Feel Great Cambodia

[...] យុវជនដែលចង់អភិវឌ្ឍខ្លួនឱ្យជោគជ័យដ៏ត្រចះត្រចង់ មិនចាំបាច់ប្រឹងប្រែងធ្វើខ្លួនឱ្យដូចអ្នកជោគជ័យមុនៗនោះទេ ព្រោះបរិបទនៃការរស់នៅ និស្ស័យ និងបំណងប្រាថ្នារបស់មនុស្សម្នាក់ៗមិនដូចគ្នាឡើយ។

ខ្ញុំជឿ ថាអ្នកមានពេលវេលាសិក្សារៀនសូត្រ ស្វែងរកបទពិសោធថ្មីៗ និងសំលៀងក្តីស្រមៃរបស់ខ្លួនច្រើនណាស់។ ដូច្នេះចូរចាប់យកឱកាសទាំងនោះឱ្យជាប់។ បើអាច សូមមើលខ្លួនឯងនៅនឹងមុខកញ្ចក់ទៅ ហើយសួរខ្លួនឯងថា “តើខ្ញុំជាអ្វីនៅពេលនេះ? តើខ្ញុំចង់ក្លាយជាបែបណានៅថ្ងែស្អែក?”។ ខ្ញុំតែងមើលឃើញថា ប្អូនៗយុវជន ចូលចិត្តតែភ័យ ចូលចិត្តតែខ្លាច ដូចជាគាត់នៅក្នុងទូកញ្ចក់បិទជិត បណ្តាលឱ្យតឿទាបតានតឹងក្នុងអារម្មណ៍។ អ៊ីចឹងហើយ ទើបខ្ញុំធ្លាប់ប្រាប់ពួកគេ ថាធ្វើយ៉ាងម៉េចក៏ដោយ រាល់យប់រាល់ថ្ងៃ គឺយើងបិទភ្នែកស្រមៃដល់រឿងលើកញញួរវាយកញ្ចក់ហ្នឹងឱ្យបែក ឲ្យស្រឡះខ្លួន នឹងអាចធ្វើអ្វីៗបានដោយក្លៀវក្លា។ បើយើងអាចចេញផុតពីគុកកញ្ចក់បាន ពេលមកដល់ផ្ទះ យើងនឹងអាចដកដង្ហើមពោរពេញដោយអុកស៊ីសែន។

ម៉្លោះហើយ ខំឲ្យមោះមុត ខំឲ្យជោគជ័យ ពោលខំឲ្យមានចំណេះជំនាញ និងបទពិសោធច្បាស់លាស់។ តូចក្តី ធំក្តី គឺសុទ្ធតែសំខាន់។ អ៊ីចឹងបានថា ខ្ពស់ណាស់ ទាបណាស់ តួចណាស់ សំខាន់ណាស់។ ពោលពួកយើងម្នាក់ៗសុទ្ធតែមានសារៈសំខាន់ នឹងអាចបំពេញឱ្យគ្នាទៅវិញទៅមកបាន។ អ្នកដឹងទេ បើសិនឱកាសមានតែម្តងដូចគេថាមែននោះ ម៉្លេះខ្ញុំមិនមានលទ្ធផលដូចថ្ងៃនេះនោះទេ។ ជឿចុះថា បុគ្គលដែលមានបេះដូងដ៏បរិសុទ្ធ មានដួងចិត្តស្មោះត្រង់ និងភក្ដីភាព គឺមិនស្លាប់ឡើយ។ ហើយខ្ញុំជឿថា ក្រោយឆ្លងកាត់ជីវិតរស់នៅជូរចត់ លំបាកវេទនា ឈឺចាប់ នឿយហត់ ប្រកួតប្រជែង និងកេងប្រវ័ញ្ច នឹងធ្វើឱ្យយើងស្គាល់ពីសង្គមមនុស្ស ចេះទប់ចិត្ត ចេះខ្វល់ ចេះប្រយ័ត្ន ក្លាហាន និងកាន់តែរឹងមាំ។ [...]..

ដកស្រង់ពីសៀវភៅ #បណ្តុំទស្សនៈ_The_Philosophy_Collection
បោះពុម្ពផ្សាយខែមិថុនា គ.ស.២០២០
និពន្ធដោយ៖ អ្នកឧកញ៉ា វេជ្ជបណ្ឌិត គួច ម៉េងលី

ប្រិយមិត្តអ្នកអានអាចរកជាវសៀវភៅនេះបានតាមរយៈ ៖
https://www.mjquniversitypress.com/.../the-philosophy.../(ដើម្បីអញ្ជើញទៅទិញដោយផ្ទាល់)
https://www.l192.com/search?Search=keyword... (ដើម្បីទិញតាមអនឡាញ)

កុំនិយាយសម្តី ដែលបំផ្លាញទឹកចិត្តអ្នកដទៃ
កុំឱ្យសម្តីអ្នកដទៃមកបំផ្លាញក្តីសុខរបស់យើងដូចគ្នា
#អ្នកឧកញ៉ា_វេជ្ជបណ្ឌិត_គួច_ម៉េងលី