Psy Dounia

DeviaPub est la 1ère solution pour gagner de l'argent au Maroc Gagnez de l'argent au Maroc en regardant des publicités. Grâce à DeviaPub, vous pourrez augmenter vos revenus avec un simple clic.

DeviaPub est la 1ère solution pour gagner de l'argent par internet au Maroc Gagnez de l'argent au Maroc en regardant des publicités. Grâce à DeviaPub, vous pourrez augmenter vos revenus avec un simple clic.

بين منطوق لم يقصد و مقصود لم ينطق تضيع الكثير من المحبة .
قليل الى ماكانش ناذرا فاش كايعطيك القدر فرصة تلامس فيها نجوم و تعيش فوسط الغيوم هاد الفرصة هي بحال شي تذكرة تهرب بيها من الواقع لعالم الخيال ، العالم لي فيه كولشي زوين ،و أي حاجة حلمتي بيها غاتحقق ، و مكينش سواد حيت كاع الألوان كاتكون زاهية هاد التأشيرة سميتها الحب ❤ فاش كندخلو فشي علاقة كولشي فينا كيتبدل من بعد سنين ديال الوحدة و العزلة و العتمة كانشوفو النور بحال شي حد دوز حياتو كلها عمى و فاش حل عينيه أول مرة بقى مدة طويلة واقف و كايتأمل نوع من الخلعة و الدهشة ، كانتعرفو على أشياء جديدة ، كنشوفو ألوان ، كانشوفو كولشي بنظرة مختلفة ، الانسان لي كانبغيو هو العين لي خلاتنا نشوفو النور ، منقدروش نستغناو عليه و منقدروش نتخيلو حياتنا كيفاش غاتكون الى ماكنش ، حيت حتى شي حد ماكيبغي يعيش حياتو فالظلام . هاد الإنسان بالذات هو لي كايوقف معانا فظروفنا الصعيبة ، هو لي كايتحمل المزاجية ديالنا ، العصبية ديالنا . كايتحملنا فأي ظرف و فأي حالة كنا فيها ، حنا فالحب كانرجعو دراري صغار فاش كنلقاو إنسان متمسك بينا و باغينا كانتفششو عليه و كانديرو بزاف الأخطاء و شي مرات نقدرو نجرحوه و حنا عارفين أنه مهما درنا مغيتخلاش علينا حيت كايبغينا ؟ و هنا كانرجعو أنانيين بزاف ،شي مرات كانديرو شي تصرفات و كانقولو شي حوايج واخة منكونوش قاصدينها و لكن كانجرحو بيها الانسان لي كانبغيو جرح عميق الانسان لي صبر و هز لينا هبالنا مرة و جوج و ثلاثة وصل المرحلة أنه مابقاش قدر يتحمل هاد الضغط و مابقاش قدر يتحمل الألم لي كل مرة كايحس بيه و كايخبيه فقلبو ، فالوقت لي خاصنا نتمسكو بيه بكل قوة ، حيت بسبابو شفنا النور ، حنا كانجرحوه و كنآديو بطريقة لي ميستهلهاش ، و مكنعرفو بقيمتو حتى كانفقدوه 💔 حيت كاينين شي حوايج كبر من الحب ، كاين كرامة و كل إنسان كيشوف كرامتو فوق أي شيئ كيف ما كان . أصعب و أخيب شعور ممكن تحس بيه هو فاش كاضيع منك شي حاجة غالية بزاف ماتشريهاش بثمن فالوقت لي رجعو الاحاسيس كيتشراو بلفلوس .
رسالة لأي واحد لقى إنسان كايبغيه ماتحولوش ضغطو عليه و تجرحوه بشي حاجة واخة ماتكونش مقصودة حيت لأي حاجة فيها درجات و حتى الصبر عندو درجات و حتى شي إنسان ما مجبر أنه يتحمل شخص آخور بدل مايجازيه بالخير كايزيد يصعب عليه الحياة . و حيت فالأخير أخيب شعور تفقد الشخص لي كاتبغيه بتهور منك . ماتخليوش الأنانية ديالكم ، عصبيتكم ، مزاجيتكم مشاكلكم يأثرو فعلاقتكم..

من حقك انك تمْتَحن الناس لي شاغلين جزء من حياتك ، بينهم أشخاص غيزيدو بدرجات وآخرين غاينزلو بدرجات ، آخرين يقدرو يخرجو في خطرة ، لكن مهما يكن في الأخير، ليك تيرجع القرار في اختيار الناس لي تتحيط بيك لانه منهم تيكون التشجيع ومنهم يقد يكون الإحباط فعرف كيف تختار ..
المواقف هي لي تتبين الأشخاص، حيت ماكاينش QCM او True/False باش تمتحن لكن المراد من الكتابة انه فاش تيبانو ليك الأشخاص في المواقف الصعبة لي تقدر تمر منها ، لازم تعاود النظر فيهم ماشي تبقى غادي عارف اش كاين لاكن مخليهم دايرين بك، كل واحد داز في حياتنا تتستافد منو باش تكون ذكي في تعاملك من بعد ، اما الخير راه خاصك ديرو مع الناس كيف داروه معاك كيف ماداروهش :)

2 ديال الحاجات تتبين ليك الناس في الحياة ، صبرهم فاش مايكون عندهم والو وتعاملهم مع الآخر فاش تيكون عندهم كلشي ، الحياة مافيهاش نجاح واحد ، لازم تحقق وتكمل باش تحافظ على كل ما حققتيه، لذلك فالقاعدة تقول خاص يمشي نجاحك مع قدر تطوير ذاتي ديالك باش تكون قد دكشي لي وصلتي ليه وتعرف كيفاش تزيد تنميه أكثر من بعد .
حاول تبقى في صباغتك كيف باقين في صباغتنا وحاول تاخد التجارب والوقت باش توجد نفسك للي جاي بإذن الله..

كينو ريفس ؟Keanu Reeves

تخلى عليهم الواليد ديالو فاش كانت عندو 3 سنوات وهادشي تسببليهم يرحلو من مدينة لي مدينة وخلا انه يدرس في 4 ديال الثانويات بالإضافة لمعاناتو من مرض ديسليكسيا Dyslexia.
من بعد ، Keanu مات ليه أعز صديق والاخت ديالو والام ديالو وهدشي في خلال 8 سنوات فقدهم كاملين.

لكن رغم ذلك بعد ما اصبح ممثل في مكان انه يبقى عايش تراجيديا ديال الحياة لي عانى منه بزاف ، قرر انه مايخليش الناس يعيشو نفس ليعاش وبدا في الاعمال الخيرية .

من ابرز ما تبرع بيه كل ارباح ديال الفيلم المعروف The Matrix لي وصلات ل 75 ملايين دولار لناس قال انهم يستحقوها اكثر منو .

ماعندو لت قصر بحال ممثلين هوليود او تيلبس بحال النجوم الاخرين لكن تيعجبو انه يتمشى مع الناس بدون مأوى وتيدوز غلبية الاوقات جوال

هدشي لي تعلم منو هو انه مهما داز عليك في حياتك ما تدوزوش على ناس آخرين في طريقك من بعد ، خلي السكة الخايبة توقف عندك وحاول الناس ليمعاك ماتخليهمش يعانيو نفس الحاجة بحالك ..🎖🎖

إذا ما جريتيش خلف داكشي لي تبغي ، عمرك توصليه . اذا ما طلبتيش الحاجة غاتكوك الإجابة دائما لا وإذا ما درتيش الخطوة الأولى كن متأكد انه غتبقى في نفس المكان لي دائما كنتي فيه ..

Hey!! How are you ladies and gentlemen??
Bonsoir!! Vous allez bien??

غتكون قوي لانه مفروض عليك تكون ، غتكون ذكي بسبب كل أخطائك السابقة ، غتفرح بسبب كل الحزن لي عشتيه من قبل ، وغتولي حكيم لانك تعلمتي من كل حاجة مريتي منها :)

" بعض المرات تيوصفوني بالشخص الممل، لكن في حقيقة الامر انا ماتيعجبنيش نمم في الناس "