Pig Queen

ចង់លាក់ខ្លួនអោយជ្រៅក្នុងព្រៃកុំអោយក្រតាមទាន់😅😅😅😅

"តើអនាគតទៅចង់ធ្វើអី?"

ប្រសិនបើគេសួរសំណួរនេះកាលខ្ញុំនៅក្មេង ខ្ញុំនឹងឆ្លើយវាដោយគ្មានស្ទាក់ស្ទើរឡើយ ខ្ញុំចង់ក្លាយជាវេជ្ជបណ្ឌិត គិលានុបដ្ឋាយិកា គ្រូបង្រៀន៘ មានជម្រើសជាច្រើនសម្រាប់ជ្រើសរើស ព្រោះកាលនោះ ខ្ញុំគ្រាន់តែជាក្មេងម្នាក់ដែលមានក្តីសុបិន្តច្រើន។

ឥឡូវធំហើយ ខ្ញុំគ្មានចម្លើយចំពោះសំណួរនោះទៀតទេ ដឹងត្រឹមម៉្យាង ខ្ញុំនឹងធ្វើអ្វីគ្រប់យ៉ាងដរាបណាខ្ញុំអាចរកលុយបានច្រើន។ តើអ្វីទៅជាចំណង់ចំណូលចិត្តរបស់ខ្ញុំ? តើខ្ញុំចង់ធ្វើអ្វី? ខ្ញុំមិនដឹងទេ ខ្ញុំគ្រាន់តែចង់រស់នៅក្នុងជីវិតដែលមានសុភមង្គល អាចរកប្រាក់ចំណូលបានគ្រប់គ្រាន់ដើម្បីផ្គត់ផ្គង់គ្រួសារ ហើយត្រូវប្រាកដថាខ្ញុំរស់នៅក្នុងជីវភាពមួយដែលសមរម្យ។

ដូច្នេះប្រសិនបើអ្នកសួរខ្ញុំថាតើអនាគតរបស់ខ្ញុំចង់ក្លាយជាអ្វី ខ្ញុំគ្មានចម្លើយឱ្យអ្នកទេ ហើយខ្ញុំក៏មិនអាចស្រមៃឃើញវាដែរ។ ខ្ញុំគ្រាន់តែចង់រស់នៅបច្ចុប្បន្នរបស់ខ្ញុំឱ្យបានស្កប់ស្កល់ពេញលេញ ប៉ុណ្ណឹងវាគ្រប់គ្រាន់ហើយ។

បើយើងមិនល្អគ្នានអ្នកចូលចិត្តទេ