Story of life

කියවිය යුතුම කතාවක් .
****************************
විවාහ ජීවිතය එපාම වී ගිය තරුණියක් තම සැමියාව මරා දමන්නට සැරසුනාය.

එක් උදැසනක ඇය තම මව වෙත ගොස් මෙසේ කීවාය.
"අම්මේ, මට දැන් මගේ මනුස්සයා ඇති වෙලා තියෙන්නේ. තවදුරටත් ඒ මිනිහගේ විකාර වැඩ ඉවසන් ඉන්න බැහැ . මට ඌව මරලා දාන්න ඕන. ඒත්, නීතිය ඉඳිරියේ වරදකාරියක් වෙයි කියලා භය හිතෙනවා. අම්මේ, ඔයා මට උදව් කරනවා නේද?"

මව ඇයට පිළිතුරු දෙන්නට විය:
- "ඔව් දුවේ, මට පුලුවන් ඔයාට උදව් කරන්න. ඒත්, ඒකට පොඩි වැඩ ටිකක් කරන්න තියෙනවා."

"මොකක්ද කරන්න ඕන? ඒ මිනිහව ඉවරයක් කරන්න ඕනම දෙයක් කරන්න මං ලෑස්තියි."
දියණිය පැවසුවාය.

"හරි", මව යළිත් පවසන්නට විය,
"මුළින්ම ඔයා ඔහුත් එක්ක සමගි වෙන්න ඕන, එවිට, ඔහු මිය ගිය විට කිසිවෙකුත් ඔයා ගැන සැක හිතන්නේ නැහැ.
ඔහුගේ හිතේ ඔයා ගැන වැඩිමනක් ආකර්ෂණයක් ඇතිවෙන විඳියට ඔයා ඔයාගේ පෙනුම ලස්සන කරගන්න ඕන.
වෙනදටත් වඩා ඔයා ඔහු ගැන සැලකිල්ලෙන් ඉන්න ඕන. ඒ වගේම, ඔහුට ප්‍රියමනාප බවක් ඇතිවෙන විඳියට හැසිරෙන්න ඕන.
වෙනදාට වඩා ඉවසිලිවන්ත වෙන්න ඕන. pඒ වගේම ආදරණීය වෙන්න ඕන. ඉරිසියාවත් ටිකක් අඩු කරගන්න ඕන. ඔහු කියන දේවල් වලට හොඳින් ඇහුම්කන් දෙන්න ඕන වගේම ඔහු කෙරෙහි ගෞරවණීය වෙන්න, කීකරු වෙන්නත් ඕන.
ඔයාගේ මුදල් ඔහු වෙනුවෙන් වියදම් කරන්න. ඔහු ඒක ප්‍රතික්ෂේප කරොත් තරහ ගන්නත් එපා.
ඔහු සමඟ වාද කරන්න යන්න එපා. ඔහු මිය ගිය විට කිසිවෙකුත් ඔයා ගැන සැකයක් නොහිතන තරමට සමගියෙන්, ආදරයෙන් ඉන්න. දවස් තිහක් මේ විඳියට කරොත් කිසිම ප්‍රශ්නයක් නොවෙන විඳියට එයාව මරලා දාන්න ඔයාට පුළුවන්."

"ඔයාට මේ පොඩි දේවල් ටික කරන්න පුළුවන්ද?"
මව විමසුවාය.

"ඔව්, මට පුළුවන්.."
ඇය පිළිතුරු බැන්ඳාය.

"හරි,"
එසේ කියමින් මව තම දියණියගේ සුරත මත යමක් තැබුවාය.

"මේ කුඩු වලින් ටික ටික එයාගේ හැම කෑම වේලකටම එකතු කරන්න, ඒකෙන් එයා ටිකෙන් ටික මිය යන්න පටන් ගනීවි."

මවට සමුදුන් දියණිය තම නිවෙස වෙත ගොස් මව පැවසූ සියල්ල එසේම කරන්නට විය.

දින තිහක් ගතවන්නටත් පෙර ඇය යළිත් තම මව හමුවන්නට ආවාය.

"අම්මේ, මට තවදුරටත් මගේ සැමියාව මරන්න උවමනාවක් නැහැ. මං දැන් සම්පූර්ණයෙන්ම ඔහුට ආදරෙන් ඉන්නේ, එයත් දැන් හුඟාක් වෙනස් වෙලා. ඔහු මං හිතුවාටත් වඩා ආදරණීය ස්වාමිපුරුෂයෙක්.
මට ඔහුට මැරෙන්න දෙන්න බැහැ. මං කොහොමද ඒ විෂ එයාගේ ඇගෙන් ඉවත් කරන්නේ?
අම්මේ, අනේ මට උදව් කරන්නකෝ.."

ඇය දුක්මුසු ස්වරයෙන් මව ඉඳිරියේ බැගෑපත් වූවාය.

"දුක් වෙන්න එපා මගේ දුවේ..මං එදා ඔයාට දුන්නේ කහ කුඩු ටිකක්. ඒකෙන් ඔහුගේ කෑම වේල රසවත් වෙනවා මිසක කිසිදාක ඔහුව මරාදමන්නේ නැහැ..
ඇත්තටම, ඔයා ඔහු කෙරෙහි ඇති කළ ආතතිය, උදාසීන බව තමයි ඔහු සෙමින් සෙමින් මිය යන්නට හේතු වුණු විෂ.
අන්න ඒ නිසයි, ඔයා.. ඔහු කෙරෙහි ආදරය කරන්න, ගෞරව දක්වන්න, කීකරු වෙන්න පටන් ගත්තම ඔහුත් හොඳ සැමියෙක් බව ඔයා දුටුවේ.."

ඇය සනසවමින් මව පිළිතුරු දුන්නාය.

ප.ලි:
පිරිමි සැබැවින්ම දුෂ්ඨයන් නොවේ, බිරිඳ, පෙම්වතිය ඔහු කෙරෙහි දක්වන ප්‍රතිචාරය මත තමයි, ඔහු ඇය කෙරෙහි දක්වන හැඟීම්, වගවීම් තීරණය වෙන්නේ.
කාන්තා ඔබට ඔහු කෙරෙහි ගෞරවය, කැපවීම, ආදරය, සහ සැලකිලිමත් බවක් දැක්විය හැකි නම් එයම ඔහුට ප්‍රමාණවත් වේවි ඔහු 100% ක්ම ඔබේ පමණක්ම වන්නට.

උපුටා ගැනීමකි.
C e y l o n

ඔබ වඩාත්ම ආදරය කරන, ඔබට පහසුවක් දැනෙන ඉතා සීමිත මිනිසුන් ප්‍රමාණයක් අතර ජීවත් වීමෙන් ඔබට හිත රිදවීම් අවම කරගතහැකි නමුත්,

යම් හෙයකින් ඔබ බෙහෙවින් ආදරය කරන ඒ ඉතා සීමිත මිනිසුන්ගේ කුඩා වෙනස්වීමක් පවා මිනිසුන් දහස් දෙනෙකුගේ වෙනස්වීමට වඩා ඔබට රිදවනු ඇත !!!

✍️ | Story of life

මේ අවුරුද්දේ හැමෝටම සල්ලි ඉතිරෙන්න හරියන්න ඕනී.. එච්චරයි 🤟❤️🚗🎊