Sawis Diary

ලෝකය ඔබට "ඔයාට බෑ" කියන හැම වෙලාවකම, නිහඬවම ඒ දේ කරලා පෙන්වන එක තරම් තවත් සාර්ථකත්වයක් නැත.

ගැහැනියකගේ සැබෑ ලස්සන තියෙන්නේ ඇය පලඳින ආභරණ වල නෙවෙයි, ඇය සතු ස්වාධීනත්වය සහ අපරාජිත පෞරුෂය ඇතුළෙයි.

​තමන්ගේම මහන්සියෙන් ජීවිතය දිනන්න වෙහෙසෙන, පවුලට ශක්තියක් වෙන, ලෝකය ලස්සන කරන හැම ආඩම්බරකාර, ස්වාධීන කාන්තාවකටම මාගේ ප්‍රණාමය.

එක්තරා රජ කෙනෙක් තමන්ගේ රාජ්‍යයේ හිටපු දක්ෂම වඩු කාර්මිකයෙක් අඬගහලා, එයාට ඉතාමත් වටිනා, සුවඳ හමන සඳුන් ලී කොටයක් තෑගි කළා.

​"මේකෙන් ඔයාගේ ජීවිතය සාර්ථක කරගන්න දෙයක් කරන්න," රජතුමා කිව්වා.

​වඩු කාර්මිකයා මේ වටිනා සඳුන් ලී කොටය ගෙදර අරන් ගියා. හැබැයි එයා ඒක පාවිච්චි කරන්න බය වුණා.

​"අනේ මේක කැපුවොත් මෙහි වටිනාකම නැති වෙයිද?"

​"වැරදුණොත් රජතුමා බනියිද?"

​"මීට වඩා හොඳ අවස්ථාවක් ඉස්සරහට එයිද?"

​ඔය වගේ සිතුවිලි නිසා එයා ඒ ලී කොටය ගෙයි ඇතුළෙම තිබුණු කලුවර, පාලු කාමරයක මුල්ලකින් හැංගුවා. හැමදාම රෑට ඒ කාමරය ළඟින් යද්දී සඳුන් ලීයේ සුවඳ ආවත්, එයා ඒක අල්ලන්නවත් ගියේ නැහැ. "පස්සේ වෙලාවක හොඳ දෙයක් කරනවා" කියලා හිත හිතා අවුරුදු ගාණක් කල් ඇරියා.
​කාලය ගෙවිලා ගියා. වඩු කාර්මිකයා මහලු වුණා. දවසක් රජතුමා නැවතත් මේ ගමට ආවා. ඇවිත් වඩු කාර්මිකයාගෙන් ඇහුවා, "කෝ මම දුන්නු සඳුන් ලීයෙන් ඔයා කරපු සාර්ථක නිර්මාණය?" කියලා.
​කාර්මිකයා ලැජ්ජාවෙන් සහ කණගාටුවෙන් රජතුමාව අර කලුවර කාමරයට කැඳවාගෙන ගියා. අවුරුදු ගාණකට පස්සේ දොර ඇරිද්දී කලින් තිබුණු සුවඳ නැහැ. බලද්දී, කලුවරේ, තෙතමනයට අහුවෙලා, වේයෝ කාලා ඒ වටිනා සඳුන් ලී කොටය සම්පූර්ණයෙන්ම දිරාපත් වෙලා, කුඩු වෙලා ගිහින්!
​කාර්මිකයා අඬන්න පටන් ගත්තා. එතකොට රජතුමා මෙහෙම කිව්වා.

​"ඔයා මේ වටිනා ලී කොටය ආරක්ෂා කරන්නයි හැංගුවේ. හැබැයි ඔයා තේරුම් ගත්තේ නැහැ, සඳුන් ලීයක නියම වටිනාකම සහ සාර්ථකත්වය තියෙන්නේ ඒක හැංගිලා තියෙද්දී නෙවෙයි... ඒක ලස්සනට නෙළලා, කැපීම් වලට අහුවෙලා, ලෝකයටම සුවඳ විහිදුවන නිර්මාණයක් බවට පත් වුණ දවසටයි කියලා.

​අපේ ජීවිතත් හරියට මේ සඳුන් ලී කොටය වගේමයි. අපිට උපතින්ම ලැබුණු දක්ෂතා, හැකියාවන් සහ වටිනා කාලය අප සතුව තියෙනවා.
​වැරදෙයි කියන බයට, නැත්නම් "හෙට කරනවා" කියන කල්දැමීම නිසා අපි අපේ හැකියාවන් කලුවර කාමරයක හංගලා තියෙනවාද?
​සාර්ථකත්වය කියන්නේ බයේ හැංගිලා ඉන්න එක නෙවෙයි. බාධක, කැපීම්, කෙටීම් මැදින් තමන්ගේ දක්ෂතාවලින් උපරිම ඵල නෙළලා, මුළු ලෝකයටම සුවඳක් (ආදර්ශයක්) වෙන එකයි.
​කාලය කා දමන්න එපා. ඔබේ ඇතුළේ ඉන්න දක්ෂයා අදම අවදි කරන්න.💪

#සාර්තකත්වය

ජීවිතේ අඩියටම වැටිලා, හැමදේම කඩන් වැටිලා, හිත හුදකලා වුණු තැන් ඕනෑතරම් තිබුණා.

අපහාස, චෝදනා, හිනාවීම් මැද මාව "පරාජිතයෙක්" කරන්න හැදුව අය ඕනෑතරම් හිටියා.

​හැබැයි, ඒ හැම කඩාවැටීමක්ම මාව බිඳලා දැම්මේ නෑ. ඒවා මාව තවත් ශක්තිමත් කළා. තවත් මුවහත් කළා. වැටුණු හැම පාරකම මං ඉගෙන ගත්තේ ආයෙත් නොවැටී නැගිටින්න නෙවෙයි, වැටුණත් ඊට වඩා වේගයෙන් ඉහළටම පැනලා නැගිටින්නයි.

​හිතේ ලොකු හීන තියාගෙන, ඒ හීන පස්සේ නොනැවතී දුවන, කිසිම දේකින් වට්ටන්න බැරි ශක්තිමත් කෙල්ලෙක් මං.

​අද මං යන මේ දුෂ්කර ගමන, දවසක මගේ සාර්ථකත්වයේ ලස්සනම කතාව වේවි. එදාට මං මගේ අතීතය දෙස බලලා ආඩම්බරෙන් හිනාවේවි.

​ඔව්, වැටීම් කියන්නේ ඉවර වීමක් නෙවෙයි... ශක්තිමත්ම ආරම්භයක්.❤️

මම මේ ගමන දිනලමයි නවතින්නේ.

​ 💪🔥

සතුට කියන්නේ අපිට පිටතින් ලැබෙන දෙයක් නෙවෙයි, ඒක අපේ හදවතින්ම මතු කරගන්න ඕනි දෙයක්. හැමදාම හිනාවෙලා, සැනසීමෙන් ඉන්න මේ පුංචි දේවල් ටික අත්හදා බලමු:

​1. තෘප්තිමත් වීම (Gratitude)
​හැමදාම උදේට ඇහැරුණාම තමන්ට ලැබිලා තියෙන පුංචි දේවල් ගැන පවා හදවතින්ම ස්තූතිවන්ත වෙන්න. (ලස්සන පවුලක්, ආදරණීය මිනිස්සු, අද දවස ජීවත් වෙන්න ලැබීම ගැන). ලැබුණු දේ අගය කරන කොට සතුට ඉබේම ළඟට එනවා.

​2. සිතුවිලි පාලනය සහ ධනාත්මක බව (Positive Mindset)
​අතීතයේ වුණු වැරදීම් ගැන පසුතැවෙන්නෙ නැතුව, අනාගතය ගැන අනවශ්‍ය විදිහට බය වෙන්නෙ නැතුව, ලැබිලා තියෙන මේ මොහොත (Present Moment) උපරිමයෙන් විඳින්න. හැමදේම සිද්ධ වෙන්නේ හොඳට කියලා හිතන්න පුරුදු වෙන්න.

​3. අනවශ්‍ය සැසඳීම් නතර කිරීම
​තමන්ගේ ජීවිතය වෙනත් අයගේ ජීවිත එක්ක සසඳන්න යන්න එපා. හැමෝටම තමන්ගේම කියලා ගමනක් සහ කාලයක් තියෙනවා. ඔබව සසඳන්න ඕනි ඊයේ සිටි ඔබ සමඟම පමණයි.

​4. ස්වයං රැකවරණය (Self-Care)
​ඔබේ ශරීරයට වගේම මනසටත් විවේකයක් දෙන්න. කැමති පොතක් කියවන්න, සින්දුවක් අහන්න, නැත්නම් හිතට සැනසීමක් දෙන විනෝදාංශයක නිරත වෙන්න. තමන්ට ආදරය කරන කෙනෙකුට මුළු ලෝකයටම ආදරය කරන්න පුළුවන්.

​5. ලස්සනට හිනාවෙන්න
​හිනාව කියන්නේ මුදල් නොගෙවා මුහුණ ලස්සන කරගන්න පුළුවන් හොඳම ආලේපනයයි. ප්‍රශ්න මැද වුණත් පුංචි හිනාවකින් මුහුණ සරසා ගන්න. ඒකෙන් ඔබේ මනස වගේම වටපිටාවේ ඉන්න අයගේ මනසත් සැහැල්ලු වෙනවා.
​

ඔයා ජීවිතේ කොයිතරම් නම් ප්‍රතික්ෂේප වෙලා තියද කියලා මතක් කර ගන්න. මොකද ප්‍රතික්ෂේපවීම තරම් මිනිහෙක් සාර්ථක කරන වෙන කිසිම දෙයක් මේ ලෝකෙ නෑ කියන එක මතක තියාගන්න. අනුන් ගැන හොයන එක විනාඩියත්, තමන්ට දෙයක් කරගන්න පාවිච්චි කරන්න.

❤️

බාහිර පෙනුමෙන් හෝ ඔවුන් සිටින තත්ත්වයෙන් මිනිසුන්ගේ බුද්ධිය මනින්න බැහැ කියන්න හොඳම උදාහරණය ඇයයි. එදා අනතුර සිදුවන වෙලාවේ කාටවත් කර කියාගන්න දෙයක් නැතිවෙද්දී, තමන්ගේ උපරිම ශක්තියෙන් කෑගසා අනෙක් අයට එළියට දුවන්න පණිවිඩය දුන්නේ ඇයයි.

​කලින් දවසක බී.ඩී ආච්චි පැනලා ගිය නිසා ආරක්ෂාවට දොරවල් වසා තිබුණත්, දයාසීලීගේ ඒ ක්ෂණික තීරණය නිසා අද ජීවිත කිහිපයක් රැකුණා.

​ඇත්තටම ඔබ පින්වන්තියක් දයාසීලී. මිනිස් ජීවිත බේරාගැනීමට දුන් ඒ දායකත්වයේ උතුම් පිනෙන් ඔබට දීර්ඝායුෂ සහ නිදුක් නිරෝගී සුවයම ලැබේවා! 🙏❤️

අසරණ මිනිසුන් වෙනුවෙන් කාලයත්, ශ්‍රමයත් කැප කරපු මිනිස්සුන්ව ලේසියෙන් අමතක කරන්න එපා. හදවතේ තියෙන කරුණාව සහ මනුස්සකම නිසාම තමන් ගැනම දුක්වෙන, ඔහු වැනි මිනිසුන් මේ ලෝකයට සැබෑ ආලෝකයකි. ❤️

අනේ ඒ දන්සල. ලස්සන හදවත් තියෙන මිනිස්සු ❤️
උතුම් පින්බර වෙසක් පොහෝ දිනයක් වේවා