិភ័យនៃជំងឺមនុស្សចាស់ ដូចជាជំងឺបេះដូងជាដើម។ ហេតុដូច្នេះហើយ ចូរធ្វើលំហាត់ប្រាណសាមញ្ញៗ ប្រហែល៣០នាទីក្នុងមួយថ្ងៃ ដើម្បីទទួលបាននូវសុខភាពល្អ និងថាមពលក្លៀវក្លា។
Credit: Hellokrupet
05/07/2022
#កំពូលអាហារ៥មុខប្រឆាំងស្បែកស្ងួតនិងផ្ដល់សំណើមពីខាងក្នុង
បែកស្រកា ឡើងប្រេះ ឬរបកស្បែកសុទ្ធតែជាសញ្ញានៃបញ្ហាស្បែកស្ងួត ហើយក្នុងអាកាសធាតុត្រជាក់បែបនេះស្បែករបស់យើងងាយនឹងបាត់បង់សំណើម។ បើគ្នាយើងស្រលាញ់ស្បែក ត្រូវខំថែទាំស្បែកទាំងការប្រើផលិតផល និងញ៉ាំអាហារបន្ថែមប៉ុន្មានខាងក្រោមនេះ ដើម្បីផ្ដល់សំណើមដល់ស្បែក ដើម្បីជួយឲ្យស្បែកស្អាតចេញពីខាងក្នុង។
- ប្រេងអូលីវ : ប្រេងរុក្ខជាតិនេះជួយឲ្យស្បែករក្សាជាតិទឹកបានយូរ និងជួយឲ្យស្បែកយើងមានភាពទន់ល្មើយដូចស្បែកកូនក្មេង។
- ផ្លែឪឡឹក : សារធាតុ Lycopene ធ្វើឲ្យផ្លែមួយនេះមានពណ៌ក្រហម មានប្រយោជន៍ជួយការពារស្បែកយើងពីការបំផ្លាញរបស់កាំរស្មី UV ព្រះអាទិត្យ។
- ផ្លែបឺរ : ផ្លែឈើដ៏ពេញនិយមនេះ សម្បូរទៅដោយអាស៊ីដ Oleic ដែលជាអាស៊ីដខ្លាញ់ដែលជួយឲ្យស្បែករក្សាសំណើម និងសភ្លឺថ្លា។
- ត្រីសាល់ម៉ុន : អាស៊ីដខ្លាញ់អូមេហ្គា ៣ ខ្ពស់មានក្នុងត្រីសាល់ម៉ុន ជួយបង្កើនជាតិទឹកក្នុងរាងកាយ និងការពារការកើតមុនថែមទៀតផង។ ដូចនឹងផ្លែឪឡឹកដែរ វាក៏ជួយការពារស្បែកយើងពីការបំផ្លាញពីកាំរស្មី UV របស់ព្រះអាទិត្យដូចគ្នា។
ផ្លែស្រ្ដបឺរី – ផ្លែក្រហមតូចៗ គួរឲ្យស្រលាញ់នេះ ផ្ទុកទៅដោយវីតាមីន C (មានច្រើនជាងពពួកផ្លែក្រូចទៀត) ដែលមាននាទីទប់ស្កាត់ភាពជ្រីវជ្រួញ និងបញ្ហាស្បែកទាក់ទងនឹងការវិវត្តរបស់វ័យជាដើម។
លើសពីអាហារប៉ុន្មានខាងលើនេះ បើគ្នាយើងចង់បានស្បែកស្អាតចេញពីខាងក្នុងខ្លួនមក យើងគួរមានទម្លាប់រក្សាស្បែកដោយប្រើផលិតផលការពារកម្ដៅថ្ងៃ មានរបបអាហារត្រឹមត្រូវ ញ៉ាំទឹកឲ្យគ្រប់គ្រាន់ និងកាត់បន្ថយស្ត្រេស។ល។
Credit: Hellokrupet.com
05/07/2022
ការដាស់តឿន ៤ យ៉ាងដែលស្រ្តីគួរយកចិត្តទុកដាក់ក្នុងកំឡុងពេលមករដូវ!
១ កុំផឹកទឹកត្រជាក់និងទឹកកកនិងដូងពេលមករដូវ។ ការផឹកទឹកកកក្នុងកំឡុងពេលអាចបណ្តាលឱ្យឈាមរដូវនៅតែស្ថិតក្នុងជញ្ជាំងស្បូនបន្ទាប់ពី (៥-១០ ឆ្នាំ) អាចបង្កជា“ មហារីកស្បូនឬមហារីកដុំសាច់” ។
២ ជៀសវាងកក់សាប៊ូនៅលើក្បាលបណ្តាលឱ្យរន្ធញើសរបស់ក្បាលបើកក្នុងកំឡុងពេលមករដូវនិងធ្វើឱ្យឈឺក្បាលដូច្នេះវាមានគ្រោះថ្នាក់ខ្លាំងណាស់ ហើយវាអាចធ្វើអោយអ្នកចាស់ជាងវ័យ។
៣ ចៀសវាងការបរិភោគត្រសក់ក្នុងកំឡុងពេលមករដូវដែលបណ្តាលរារាំងរដូវ (ការបាត់បង់ឈាម) នៅក្នុងជញ្ជាំងស្បូននិងអាចបណ្តាលឱ្យមានភាពគ្មានកូន។
៤ រាងកាយរបស់អ្នកមិនគួរត្រូវបានវាយដោយវត្ថុរឹងជាពិសេសពោះទេព្រោះវាអាចបណ្តាលឱ្យក្អួតនិងស្បូនអាចរងរបួស។
សូមចែកចាយព័ត៌មាននេះដល់ស្ត្រីផ្សេងទៀត៖: ម្តាយ ប្រពន្ធ កូនស្រី បងស្រីនិងមិត្តស្រី!! បង្ហាញការយកចិត្តទុកដាក់ចំពោះអ្នកដទៃ!
ស្រឡាញ់ប្រពន្ធរបស់អ្នក! មានភាពស្រស់ស្អាតក្នុងការចែករំលែក។ នោះនឹងមានប្រយោជន៍សំរាប់ស្ត្រី! 💛
អ្នកនឹងអាចទទួលបានរង្វាន់ដែលមិនបានរំពឹងទុក
05/07/2022
ការវះកាត់សម្រាលកូនមានផលវិបាកច្រើនទាំងអំឡុង និងក្រោយសម្រាល
ជាទូទៅគ្រូពេទ្យតែងតែលើកទឹកចិត្តឲ្យស្ត្រី សម្រាលកូនតាមបែបធម្មជាតិ ព្រោះផលវិបាកនៃអំឡុងពេល និងក្រោយសម្រាលមានតិចតួចជាងការវះកាត់។ ប៉ុន្តែក្នុងករណីក្រុមគ្រូពេទ្យសម្រេចធ្វើការវះកាត់ លុះត្រាតែការសម្រាលតាមធម្មជាតិអាចមានគ្រោះថ្នាក់ចំពោះម្ដាយ និងកូន។ លោកវេជ្ជបណ្ឌិត ច័ន្ទ រស្មី ឯកទេសសម្ភព និងរោគស្ត្រី បានឲ្យដឹងថា បច្ចុប្បន្ននេះអត្រាអ្នកសម្រាលកូនដោយវះកាត់ មានការកើនឡើងជាលំដាប់គួរឲ្យព្រួយបារម្ភ ជាពិសេសការវះកាត់ដោយគ្មានមូលហេតុត្រឹមត្រូវ។
លោកបន្តថា ស្ត្រីមួយចំនួនយល់ខុសថាការសម្រាលកូនដោយវះកាត់ មានភាពងាយស្រួល ដោយមិនចាំបាច់ឆ្លងកាត់ការឈឺពោះសម្រាល និងមើលរំលងផលវិបាកផ្សេងៗទៅថ្ងៃអនាគត ដែលបណ្ដាលមកពីការវះកាត់នេះ។ ដូច្នេះលោកវេជ្ជបណ្ឌិតនឹងលើកឡើងពីផលវិបាកខ្លះៗអំឡុង និងក្រោយពេលការវះកាត់សម្រាលកូន៖
១- ផលវិបាកអំឡុងពេលវះកាត់
– ផលវិបាកនៃថ្នាំសណ្ដំ (Syndrome de Mendelson)
– ការបាត់បង់ឈាមច្រើនពេលវះកាត់
– ការដាច់រហែកកស្បូនខ្លាំង
– របួសប្លោកនោម ឬពោះវៀន ដែលទាមទារការសម្រាកពេទ្យរយៈពេលយូរ
២- ផលវិបាកក្រោយពេលវះកាត់ភ្លាមៗ ១០% ទៅ ៤២%
– ការបង្ករោគផ្សេងៗមានដូចជា៖ ការរលាកប្លោកនោម រលាកភ្នាសក្នុងរបស់ស្បូន រលាកស្រោមពោះ ឬអាចដល់បង្ករោគក្នុងសរសៃឈាម
– ការហូរឈាមក្រោយពេលវះកាត់ មានកកឈាមលើស្នាមរបួសស្បូន ឬរបួសក្រោមស្បែក
– ស្លេកស្លាំង
– ផលវិបាកស្ទះសរសៃឈាមតូចៗ ជាពិសេសសរសៃឈាមក្នុងសួតធ្វើឲ្យមានវិបត្តិផ្លូវដង្ហើម
៣- ផលវិបាកក្រោយពេលវះកាត់ នៅពេលមានផ្ទៃពោះលើកក្រោយ ស្ត្រីអាចប្រឈមនឹង
– ការវះកាត់យកកូនសារជាថ្មី
– ការធ្លាយស្បូន
– សុកពាំងមាត់ស្បូន
– សុកចាក់ឫសក្នុងសាច់ស្បូន ឬចាក់ដល់ប្លោកនោម
ផលវិបាកទាំងអស់នេះមិនសូវកើតមានជាញឹកញាប់ទេ តែករណីខ្លះអាចគំរាមកំហែងដល់អាយុជីវិតស្ត្រីបាន។ ដូច្នេះរាល់ការសម្រាលទាំងអស់ ស្ត្រីគួរពិភាក្សាជាមួយគ្រូពេទ្យជំនាញជាមុន ដើម្បីជ្រើសរើសការសម្រាលមួយដ៏សមស្រប និងមានសុវត្ថិភាពទាំងម្ដាយ និងកូន។
ត្រួតពិនិត្យដោយ ចាន់ ស៊ីណេត
|
ដោយ ទ្រី រ៉ាវី
Medical news for Cambodia
05/07/2022
ម៉ាក់ប៉ាសម័យនេះចូលចិត្តប្រើកាបូបស្ពាយកូន តើជួយបានអីខ្លះ?
#ម៉ាក់ៗសម័យទំនើបនេះ ភាគច្រើនបានជ្រើសរើសយកកាបូបស្ពាយកូនមកជួយសម្រួលខ្លះៗហើយ។ តែបើអ្នកមិនទាន់ហ៊ានទិញមកប្រើ និងមិនដឹងពីអត្ថប្រយោជន៍ Hello គ្រូពេទ្យ សូមចែករំលែកពីអត្ថប្រយោជន៍នៃកាបូបនោះដោយ អ្នកស្រី មាន សីមា ដែលជាស្ត្រីមេផ្ទះ និងធ្លាប់ប្រើរបស់នេះចំពោះកូនទាំង៣ បានឲ្យដឹងដូចខាងក្រោម។
១- ជួយសម្រួលពេលធ្វើដំណើរកម្សាន្ត
ពេលទៅណាមួយណា យើងអាចដាក់កូនក្នុងកាបូបស្ពាយនោះ ហើយមិនធ្វើឲ្យយើងចុករោយដៃ។ មិនតែប៉ុណ្ណោះ ពេលស្ពាយពីក្រោយជួយសម្រួលខ្នងយើងឲ្យត្រង់ និងមិនឈឺចាប់ ហើយអាចរីករាយជាមួយការដើរហើរបានយ៉ាងសប្បាយ គ្រាន់តែឆ្លាស់គ្នាជាមួយប៉ាៗជាការស្រេច។
២- មិនប៉ះពាល់ដំណើរកូន
កូនដែលធ្លាប់ប្រើរបស់មួយនេះ មិនបានធ្វើឲ្យប៉ះពាល់ដំណើរឡើយ ព្រោះទាំងខ្នងកូនត្រង់គឺស្ថិតនៅក្នុងបរិវេណមួយប៉ុនខ្លួន ហើយជើងវិញក៏សណ្ដូកចុះក្រោមមិនកោង មិនផ្អិបអ្វីទាំងអស់។
៣- កូនសប្បាយរីករាយ
ពេលដាក់ចូលក្នុងកាបូបស្ពាយនោះ កូនគ្មានភាពធុញទ្រាន់ណាមួយឡើយ ព្រោះគេអាចធ្វើចលនាបានធម្មតា មិនថាជើង ដៃ ក្បាល។ មិនតែប៉ុណ្ណោះកូនមានអារម្មណ៍មិនហេលហាល ពេលឃើញអ្វីគួរឲ្យខ្លាច ដោយសារពួកគេបាននៅជិតម៉ាក់ៗរហូត។
៤- អាចបំបៅដោះក៏បាន
នៅពេលត្រូវទៅណាមកណា អាចឲ្យកូនបំបៅបាន ដោយគ្រាន់តែផ្លាស់ពីក្រោយមុខវិញ និងបង្ខិតខ្សែឲ្យមកក្រោមបន្តិច។ យើងអាចឲ្យកូនបៅដោយមិនឲ្យកូន និងខ្លួនឯងពិបាក នៅគ្រប់កន្លែង ព្រមទាំងអាចជួយបិទបាំងរូបរាងដើមទ្រូងទៀតផង។ មិនតែប៉ុណ្ណោះយើងអាចប្រើតាំងពីកូនៗនៅតូច រហូតដល់អាយុ១ ខួបក៏បានដែរ និងអាចប្រើតកូនក្រោយៗទៀត។
បន្ថែមពីលើការអះអាងរបស់ស្ត្រីជាម្តាយខាងលើ លោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅ ក៏បានលើកឡើងពីអត្ថប្រយោជន៍នៃកាបូបស្ពាយកូនស្រដៀងគ្នានេះដែរ។
Credit: Hellokrupet
Click here to claim your Sponsored Listing.
Category
Contact the business
Telephone
Website
Address
Stung Meanchey Thmey Market, Samdech Monireth ( Street 217 ), Trea Village, Sa
Phnom Penh
12000
