Lucky Lay Online Shop

🧐🤔အိမ်မှာ သန့်ရှင်းရေးလုပ်ရင်း အရင်က ကိုယ့်ရဲ့မှတ်စုစာအုပ်ဟောင်းတွေကိုတွေ့လို့ ပြန်ဖတ်ကြည့်ရာမှ စိတ်ကူးမိပြီး သိသလောက်ပြန်မျှဝေပေးခြင်းဖြစ်သည်။

🙏🙏🙏ဗုဒ္ဓမြတ်စွာ၏သာသနာကွယ်နည်း
ငါးမျိုးအကြောင်းကို အစဉ်လိုက်
အကျဉ်းချုပ် ပြန်မျှဝေပေးချင်ပါတယ်။

☘️1.ပရိယတ္တိ သာသနာကွယ်နည်း

(မြတ်စွာဘုရားရှင်၏ နှုတ်ကပါတ်တော်ဖြစ်သော ပဠာန်းကျမ်းတော်ကြီးမှစ၍ ပရိတ်ကြီး( 11 )သုတ်၊
ဓမ္မာစကြာတရားတော်များ စသဖြင့် ကျက်မှတ်ရသော တရားစာပေများ စတင်ကွယ်ပျောက်လာခြင်းဖြစ်သည်။
အကျဉ်းအားဖြင့် စာပေသင်ကြားမှု
(ပိဋကတ်တော်များ)မရှိတော့ခြင်း။

2.ပရိပတ္တိ သာသနာကွယ်နည်း☘️

(မြတ်စွာဘုရားရှင် လမ်းညွှန်ပြသခဲ့သော
သီလသိက္ခာပုဒ်များကို လိုက်နာကျင့်သုံးသူများ မရှိတော့ခြင်းကို ပရိပတ္တိသာသနာကွယ်ခြင်း
ဟုခေါ်ဆိုခြင်းဖြစ်သည်။
အကျဉ်းအားဖြင့် အကျင့်သီလစောင့်ထိန်းသူ မရှိတော့ခြင်း။)

☘️3.ပဋိဝေဓ သာသနာကွယ်နည်း

(မဂ်ဖိုလ် နိဗ္ဗာန်ကို ရည်မှန်းပြီး
အားထုတ်သူများလည်း မရှိတော့သလို
မဂ်ဖိုလ်ရသူများလည်း မရှိတော့ခြင်း။)

☘️4.လိင်္ဂသာသနာကွယ်နည်း

(ဘုန်ကြီး၊ရဟန်း၊သာမဏေ ဟူ၍ မရှိတော့ဘဲ
လူအ၀တ်များသာ ၀တ်ဆင်ကြတော့မည်။
လူများကဲ့သို့ အိမ်ရာတည်ထောင်ပြီး
ပြုမူနေထိုင်ကြလိမ့်မည်။
သို့သော် သင်္ကန်းအစလေးတွေကိုတော့
လက်မှာ၀တ်ဆင်ထားကြလိမ့်အုံးမည်။
အဲ့ဒီသင်္ကန်းအစလေးများကိုတောင်
မ၀တ်ဆင်ကြတော့တဲ့အချိန်တွင်
လိင်္ဂသာသနာ ကွယ်လိမ့်မည်။)

☘️5 .ဓာတုသာသနာ ကွယ်နည်း

( လူ့ပြည်တွင် တည်ထားကိုးကွယ်ထားသော
မြတ်စွာဘုရားရှင်၏ စွယ်တော််၊ဓာတ်တော်များသည်
သူ့အလိုအလျောက် ကောင်းကင်ယံသို့
ပျံတက်ပြီး မဟာဗောဓိပင်ခြေရင်းတွင် စုကြလိမ့်မည်။ဤအခါတွင် ဓာတုသာသနာ‌ကွယ်မည်။)

👁️‍🗨️👁️‍🗨️အထက်ပါအကြောင်းရာများသည်
မြတ်စွာဘုရားရှင်၏ သာသနာကွယ်ပျောက်တော့မည့်အချိန်တွင်
အစဉ်လိုက်ကွယ်ပျောက်မည့်ပုံဖြစ်သည်။
ဗုဒ္ဓသာသနာ အဓွန့်ရှည်တည်တံ့စေရန်
ရည်သန်၍သိသလောက် ပြန်လည်မျှဝေခြင်းဖြစ်ပါသည်။🙏🙏🙏


Yuki Smile😍
　　　　　　　　(Freelance Content Writer )

မနေ့ကပြီးခဲ့ပြီ….
မနက်ဖြန်က ရောက်မလာသေးဘူး…..
ငါတို့မှာ ဒီနေ့ပဲရှိတယ်…..
အခု စလိုက်ကြစို့……..။
(မာသာထရီဇာ)

ဆရာ လင်းရောင်စင်ရဲ့ ငါ့အတွက် ငါ့ရှိတယ်
ဆိုတဲ့ စာအုပ်‌ဖတ်ပြီး သိခဲ့ရသော
စကားစုလေးဖြစ်သည်။
စကားစုလေးက ရိုးရှင်းပြီး
အချိန်ရဲ့ တန်ဖိုးကို
ပေါ်လွင်အောင်ဖော်ပြထားသည်။

တစ်ခါတစ်လေမှာ
ကျွန်မတို့ဟာ ဒီနေ့ဆိုတဲ့ ပစ္စုပ္ပန်ကိုမေ့ထားပြီး
အတိတ်တွေထဲမှာ ရှင်သန်နေတတ်ကြသလို
ရောက်မလာသေးတဲ့ အနာဂတ်အတွက်လည်း
ပူပန်နေမိတတ်ကြတယ်။

အတိတ်မှာဘာတွေပဲဖြစ်ခဲ့ဖြစ်ခဲ့
ပြင်လို့မရတော့သလို
အနာဂတ်မှာလည်း ဘာတွေဖြစ်လာနိုင်လည်းဆိုတာ
ကြိုမသိနိုင်ပါဘူး။
ဒါပေမဲ့ အတိတ်ကိုသင်ခန်းစာယူပြီး
ဒီနေ့ကိုသာ အကောင်းဆုံးကြိုးစားသွားမယ်ဆိုရင်
အနာဂတ်ဟာလည်း
ကောင်းတဲ့အရာတွေဖြစ်လာမှာ
မလွဲဧကန်ပါပဲ။

ယခု သင်အိပ်ခဲ့လျှင် အိပ်မက် မက်လိမ့်မယ်။
သင်ကြိုးစားခဲ့လျှင်
သင့်အိပ်မက်အကောင်ထည်ပေါ်လိမ့်မယ်
ဆိုတာဟာလည်း ယခုအချိန်သည်သာ
အကောင်းဆုံးဆိုတာကို ညွှန်ပြနေခြင်းဖြစ်သည်။

အရာရာဟာ ကံဆိုးနေရင်တောင်
ဒီနေ့အတွက်ကိုယ့်မှာ
ရှင်သန်ခွင့်ရနေပါသေးတယ်ဆိုပြီး
ကြိုးးစားဖြတ်သန်းကြည့်ပါ။
တဖြေးဖြေး အဆင်ပြေလာပါလိမ့်မယ်။

ဘယ်လိုအခြေနေပဲဖြစ်ဖြစ်
လက်ရှိကိုကြိုးစားပြီး
မနက်ဖြန်ဆိုတာ မေ့ထားလိုက်
လုပ်စရာရှိတာကိုသာ ဆက်လုပ်နေလိုက်ပါ။
အချိန်တန်ရင် အရာအားလုံးဟာ
အဆင်ပြေသွားမှာပါ။
အဓိကကတော့
ဒီနေ့အတွက် ကြိုးစားနေဖို့ပါပဲ။

ဒါ့ကြောင့်မို့လို့
ငါတို့မှာရှိတဲ့ ဒီနေ့မှာပဲ
ငါတို့ စပြီးကြိုးစားလိုက်ကြရအောင်ပါနော်။

Yuki Smile ☺️
(Freelance Content Writer)

👀☘️ဘာလိုလိုနဲ့ Content မရေးဖြစ်တာ
4 လကျော်သွားပြီ.....
ဒီနေ့တော့ အတန်းပိတ်တုန်းလေး
Content လေး ရေးမယ်လို့
စိတ်ကူးမိလိုက်တယ်။🤔
ဘာရယ်တော့ မဟုတ်ပါဘူး။
ရောက်ရာပေါက်ရာပေါ့....😁

Content မရေးဖြစ်တဲ့ 4 လအတွင်းမှာ
ကိစ္စတွေအများကြီး ဖြစ်ပျက်သွားခဲ့တယ်။
ပျော်ရွှင်စရာတွေ ရှိခဲ့တယ်......
နာကျင်စရာတွေ ရှိခဲ့တယ်......
စိတ်မောခဲ့ရတာတွေ အလိုမကျဖြစ်ခဲ့ရတာတွေ.....

💯ဘာပဲဖြစ်ခဲ့ဖြစ်ခဲ့
အခုချိန်မှာတော့ အရာအားလုံးက ပြီးဆုံးသွားခဲ့ပြီ...

👋အရင်က ဖတ်ဖူးတဲ့စာကြောင်းလေး
တစ်ကြောင်းရှိတယ်။
ဦးနှောက်ထဲမှာ အသေချာကို
မှတ်သားထားမိတယ်။
စာသားလေးက
✌️☘️''ဒါလည်းပဲ ပြီးသွားမှာပါတဲ့''☘️✌️

💯စာကြောင်းလေးက တိုသလောက်
အဓိပ္ပါယ်ပြည့်၀ပါတယ်။
ဘယ်ကိစ္စမဆို အချိန်တန်ရင်
ပြီးဆုံးသွားပါလိမ့်မယ်။
အရမ်းကြီး ခံစားမနေပါနဲ့။
ပျော်စရာပဲ ဖြစ်ဖြစ်...........
နာကျင်စရာပဲဖြစ်ဖြစ်ပေါ့..........

စိတ်ကူးပေါက်လို့ ရေးမိရေးရာ ရေးခြင်းဖြစ်သည်။

Yuki Smile 😊
(Freelance Content Writer)

🎶 သူပျော်တာလေးပဲ တွေ့ရင်
ကျေနပ်တယ်ဆို.....
မင်းပြောတော့ ရယူခြင်းဟာ
အချစ်မဟုတ်ဘူးဆို 🎶

👀ဟုတ်ကဲ့ ။
👉ကျွန်မလည်း အဲ့လိုလူစားမျိုးပါ။
သူပြုံးနေရင်ကို ကိုယ်ကပျော်နေတတ်သူပါ။
ဒါပေမယ့် ဘယ်သူမဆို
ကိုယ်ချစ်တဲ့သူကိုတော့
ရယူပိုင်ဆိုင်ချင်ကြတာပါပဲ။😊

အချစ်ဆိုတဲ့အရာကို
အရင်က အယုံကြည်မရှိခဲ့ဖူးဘူး........
ဒါပေမယ့် ခုချိန်မှာတော့
🔥အချစ်ကပူလောင်တယ်ဆိုတာကို🔥
တကယ်ယုံကြည်မိနေပါပြီ။

👀စာသားလေးတစ်ခုဖတ်ဖူးတယ်

💔တစ်ယောက်ထဲချစ်ပြီး
တစ်ယောက်ထဲ ပူလောင်နေရရင်
အဲ့ဒါအချစ်မဟုတ်ဘူး ၀ဋ်တဲ့။💔

ကိုယ်လည်း တစ်ချိန်က
သူများအပေါ်ရက်စက်ခဲ့တဲ့ ၀ဋ်‌‌တွေ
လှလှကြီးလည်နေပြီ ထင်ပါတယ်....🤔🤔

💯တစ်ချိန်က မာနသိပ်ကြီးခဲ့မိတဲ့ကိုယ်က
အခုချိန် သူနဲ့တွေ့မှ
မာနမရှိတဲ့သူ ဖြစ်လာရတယ်
❤️‍🩹အရင်က အရာရာကို
ဦးနှောက်နဲ့ဆုံးဖြတ်နေကျကိုယ်က
သူနဲ့တွေမှ နှလုံးသားကို
ရှေ့တန်းတင်မိတတ်လာတယ်။

❤️‍🩹ရွေးချယ်စရာတွေ အများကြီးရှိနေပေမယ့်
ကိုယ့်ကို နာကျင်စေတဲ့သူကိုမှ
ထပ်ခါထပ်ခါရွေးချယ်နေမိတယ်။
ဦးနှောက်က အကြိမ်တစ်ရာမက သတိပေးတယ်
နှလုံးသားက အကြိမ်တစ်ထောင်မက
ထပ်ပြီးဆက်သွယ်ချင်မိတယ်။💔

🥲💔ဒါပေမယ့်လည်း
ကိုယ့်ရဲ့ဆက်သွယ်ခြင်းတွေက
သူ့အတွက်အနှောင့်ယှက်များဖြစ်နေမလားဆိုပြီး
စိတ်ထိခိုက်ရပြန်တယ်။
အရာရာကို အရှုံးမပေးတတ်တဲ့ကိုယ်က
ဒီလူသားလေးနဲ့တွေ့ပြီးမှ
မြတ်နိုးရတဲ့ အရာကို
အရှုံးပေးချင်လာတယ်။🥹🥲

💁ဘ၀ခရီးလမ်းက
သူမပါလဲလျှောက်ရမှာဆိုပေမယ့်
ကိုယ့်အတွက်တော့ သူ့ကိုရှိနေစေချင်မိတယ်။
တစ်ဘ၀လုံးအတွက် မဟုတ်ရင်တောင်မှ
တစ်ခဏအတွက်ပဲဖြစ်ဖြစ်ပေါ့။
ဆုံဆည်းခွင့်မရခဲ့ရင်တောင်မှ
ချစ်ခွင့်တော့ရခဲ့သေးတယ်ဆိုပြီး
အမှတ်တရတွေများစွာကို ထွေးပွေ့ထားရင်းပေါ့။

🙏ပြီးတော့ ဘ၀မှာ
ကိုယ်ချစ်တဲ့သူနဲ့
ကိုယ့်ကို ချစ်နေတဲ့သူ ထပ်တူကျရတဲ့
အချစ်မျိုးလည်း ပိုင်ဆိုင်ချင်ပါသေးတယ်။

ရင်ထဲက အပိုင်းအစလေးများ

Yuki Smile 😍
(Freelance Content Writer)

☘️ဘ၀ရဲ့ နိယာမကိုက
ရတာမလို ⚡လိုတာမရထင်တယ်။

👉ကိုယ်မလိုချင်တဲ့
အရာတွေကျတော့ ပေါများနေတတ်ပြီး
ကိုယ်လိုချင်တဲ့ အရာ‌ကျတော့ ခက်ခဲလွန်းနေတယ်။

တစ်ခါတစ်လေကျတော့လည်း ****
ဘာလို့များ မရနိုင်တဲ့ အရာကိုမှ
လိုချင်နေမိလဲဆိုပြီး စဉ်းစားခဲ့မိတယ်။🤔🤔🥺

🥺ငါနဲ့ပဲ မထိုက်တန်လို့လား....?
🥺ငါကပဲ မပြည့်စုံလို့လား ......?
🥺ငါ့မှာ ဘာအားနည်းချက်ရှိနေလို့လဲဆိုပြီး....?

💔ဒါပေမဲ့လည်း ကိုယ်နဲ့သာထိုက်တန်ရင်
ကိုယ့်ဆီရောက်လာမှာပဲဆိုပြီး
ကိုယ့်ကိုကိုယ် ညာပြီးအားတင်းခဲ့မိတယ်။
❤️‍🩹အမှန်တကယ်တော့
၀မ်းနည်းစရာ အမှန်တရားက
အဲ့သည်အရာကို မရနိုင်တာ
ကိုယ်ဖြစ်နေလို့ဆိုတာပါပဲ...........🥲🥲🥲


Yuki Smile💔
(Freelance Content Writer)

🍁🍁သင်္ကြန်ရက်အတွက် အမှာစကားလေး🍁🍁

💁ဘာလိုလိုနှင့် သင်္ကြန်ရောက်ပြီ.....

💦တနှစ်ပတ်လုံး မျှော်နေခဲ့မိတဲ့
အချိန် သင်္ကြန်ကာလကို
မြန်မာ့ရိုးရာပွဲတော်တွေထဲမှာ
အပျော်ရွှင်ရဆုံးနှင့် အစည်ကားဆုံးသော
သင်္ကြန်ပွဲတော်ကြီး💦

🥺ဒါပေမယ့်လည်း ဒီနှစ်သင်္ကြန်ကတော့
ပျော်ရွှင်ခြင်းတွေ ကင်းမဲ့နေနေပြီး
တေးသီချင်းသံတွေ
တိတ်ဆိတ်လျက်ရှိနေပြီ.......

💦မျှော်လင့်ခြင်းမရှိဘဲ ဖြစ်ပျက်ခဲ့သော
သဘာ၀ဘေးအန္တရာယ် ငလျင်ဒဏ်ကြောင့်
ပျော်ရွှင်သင့်တဲ့ အချိန်မှာ
မပျော်ရွှင်နိုင်ကြတော့ဘူး....
ပျော်ရွှင်စရာ နှစ်သစ်ကူးပွဲတော်ကြီးကိုလည်း
စည်စည်ကားကား မကျင်းပနိုင်ကြတော့ဘူး....

🗯️သင်္ကြန်မှာ ဘယ်သူမဆို ပျော်ရွှင်ချင်ကြပေမယ့်

😢တချို့မှာ ပျော်စရာတွေ မရှိကြတော့ဘူး...........
😢တချို့မှာ ပြန်စရာ အိမ်မရှိကြတော့ဘူး..........
😢တချို့မှာ မိသားစုတွေ မစုံကြတော့ဘူး.........

💯ဒါကြောင့်မို့ ပျော်ရွှင်ရမယ့်
အချိန်ဖြစ်ပေမယ့်
ထိန်းပြီး ပျော်ပေးကြပါ။
တိတ်တဆိတ်ပဲ ပျော်ကြပါ။
သူတစ်ပါး ၀မ်းနည်းနေချိန်မှာ
ကိုယ့်ရဲ့ပျော်ရွှင်မှုကို ထင်ရှားစွာ မပြသမိပါစေနှင့်။
ဒါကလည်း လူ့ယဉ်ကျေးမှု တစ်ခုဖြစ်သလို
ကိုယ်ချင်းစာတရားလေးပါပဲ။

☘️အရာအားလုံးက
လက်မခံနိုင်လောက်အောင်ဖြစ်ပျက်ခဲ့ပြီး
၀မ်းနည်းစရာကောင်းပေမယ့်
ကျွန်မတို့ဟာ ဘ၀တွေကို
ရှေ့ဆက်ကြရအုံးမှာပါ။

☘️ပြီးတော့ ဒီကပ်ဆိုးကြီးကို
ရင်ဆိုင်နေရတာကလည်း
ကိုယ်တစ်ယောက်တည်း မဟုတ်ပါဘူး။
ဒါ့ကြောင့်မို့ လဲကျမသွားဘဲ
တတ်နိုင်သမျှ အားတင်းထားပါအုံးနော်💪💪💪

💁စာရေးသူအကြံပေးချင်တာကတော့
နှစ်သစ်ကူးကစပြီး
နှစ်ဟောင်းက အညစ်အကြေး
မှတ်ဥာဏ်ဆိုးတွေအားလုံးကို
ဖယ်ရှားပစ်ကြရအောင်ပါ။
သင်္ကြန်ရက်တွေမှာ စိတ်ကို
အေးချမ်းတည်ငြိမ်အောင်ထားပြီး
မေတ္တာတရား သတိတရားတွေကို
လက်ကိုင်ထား၍ ကုသိုလ်တရားတွေလုပ်ရင်း
ဒီနှစ်သင်္ကြန်ကို တိတ်တဆိတ်ပဲ
ဖြတ်သန်းသွားကြရအောင်ပါနော်။

ရင်ထဲက အပိုင်းအစလေးများ
Yuki Smile😍
(Freelance Content Writer)

🫨🫨🫨ရက်စက်လှတဲ့ ငလျင် နှင့်
မလုပ်သင့်သော အရာများ🙅🙅🙅

💭ဘာလို့ ငါတို့နိုင်ငံကျမှ
ဒီလောက်ကံဆိုးနေရတာလဲ……..?😢
28 ရက်နေ့က မထင်မှတ်ထားဘဲ
မျှော်လင့်ခြင်းမရှိဘဲ
လှုပ်ခတ်ခဲ့တဲ့ ငလျင်ကြောင့်
ဆုံးရှုံးမှုတွေ များခဲ့ရတယ်။

💬ငလျင်ကြောင့် ဆုံးရှုံးသွားခဲ့ရတဲ့
☘️မရေမတွက်နိုင်တဲ့ အသက်တွေ…..
☘️ရှာဖွေစုဆောင်းခဲ့ကြတဲ့ စည်းစိမ်တွေ…..
☘️ထားရှိခဲ့တဲ့ မျှော်လင့်ချက်၊အိပ်မက်တွေ…..
☘️ထိန်းသိမ်းခဲ့တဲ့ ရှေးဟောင်းအမွေအနှစ်တွေ….
ရင်နင့်စရာတွေချည်းပါပဲ။

💯ဒီလိုအချိန်မှာ ငါတို့ဟာ
တတ်နိုင်တဲ့ ဘက်က
အချင်းချင်း ကူညီကယ်ဆယ်နေရမယ်။
မလေးတို့၊ စင်ကာပူတို့ကတောင် လာပြီး
ငါတို့နိုင်ငံကို ကူညီနေသေးတာ
ငါတို့က ကိုယ့်နိုင်ငံသားအချင်းချင်း
မယုတ်မာကြပါနဲ့။
သူများက ကူညီချင်လို့
လှူထားတဲ့အလှူငွေတွေကို
ကြားကနေ ဖြတ်မခုတ်ကြပါနဲ့လို့ ပြောပါရစေ။🙅

💁 ငါသာသူ့နေရာမှာဆိုရင်ဆိုတဲ့
စိတ်ထားလေးလည်း ထားကြည့်ပါနော်။
ဘယ်လောက်တောင် နာကျင်ခံစားနေရမလဲဆိုပြီး။
သူတို့ရဲ့ အပူတွေ၊ဒုက္ခတွေကို မြင်လာပါလိမ့်မယ်။
သူများတွေ ငလျင်ဒဏ်ကို
အလူးအလဲ ခံနေရချိန်မှာ
Social media ပေါ်မှာ အလှဓာတ်ပုံတွေ၊
ပျော်စရာ post တွေ မတင်သင့်သေးပါဘူး။
ငလျင်လှုပ်တာကိုလည်း
ဟာသတွေ လျှောက်မလုပ်သင့်ပါဘူးနော်။
ဘယ်အချိန်ထပ်လှုပ်မလဲဆိုပြီး
ရင်တထိတ်ထိတ်နဲ့ နေရတဲ့ ဒီလိုအချိန်မှာ
ဘယ်သူကမှ ရယ်ချင်မနေပါဘူး။💯

🙅Social media ပေါ်မှာ
ငလျင် သတင်းအမှားတွေကိုလည်း
မဖြန့်ဝေသင့်ပါဘူး။
ကြားသမျှ ငလျင်သတင်း
နားစွင့်မိနေတဲ့အချိန်မို့ ဖြစ်ပါတယ်။

🙅‍♀️ပြီးတော့ သူများဒုက္ခရောက်နေချိန်မှာ
ကူညီတယ်ဆိုပေမယ့်လည်း
Camera ကြီးတကားကား၊
TikTok ကြီး တကားကားနဲ့ မလုပ်ပါနဲ့။
သူတို့တွေ ၀မ်းနည်းသိမ်ငယ်သွားမှာပေါ့။
ကူညီတာကို Social media ပေါ်မှာ
တင်ချင်ရင်လည်း မျက်နှာကို ဖျောက်ပါနော်။

🤷‍♂️စီးပွားရေးသမားတွေကလည်း
အခွင့်အရေး မယူကြပါနဲ့လို့ ပြောပါရစေ။
ဒုက္ခရောက်နေချိန်မှာ ဈေးတွေတက်မရောင်းကြပါနဲ့။
ဆေးဆိုင်တွေကလည်း
ဆေးပစ္စည်းတွေကို သိုလှောင်မထားဘဲ
ထုတ်ရောင်းပေးကြပါနော်။
လိုအပ်တဲ့ ဆေးများကို
ရောင်ချ‌ေပးခြင်းက ကူညီရာရောက်သလို
ကုသိုလ်လည်း ရပါတယ်။

တွေးမိသလောက်ပြန်လည်မျှဝေခြင်းဖြစ်သည်။
Yuki Smile 😢
(Freelance Content Writer)

💔ပေါင်းဖက်ဖို့ မဖြစ်နိုင်တဲ့ ဘ၀နှစ်ခုကို
ပေါင်းဖက်ဖို့ကြိုးစားတာဟာလည်း အပြစ်ပဲတဲ့။💔

🙏ပါချုပ်ဆရာတော် ဘုရားကြီးက
ဟောကြားထားသည်ကို နာဖူးသည်။
တရား၏ အဓိပ္ပါယ်ကိုက လေးနက်ပြီး
တန်ဖိုးရှိလှသည်။သို့သော်……
ဘာလို့မှန်းမသိဘဲ ရင်ထဲတော့ မကောင်း။🥺

☘️တစ်ခါတစ်လေမှာ
ကျွန်မတို့ဟာ မဖြစ်နိုင်တဲ့အရာတွေအပေါ်မှာ
စွဲလန်းနေပြီး ကြိုးစားနေမိတတ်ကြတယ်။
ဒါပေမယ့် ကြိုးစားမိတဲ့ အရာတိုင်းက
အလဟဿဖြစ်နေရတယ်။

☘️တစ်ယောက်နှင့်တစ်ယောက်
ချစ်ခဲ့ကြပါတယ်။
နှစ်ယောက်အတူဆိုတဲ့ အိမ်မက်တွေလည်း
ရှိခဲ့ဖူးပါတယ်။
ဒါပေမယ့်လည်း
ဘ၀နှစ်ခုဟာ ပေါင်းစပ်ဖို့
ဘယ်လိုမှ မဖြစ်နိုင်ခဲ့ဘူး။😢

☘️တကယ်တော့ ……
အချစ်ဆိုတာ
ကြိုးစားမှု၊နားလည်မှု၊
အပြန်အလှန်ဂရုစိုက်မှုတို့အပေါ်
အခြေခံထားတာပါ။

☘️ဒါပေမဲ့လည်း……
ကြိုးစားသလို မဖြစ်နိုင်တဲ့
တားဆီးမှုတွေက ရှိနေပြန်တယ်။
ကိုယ့်ရဲ့ ယုံကြည်မှု၊တန်ဖိုးထားမှုနှင့်
မျှော်လင့်ချက်တို့က အဓိပ္ပါယ်မဲ့ပြီး
အရေးမပါတဲ့အခါ
ကြိုးစားမနေတော့ဘဲ လက်လွှတ်လိုက်တာက
ပိုပြီးကောင်းလာနိုင်ပါတယ်။
အဓိကကတော့ ပေါင်းဖက်ဖို့ ကြိုးစားရင်း
ကိုယ့်ကိုကိုယ် မနာကျင်စေဖို့ပဲ အရေးကြီးပါတယ်။😢

☘️ပျော်ရွှင်မှုဆိုတာကလည်း……
အပြန်အလှန်နားလည်မှုနဲ့သာ ဖြစ်နိုင်ပါတယ်။
ဒါပေမယ့်လည်း…….
တစ်ဖက်က မျှော်လင့်ချက်နှင့်
တစ်ဖက်က လက်ခံနိုင်စွမ်းမတူညီတဲ့အခါမှာတော့
တူတူရှိနေသော်လည်း ဝေးကွာမှုတွေက
ပိုမိုများပြားလာပါလိမ့်မယ်…….

☘️ဘ၀မှာ ဘယ်သူမဆို
ကိုယ်ချစ်တဲ့သူနဲ့တော့
ပေါင်းဖက်ချင်ကြတာပါပဲ။
ဒါပေမယ့်လည်း…..
မဖြစ်နိုင်တဲ့ ဘ၀နှစ်ခုကို ပေါင်းဖက်ဖို့
ကြိုးစားနေတာထက်
တကယ်ပျော်ရွှင်ရပြီး နောင်တကင်း‌ဝေးရမယ့်
ဆက်ဆံရေး Relationship ကိုသာ
လက်တွဲသင့်ပါတယ်။

💯ဒါ့ကြောင့်မို့
ဘယ်လိုမှ မဖြစ်နိုင်တော့ဘူးထင်ရင်
လက်လွှတ်ခဲ့လိုက်ပါ…..
နာကျင်မှုတွေနဲ့ ဆွဲမထားပါနဲ့တော့…..
မဖြစ်နိုင်တဲ့အရာတွေအပေါ်မှာ
အချိန်ကုန်ခံ၊နာကျင်ခံပြီး
ဖက်တွယ်မနေပါနဲ့တော့…….
ဆရာတော်ဘုရားကြီးပြောသလို
အပြစ်တွေကြီးပြီး
၀ဋ်တွေလည်း ကြီးလွန်းလို့ပါ…..😢😢😢

ရင်ထဲက အပိုင်းအစလေးများ
Yuki Smile😍
(Freelance Content Writer)

💥သင့်ဘ၀အတွက် အရေးကြီးဆုံးသူတစ်ယောက်ကို ဂုဏ်ပြုရမည့်နေ့ - အဖေများနေ့😘

🎉တပေါင်းလပြည့် -အဖေများနေ့ ရောက်ပြီ….
အဖေ့ကျေးဇူးတွေ၊အဖေ့မေတ္တာတွေ
အကြောင်းကို ပြောပြဖို့အချိန်ရောက်ပြီ…..

☘️တကယ်တော့
အဖေဆိုတာ မိသားစုရဲ့
အဓိကဒေါက်တိုင်ကြီးဖြစ်သလို
သားသမီးတွေအတွက် သူရဲကောင်းတစ်ဦးပါ။
သားသမီးတွေရဲ့ ဘ၀အတွက်
အထောက်အပံ့ပေးတဲ့ ခေါင်းဆောင်၊
ညွှန်ပြသူတစ်ယောက်ပါ။

☘️အဖေဆိုတာ
သားသမီးတွေအပေါ်ထားရှိတဲ့အချစ်တွေကို
ထုတ်ဖော်မပြတတ်ကြပေမယ့်
အနှိုင်းမဲ့ မေတ္တာတွေ၊အချစ်တွေနဲ့
ချစ်ပေးနေသူကြီးပါ။

✓‌သားသမီးတွေအတွက်
နေပူမရှောင်၊မိုးရွာမရှောင်
နဖူးကချွေး ခြေမကျအောင်
အလုပ်လုပ်ပြီး ကျွေးမွေးနေတာ အဖေပါ။

✓အဖေက သူသာ အပင်ပန်းခံချင်လိမ့်မယ်…
သားသမီးတွေဘ၀ ပင်ပန်းမှာကိုတော့
သေလောက်အောင် ကြောက်တတ်သူတွေပါ။

☘️အဖေဆိုတာ
သားသမီးတွေရဲ့ အိပ်မက်တွေကို
အကောင်အထည်ဖော်ပေးလေ့ရှိသူ
တစ်‌ယောက်လည်းဖြစ်ပါတယ်။

ကျွန်မဖေဖေပြောလေ့ရှိတဲ့ စကားတစ်ခွန်းရှိတယ်။
အဲ့တာက “ငါ့သမီးဘ၀အတွက်
အကောင်းဆုံးဖြစ်မယ်ထင်တာကို လုပ်တဲ့။
အဖေက နောက်ကနေ Support ပေးဖို့ အဆင်သင့်ပဲတဲ့။”
တွေးကြည့်မိတိုင်း ပျော်ရသလို
ဖေဖေ့ကိုလည်း ပိုချစ်မိတယ်။

✓သမီးဘ၀အတွက် အရဲရင့်ဆုံးနှင့် အခန့်ညားဆုံးယောကျာ်းက ဖေဖေပါပဲနော်။
စာရေးသူအတွက်တော့ ပြောရမယ်ဆိုရင်
My Father is Everything ….ပါပဲ😍

😢အဖေ့ရဲ့ တန်ဖိုးဘယ်လောက်ကြီးတယ်ဆိုတာ
အဖေမရှိတော့တဲ့သူတွေ သိကြပါတယ်။
ဒါ့ကြောင့်မို့ ကိုယ့်ရဲ့အဖေကို
အသက်ရှိတုန်း ပိုဂရုစိုက်ကြပါ။
ပိုတန်ဖိုးထားပြီး ချစ်ကြပါလို့ ပြောပါရစေ။🥺

💁စာရေးသူကတော့
အဖေများနေ့မှာ အဖေ့ကို…..
“ချစ်တယ်ဖေဖေ၊
သမီးကို ဒီအရွယ်ထိ
ကျွေးမွေးစောင့်ရှောက်ပေးခဲ့လို့
ကျေးဇူးတင်ပါတယ်။
သမီးက တဖန်ပြန်ပြီး ကျေးဇူးဆပ်မှာမို့
ကျန်းကျန်းမာမာနှင့်
အသက်ရှည်ရှည်နေပေးပါနော်လို့ ပြောပြီး
ကန်တော့မှာပါ။”

📖စာဖတ်သူတို့လည်း…………
ဒီနေ့လို အဖေများနေ့လေးမှာ
ကိုယ့်ရဲ့‌အဖေကို တန်ဖိုးထားပြီး ချစ်ကြောင်း၊ကျေးဇူးတင်ကြောင်းတွေ
ပြောပြဖို့လိုပါတယ်နော်…
အချိန်ရရင် အဖေ့မေတ္တာတွေကို ဘယ်လိုပုံစံနဲ့
ဖော်ပြဖြစ်လဲဆိုတာလည်း ပြောခဲ့ပါအုံးနော်။


ရင်ထဲက အပိုင်းအစလေးများ
Yuki Smile 😍
(Freelance Content Writer)

☀️နေမင်းကြီးနဲ့ လွဲလို့ သင်ငိုနေရင်
ကြယ်တာရာတွေနဲ့လည်း
သင်လွဲရပေအုံးမယ်တဲ့…….🌙

☘️ဘာရယ်မဟုတ် ငယ်ငယ်တုန်းက
ဆရာကောင်းသန့်စာအုပ်တွေဖတ်ပြီး
အဓိပ္ပါယ်သေချာမသိပေမယ့်
ကြိုက်လွန်းလို့ မှတ်ထားမိခဲ့တာ။
အခု နည်းနည်းလေးအရွယ်ရောက်လာမှ
သိခဲ့ရတဲ့ အဓိပ္ပါယ်တွေက
အလွန်ကောင်းနေခဲ့တယ်။😘

💁ဘ၀တိုးတက်ရေးအတွက်ဆိုရင်……

✓အကြောင်းကိစ္စတစ်ခုမှာ
မအောင်မြင်လို့ ဆုံးရှုံးခဲ့ရင်
၀မ်းနည်းပူဆွေးပြီး ငိုနေစရာမလိုပါဘူး…။

✓နောက်ထပ်တစ်ကြိမ်
ပြန်ကြိုးစားကြည့်လို့ရသလို
ပိုကောင်းတဲ့အသစ်တစ်ခုကို
ထပ်ကြိုးစားကြည့်လို့လည်းရပါတယ်။

✓ဒါပေမယ့်
ဆက်မကြိုးစားဘဲ ထိုင်ငိုနေရင်‌
နောက်ထပ်အခွင့်အလမ်းတွေပါ
ဆုံးရှုံးတတ်ပါတယ်။

💞💘နှလုံးသားရေးအတွက်ဆိုရင်လည်း

✓ကိုယ်ချစ်ရပေမယ့် ပူလောင်ရတဲ့
နေမင်းကြီးလို လူနဲ့ ဝေးခဲ့ရလို့
၀မ်းမနည်းပါနဲ့။

✓သူ့ထက်ပိုကောင်းတဲ့၊
ကိုယ့်ကို အေးမြမှုတွေပေးနိုင်တဲ့ ကြယ်တာရာလေးနဲ့
ဆုံတွေ့ခွင့်ရမှာပါ။

✓ဒါပေမယ့် ပူလောင်စေတဲ့ နေမင်းကြီးကိုမှ
လက်မလွှတ်နိုင်ရင်တော့
ကိုယ့်အပြစ်နဲ့ ကိုယ်ပဲပေါ့။😢

️📢ပြောချင်တာကတော့
ဘယ်အရာမဆို
ကိုယ်လိုချင်တာတွေမရခဲ့ရင်လည်း
တခြားကောင်းတာတွေရဖို့ အခွင့်အရေးရှိနေ‌ပါသေးတယ်။
လက်မလျော့ဘဲ ကြိုးစားဖို့ပဲလိုတာပါ။
ဦးတည်ချက် မှန်ဖို့တော့ လိုတာပေါ့နော်။

တွေးမိရာရာ အတွေးတချို့
Yuki Smile 😍
(Freelance Content Writer)