Ilaf Dieteticienne

3) الدهنيات :
هي مصدر مهم ديال الطاقة بحيث 1 غرام من الدهون كيوفر 9 سعرات حرارية.
والدهون كدخل في تكوين أغشية الخلايا اللي كتشكل حاجز بين المحيط الداخلي والخارجي للخلية كما أن الدهون كتشكل حاجز وقائي لبعض الأنسجة اللي كدخل في تركيب بعض الهرمونات والفيتامينات A, D, E, K.
ومن غير الزيوت والزبدة اللي كتعتبر المصدر الغذائي الأساسي للدهون الجسم كيقدر يصنع الدهون فالكبد انطلاقا من السكريات والبروتينات.
وفي نظام غذائي متوازن خاص الدهنيات تمثل 30 ٪ من مجموع السعرات الحرارية الإجمالية لليوم.

Hanane diététicienne nutritionniste

2) السكريات:
كتعتبر السكريات أهم مصدر للطاقة لجميع الخلايا ديال الجسم والكليكوز هو أهم سكر وكاينين أعضاء اللي ميقدروش يخدمو بلا بيه، بحيث 1 غرام من السكريات كيعطي للجسم 4 سعرات حرارية ونظام غذائي متوازن خاص تمثل فيه من 50٪ إلى 55٪ من مجموع السعرات الحرارية الإجمالية لليوم والسكريات كنوجدوها فالمعجنات، الخبز والبطاطس...
Hanane diététicienne nutritionniste

نظام متوازن خاص يوفر للجسم جميع العناصر اللي محتاجها للعيش: البروتينات، السكريات والدهون والفيتامينات والأملاح.
1)البروتينات :
تتكون من الأحماض الأمينية وعندها دور فعال في بناء الجسم : العضلات، الدم، العظام، الجلد... وعندها كذلك دور أساسي في تكوين عناصر وظيفية مهمة كالهرمونات والأنزيمات...
البروتينات هي مصدر ديال الطاقة بحيث 1 غرام منها كيعطي للجسم 4 سعرات حرارية.
وفي نظام غذائي متوازن خاص البروتينات تمثل 15٪ من مجموع السعرات الحرارية الإجمالية لليوم عند الشخص.
البروتينات كتنقسم إلى نوعين : البروتينات من أصل حيواني اللي كنوجدوها فاللحوم والبيض والحليب والمشتقات ديالهم، والبروتينات من أصل نباتي كنوجدوها فالحبوب والقطنيات...

Hanane diététicienne nutritionniste

الكوليسترول ؟
الكوليسترول هو من الدهون، و80٪ من النسبة ديالو اللي عندنا فالجسم كتصنع فالكبد وغير 20٪ اللي المصدر ديالها من الأغذية اللي كنتناولو، والكبد كذلك كيتعتبر المكان اللي كيتخزن فيه الكوليسترول، النقل ديال الكوليسترول في الدورة الدموية تيكون بواسطة "نواقل" HDL وLDL بحيث HDL تيقوم بنقل الكوليسترول من جميع الخلايا ديال الجسم نحو الكبد وLDL تيقوم بنقل الكوليسترول من الكبد باتجاه باقي خلايا الجسم.
للوقاية من ارتفاع الكوليسترول في الدم خاص تكون تغذية متوازنة وصحية بتناول الألياف الغذائية : الإكثار من الخضروات والفواكه (5 حصص يوميا) ونفضل الطحين الكامل والمعجنات والأرز الكامل
تناول الأغدية الغنية بالأوميكا 3 و 6 : تناول السمك 2 إلى3 مرات في الأسبوع ونفضل المادة الدهنية من أصل نباتي
وأخيرا الفواكه الجافة : اللوز، الكركاع... إلخ مع القيام بالرياضة 30 دقيقة من المشي وإتباع حمية لإنقاص الوزن بالنسبة للناس اللي عندهم زيادة فالوزن او سمنة والإمتناع عن التدخين وتجنب stress.

"Hanane diéteticienne nutritionniste"

ريجيم :
بزاف ديال الناس فاش كيسمعوا كلمة ريجيم كيجي على بالهم كلمة ديال حرمان من الماكلة ولا نقصان منها أو كلمة السمنة ونقصان الوزن، اللي مكيعرفوش بزاف ديال الناس هو أن ريجيم هو واحد نظام ديال التغذية صحي كيتماشى مع الحالة الصحية ديال الشخص وفاش كنقولو حالة صحية تناخدو بعين الاعتبار المرض اللي كيعاني منو وبالإضافة للجنس والسن والمهنة أو النشاط اليومي اللي تيقوم به ومن بين الأمراض اللي نقدرو نتبعو فيها نظام غذائي (ريجيم)
_السكري
_السمنة
_ارتفاع الكوليسترول والدهون الثلاثية
_ارتفاع الضغط
_القصور الكلوي بجميع المراحل ديالو
_أمراض الجهاز الهضمي :قرحة المعدة، الإسهال، الإمساك، القولون العصبي وبعض الأمراض الالتهابية واللائحة طويلة...
وهاذ النظام الغذائي لازم يكون موصوف من طرف اختصاصي بالحمية والتغذية حيث هو الوحيد المؤهل باش يوصف لينا حمية شخصية كتاخذ بعين الاعتبار الخصائص الفردية والمحيط اللي عايش فيه كل فرد.