Sok Mongkol Clinic

🌍 ថ្ងៃទី ២៨ ខែកក្កដា៖ ទិវាកាត់បន្ថយជំងឺរលាកថ្លើមពិភពលោក (World Hepatitis Day)!

ថ្ងៃនេះជាថ្ងៃទី ២៨ ខែកក្កដា ដែលជាថ្ងៃរំលឹក និងលើកកម្ពស់ការយល់ដឹងជាសកលអំពី «ជំងឺរលាកថ្លើម» ជារៀងរាល់ឆ្នាំ។

ជំងឺរលាកថ្លើម (ជាពិសេសប្រភេទ បេ និង សេ) តែងតែត្រូវបានគេប្រសិទ្ធនាមថាជា «សត្រូវលាក់មុខ» ព្រោះវាមិនសូវបញ្ចេញរោគសញ្ញាឱ្យដឹងមុនឡើយ ប៉ុន្តែវាអាចបំផ្លាញកោសិកាថ្លើម បង្កជាជំងឺក្រិនថ្លើម និងមហារីកថ្លើមយ៉ាងស្ងៀមស្ងាត់។

💡 សារអប់រំ និងការដាស់តឿនពីលោកគ្រូពេទ្យ៖

- ការការពារ៖ ចាក់វ៉ាក់សាំងការពារជំងឺរលាកថ្លើមប្រភេទ បេ ឱ្យបានគ្រប់ដូស និងជៀសវាងការប្រើប្រាស់ម្ជុល ឬរបស់មុតស្រួចរួមគ្នា។

- ការធ្វើតេស្តស្វែងរក៖ ស្វែងរកការធ្វើតេស្តឈាមជាទៀងទាត់ ព្រោះការដឹងទាន់ពេលវេលា គឺជាវិធីសាស្ត្រតែមួយគត់ដែលជួយសង្គ្រោះថ្លើមរបស់អ្នកបាន។

- ការព្យាបាល៖ ទទួលការព្យាបាល និងប្រឹក្សាយោបល់ជាមួយគ្រូពេទ្យជំនាញ ប្រសិនបើរកឃើញមានមេរោគក្នុងឈាម។

«ចូលរួមថែរក្សាសុខភាពថ្លើមរបស់អ្នក និងមនុស្សជាទីស្រឡាញ់ ចាប់ផ្តើមពីការធ្វើតេស្តឈាមនៅថ្ងៃនេះ!»

បងប្អូនដែលមានបំណងចង់ធ្វើតេស្តស្វែងរកមេរោគរលាកថ្លើម ឬប្រឹក្សាអំពីវ៉ាក់សាំងការពារ អាចអញ្ជើញមកកាន់ បន្ទប់ពិគ្រោះ និងព្យាបាលជំងឺ សុខមង្គល បានជារៀងរាល់ថ្ងៃ។

#បន្ទប់ពិគ្រោះនិងព្យាបាលជំងឺសុខមង្គល #ទិវារលាកថ្លើមពិភពលោក #សុខភាពថ្លើម #ស្រុកស្ទោង

⚠️ សូមប្រុងប្រយ័ត្នខ្ពស់ចំពោះ៖ សញ្ញាគ្រោះថ្នាក់នៃជំងឺគ្រុនឈាមធ្ងន់ធ្ងរ!

🦟 ៣ ដំណាក់កាលគ្រុនឈាម៖ ចាំងាយៗ ជួយសង្គ្រោះជីវិត!

- ដំណាក់កាលទី ១៖ ថ្ងៃទី ១-៣ ➡️ «ក្តៅខ្លួនខ្លាំង»
=> សញ្ញា៖ ក្តៅខ្លួនភ្នែកៗ (៣៩-៤០°C) ឈឺក្បាល ឈឺប្រហោងភ្នែក និងចុកសាច់ដុំខ្លាំង។

- ដំណាក់កាលទី ២៖ ថ្ងៃទី ៤-៦ ➡️ «ស្រកកំដៅ តែជាពេលគ្រោះថ្នាក់បំផុត!»
=> សញ្ញា៖ ខ្លួនចាប់ផ្តើមត្រជាក់ចុះ (ក្រោម ៣៨°C) ប៉ុន្តែជាពេលប្លាកែតធ្លាក់ចុះខ្លាំង ដែលអាចបង្កឱ្យ ហូរឈាមតាមអញ្ចាញធ្មេញ ក្អួតញឹកញាប់ ឈឺពោះខ្លាំង ឬសន្លប់។
⚠️ប្រសិនបើមានសញ្ញាទាំងនេះ ត្រូវប្រញាប់បញ្ជូនទៅមន្ទីរពេទ្យជាបន្ទាន់!

- ដំណាក់កាលទី ៣៖ ថ្ងៃទី ៧ ឡើងទៅ ➡️ «ដកថយ និងដឹងខ្លួនជា»
=> សញ្ញា៖ អ្នកជំងឺបាត់ឈឺពោះ ចាប់ផ្តើមឃ្លានបាយ មានកម្លាំង និងមានកន្ទួលអុជៗរមាស់លើស្បែក (សញ្ញាជិតជាសះស្បើយ)។

💡 ឃ្លាគន្លឹះឆាប់ចាំ៖ «កុំធ្វេសប្រហែសពេលស្រកកំដៅ! ថ្ងៃទី ៤ ដល់ទី ៦ គឺហាមមើលរំលង!»

#បន្ទប់ពិគ្រោះនិងព្យាបាលជំងឺសុខមង្គល #សញ្ញាគ្រោះថ្នាក់ជំងឺគ្រុនឈាម #សុខភាពសហគមន៍ #ស្រុកស្ទោង

អបអរសាទរ ខួបលើកទី៩ នៃការដាក់បញ្ចូលតំបន់ប្រាសាទសំបូរព្រៃគុក ក្នុងបញ្ជីបេតិកភណ្ឌពិភពលោក (៨ កក្កដា ២០១៧ ~ ៨ កក្កដា ២០២៦)

តំបន់​ប្រាសាទ​សំបូរ​ព្រៃ​គុក គឺជាទីតាំងអតីតរាជធានីខ្មែរសម័យចេនឡា និងមានឈ្មោះដើមថា “ឦសានបុរៈ" ​សព្វថ្ងៃស្ថិតនៅក្នុងភូមិសាស្ត្រស្រុកប្រាសាទសំបូរ ខេត្តកំពង់ធំ ។ តំបន់ប្រាសាទសំបូរព្រៃគុក ត្រូវបានកសាងឡើង​នៅ​ចុងសតវត្សរ៍​ទី​៦ ដល់សតវត្សរ៍ទី៨ ក្នុង​រជ្ជកាល​ស្តេចឥសាន​វរ្ម័ន ដោយបែង​ចែក​ជា​បី​ក្រុម​សំខាន់ៗ រួមមាន៖ ​ទី១. ក្រុម​ប្រាសាទសំបូរ(ខាងជើង) ទី២​. ក្រុម​ប្រាសាទកណ្តាល​(ប្រាសាទតោ) និងទី៣. ​ក្រុម​ប្រាសាទ​ខាងត្បូង (ប្រាសាទយាយព័ន្ធ ឬនាគព័ន្ធ) ។
​
នាថ្ងៃ​ទី៨ ខែកក្កដា ឆ្នាំ២០១៧ តំបន់​ប្រាសាទ​សំបូរ​ព្រៃ​គុក ត្រូវ​បាន​សម្រេច​ចុះ​ក្នុង​បញ្ជី​បេតិកភណ្ឌ​ពិភព​លោក នៅ​ក្នុង​កិច្ច​ប្រជុំ​គណៈកម្មាធិការ​បេតិក​ភណ្ឌ​ពិភព​លោក នៅ​ទីក្រុងក្រាកូវ ប្រទេស​ប៉ូឡូញ ។

"កិច្ចការពារបេតិកភណ្ឌវប្បធម៌ ជាភារកិច្ចរបស់កូនខ្មែរគ្រប់ៗរូប"

អបអរសាទរ ខួបលើកទី១៨ នៃការដាក់បញ្ចូលប្រាសាទព្រះវិហារ ក្នុងបញ្ជីបេតិកភណ្ឌពិភពលោក ( ៧​ កក្កដា ២០០៨ - ៧ កក្កដា ២០២៦ )

ថ្ងៃនេះ កាលពី ១៧ឆ្នាំមុន ជាថ្ងៃដ៏អស្ចារ្យមួយសម្រាប់ប្រជាជនកម្ពុជាដែលបានដាក់​បញ្ចូល «ប្រាសាទព្រះវិហារ» ទៅ​ជា​​សម្បត្តិ​បេ​តិក​ភណ្ឌ​ពិភពលោក​​ នាកិច្ចប្រជុំលើកទី៣២ របស់គណៈកម្មាធិការបេតិកភណ្ឌពិភពលោករបស់អង្គការយូណេស្កូ នៅទីក្រុងកេបិចប្រទេសកាណាដា។

ក្នុងនាមយើងទាំងអស់គ្នាជាយុវជនខ្មែរជំនាន់ក្រោយ ពិតជាមានមោទនភាពចំពោះមរតកដូនតាដែលបានបន្សល់ទុក ប្រកបដោយអច្ឆរិយភាព និងប្រណិតភាពដ៏ឧត្តុង្គឧត្តម ហើយត្រៀមខ្លួនរួចរាល់ក្នុងការរួមកម្លាំងជាធ្លុងមួយចូលរួមផ្សព្វផ្សាយសម្បត្តិវប្បធម៌ខ្មែរឱ្យយបានរីកសុះសាយនៅលើឆាកអន្តរជាតិ។

🎗️ ត្រឹមតែ ១ម៉ឺនរៀល៖ យុទ្ធនាការពិនិត្យឈាមរកមេរោគរលាកថ្លើមប្រភេទ បេ និង សេ!

កុំទុកឱ្យជំងឺរលាកថ្លើមលាក់មុខបំផ្លាញសុខភាពរបស់អ្នក និងក្រុមគ្រួសារឱ្យសោះ។

ការធ្វើតេស្តឈាមដឹងមុន ជួយឱ្យយើងអាចការពារ និងព្យាបាលបានទាន់ពេលវេលា។

💰 តម្លៃសេវាកម្ម៖ ត្រឹមតែ ១ម៉ឺនរៀល ប៉ុណ្ណោះ!
🗓️ កាលបរិច្ឆេទ៖ ចាប់ពីថ្ងៃទី ០១ ដល់ ៣០ ខែកក្កដា ឆ្នាំ២០២៦។

សូមអញ្ជើញមកទទួលសេវាកម្មធ្វើតេស្តរហ័សនេះនៅ បន្ទប់ពិគ្រោះ និងព្យាបាលជំងឺ សុខមង្គល ក្នុងខែកក្កដាខាងមុខនេះទាំងអស់គ្នា។

#បន្ទប់ពិគ្រោះនិងព្យាបាលជំងឺសុខមង្គល #យុទ្ធនាការតេស្តរលាកថ្លើម #សុខភាពថ្លើម #ស្រុកស្ទោង

💉 ការពារគ្រួសារអ្នកពីជំងឺគ្រុនផ្តាសាយធំ នៅថ្ងៃនេះ!

អាកាសធាតុប្រែប្រួលជារឿយៗ ងាយធ្វើឱ្យប្រព័ន្ធការពាររាងកាយចុះខ្សោយ។ កុំរង់ចាំរហូតដល់ធ្លាក់ខ្លួនឈឺទើបបារម្ភ!

ការចាក់វ៉ាក់សាំងការពារជំងឺគ្រុនផ្តាសាយធំ ផ្តល់អត្ថប្រយោជន៍សំខាន់ៗដូចជា៖
- ជួយបង្កើតប្រព័ន្ធស៊ាំរាងកាយឱ្យរឹងមាំ
- កាត់បន្ថយហានិភ័យ ឬមិនងាយរងការឆ្លងទៅជាជំងឺផ្លូវដង្ហើមធ្ងន់ធ្ងរ
- អាចចាក់បានលើមនុស្សគ្រប់វ័យ រួមទាំងស្ត្រីមានផ្ទៃពោះ និងកុមារតូចៗ

មកទទួលយកខែលការពារសុខភាពជូនរូបអ្នក និងក្រុមគ្រួសារជាទីស្រឡាញ់ឥឡូវនេះ ក្នុងតម្លៃពិសេសត្រឹមតែ ៦០,០០០ រៀល (ឬ ១៥ ដុល្លារ) ក្នុងមួយដូសតែប៉ុណ្ណោះ!

តម្លៃពេញ 20$/ក្នុងមួយដូស ។

(សម្រាប់ត្រឹមបំណាច់ ខែមិថុនានេះប៉ុណ្ណោះ)

#បន្ទប់ពិគ្រោះនិងព្យាបាលជំងឺសុខមង្គល #វ៉ាក់សាំងគ្រុនផ្តាសាយធំ #ការការពារសុខភាពគ្រួសារ #ស្រុកស្ទោង

🎗️ យុទ្ធនាការពិសេស៖ តេស្តស្វែងរកមេរោគរលាកថ្លើមប្រភេទ បេ និង សេ ក្នុងតម្លៃ ១ម៉ឺនរៀល!

មេរោគរលាកថ្លើមប្រភេទ «បេ» និង «សេ» គឺជាសត្រូវលាក់មុខដែលអាចបំផ្លាញកោសិកាថ្លើម បង្កជាជំងឺថ្លើមរ៉ាំរ៉ៃ ក្រិនថ្លើម ឬមហារីកថ្លើម ដោយមិនបញ្ចេញរោគសញ្ញាឱ្យដឹងមុនឡើយ។

ការដឹងមុន និងព្យាបាលទាន់ពេលវេលា គឺជាវិធីសាស្ត្រតែមួយគត់ដើម្បីការពារថ្លើមរបស់អ្នកឱ្យនៅរឹងមាំ។

ដើម្បីចូលរួមចំណែកក្នុងការលុបបំបាត់ជំងឺរលាកថ្លើម ចូលរួមយុទ្ធនាការលុបបំបាត់មេរោគរលាកថ្លើម ប្រភេទបេ និង សេ ត្រឹមឆ្នាំ២០៣០ ។

បន្ទប់ពិគ្រោះ និងព្យាបាលជំងឺ សុខមង្គល មានកិត្តិយសចូលរួមយុទ្ធនាការពិនិត្យឈាមរកមេរោគរលាកថ្លើម បេ និង សេ ក្នុងតម្លៃសមរម្យបំផុត៖

💰 តម្លៃសេវាកម្ម៖ ត្រឹមតែ ១ម៉ឺនរៀល ប៉ុណ្ណោះ!

🗓️ កាលបរិច្ឆេទយុទ្ធនាការ៖ ចាប់ពីថ្ងៃទី ០១ ដល់ ៣០ ខែកក្កដា ឆ្នាំ២០២៦ ខាងមុខនេះ។

បងប្អូន មីងពូ ដែលរស់នៅស្រុកស្ទោង ឬនៅក្បែរខាងស្រុក អាចអញ្ជើញមកធ្វើតេស្ត ស្រាវជ្រាវ និងពិគ្រោះជាមួយគ្រូពេទ្យ នៅសុខមង្គលយើងខ្ញុំបាន។

យើងខ្ញុំចូលរួមក្នុងយុទ្ធនាការនេះ ដោយរីករាយ ដើម្បីសុខភាពប្រជាជនយើង។

សូមអរគុណ 🙏🙏🙏

ឱកាសល្អ! លោកអ្នកអាចធ្វើតេស្តរហ័សរកមេរោគ រលាកថ្លើមប្រភេទបេ និងសេ ក្នុងពេលតែមួយ ត្រឹមតែ ១មុឺនរៀល ជាមួយនឹងលទ្ធផលរហ័ស។ 🕑✔️

📅កាលបរិច្ឆេទធ្វើតេស្ត : ចាប់ពីថ្ងៃទី០១ ខែកក្កដា ដល់ ថ្ងៃទី៣០ ខែកក្កដា ឆ្នាំ២០២៦ (រយៈពេល ១ខែ ពេញ)

——
ដើម្បីទទួលបានកាតអាទិភាពសម្រាប់ទទួលសេវាព្យាបាល សូមទាក់ទងមកកាន់ HEA តាមរយៈលេខទូរសព្ទ 070 519 824 ឬ https://t.me/HEAClientSupport 📲

ដើម្បីទទួលបានព័ត៌មាននានាអំពីជំងឺរលាកថ្លើមប្រភេទបេ និងសេ សូមចូលទៅកាន់តំណរភ្ជាប់ https://t.me/HepatitisSharingCommunity

គ្រុបចែករំលែកបទពិសោធន៍ពាក់ព័ន្ធបញ្ហារលាកថ្លើមប្រភេទបេ និងសេ https://t.me/+ZW-nkuGvOMQ1OTI1

បញ្ហាស្បែកដៃស្ងួត ប្រេះ និងរមាស់៖ តើជាសញ្ញានៃជំងឺអ្វី?

លោកពូ អ្នកមីង និងបងប្អូនទាំងអស់គ្នា! ដៃគឺជាសរីរាង្គដ៏សំខាន់បំផុតដែលយើងប្រើប្រាស់សម្រាប់បំពេញការងារ ប្រកបរបររកស៊ី និងប៉ះពាល់វត្ថុផ្សេងៗជារៀងរាល់ថ្ងៃ។

ប៉ុន្តែ ប្រសិនបើបងប្អូនចាប់ផ្តើមមានអាការៈស្បែកដៃស្ងួតខ្លាំង រមាស់ ឬប្រេះស្របាលរហូតដល់មានឈាមតិចៗ នោះអាចជាសញ្ញានៃ «ជំងឺសើរស្បែកនៅលើដៃ»។

"Hand Eczema "ជំងឺនេះកើតឡើងញឹកញាប់លើអ្នកដែលត្រូវប៉ះពាល់ទឹកច្រើន ឬប៉ះពាល់ជាមួយសារធាតុគីមីជារឿយៗ ដូចជាសាប៊ូបោកខោអាវ សាប៊ូលាងចាន ទឹកអាល់កុលលាងដៃ ឬថ្នាំបាញ់សត្វល្អិតជាដើម។

🎯 រោគសញ្ញាគន្លឹះនៅលើប្រអប់ដៃ និងម្រាមដៃ៖

- ស្បែកដៃឡើងក្រហម ស្ងួតខ្លាំង និងឡើងស្រកា។

- មានសភាពប្រេះស្របាលតាមផ្នត់ម្រាមដៃ ឬបាតដៃ ដែលបង្កការឈឺចាប់ពេលប៉ះពាល់អ្វីមួយ។

- មានការរមាស់ខ្លាំង ហើយក្នុងករណីខ្លះអាចមានពងទឹកតូចៗលេចឡើងនៅលើម្រាមដៃ។

💡 ដំបូន្មានថែទាំស្បែកដៃពីលោកគ្រូពេទ្យ៖

«ដើម្បីការពារ និងកាត់បន្ថយការធ្វើទុក្ខ លោកពូអ្នកមីងគួរពាក់ស្រោមដៃការពាររាល់ពេលបោកគក់ ឬលាងចាន។ ជៀសវាងការលាងដៃជាមួយទឹកក្តៅឧណ្ហៗញឹកញាប់ពេក ហើយអ្វីដែលសំខាន់បំផុត គឺត្រូវលាបឡេផ្តល់សំណើមដល់ស្បែកដៃភ្លាមៗបន្ទាប់ពីលាងដៃរួច ដើម្បីកុំឱ្យស្បែកស្ងួតប្រេះ។»

ប្រសិនបើបងប្អូនកំពុងរងទុក្ខដោយសារបញ្ហាសើរស្បែកនៅលើដៃរ៉ាំរ៉ៃ មិនព្រមជាសះស្បើយ ហើយរំខានដល់ការងារប្រចាំថ្ងៃ អាចអញ្ជើញមកកាន់ បន្ទប់ពិគ្រោះ និងព្យាបាលជំងឺ សុខមង្គល ដើម្បីទទួលការពិនិត្យ និងទទួលបានឱសថលាប ឬលេបព្យាបាលដ៏ត្រឹមត្រូវពីលោកគ្រូពេទ្យជំនាញ។

#បន្ទប់ពិគ្រោះនិងព្យាបាលជំងឺសុខមង្គល #ជំងឺសើរស្បែកនៅលើដៃ #ការថែទាំស្បែកដៃ #ចំណេះដឹងសុខភាព #ស្រុកស្ទោង