NOOR beauty&health

زي ما وعدتكم هذي طريقة اللون بالتفصيل بطريقة امنه جدا ☺️🌸

السلام عليكم يا بنياتي، كيف حالكم؟ 🤍

اهو بنقوللكم كيف اديرو اللون الترند بطريقة طبيعية 🧡هلبة منكم سألوني كيف وصلوا لشعرهم للون البرتقالي النحاسي المشرق بالحنة بس! اليوم حبيت نكتبلكم طريقتي بالتفصيل باش تديروها وتطلع النتيجة تهبل 😍:
🌟 أولاً: المكونات (باش اللون يطلع برتقالي صافي مش أحمر غامق):
حناء طبيعية نقية زي حنة نور طبعا 😍: الكمية اللي تكفي شعرك.

السائل: ماء دافئ فقط أو منقوع بابونج خفيف (ابعدوا نهائياً على الكركديه، قشر الرمان، أو الشاي الأسود لأنهم يغمقوا اللون ويقلبوه على أحمر داكن).

الحموضة: عصير نص ليمونة أو ملعقة صغيرة خل تفاح (باش يساعد على إطلاق لون الحناء ويثبته بلمعة حلوة).

📝 ثانياً: طريقة التحضير:
1. اخلطي الحناء مع الماية الدافئة والليمون (أو الخل) كويس لين تحصلي على عجينة متماسكة زي الزبادي ومش سائلة هلبة

2. غطي الوعاء وخليها ترتاح وتخمر لمدة ساعتين إلى 3 ساعات باش تفعل الصبغة.

⏰ ثالثاً: وقت التطبيق والسر في الدرجة:
حطي الخليط على شعرك النظيف والجاف (أو الرطب خفيف بدون بلسم).
البسي غطاء بلاستيكي (بوني).

الوقت: هذي هي النقطة المهمة! خليها على شعرك لمدة ساعتين بس. الساعتين كافيات باش يعطوك اللون البرتقالي النحاسي الفاتح والمشرق بدون ما تزيد المدة وتغمق معك الدرجة.

بعدها اغسلي شعرك بالماء الفاتر والبلسم كويس.

⚠️ ملاحظة مهمة جداً للبنات اللي شعرهم غامق من كثر الحنة القديمة:

لو شعرك صاير لونه غامق ومتراكم من الحنة اللي قبل، الحناء الجديدة وحدها مش هتفتحه للبرتقالي الفاتح!

الحل قبلها:
ديري حامات زيت دافئة (زي زيت الزيتون أو جوز الهند) أو استخدمي شامبو تنظيف عميق لأسبوع أو أسبوعين قبل الصبغة، لأن الزيوت والتنظيف العميق يساعدوا في تفكيك وتخفيف الصبغة القديمة المتراكمة. لما تحسي إن الشعر خفّ لونه، اتبعي الطريقة فوق وخليها ساعتين، وتطلع عليك النتيجة تجنن! ✨

شارلوني تجاربكم في الكومنتات لو داهتوها! 👇و لو تبو نقوللكم كيف تفتحو شعركم بطريقة طبيعية قبل اما اديروها اكتبولي في التعليقات برضو💡

#حنة

#عناية
#خلطات

تعاني من تساقط؟ فراغات؟ ضعف في الكثافة؟ أو وقف في النمو !
زيت نور بقوة الأعشاب الطبيعية للعناية المكثفة بالشعر 🌿✨

✔ يساعد على تحفيز نمو الشعر من جديد
✔ يساهم في زيادة الكثافة والطول بطريقة صحية
✔ مناسب للمساعدة في ملء الفراغات
✔ يدعم تقوية البصيلات ويخفف من التساقط بشكل ملحوظ
✔ تركيبة غنية بخلاصة الأعشاب الطبيعية لتغذية عميقة من الجذور حتى الأطراف

💚 مناسب للنساء والرجال وحتى لفراغات اللحية 🧔‍♂️💚

لو تبي تعرف التفاصيل أكثر، السعر، أو طريقة الاستخدام؛ اكتبِ “مهتم” في التعليقات ونرد عليك بكل المعلومات بسرعة 🌿

بما ان عندي ضي 💡و الجو. جميل و الغزالة ريقة. 🦌قلت انزلكم شوية من رسائل زبوناتي الغاليات 🌸☺️

لون الشعر 🧡 اللي نص البنات توا خاطرهم فيه و اني اولكم

يا بختها اللي شعرها فاتح او شايب لان حيطلع اللون عليها خيال

بخلطة طبيعية بالحنة بس. .. تبو نعلمكم كيف اديروه ؟

علقي ب(❤️) و كلمة. نبو يا نور. توصلك الطريقة بالتفصيل

عندي زوز اخبار خبر حلو 😁و خبر مش حلو 😔

الخير الحلو اني اكتشفت ان زبوناتي. ما يستغنوش علي منتجاتي حتى و درجة الحرارة 50 🥵. و الخبر المش حلو الضي سلامته معاش شفناه لاكن نجرو و نجروووو بش نقدرو نطلعو طلبياتكم و يوصلوكم في اسرع وقت.

اللي يوصلها البوست تزعرط😂 بالله. لان الوصول بالهون بدي 🤣

بنشوف علي الحال هدا مزال في منشورات توصل فيكم ولا معاش لحقتو علي النت حتى انتو 😉🥷

من امس و ⏰اني نحاول نصورلكم فيديو كيف اديري #مخمرية للشعر في البيت بمكونات بسيطة لاكن ينعطيكم اسرار مش ح يعطيهالكم حد تخلي ريحتها ثابته و تقعد طول اليوم. حرفيا يوم كامل انتي تفحفحي نظافة و رقة و نعومة.

لاكن شن بندير كل ما بنبدى نصور الضي يهرب 💡و تدريجيا الشغف للتصوير يختفي🪫. 🤪

قولولي شن الحل. زعما نكتبلكم الطريقة كتابة و خلاص ؟

اللي وصلها المنشور في اول 10دقايق تحطلي قلب و ترد علي السؤال. راهو نفكر نسافر 3شهور و بعدين نرجعلكم الموضوع شكله بيطلع علي السيطرة. شجعوني نقعد معاكم