Dr. Nada Alnaili

اغلبية البنات يجو شحوب و هالات و تساقط
و نلقو تحليل مخزون الحديد عندهم نااااازل

اليوم نحكيلكم ع اكتشاف حلووو مش حبوب ❌❌❌
اكياس بودرة طعمتهم حلووة
تركيبتهم حديد مجهز بتقنية الليبوزوم يعني حديد مغلف بطريقة يسهل الامتصاص و يقلل من تعب المعدة

مع الحديد من ضمن التركيبة فيه فيتامين سي باش يزيد الامتصاص و ماتضطروش تاخدوه معاه

وفيه حتى فولك اسد وفيتامين بي 12 يساعد في علاج الانيميا

كملنا شغلنا لليوم الحمدلله 🤍🤍
و موعدنا السبت ان شاء الله في اورا كلينك جنزور
و بعده اجازة اسبوع وراجعة 🤍🤍

مساء الخير يا بنات حالاتي اللي يتابعو معاي
بعون الله ح نكون موجودة في اورا كلينك جنزور يوم الخميس و السبت
وبعده اجازة اسبوع و راجعة بعون الله 🤍🤍

السيروم هذا يا بنات فيه تركيبة النياسيناميد اللي قاعدين نحكو عليها
لكن الاهم انه من ضمن تركيبتة الريسيرسينول الماذة اللي واخدة براءة اختراع في علاج التصبغات وضايفين عليها الفايتك اسد باش يزيدو فاعلية التفتيح
وكله ليبوسومال يعني مجهز بتقنية تخلي الماذة الفعالة تمتص داخل البشرة و توصل و تخدم و تعطي نتائج

نصرف فيه ك جزء من روتين التفتيح و معالجة التصبغ
ينحط ليلا او نهارا قبل الواقي 🤍🤍

تاني الخيارات سيروم نياسيناميد تركيزه 10% نفس الفكرة وزي ماحكينا يقلل المسام و يقوي حاجز الجلد و يقلل التصبغ

يفرق ع الاول ان التركيبة المصاحبة للنياسيناميد هي الترانكسميك اسد الماذة هذي نستخدموها لعلاج التصبغات
تنفع للناس اللي يعانو من بقع تصبغات او كلف

سيروم الاغلبية تعرفوووه ومجربينه
تركيبته 15% نياسيناميد
وزي ما حكينا ان النياسيناميد من مشتقات الفيتامين B
فايدته يصغر حجم المسام ينظم الافراز الدهني يقوى حاجز الجلد و يوحد اللون يقلل من التصبغات

ومعاه حمض الفروليك يعتبر مضاد للأكسدة و يعطي تفتيح

السيروم قنين يابنات ما فيشي تقشير مايسببش جفاف او تهيج
نتايج تبان مع الاستمرار والانتظام
مناسب هلباااا للبنات اللي بشرتهم دهنية و عادية و مختلطة

تقدرو تستخدموه صباحاً او مساءً بعد تنظيف الوجه و قبل المرطب

البنات اللي بشرتهم حساسة مش ليهم البوستات يفضل ماتاخدو شي الا بعد الكشف في العيادة

لو لقيت تفاعل نكملو باقي الانواع 🫰🏻🤍

د.ندى النائلي

من الخيارات الحلوووة هلبا اللي ممكن اضيفيها في روتينك في الصيف سيروم من ضمن تركيبته نياسيناميد مع تفتيح علاش ؟؟

لان النياسيناميد ينظم الافراز الدهني اللي يزيد في الصيف و الجميل انه ينقص المسام يقلل التصبغات و يعطي نضارة

ومع تركيبة تفتيح تقلل من الصهدات اللي ح نحصلوها في الصيف لان تقلل من افراز خلايا الصبغة و في طريقها تحسن من التصبغات القديمة 🤍🤍

عندي 4 او 5 خيارات لشركات مختلفة فيها التركيبة هذي ح انزلهم البوستات الجاية وينكم يا بنات 🫰🏻

صباح الخير و يومكم قنين 🤍🤍

قبل و بعد
من تصوير حالاتي 🤍🤍🫰🏻

حبيت الموضوع ي بنات حالاتي اللطيفات هلبا شكراً ع دعمكم 🤍