FIT WITH CHAMA

ජීවිතයේ යම් අවස්ථාවක දී, අපගේ තට්ටම් ප්‍රදේශයේ සිට කකුලේ පිටුපසට වන්නට යම් යොමු කිරීමක් සහිතව වේදනාකාරී සංවේදීතාවයක් ඔබට හමුවනු ඇත. වේදනාවෙහි පිහිටීම හේතුවෙන් බොහෝ අය ක්ෂණිකව 'sciatica'/ සයටිකා ඇති බවට ස්වයං-රෝග විනිශ්චය කරනු ඇත.

නමුත් sciatica මෙන් එය අනුකරණය කළ හැකි විවිධ රෝග හේතු සාධක ඇති බැවින් එය සයටිකා මෙන් සමාන රටාවකින් ඉදිරිපත් විය හැකිය.

මට පැහැදිලි කිරීමට ඉඩ දෙන්න....

සත්‍ය ’Sciatica' යනු අපගේ පහල කොන්දේ Sciatic ස්නායුවේ සම්පීඩනයක් ලෙස වර්ගීකරණය කර ඇත.

සමහර හේතු වනුයේ අන්තර් ක්ශේරුක තැටි හර්නියාකරණය හෝ ඉදිරියට නෙරායෑම, කොඳු ඇට පෙළ පිරිහීම, තුවාල සහ / හෝ ප්‍රදේශයේ ඇතිව ආතරයිටිස්, ඇන්කයිලෝසින් ස්පොන්ඩ්ලයිටිස්,කොඳු ඇට පෙළ බිඳීම යනාදිය වේ. මෙම ස්නායුව පහල කොඳු ඇට පෙළේ ආරම්භ වන විට( lumbar reigon) කකුලේ පහළින් ඇති ව්‍යුහයන් හරහා ගමන් කරන විට තියුණු, විද්‍යුත් සංවේදීතාවයක් ඇති කරයි.

✅ නමුත් සයටිකා රෝගයෙහි වේදනාව මෙන් ඔබ වරදවා වටහාගත හැකි තව තත්වයන් දෙකක් ඇත.

1) Piriformis සින්ඩ්‍රෝමය යනු Sciatic ස්නායු වේදනාවේ තවත් ආකාරයක් වන අතර Piriformis නම් මාංශ පේශි දීර්ග කාලයක් තිස්සේ තදවීම නිසා ස්නායු වලට බාධා ඇති වේ. Sciatic ස්නායුව මෙම Piriformis මාංශ පේශියට යටින් ගමන් කරයි.

Piriformis Syndrome වලට හේතු විය හැකි උදාහරණ කිහිපයක්:

🔹ගැබ් ගැනීම

🔹දීර්ග වේලාවක් වාඩි වී සිටීම (එනම් Desk jobs/මේස රැකියා, රිය පැදවීම, බයිසිකල් පැදීම)

🔹පසුපස සාක්කුවේ මුදල් පසුම්බියක් සමඟ වාඩි වී සිටීම

🔹කකුලේ දිග විෂමතා

🔹සක්‍රෝ ඉලියැක් සන්ධියට තුවාල සිදුවීම

🔹උකුල් සැත්කම්

2) පහල කොන්දේ හා තට්ටම් ප්‍රදේශයේ මාංශ පේශි වල ප්‍රේරක ලක්ෂ ඇතිවීම

ක්වාඩ්‍රැටස් ලුම්බෝරම් (QL), ග්ලූටියස් මිනිමස් සහ ග්ලූටියස් මේඩියස් යනු Sciatic ස්නායු ගමන් කරන මාර්ගය තුල සම්පීඩනයට පත්විය හැකි මාංශ පේශි වේ.

නිදසුනක් ලෙස, QL හි ප්‍රේරක ලක්ෂ්‍ය ඇති විට, ipsilateral (එකම පැත්තේ) ග්ලූටස්/ තට්ටම් ප්‍රදේශයේ යොමුවූ සංවේදීතාවයක් දිස්වනු ඇත.

✅ දැන් ඔබ සිතනවා විය හැකියි කොන්දේ වේදනාව තට්ටමේ සිට කකුලට ගමන් කරන්නේ නම්, එය වේදනාව Sciatica ද, නැත්නම් ප්‍රේරක ලක්ෂ්‍යයක් ද කියා හදුනාගන්නේ කෙසේද කියා ???

Sciatic වේදනාව ඔබේ කකුලේ පිටුපසට ඔබේ විලුඹට සහ පාදයට යොමු වන අතර තියුණු, විද්‍යුත් සංවේදීතාවයක් හා සමහර විට හිරිවැටීමක් දැනේ.

ඔබේ තට්ටම් ප්‍රදේශයේ මාංශ පේශි වල ප්‍රේරක ලකුණු තිබෙන්නේ නම් ඔබේ කකුලේ පිටුපසට දණහිසට ඉහළින් යොමු වන අතර බොහොවිට ඔබේ calf/ බත්කෙන්ඩට මාංශ පේශියට සහ පිටත වළලුකරට යොමු කරයි.