The Rada Beauty Store

#របៀបធ្វើឆារក្តាមម្រេចខ្ចី

#គ្រឿងផ្សំ
1/ ក្តាមសេះ​ឬក្តាមថ្ម
2/ម្រេចខ្ចី ស្លឹកខ្ទឹម អំបិល ស្ករ ទឹកត្រី(មិនបាច់ប្រើក៏បាន) ប្រេងឆា ប្រេងខ្យង ម្រេច

#របៀបចំអិន
1/ ក្តាមលាងចេញអោយស្អាត​បន្ទាប់មកបកស្នូក​ចេញ ដកស្រកីចេញអោយស្អាតរួចកាត់ក្តាមមួយជាបួន, ​ដំបំបែកសំបកដង្កៀប​ ដើម្បីងាយញុាំ។
2/លាងម្រេចខ្ចី និង​ស្លឹកខ្ទឹម​កាត់ជាកង់ៗ
3/យកក្តាមទៅចំហុយ ប្រមាណ៥នាទី។
4/លាយគ្រឿង អំបិល ស្ករ ទឹកត្រី ប្រេងខ្យង រួចភ្លក្សអោយមានរសជាតិប្រៃផ្អែម ។
5/ដាក់ប្រេងឆាចូលខ្ទះ (ឲច្រើនបន្តិច) ទុកអោយក្តៅដាក់ម្រេចខ្ចីចូល រួចចាក់គ្រឿងដែលលាយចូល ឆាត្រលប់ចុះឡើងពីរបីត្រលប់ ចាក់ក្តាមដែលចំហុយ​ ចូល សឹមដាក់ទឹកបន្តិចឆាអោយចូលគ្រឿងសព្វ រួចដាក់ស្លឹកខ្ទឹមចូលជាការស្រេច៕

#របៀបធ្វើខគោ « គុយទាវខគោ, មីខគោ ,នំបុង័ខគោ »
#គ្រឿងផ្សំ:
- សាច់គោ សាច់វៀវ រឺសាច់សសៃ ១គីឡូ កាត់ដុំៗ
- ប្រហិតសាច់គោ
- ការ៉ុត រំដេង ,គល់ស្លឹកគ្រៃ, ខ្ទឹមស ខ្ទឹមក្រហម,
- ម្ទេសឆ្អើរ ចិញ្ច្រាំម៉ដ្ឋ
- គ្រឿងសាតេ, ផ្កាចន្ទ័ បុកម៉ដ្ឋ
- បន្លែមាន: សាលាដ សណ្ដែកបណ្ដុះ ,ត្រកួន ជីរណា ជីនាងវង ម្អម , ខ្ទឹមបារាំង , មី ,នំបុង័ ,គុយទាវ ... (តាមចំណូលចិត្ត)

#វិធីធ្វើ៖

១- ដាក់ខ្ទះចាក់ប្រេងឆាចូលអោយក្ដៅ ដាក់ខ្ទឹមស ខ្ទឹមក្រហម បន្ទាប់មកដាក់ម្ទេសដែលចិញ្រ្ចាំហើយឆាចូលគ្នាអោយឈ្ងុយ ដាក់ស្ករត្នោតចូលកូរអោយឡើងជើងអង្រ្កង ហើយដាក់សាច់ចូល ចាំបន្ថែមគ្រឿង អំបិល ប៑ីចេង ទឹកត្រី ហើយបង់រំដេងចូល គល់ស្លឹកគ្រៃ គ្រឿងសាតេ ផ្កាចន្ទ័ យករំលីងបុកអោយម៉ដ្ឋល្អ សិនចាំបង់ចូល ឆាចូលគ្នាអោយសព្វ
២- ពេលពុះបន្ថែមទឹកធម្មតា រំងាស់វា ១ម៉ោង តាមសាច់ផុយរឺមិនផុយ ពេលផុយល្មមហើយ បន្ថែម ការ៉ុត ប្រហិតសាច់គោ ដាក់ទឹកដោះគោខាប់២,៣ ស្លាបព្រា (ដាក់ក៏បានមិនដាក់ក៏បាន) ភ្លក់មើលល្មមហើយ លើកឡើង។
៣- បន្លែសណ្ដែកបណ្ដុះ និងត្រកួន សំរាប់ស្រុះ ពេលញុាំរៀបសាលាដនៅបាតចាន ទើបដាក់បន្លែស្រុះ ហើយទើប ឆុងមី រឺគុយទាវចូល ហើយទើបដាក់ជី ម្អម ចុងក្រោយដាក់ខ្ទឹមលីងជាការស្រេច ។
នេះជារបៀបធ្វើរបស់ខ្ញុំ​ របៀបនៃការធ្វើអាស្រយ័តាមផ្ទះនិងតាមតំបន់ដែរ ជួនកាលគេធ្វើ រឺប្រើគ្រឿងផ្សំខុសគ្នាតិច តិច ពីរបៀបធ្វើរបស់ខ្ញុំ អាស្រ័យការដែលយើងចូលចិត្ត

សម្លម្ជូរគ្រឿងសាច់គោ
----------------
#គ្រឿងផ្សំ:

សាច់គោ ត្រកួន ប្រហុក ក្រសាំង ខ្ទិះដូង គ្រឿង (គល់ស្លឹកគ្រៃ រំដេង ស្លឹកក្រូចសើច ខ្ទឹមស ) បុកចូលគ្នាអោយម៉ត់ល្អ ម្ទេសហាវ៉ៃ ស្លឹកកន្ទ្រូប

#វិធីធ្វើ:

ដាក់ប្រេងឆាតិច ឆាប្រហុកទើបដាក់គ្រឿងដែលបុកហើយឆាចូលគ្នាអោយឈ្ងុយហើយស្ងួតតិច ទើបដាក់សាច់ចូល ច្របល់ចូល១គ្រឿងទើបដាក់គ្រឿង អំបិល ទឹកត្រី ម្សៅស៑ុប ស្ករស ហើយថែមខ្ទិះដូងចូល អោយពុះ១សន្ទុះ ទើបបង់ក្រសាំងចូល ក្រសាំងកោសសំបកហើយយកដុតសិន ពុះជា៤ បន្ទាប់មកដាក់ត្រកួនចូល ហើយថែមម្ទេសហាវ៉ៃ ចុងក្រោយដាក់ស្លឹកកន្រ្ទូប ស្លឺកកន្ទ្រូបយកទៅឆ្អើរសិន
បើចង់ប្រើម្ជូរក្រសាំងសុទ្ធ ត្រូវប្រើក្រសាំងអស់ច្រើនតិច អ្នកខ្លះប្រើអំពិលទុំ អស់តិចឆាប់ជូរ តែក្រសាំងមានរសជាតិជាង

របៀបធ្វើប្រហិតត្រីស្លាតឲ្យឆ្ងាញ់ពិសារ!!
(រៀបចំមុខម្ហូបដោយ:មេចុងភៅ ជួម ជា)

#គ្រឿងផ្សំ
-------------------
១- សាច់ត្រីស្លាតកូសរួច ១ គីឡូ
២- អំបិលម៉ត់ ១ ស្លាព្រាតូច
៣- ទឹកត្រជាក់ ៤ ស្លាព្រាបាយ ឬ (ទឹកកកអនាម័យ៣-៤ ដុំ )
៤- គ្រឿងម្ទេសបុក ៣ - ៤ ខាំ ( បើចង់ក្រហមដាក់ម្ទេសប្លោកក្រៀមបុកចូលជាមួយ)
៥- ពងមាន់ ១
៦- ទឹកត្រី
៧- ស្កសរ កន្លះស្លាបព្រាបាយ
៨- សណ្កែកគួរហាន់ខ្លីៗតូចៗ ៣ ខាំ
៩- ម្រះព្រៅ ៣ កូនចានតូច
១០- ស្លឹកក្រូចសើចហាន់ជាសសៃឆ្មារ ២ ស្លា ព្រាបាយ។

#របៀបធ្វើ
------------------
១ - យកសាច់ត្រីដែលកូសរួចមកបុកអោយស្អិត នៅពេលដែលបុកយើងថែមទឹកត្រជាក់លាយជាមួយអំបិល ដាក់បុកលាយជាមួយត្រីផង។
២/ ពេលដែលបុកសាច់ត្រីស្អិតល្អហើយ យកគ្រឿងបុក ពងមាន់ ស្កសរ ទឹកត្រី ដាក់ចូល រួចហើយច្របល់អោយចូលគ្នា ( រួចយកទៅចៀន ភ្លក់មើលសិន ) តើរសជាតិល្មមហើយឬនៅ ខ្វះខាតអ្វីយើងបន្ថែមបានទៀតតាមការចូលចិត្ត ។
៣/ នៅពេលដែលច្របល់សាច់ត្រីភ្លក់ល្មមដឹងរសជាតិហើយ ក៏ដាក់ ស្លឹកក្រូច ម្រះព្រៅ សណ្កែកគួ ហើយច្របល់អោយចូលគ្នាម្ដងទៀត ទុកមួយលែកសិន ( ម្រះព្រៅកុំដាក់ទាំងអស់ បែងទុកពាក់កណ្ដាលសម្រាប់បំពងទុករៀបដាក់ចាន ) ។
៤/ ចូលអ្នកដាក់ប្រេងចៀនអោយច្រើនបន្ទិច បើកភ្លើងអោយក្ដៅល្មម រួចយកម្រះព្រៅទៅបំពងមុនគេ (ទុកទ្រាប់រៀបដាក់ចាន ) រួចហើយ យកប្រហិតទៅប៉ាន់ដុំត្របែតៗល្មម រួចយកទៅចៀន អោយឆ្អិនល្អ រៀបដាក់ចានរួចជាការស្រេច ។ពេលចៀនចូលអ្នកសង្កេតមើលភ្លើងកុំអោយក្ដៅពេក ប្រើភ្លើងក្ដៅល្មមៗបានចៀនប្រហិតឡើងល្អ )។

#របៀបធ្វើទឹកច្រលក់
----------------
១- ទឹកខ្មេះ ៤ ស្លាបព្រាបាយ
២- ស្កសរ ៣ ស្លាបព្រាបាយ
៣- អំបិលមួយកន្លះកូនស្លាបព្រាតូច
៤-សណ្ដែកដីលីងបកសំបក បុកអោយបែកតិចៗ
៥- ម្ទេសព៏ណលឿង ហាន់ 1 -2 គ្រាប់
៦- ត្រសក់ពុសជាពីរហាន់ ( អោយរៀងក្រាស់បន្ទិច)3-4 ផ្លែ
៧-យកទឹកខ្មេះ ស្កសរ អំបិល ចាក់ចូលក្នុងខ្ទះ ហើយបើកភ្លើងកូរអោយរលាយ ទុកអោយពុះមួយសន្ទុះសិន ចាំបិទភ្លើង ចាក់ដាក់កូនចានទុកត្រជាក់ ដាក់ត្រសក់នឹងម្ទេសហាន់ ជាទឹកជ្រលក់រួចជាការស្រេច ។
----------------------
#បន្ថែម ( នៅពេលដែលកូសសាច់ត្រីរួចយកទៅច្រកថង់ចងមាត់អោយជិតដាក់ត្រាំនឹងទឹកកកអោយវាត្រជាក់ ប្រហែល១ម៉ោងចាំយកមកបុក ជួយអោយប្រហិតត្រីស្វិតលើងល្អ ) ។

របៀបធ្វើពងទាប្រៃ
------------------------------------
#របស់ដែលត្រូវត្រៀមមានដូចជា
១- ពងទាលាងអោយស្អាត ជូតអោយស្ងួត ៣០ ពង
២- អំបិលក្រួស ២ កែវ
៣- ទឹកស្អាត ៨ កែវ
៤- ស្រា ស
៥- ស្លាជូរ 1 ដុំ ប៉ុនមេដៃ
៦- កែវសម្រាប់ដួសអំបិល នឹងទឹក បរិមាណ ២៧០ ml
៧-ឡូកែវ ឬ ក្អម ឬ ឡូប្លាស្ទិក
៨- ថង់ប្លាស្ទិកធំមួយ
៩- វែកដួស
១០- ឆ្នាំងស្ងោរ ។
---------------------
#របៀបធ្វើ ​
-------------------------
១- យកអំបិលក្រួសនឹងទឹក ដាក់ស្ងោរជាមួយគ្នាអោយរលាយ ។
២- បន្ទាប់មកយកទឹកអំបិលដែលស្ងោរ ទៅច្រុះនឹងស្បៃអោយស្អាត។
៣- ទុកទឹកអំបិលស្ងោរអោយត្រជាក់ ។
៤-បន្ទាប់មកនាំពងទាទៅលាងអោយស្អាតដាក់ទឹកនឹងចានដែករាងធំល្មម
យកពងទាដាក់ក្នុងទឹកនឹងប្រើក្រណាត់ទន់ដុសលាងពងទាថ្នមៗលាងម្ដង
មួយអោយស្អាត រួចលាងទឹកម្ដងទៀត ជូតអោយស្ងួត។
៥- នៅពេលពងទាស្ងួតល្អហើយ យកទៅរៀបដាក់ក្នុងកែវឡូ ឬ ឆ្នាំងក្អម
ឬឡូប្លាស្ទិក។
៦- បន្ទាប់នឹង យកស្រាសរដាក់ចូលទៅ ក្នុងកែវឡូ ១ ស្លាបព្រាបាយ
តាមមកទឹកអំបិលដែលស្ងោរទុកត្រជាក់ហើយ(នៅពេលអ្នកចាក់ទឹក
អំបិលចូលទៅក្នុងកែវឡូចូរសង្គេតអ្នកឃើញ ពងវាអណ្ដែតឡើងមក
លើបែបនេះវានឹងបណ្ដាលអោយកើតពងខូចបាន បើចឹងយើងចាំបាច់ត្រូវរកវិ
ធីអោយពងលិចក្នុងទឹកដោយយកទឹកធម្មតាដាក់ចូលក្នុងថង់ធំមួយ
យកកៅស៊ូចងមាត់ថង់អោយជិត ហើយដាក់សង្កត់ទៅនឹងពងដែល
វាអណ្ដែតពងនឹងមានរសជាតិប្រៃស្មើរៗគ្នា) ។
៧-បន្ទាប់មកយកគម្របបិទអោយជិត(បើសិនជាបិទគំម្របមានទឹកហៀរចេញមក
ក៏អោយយកទឹកអំបិលចេញខ្លះបាន)។
៩- ធ្វើការត្រាំទុកប្រហែលរយៈពេល ២៥ ថ្ងៃ ។
៩- ល្មមគ្រប់ថ្ងៃកំណត់ ២៥ ថ្ងៃ ធ្វើការបើកគម្របចេញ ហើយយកវែកដួសពង ដាក់ចូលឆ្នាំងយកទៅស្ងោរ ។
១០- ដោយយកឡាជូដាក់ចូលក្នុងឆ្នាំងមួយដុំតូច ។
១១- ថែមទឹកស្អាតចូលទៅក្នុងឆ្នាំង ល្មមលិចលើពង ប្រហែល១ ថ្នាំងដៃ។
១២- លើកឆ្នាំងដាក់ស្ងោរដោយប្រើភ្លើងក្ដៅល្មម ចាំទឹកពុះ ចាប់ផ្ដើមរាប់នាទី។
ស្ងោរប្រហែលជា ១៥ នាទី(នៅពេលដែលកំពុងស្ងោរអោយកូរត្រឡប់ជារយះៗ )។
១៣- ល្មមគ្រប់ ១៥ នាទី ក៏អោយដួស ពងចេញទុកអោយត្រជាក់ ក៏រួចការស្រេច
ព្រមយកទៅទទួលទានបាន ៕

#គូជីវិត
​ #៥យ៉ាងដែល​មនុស្ស​ប្រុស​ចង់​បាន​ពី​គូ​ជីវិត
១. ការ​យោគយល់
២. ការ​ជឿ​ទុក​ចិត្ត
៣. ការ​ជ្រោមជ្រែង
៤. ការ​ឯកភាព
៥. ការ​គោរព

#៣យ៉ាង​ដែល​មនុស្ស​ស្រី​ចង់​បាន​ពី​គូ​ជីវិត
១. សុវត្ថិភាព
២. ភាព​រ៉ូមែនទិក
៣. ក្ដី​ស្រឡាញ់ និង​ការ​យក​ចិត្ត​ទុក​ដាក់

#បញ្ហាធំទាំង៣​នៃ​ជីវិត​គូ៖
១. បញ្ហា​លុយ​កាក់
២. បញ្ហា​ក្បត់​ផិត
៣. បញ្ហា​​ខ្វះ​ទំនាក់ទំនង

#៣យ៉ាងត្រូវថែម #៣យ៉ាងត្រូវថយ​ក្នុង​​ជីវិត​គូ៖
១. បន្ថែម​ការ​យក​ចិត្ត​ទុក​ដាក់​ចំពោះ​ការ​ផ្លាស់​ប្ដូរ​នានា​របស់​ភាគី​ម្ខាង​ទៀត
២. បន្ថែម​ការ​សម្លឹង​មើល​លើ​ចំណុច​ល្អ​របស់​ភាគី​ម្ខាង​ទៀត
៣. បន្ថែម​ការ​និយាយ​​ពី​ចំណុច​ល្អ​របស់​ភាគី​ម្ខាង​ទៀត

៤. បន្ថយ​ការ​ប្រៀបធៀប​ជីវិត​គូ​ខ្លួន​ជាមួយ​គូ​អ្នក​ដទៃ
៥. បន្ថយ​ការ​​រិះគន់ ឬ​ដៀល​ត្មិះ
៦. បន្ថយ​ការ​ស្មាន​ព្រោះ​ធ្វើ​ឲ្យ​កើត​ការ​យល់​ច្រឡំ

#៤យ៉ាង​ធ្វើ​ឲ្យ​បាន​ច្រើន​សម្រាប់​ជីវិត​គូ៖
១. នឹក​ឃើញ​​ចំណុច​ល្អ​របស់​អ្នក​ម្ខាង​ទៀត​ឲ្យ​បាន​ច្រើន
២. សរសើរ​ចំណុច​លេចធ្លោ​របស់​អ្នក​ម្ខាង​ទៀត​ឲ្យ​បាន​ច្រើន
៣. យល់​ពី​អារម្មណ៍​លំបាក​របស់​អ្នក​ម្ខាង​ទៀត​ឲ្យ​បាន​ច្រើន
៤. អភ័យ​ទោស​ចំពោះ​ចំណុច​មិន​ល្អ​របស់​អ្នក​ម្ខាង​ទៀត​ឲ្យ​បាន​ច្រើន

#៤ប្រយោគ​ដែល​គួរ​យក​មក​និយាយ​ជានិច្ច៖
១. សុំ​ទោស អូន/បង ខុស​ហើយ
២. អូន​ជឿ​​ចិត្ត​បង/បង​ជឿ​ចិត្ត​អូន
៣. អូន​មាន​មោទនភាព​ចំពោះ​បង/បង​មាន​មោទនភាព​ចំពោះ​អូន
៤. អូន​ស្រឡាញ់​បង/បង​ស្រឡាញ់​អូន

រឿង​គ្រួសារ​នេះ​មិន​មាន​អ្វី​ខុស​អ្វី​ត្រូវ​ជានិច្ច​នោះ​ទេ អ្វី​ដែល​សំខាន់​នោះ​គឺ​​ស្ថិត​នៅ​ត្រង់​ថា​តើ​ម្នាក់​ៗ​ស្រឡាញ់ និង​មាន​បំណង​ល្អ​ចំពោះ​គ្នា​ឬ​អត់? មនុស្ស​រស់​នៅ​ក្រោម​ដំបូល​តែ​មួយ បើ​ខ្វះ​ការ​ស្រឡាញ់​ខ្វល់ខ្វាយ​ពី​គ្នា​​ហើយ កុំ​ថា​ឡើយ​រក​ក្ដី​សុខ សូម្បី​ការងារ​មុខ​របរ​នានា​ក៏​មិន​រីក​ចម្រើន​​បាន​ដែរ ៕ Photo: Sabay

#ថេកមនុស្សដែលអ្នកស្រលាញ់ #ផ្ទះស្នេហ៍

❤️បុរសអាចចំណាយពេលអានបន្តិចបានទេ?បើអ្នកស្រលាញ់នារីម្នាក់ពិតប្រាកដ វាមិនពិបាកធ្វើនោះទេ អានទៅដើម្បីយល់ពីចិត្តនាងខ្លះ❤️

ពាក្យថា "ស្រលាញ់" វាងាយស្រួលណាស់ក្នុងការនិយាយ តែអ្នកបានផ្តល់ក្តីស្រលាញ់ឲ្យនាង រឺនៅ? ការថែរក្សាក្តីស្រលាញ់របស់នាងងាយដូច ការនិយាយពាក្យថា ស្រលាញ់ ចឹងបើអ្នកបានអានប៉ុន្មានចំណុចនេះហើយ។

+បានទេ? ស្រលាញ់នាងតែម្នាក់ កំុបើកចិត្តឲ្យទូលាយមើលមនុស្សស្រីផ្សេងពីនាង

+បានទេ? កំុយល់តែអារម្មណ៍ខ្លួនឯង នាងក៏ចេះអន់ចិត្តពេលអ្នកមិនខ្វល់ពីនាង

+បានទេ? កំុឲ្យអ្នកដទៃមើលមកនាងដូចជាមនុស្សដែលត្រូវគេបោះបង់ចោល

+បានទេ? កំុបន្ទោសនាងពេលនាងសួរនាំចង់ដឹងពីអ្នក ដែលអ្នកដឹងស្រាប់ថានាងសួរព្រោះបារម្ភ

+បានទេ? កំុទុកនាងចោលម្នាក់ឯងពេក នាងអាចមានអារម្មណ៍ថាអ្នកឈប់ស្រលាញ់នាង នាងអាចនឹងរករឿងឈ្លោះប្រកែកជាមួយអ្នក

+បានទេ? ពេលឈ្លោះប្រកែកគ្នា គួរពន្យល់ហេតុផលច្បាស់លាស់ឲ្យនាងបានដឹង នាងឈ្លោះប្រកែកព្រោះចង់ដឹងការពិតពីអ្នកតែប៉ុណ្ណោះ

+បានទេ? កំុគិតពីអ្នកដទៃជាងនាង នាងក៏ត្រូវការការយកចិត្តទុកដាក់ និង ការបារម្ភពីអ្នក ទោះការបារម្ភនោះមិនច្រើនក៏ដោយ

+បានទេ? កំុចាំដល់នាងអាចរស់នៅម្នាក់ឯងបាន ទើបអ្នកត្រលប់មកត្រូវការនាង ព្រោះនាងមិនចង់បានបែបនេះទេ

+បានទេ? ស្រលាញ់នាងជានាង ហើយគិតថានាងជាមនុស្សតែម្នាក់ដែលស្រស់ស្អាតសំរាប់អ្នក

សាកធ្វើទៅចំពោះមនុស្សស្រីដែលអ្នកស្រលាញ់ នាងមិនត្រូវការលុយ រឺ របស់របរមានតំលៃទេ តែនាងត្រូវការចំណុចទាំងនេះ😊

*អ្វីៗគ្រប់យ៉ាងអាចនឹងហួសពេល បើអ្នកបណ្តោយឲ្យអ្វីគ្រប់យ៉ាងកន្លងហួស ដោយការមិនយល់ពីតំលៃនាង*

រក្សាសិទ្ធដោយ ៖ Kanha Toch

ប្រាប់ផងបានទេ?