Nary KC

តាំងពីថៃ (ចោរសៀម) លើកទ័ពចូលឈ្លានពានទឹកដីមកទល់ពេលនេះ នៅគ្រប់វេទិកាតុមូល និងកិច្ចពិភាក្សារនានា មិនថាអ្នកចូលរួមនិងមិនថាអ្នកកាសែតទេគឺ តែងតែលើកសំណួរស្រដៀងគ្នាឬប្រហាក់ប្រហែលគ្នាសួរឲ្យ វាគ្មិនឆ្លើយ… គឺសំណួរសួរថា៖ តើធ្វើដូចម្តេចឲ្យខ្មែរយើងខ្លាំង? កុំឲ្យខ្មែរយើងខ្សោយ? កុំឲ្យគេមើលងាយខ្មែរយើង?

តែអ្នកសួរ បានត្រឹមតែសួរដើម្បីបង្អួតអ្នកចូលរួមថា ខ្លួនពូកែសួរនិងចេះសួរសំណួរល្អតែប៉ុណ្ណឹងឯង! ត្រង់ចម្លើយរបស់វាគ្មិនដែលខំឆ្លើយ ខំពន្យល់ ខំលើកជាឧទាហរណ៍បង្ហាញឲ្យស្តាប់… ពួកអ្នកសួរនោះមិនដែលយកត្រចៀកស្តាប់និងមិនដែលយកទៅអនុវត្តន៍ទេ.. រួចហើយតាំងនាំគ្នាទៅគាំទ្រអាទង្វើរថោកទាបដែលធ្វើឲ្យខ្មែរខ្សោយ និងដែលធ្វើឲ្យសត្រូវមើលងាយខ្មែរដដែល..៕

Telegram channel: https://t.me/sournsereyratha

ការ «បិទព្រំដែន» វាមានវិសាលភាពអំណាចនិងវិសាលភាពច្បាប់ធំជាងការ «បិទនាំទំនិញចូល» ពីព្រោះថា រវាងប្រទេសពីរដែលនៅជាប់គ្នា រាល់ផលិតផលទំនិញគ្រប់មុខទាំងអស់ត្រូវនាំចូលតាមច្រកព្រំដែន.. មិនមែននាំចូលតាមច្រករូងក្រោមដី ឬបោះរំលងពីលើមេឃមកទេ។

ការ «បិទនាំចូលទំនិញ» អាចត្រឹមតែជាការបិទនូវមុខទំនិញតាមបញ្ជីមួយចំនួនតាមការកំណត់ហាមមិនឲ្យនាំចូលតែប៉ុណ្ណោះ! តែមុខទំនិញផ្សេងដែលមិនបានហាមគឺអាចនាំចូលបាន ពីព្រោះបញ្ញត្តិនៃការ «បិទនាំចូលទំនិញ» មិនមានអំណាចឬវិសាលភាពទៅបិទព្រំដែននិងបិទច្រកព្រំដែនទាំងមូលទេ។

តែការ «បិទព្រំដែន» គឺមានវិសាលភាពធំលើសពីការ «បិទការនាំចូលទំនិញ» នោះគឺមានន័យជាអំណាចហាមឃាត់មិនអនុញ្ញាត្តិឲ្យអ្វីៗឆ្លងកាត់ «ព្រំដែនឬច្រកព្រំដែន» បានជាដាច់ខាត! អាចនិយាយថា «សូម្បីតែសត្វមូសក្បាលក៏មិនឲ្យហើរឆ្លងព្រំដែនបានដែរ» បើមានសំណាញ់ឬឧបករណ៍ទប់ស្កាត់! ។

រកណីការ «បិទនាំចូលទំនិញ» និងការ «ការបិទព្រំដែន» នេះការអនុវត្តន៍វាមិនខុសពីការអនុវត្តន៍ទម្ងន់ទោសលើជនល្មើសទេ… នោះគឺ បើជនល្មើសម្នាក់មានបទចោទដល់ទៅពីរករណី បទល្មើសមួយស្រាល បទល្មើសមួយធ្ងន់គឺគេមិនទម្លាក់បទចោទដែលធ្ងន់ចោល ហើយអនុវត្តន៍បទចោទដែលស្រាល រួចហើយឡើងមកនិយាយឬផ្តល់សម្ភាសន៍ និយាយត្រឹមតែបទល្មើសស្រាលនោះទេ។

ខ្ញុំនៅតែយល់ឃើញថាបទបញ្ជា «បិទនាំចូលទំនិញ» ប៉ុន្មានមុខនោះ វាមានវិសាលភាពតូច ដែលមិនអាចលើកយកបទបញ្ញត្តិតូចនេះ ទៅការពារកំហុសរបស់អ្នកដែលមិនអនុវត្តន៍បទបញ្ជា «បិទព្រំដែន» បានទេ។ បទបញ្ជា «បិទព្រំដែន» មានវិសាលភាពអំណាចធំណាស់ដែលត្រូវតែអនុវត្តគ្របដណ្តប់លើបទបញ្ជា «បិទនាំចូលទំនិញ»។

ដូច្នោះពុំគួរណាលើកយកត្រឹមបទបញ្ញត្តិហាមនាំចូលទំនិញ ដែលជាបទបញ្ញត្តិតូចនេះ មកធ្វើជាលេសការពារអ្នកនាំចូលទំនិញថៃ (ចោរសៀម) និងការពារអ្នកបើកឲ្យនាំចូលទំនិញថៃ (ចោរសៀម) ដែលបន្តនាំចូលមកលក់ក្នុងស្រុកខ្មែរនាពេលនេះដដែលជាដដែលទេ! ។

សម្តេចអគ្គមហាសេនាតេជោ ហ៊ុន សែន ធ្លាប់បានលើកបញ្ជាក់រួចហើយ និងចោទសួរហើយចំពោះករណីនេះ! មន្ត្រីទាំងឡាយដែលកំពុងអនុវត្តតាមអំពើចិត្ត សូមវិលទៅស្តាប់ប្រសាសន៍របស់ សម្តេចតេជោ ហ៊ុន សែន ឡើងវិញ..!

ពួកអ្នកនាំចូលទំនិញថៃ (ចោរសៀម) និងពួកអ្នកបន្តបើកឲ្យនាំទំនិញថៃ (ចោរសៀម) ចូលតាមព្រំដែនមកលក់ក្នុងស្រុកខ្មែរ ពិតណាស់គឺពួកគេទួលបានផលប្រយោជន៍ (លុយ)… តែប្រទេសជាតិនិងប្រជាជនកម្ពុជាអ្នកដែលមានការឈឺចាប់ពីការឈ្លានពានរបស់ចោរសៀមគឺមិនអាចទទួលយកបានទេ ហើយក៏អាចឈានទៅដល់ការគិតថា ពួកអ្នកគឺជា «ជនក្បត់ជាតិ» ដែរ! ។

សូមធ្វើការអ្វី រកស៊ីអ្វី និងរស់នៅជាខ្មែរ ឲ្យមានជាតិនិយមជាខ្មែរ ក្នុងខ្លួនខ្លះផងបានទេ? បើពុំដូច្នោះទេ តើការឈរស្មឹងស្មាតរបស់អ្នកគោរពវិញ្ញាណខ័ន្ធវីរៈកងទ័ពនោះ គ្រាន់តែធ្វើឲ្យល្អមើលទេ មែនទេ?៕

Telegram channel: https://t.me/sournsereyratha

ពហិការ របស់ប្រជាជនកម្ពុជា ដែលឈប់ប្រើផលិតផល ឈប់ទិញទំនិញ ថៃ (សៀម) និងឈប់ប្រើសេវារបស់ថៃ (សៀម) គឺជាអាវុធយ៉ាងមុតស្រួចដែលចាក់ភ្ជង់បំពង់កសេដ្ឋកិច្ចរបស់ថៃ (សៀម) រាល់ថ្ងៃ!

បើទោះបីជាមេដឹកនាំថៃ (សៀម) និងសារព័ត៌មានក្នុងស្រុកថៃ (សៀម) ព្យាយាមលាក់ បិទបាំង និងបំបិទមាត់ការផ្សាយយ៉ាងណាក៏ដោយ ក៏ចំហាយនៃវិបត្តិផលិតកម្ម សិប្បកម្មនិងសេវាកម្មដែលជាសរសៃរឈាមសេដ្ឋកិច្ចដ៏ខ្លាំងរបស់ថៃ (សៀម) ដែលធ្លាប់តែខ្លាំងកាលពីមុនវាឈ្លានពានកម្ពុជានោះ ពេលនេះកំពុងឈរតម្រង់ជួរនៅមាត់រណ្តៅមរណៈបន្តគ្នាយ៉ាងពិតប្រាកដ។

ទស្សនៈកិច្ចរបស់ស្តេចថៃ (សៀម) នៅប្រទេសឡាវ នាថ្ងៃនេះគឺផ្នែកមួយនៃកិច្ចខិតខំស្តារសេដ្ឋកិច្ចរបស់ថៃ (សៀម) ឡើងវិញ ដោយគ្រាន់តែចង់យកប្រទេសឡាវ មកដាក់ជំនួសកម្ពុជា សម្រាប់ទាំងចរាចរណ៍ដឹកទំនិញឆ្លងកាត់និងឲ្យឡាវធ្វើជាច្រកនាំភ្ជាប់សេវាកម្មមនុស្សឆ្លងដែនតែប៉ុណ្ណោះ។ យូរណាស់មកហើយជិត ៤០ឆ្នាំមកនេះ ថៃ (សៀម) មិនដែលយកចិត្តទុកដាក់ឬទុកប្រទេសឡាវក្នុងភ្នែកទេ ដោយថៃ (សៀម) មើលងាយឡាវនិងមើលងាយប្រជាជនឡាវ ជាងមើលងាយកម្ពុជានិងមើលងាយប្រជាជនកម្ពុជាទៅទៀត។

ថ្ងៃនេះដោយសារតែប្រជាជនកម្ពុជាភាគច្រើនលើសពីពាក់កណ្តាល អ្នកដែលមានការឈឺចាប់នឹងអំពើឈ្លានពានរបស់ ថៃ (សៀម) មកលើទឹកដីដែនអធិបតេយ្យភាពរបស់កម្ពុជា ប្រជាជនកម្ពុជាភាគច្រើនយើងបានធ្វើ «ពហិការ» ឈប់ទិញ ឈប់ប្រើផលិតថៃ (សៀម) និងឈប់ទទួលយកសេវាកម្មរបស់ថៃ (សៀម) ដូចជាឈប់ទៅចូលព្យាបាលក្នុងប្រទេសថៃ (សៀម) ឈប់ទៅកែសម្ផស្ស ឈប់ទៅទេសចរណ៍ និងឈប់រកស៊ីជាដៃគូរជាមួយប្រទេសថៃ (សៀម) នេះបានធ្វើឲ្យសេដ្ឋកិច្ច សង្វាក់ផលិតកម្ម សិប្បកម្ម ឧស្សាហកម្ម ទេសចរណ៍ ផ្សារលក់ទំនិញ និងសេវ៉ាផ្សេងៗរបស់ថៃ (សៀម) ផ្ទះបែកសរសៃរឈាមសេដ្ឋកិច្ចនិងរងវិបត្តិធ្ងន់ធ្ងរមែនទែន បើទោះជារដ្ឋាភិបាលនិងរាជវាំងថៃ (សៀម) ខំបិទបាំង លាក់លៀមយ៉ាងណាក្តី។ ពេលនេះសិប្បកម្មគ្រឿងសំអាងតូចៗក្នុងប្រទេសថៃ (សៀម) ដែលការផលិតនិងការវេចខ្ចប់របស់គេកន្លងមកពឹងលើដៃគូរពាណិជ្ជកម្មនិងកម្ម៉ង់ផលិត កម្ម៉ង់វេចខ្ចប់ពីកម្ពុជា នោះបានរលំរលាយជិតអស់ហើយ… ឧស្សាហកម្មចំណីអាហារធំៗរបស់ពួកគេដែលពឹងលើទីផ្សារកម្ពុជាដើម្បីលក់នោះ ក៏កំពុងរងនូវការខាតបង់ រួចកាត់បន្ថយការផលិតព្រមទាំងបាត់ចំណូលដុលអស់ជាច្រើន… ហើយសេវាកម្មបន្ទីពេទ្យ ទេសចរណ៍ របស់ពួកគេដែលពីមុនពឹងលើអតិថិជនជាខ្មែរនោះក៏បាត់បង់អស់ដែរ! នេះគឺជាលទ្ធផលផលនៃ «កម្លាំងពហិការ» របស់ប្រជាជនខ្មែរ។

ដូច្នោះប្រជាជនកម្ពុជា ១៧ លាននាក់ យើងមិនត្រូវភ្លេចអាវុធដ៏ខ្លាំងនិងដ៏មុតស្រួចរបស់យើងហៅថា «ការធ្វើពហិការ» នេះទេ! ។ ថៃ (សៀម) មាន F-16 គ្រាប់ផ្លោង គ្រាប់បែកចង្កោម រថក្រោះ រថពាសដែក ប្រើជាអាវុធឈ្លានពានទឹកដីកេរដូនតាយើង បំផ្លាញប្រាសាទកេរដូនតាយើងក៏ពិតមែន.. ក្នុងពេលគេធ្វើសង្គ្រាមឈ្លានពានយើង តែយើងមាន «អាវុធពហិការ» ដ៏ខ្លាំងដែលអាចប្រើបានរាល់ថ្ងៃ រាល់ខែ រាល់ឆ្នាំ និងប្រចាំអស់មួយជីវិតគឺ «ពហិការ» មិនទិញ មិនប្រើ របស់ដែលជាផលិតផលថៃ (សៀម) និងមិនប្រើសេវាកម្មដែលជាសេវារបស់ថៃ (សៀម) ដែលជាចោរប្រវត្តិសាស្ត្រនិងជាសត្រូវប្រវត្តិសាស្ត្ររបស់យើង..៕

Telegram channel: https://t.me/sournsereyratha