Dr Sher H

سکېتسزوفرينيا (شيزوفرينيا) يو ډول رواني ناروغي ده چې موږ او تاسو په عامه اصطلاح لېونتوب ورته وايو. پدې ناروغۍ کې اکثره وخت انسانان خپل فکرونه او نظريې له هغه څه څخه نشي جلا کولای کوم چې د دوۍ په چاپيريال کې پېښيږي. يعنې که يو شی د ناروغ په فکر کې تېر شي کېدی شي هغه داسي احساس وکړي چې دغه حالت په واقيعت کې د ده په شا وخوا کې پېښ شو. د دوۍ په ذهن کې چې څه تېريږي هغه ويني او اوري يې او هغه پېښه چې د دوۍ په فکر کې تېره شي دوۍ ورباندې ټينګ باور لري چې هغه په واقېعت کې پېښه شوه. دغه ناروغي د نورو ناروغيو په څير تداوي لري. د دې ناروغۍ درملنه د عقلي او رواني ناروغيو متخصص ډاکټران کوي.