Rody Beauty

جمعتكم مباركة...
وصلتني ماركة مكياج جديدة ماركة انجليزية MUA نازلة جديد رائعة يابنات💓

حبيتها بكل و فيها التنوع يعني البرايمر في منه للبشرة الجافة والدهنية

الماسكره عندهم منها مكثف ومكثف قوي وللعناية بالرموش عندهم منها كم نوع

الشي يلي عجبني فيها بكل وحسيتهن فعلا متناغمات هي البودرة الهشة الماسية رائعة بكل وملمسها وسرعة امتصاصها من البشرة هي وكريم الاساس والبرايمر مع بعضهن مزيج سمح بكل 💯

نزلتلكم شوية صور وحنزلكم فيديو عليها تشوفن كل شي بروحه افضل 👌

حبيت نوضحلكم حاجة صغيرة👌 علي المكياج طبعا وضحته علي زبونتنا 😁

المهم في الصورتين نفس الوان الشادو بس الفرق وحده فيها مد من قدام و وحده لا في وحدات يناسبهن المد ✔️
وفي لا وفي يلي يمشي معاها الاثنين
طبعا حسب نوع العين👁️ وكذلك رسمت الخشم 👃
وفي نفس الوقت في المد مسرنا اللون التركوازي مع لمسة الوردي 🌸

شغل اليوم في تنظيف البشرة لعروستنا السمحة ربي يتمم عليك بالخير والهنا ❤️

المكان الدقادوستا شارع صيدلية بيت الدواء

خيرات بنات ساامحني الفترة الماضية انقطعت عليكن بس كان لأسباب خارجة عن أرادتي وتوا جيتكم بباقة العيد لتنظيف البشرة

جلسة تنظيف البشرة وتشمل ...💁

• تنظيف عميق بتقنية الهيدرافيشيال

• غسولات وماسكات جوده عالية 💆🏻

• علاج ضوئي لتحفيز الكولاجين

• ماسك الليد لتعقيم البشرة وغلق المسام

• فيتامينات تغذيه 🌸

٠ مساج للبشرة

الباقة كاملة بسعر 120 تستمر الباقة الي يوم 7/19
عيااادي ومازال في حاجة احلى للصحبات والخوات لما يكونن مع بعضهن في تخفيض علي الباقة🔥🔥 30% للأثنين

المكان الدقادوستا شارع صيدلية بيت الدواء
سنتر نجمة تبيستي

🌸صباحكم ورد 🌸

البنات يلي يسألوا فيا علي العرائس حبيت انديرلكم باقة عرائس شاملة💁
الفتلة والحواجب و الشمعة
جلسة اقنعة وتنظيف بشرة 💆🏻
المانيكير ...وتلبيسة الجسم
المكياج والتسريحة
الصبغة والميش

الباقة كلها علي🌟 700🌟...((سعر الكاش نفس سعر الشيك)) العرض قائم لعرائس شهر 2..و 3

ويلي حابة تشوف عرايسنا اقرب عروس يوم الثلاثاء ان شاء الله ويلي حابة تستفسر تجي علي الخاص

والمفاجأة لأول ثلاث عرائس يحجزن فوق من باقتها تختار مرافقتها وشغلها علينا 😎

كيفية اختيار الرموش علي حسب شكل العين👀 ...

العيون اللوزية👁️ ...اسهل نوع عيون لانه يتماشي معاها جميع انواع الرموش 👏

العيون الصغيرة🤏🏼 ...تختاري عليها ديما رموش قصيرة من قدام وطويلة من لاورا ويفضل تركبيلها رموش الرمش برمش

العيون الدائرية ...تستخدميلها رموش متوسطة الكثافة ونفس الشي تكون قصيرة من قدام وطويلة من الخلف

العيون الناعسة ....كذلك يفضل استخدام رموش كثيفة من الخلف لرفع النعسة او استخدام رمش برمش

العيون المبطنة ...تحتاج رموش كثيفة شوية عشان تغطي علي الجفن المبطن النازل من فوق 💁

🌟🌟وديما يفضل لما تكوني انت اساسا رموشك خفيفة ماتحطيش عليها حاجة اوفر واجد لان حتبان ان هي حاجة اصطناعية 🌟🌟

خيراااات بنات الفائزة بالمسابقة 🎉

#بتول البنغازية

🎊🎊الف مبروك🎊🎊
راسليني علي الخاص

خيرات بنات 👋
اليوم قررت ان نديرلكم #مسابقة 🎁🎈
و الفائزة معانا تحصل على .....

(( جلسة تنظيف بشرة عميقه مجانا ))😍😍😍 #بنغازي

وسيتم الأعلان عن الفائزة 🌟 يوم الخميس القادم ان شاء الله

❣شروط الدخول في المسابقة:

💚1-متابعة الصفحة
🧡2-مشاركة البوست .
💛2- تاق لصاحباتك في المنشور
💌 صاحبة أكثر تعليق لديه إعجابات هي الفائزة😍😍.

مع تمنياتي للجميع بالتوفيق ❤

🌸🌸رودي بيوتي 🌸🌸

ماهو ال BB Glow...

يطبق كريم البي بي غلو باستخدام إبرة 💉دقيقة ورفيعة تضخه تحت البشرة بتقنيّة Microneedling💁

التي تمنح البشرة طبقة مثاليّة ، فتظلّل عيوب وشوائب البشرة كلّها 💆🏻وتدوم نتائجه لفترة تتراوح إلى6 اشهر ومن الممكن اكثر اعتمادا علي عدد الجلسات

فهي تناسب النساء اللّواتي يستخدمن الفاونديش بأستمرار
و عدد الجلسات يوصي بحد ادنى 4 جلسات بفاصل اسبوعين ل ثلاث اسابيع بين الجلسات

بعد الجلسة مش محتاجة انك تغيري روتينك👊, تقدري بعدها تمشي على روتينك الطبيعي👍, الا في بعض حالات البشرة الحساسة اللي ممكن يحصلها تهيج او احمراربسيط بعد الجلسة لمدة يوم او يومين ❤️

الكولاجين والبروتين .....💜......🧡

💜الكولاجين..... هو كيراتين محسن مضاف له مادة الكولاجين ويلي حتي هي اساس من مكونات الشعر 🙎🏻‍♀️والانسجة والعظام🦴 ويفقدها الشعر بزيادة العمر والعوامل الخارجية زي الشمس والاستشوارات اليومية
الحلو فيه ان الكولاجين يعطي لمعة حلوه علي الشعر

🧡البروتين ....هو كيراتين محسن وهو افضل انواع العلاجات للشعر 👍
لان كمية البروتينات يلي فيه اكثر بواجد من كميتها في الكيراتين ونسبة المواد الكيميائية قليل جداااااا 🤏🏼
مقارنة بالكيراتين وكذلك في بروتينات والكثير منها خالي تماماااا من الفورمالين يلي حكيتلكم عليه في منشور الكيراتين

لهذا انا ديما ننصحكم بالبروتين افضل نوع لعلاج وترميم الشعر وكذلك حماية من الرطوبة ويردلكم حيويته ❤️