Deumtnort TV
Share
ព័ត៌មានសំខាន់ក្នុងសង្គម !
ឯកឧត្តម ង៉ូវ បូរីណា អញ្ជើញចូលរួមដាំកូនឈើ ២ម៉ឺនដើម នៅខេត្តកំពត ក្រោមប្រធានបទ «រួមគ្នាថែរក្សារុក្ខជាតិ ដើម្បីទេសចរណ៍ធម្មជាតិបែបជំនឿ សាសនា និងប្រពៃណី»
។
10/07/2026
ក្រសួងបរិស្ថានបើកដំណើរការពិព័រណ៍ «ពន្លកបៃតង» និងប្រកាសព្រឹត្តិការណ៍ដាំដើមត្នោតមួយលានដើមឆ្នាំ២០២៦
ឯកឧត្តម សុខ ចិន្តាសោភា ឧបនាយករដ្ឋមន្ត្រី និងជាតំណាងដ៏ខ្ពង់ខ្ពស់របស់សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានអញ្ជើញជាអធិបតីភាពបើកពិព័រណ៍ «ពន្លកបៃតង» និងប្រកាសព្រឹត្តិការណ៍ដាំដើមត្នោតមួយលានដើម នៅព្រឹកថ្ងៃទី១០ ខែកក្កដា ឆ្នាំ២០២៦ នៅទីស្តីការក្រសួងបរិស្ថាន។
ព្រឹត្តិការណ៍ពិសេសជាប្រវត្តិសាស្រ្តនាពេលនេះ បានប្រព្រឹត្តទៅ ក្រោមព្រះវត្តមានសម្តេចព្រះឧត្តមវង្សា គូ សុភាព គណៈមហានិកាយនៃព្រះរាជាណាចក្រកម្ពុជា និងវត្តមាន ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន រួមជាមួយ ថ្នាក់ដឹកនាំរដ្ឋសភា ព្រឹទ្ធសភា រាជរដ្ឋាភិបាលកម្ពុជា តំណាងក្រសួង ស្ថាប័ន ឯកអគ្គរាជទូត ឯកអគ្គរដ្ឋទូត តំណាងអង្គការសហប្រជាជាតិប្រចាំកម្ពុជា ដៃគូអភិវឌ្ឍន៍ ដៃសហការ សមាគម អង្គការសង្គមស៊ីវិល ព្រះសង្ឃ សហគមន៍តំបន់ការពារធម្មជាតិ វិស័យឯកជន យុវជន និងសិស្សានុសិស្សជាច្រើននាក់។
ឯកឧត្តមបណ្ឌិត អ៊ាង សុផល្លែត បានមានប្រសាសន៍ថា ថ្ងៃនេះ យើងមិនត្រឹមតែជួបជុំគ្នាដើម្បីបើកពិព័រណ៍ «ពន្លកបៃតង» ប៉ុណ្ណោះទេ ប៉ុន្តែយើងកំពុងរួមគ្នាប្រកាសចាប់ផ្តើម ចលនាជាតិមួយ ដែលមានគោលបំណងលើកកម្ពស់ការចូលរួមរបស់ប្រជាពលរដ្ឋគ្រប់រូបក្នុងការការពារ និងស្ដារធនធានធម្មជាតិ។ «ពន្លកបៃតង» គឺជានិមិត្តរូបនៃក្តីសង្ឃឹម ការទទួលខុសត្រូវ និងការចាប់ផ្តើមថ្មី សម្រាប់កម្ពុជាបៃតង ស្អាត និងប្រកបដោយចីរភាព។
ឯកឧត្តមឧបនាយករដ្ឋមន្ត្រី សុខ ចិន្តាសោភា បានជំរុញចលនាបៃតងយ៉ាងខ្លាំងក្លា ដោយចាត់ទុកពិព័រណ៍ «ពន្លកបៃតង» គឺជាបេសកកម្មជាតិដ៏មានគុណតម្លៃខ្ពស់បំផុត ក្នុងការបណ្តុះស្មារតីស្រឡាញ់បរិស្ថាន ធម្មជាតិ និងព្រៃឈើ។ សកម្មភាពនេះមានគោលបំណងពង្រីកគម្របបៃតងឆ្លើយតបនឹងការប្រែប្រួលអាកាសធាតុ តាមរយៈការតាំងពិព័រណ៍កូនឈើ និងយុទ្ធនាការដាំដើមត្នោតចំនួន ១លានដើម ដើម្បីលើកកម្ពស់អត្តសញ្ញាណជាតិ និងបរិស្ថាន។ មានប្រសាសន៍បន្ថែមឯកឧត្តមឧបនាយករដ្ឋមន្រ្តី។ ជាមួយគ្នានេះ ឯកឧត្តមឧបនាយករដ្ឋមន្ត្រី សុខ ចិន្តាសោភា បានថ្លែងកោតសរសើរចំពោះការផ្តួចផ្តើមយុទ្ធនាការរបស់ក្រសួងបរិស្ថាន ដែលមានគោលដៅពង្រីកគម្របព្រៃឈើ ដើម្បីឆ្លើយតបនឹងការប្រែប្រួលអាកាសធាតុ និងបង្កើតទ្រព្យសម្បត្តិធម្មជាតិសម្រាប់ជំនាន់ក្រោយ ហើយការចូលរួមចលនាបៃតងត្រូវស្តែងឡើងតាមរយៈសកម្មភាពជាក់ស្តែង ដូចជាការទទួលកូនឈើដាំដោយផ្ទាល់។
សូមបញ្ជាក់ថា ក្រសួងបរិស្ថានបានរៀបចំចែកកូនឈើចម្រុះប្រមាណ ៥លានដើម ដោយឥតគិតថ្លៃជូនដល់សាធារណជននៅក្នុងឆ្នាំ២០២៦។ ពិព័រណ៍ផ្សព្វផ្សាយ «ពន្លកបៃតង» និងប្រកាសព្រឹត្តិការណ៍ ដាំដើមត្នោតមួយលានដើម ឆ្នាំ២០២៦ ប្រព្រឹត្តទៅចាប់ពីថ្ងៃទី១០ ដល់ថ្ងៃទី១៣ ខែកក្កដា ឆ្នាំ២០២៦ នៅបរិវេណខាងមុខទីស្តីការក្រសួងបរិស្ថាន រាជធានីភ្នំពេញ មានការដាក់តាំងពិព័រណ៍កូនឈើ និងនិងចែកកូនឈើ នៅតាមស្តង់នីមួយៗ ដែលរៀបចំដោយក្រសួងបរិស្ថាន ពិសេស អគ្គនាយកដ្ឋានតំបន់ការពារធម្មជាតិ មន្ទីរបរិស្ថានទាំង២៥ រាជធានីខេត្ត ទូទាំងប្រទេស ការចូលរួមពី ក្រុមការងារយុវជនកាកបាទក្រហម និងអឌ្ឍចន្ទក្រហម យុវជនសហភាពសហព័ន្ធយុវជនកម្ពុជា (ស.ស.យ.ក) ក្រុមកាយរិទ្ធិ អាជ្ញាធរដែនដីគ្រប់លំដាប់ថ្នាក់ លោកគ្រូ អ្នកគ្រូ ក្មួយៗសិស្សានុសិស្សទាំងអស់ ដៃគូអភិវឌ្ឍន៍ អង្គការសង្គមស៊ីវិល វិស័យឯកជន ចលនាភូមិមួយផលិត- ផលមួយ បងប្អូនប្រជាសហគមន៍តំបន់កាពារធម្មជាតិ។
លើសពីនេះ ក្រសួងបរិស្ថាន ក៏មានការដាក់តាំងពិព័រណ៍រថយន្ត និងម៉ូតូអគ្គីសនី សំដៅលើកទឹកចិត្តសាធារណជនឱ្យប្រើប្រាស់មធ្យោបាយធ្វើដំណើរប្រភេទនេះ ដើម្បីរួមចំណែកកាត់បន្ថយការបញ្ចេញកាបូនទៅក្នុងបរិស្ថាន បង្កើនភាពស្អាតក្នុងទីក្រុង និងគាំទ្រចក្ខុវិស័យ កម្ពុជាឆ្នាំ២០៥០ ជាប្រទេសអព្យាក្រឹត្យកាបូន។
«ខេត្តកំពង់ស្ពឺ ប្រារព្ធទិវាបរិស្ថានជាតិ និងបរិស្ថានពិភពលោក ៥មិថុនា ខួបលើកទី៣០ ក្រោមប្រធានបទ សំណល់សូន្យ»
08/06/2026
ព្រឹកថ្ងៃទី ៨ ខែមិថុនា ឆ្នាំ២០២៦ លោក ម៉ើង សុភាព ប្រធានស្តីទី មន្ទីរបរិស្ថានខេត្តព្រះសីហនុ បានអញ្ជើញចូលរួមក្នុងពិធីប្រារព្ធទិវាកុមារអន្តរជាតិ ១ មិថុនា និងសម្ពោធដាក់ឱ្យប្រើប្រាស់សមិទ្ធផលនានា ក្រោមអធិបតីភាព លោកជំទាវ ឌិត នីតា សាយ សំអាល់ នៅសាលាបឋមសិក្សា ហ៊ុន សែន មិត្តភាព ក្រុងព្រះសីហនុ ខេត្តព្រះសីហនុ។
ឯកឧត្តម តាំង ជុងលី និងលោកជំទាវ សារុន វិធុរត័្ន នាំយកនូវអំណោយជាគ្រឿងឧបភោគ បរិភោគ និងថវិកា ចែកជូនដល់វីរ:កងទ័ព ឈរជើងប្រចាំតំបន់ខេត្តព្រះវិហារ នាថ្ងៃទី១០ ខែឧសភា ឆ្នាំ២០២៦។
ថ្នាក់ដឹកនាំក្រុមការងារចុះមូលដ្ឋានស្រុកអូររាំងឪ ចុះពិនិត្យករណីបែកកញ្ចក់អគារសិក្សានៅវិទ្យាល័យ ហេង សំរិន ចក នាថ្ងៃទី១ ខែឧសភា ឆ្នាំ២០២៦។
ក្រុមការងារចុះមូលដ្ឋានស្រុកអូររាំងឪ ចុះពិនិត្យវឌ្ឍនភាពថ្នាលបណ្ដុះកូនឈើថ្នាក់តំបន់ ក្នុងខេត្តត្បូងឃ្មុំ ដើម្បីជំរុញភាពបៃតង នៅព្រឹកថ្ងៃទី១ ខែឧសភា ឆ្នាំ២០២៦។
ក្រសួងបរិស្ថានត្រៀមរៀបចំកូនឈេីចែកជូនប្រជាពលរដ្ឋ ចំនួនចាប់ពី៥,០០០,០០០ ដើម នារដូវវស្សាខាងមុខ
#ក្រសួងបរិស្ថាន #ពន្លកបៃតង #កម្ពុជាស្អាតខ្មែរធ្វើបាន #ភាពបៃតង #ចីរភាព #យុទ្ធសាស្ត្រចក្រាវិស័យបរិស្ថាន
23/03/2026
បន្ដអនុវតប្រសាសន៍ ឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន លេីយុទ្ធនាការ "ពន្លកបៃតង"
កំពង់ស្ពឺ៖ ឯកឧត្ដមបណ្ឌិត សាម អុីន រដ្ឋលេខាធិការ តំណាងដ៏ខ្ពង់ខ្ពស់ ឯកឧត្ដមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន អមដំណេីរដោយ ឯកឧត្ដម ង៉ូវ បូរីណា រដ្ឋលេខាធិការ ក្រសួងបរិស្ថាន បានអញ្ជើញជាអធិបតី ក្នុងយុទ្ធនាការ "ពន្លកបៃតង" នាព្រឹកថ្ងៃទី២២ ខែមីនា ឆ្នាំ២០២៦ ស្ថិតនៅក្នុងបរិវេណវត្តអង្គក្ដី ភូមិព្រៃស្មាច់ ឃុំព្រៃវិហារ ស្រុកគងពិសី ខេត្តកំពង់ស្ពឺ។
យុទ្ធនាការ "ពន្លកបៃតង" នាព្រឹកនេះ ជាកិច្ចសហការរៀបចំដោយ វត្ដអង្គក្ដី និងអង្គការចីរភាពបរិស្ថានកម្ពុជា រួមទាំងសាលាបឋមសិក្សាអង្គក្ដី ដេីម្បីចូលរួមអភិវឌ្ឍពន្លកបៃតងនៅកម្ពុជា ដោយបានដាំកូនឈេីជុំវិញបរិវេណវត្ត និងសាលារៀន ប្រមាណជា ៣០០០ដេីម។
ក្នុងឱកាសអញ្ជើញជាអធិបតី យុទ្ធនាការ "ពន្លកបៃតង" ឯកឧត្ដមបណ្ឌិត សាម អីន រដ្ឋលេខាធិការ ក្រសួងបរិស្ថាន បានពាំនាំការសួរសុខទុក្ខរបស់ ឯកឧត្ដមបណ្ឌិត រដ្ឋមន្ត្រីក្រសួងបរិស្ថាន ជូនដល់ ព្រះសង្ឃ លោកគ្រូ អ្នកគ្រូ សិស្សានុសិស្ស ដែលបានចូលរួមក្នុងយុទ្ធនាការ ពន្លកបៃតង នេះផងដែរ។
ឯកឧត្ដមបណ្ឌិត បានបន្ដលេីកឡេីងទៀតថា ការចូលរួមលេីយុទ្ធនាការ ពន្លកបៃតង គឺភារកិច្ចរបស់ប្រជាជនកម្ពុជាគ្រប់រូប ដេីម្បីថែរក្សា ការពារ បរិស្ថាន និងរក្សានូវអព្យាក្រឹតកាបូននៅកម្ពុជា។ ជាពិសេស ដេីម្បីទប់ស្កាត់នូវការបម្រែបម្រួលអាកាសធាតុ ទាំងកម្ពុជា និងជាសកល។
ឯកឧត្តមបណ្ឌិត សូមលេីកទឹកចិត្ត ឱ្យសិស្សានុសិស្ស លោកគ្រូ អ្នកគ្រូ រួមទាំងសមាជិក អង្គការចីរភាពបរិស្ថានកម្ពុជា បន្តយ៉ាងសកម្មលេីការចូលរួមថែរក្សាបរិស្ថាន តាមរយៈ យុទ្ធនាការទាំងបួន ដែលបានដាក់ចេញដោយ ឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន រួមមាន "យុទ្ធនាការ ថ្ងៃនេះ ខ្ញុំមិនប្រេីថង់ប្លាស្ទិកទេ" "កម្ពុជាស្អាត ខ្មែរធ្វើបាន" "ផ្លូវជាតិគ្មានសំណល់សំរាមប្លាស្ទិក" និងយុទ្ធនាការ "ពន្លកបៃតង"។
Contact the business
Telephone
Website
Address
Phnom Penh