my B'z

මේක ඉතිහාසගත වෙන දිවිල්ලක් අරුණ!

අරුණ දර්ශන 2024 පැරිස් ඔලිම්පික් තරගාවලියට සුදුසුකම් ලබා ගන්නේ අන්තිම මොහොතේ.

ඔහු පැරිස් ඔලිම්පික් මීටර් 400 ඉසව්වට එන්නේ ධාවක ශ්‍රේණිගත කිරීම් වල 46 වෙනි ස්ථානයට ශ්‍රේණිගත වෙලා.

ඔහුට ලැබෙන Heat එකේ කිරානි ජේම්ස් දුවනවා. කිරානි කියන්නේ 2012 ලන්ඩන් ඔලිම්පික් ශූරයා. 2016 රිදී සහ 2020 ලෝකඩ පදක්කම් ලාභියා.

අරුණට එහා පැත්තේ ලේන් එකේ දුවන්නේ කැනඩාවේ ක්‍රිස්ටෝපර් මොරාලෙස්. ඔහු මේ අවුරුද්දේ 3 වෙනි හොඳම කාලය වාර්තා කරපු කෙනා.

අරුණට ලැබෙන්නේ 9 වෙනි මංතීරුව. මීටර් 400 වගේ ඉසව්වක ධාවන පථයේ කොන් දෙකේ මංතීරු ලැබෙන එක ටිකක් අවාසියි. ඒකට හේතුව බෙන්ඩ් එක දිග වැඩි වීම හෝ නැම්ම වැඩි වීම.

අරුණ අවාසි මංතීරුවක දුවන්නේ. ඒකත් තමන්ට වඩා සීසන් බෙස්ට් දුවපු 6 දෙනෙක් ඉන්න රේස් එකක.

ඔහු තරගය තත්ත්පර 44.99 කට ඉවර කළා. Personal Best එකක්. ඔලිම්පික් තරගාවලියක අතිශය ප්‍රෙෂර් සිටුවේෂන් එකක Personal Best එකක් දුවනවා කියන්නෙත් ලේසි දෙයක් නෙමෙයි.

කිරානි තරගය පහසුවෙන්ම දිනුවා. ඒක මවිත වෙන්න දෙයක් නෙමෙයි. කැනඩාවේ ක්‍රිස්ටෝපර් අවසන් මොහොතේ දෙවන ස්ථානයට ආවා.

අරුණ එතකොට තුන්වෙනියා විදිහට තරගය අවසන් කළේ Automatically අවසන් පූර්ව වටයට සුදුසුකම් ලබාගන්නා ධාවකයා බවට පත් වෙමින්.

සුගත් තිලකරත්නට පස්සේ තත්තපර 45 ට අඩුවෙන් ශ්‍රී ලාංකිකයෙක් මීටර් 400 ඉසව්වක් අවසන් කළා. Automatically සුදුසුකම් ලැබූ අය අතරේ එකම ආසියානුවෙක්වත් නෑ.

බිලියන ගානක් මිනිස්සු ඉන්න, ලෝකෙන් බාගයක් විතර මිනිස්සු ඉන්න, චීනේ, ඉන්දියාවේ කවුරුත් නෑ. ආසියාවෙන්ම ඉන්නේ අරුණ දර්ශන විතරයි.

මේ විදිහට අවසන් පූර්ව වටයට Automatically සුදුසුකම් ලබාගන්න හැකියාව ලැබෙන්නේ ධාවකයන් 18 දෙනෙක්ට විතරයි.

46 වෙනියා විදිහට ආපු අරුණ දැන් අන්තිම 18 දෙනා අතරටත් ඇවිල්ලා. මේක ඉතිහාසගත වෙන දිවිල්ලක් වෙන්නේ ඒකයි ❤️

මෙතනින් එහා මොනවා වුණත් කාලෙකට පස්සේ ඔලිම්පික් වල කිසිම බලාපොරොත්තුවක් ප්‍රගතියක් නැතුව හිටපු ශ්‍රී ලංකාවේ අපිට පොඩි හරි ඉදිරි වටයක් පෙන්නුවට ස්තූතියි අරුණ 🙏

හෙට සෙමි ෆයිනල් එක හොඳටම කරමු ❤️