Jerry OnlineShop

ទង្វើរ Cute cute របស់កូនចៅខ្ញុំ រាល់ថ្ងៃ 😅

“មាត់រអិល គឺជាសញ្ញានៃការគិតយឺត” 🫦

មនុស្សដែលនិយាយលឿនពេក ជាញឹកញាប់តែងតែឆ្លើយតបដោយមិនបានគិត​ជ្រៅជ្រះ​ អំពីផលប៉ះពាល់នៃពាក្យសម្ដីរបស់ខ្លួន។ ការនិយាយលឿនរហ័ស អាចបង្ហាញពីភាពមិនបានអត់ធ្មត់ មានកំហឹង អត្តចរិតអួតអាង ឬការខ្វះការយល់ដឹង។ ខណៈដែលប្រាជ្ញាពិតប្រាកដ ភាគច្រើនកើតចេញពីភាពស្ងប់ស្ងាត់ និងការគ្រប់គ្រងខ្លួនឯង។

មនុស្សឆ្លាតវៃដឹងថា ពាក្យសម្ដីមានអំណាច។ ពេលនិយាយចេញទៅហើយ មិនអាចយកត្រឡប់វិញបានទាំងស្រុងទេ។ ដូច្នេះ មនុស្សមានប្រាជ្ញា តែងគិតបានច្បាស់ មុននឹងនិយាយ ឬឆ្លើយតប ជាពិសេសនៅពេលមានអារម្មណ៍ខឹង ឬជម្លោះ។

បញ្ហាជាច្រើនក្នុងជីវិត មិនមែនកើតពីសកម្មភាពទេ ប៉ុន្តែកើតពីពាក្យសម្ដីដែលនិយាយដោយកំហឹង ដោយអារម្មណ៍ ឬភាពមិនប្រុងប្រយ័ត្ន។ ពេលខ្លះ ការស្ងៀមស្ងាត់ អាចការពារទំនាក់ទំនងបានល្អជាងការពន្យល់ដែលមិនចាំបាច់ ឬការតបលឿនដោយអារម្មណ៍។

ចិត្តដែលស្ងប់ នឹងស្តាប់បានច្រើន មើលឃើញបានច្រើន ហើយនិយាយតែពេលចាំបាច់។ ភាពឆ្លាតវៃពិត មិនមែនស្ថិតនៅលើការនិយាយច្រើន ឬឆ្លើយលឿនជាងគេទេ ប៉ុន្តែស្ថិតនៅលើការដឹងថា ពេលណាគួរនិយាយ របៀបណាគួរនិយាយ និងពេលណាគួរស្ងៀមស្ងាត់ គឺជាចម្លើយដ៏ល្អបំផុត។ 🌱

__

__
📝 អត្ថបទដោយ៖ អឿន​ សុខន (Ken)