Moe - Beauty Shop

နောက်၁၀နှစ်အကြာတိုင် ရှင်သန်ခွင့်ရနေသေးရင်
ကိုယ်ဟာ လူ့ဘောင်ကိုအပြီးစွန့်လွှတ်ပြီး အေးချမ်းတဲ့အရပ်မှာရှိချင်ရှိနေမယ်
တစုံတစ်ယောက်နဲ့အိမ်ထောင်ကျချင်ကျနေမယ်
တစ်ယောက်တည်းလဲဖြစ်ချင်ဖြစ်နေမယ်
စာတွေရေးရင်လဲရေးဖြစ်နေမယ်
အိမ်သေးသေးလေးထဲမှာပဲရှိနေချင်လဲရှိနေမယ်
ကလေးတွေကိုစာပြတဲ့ဆရာတစ်ယောက်လဲဖြစ်ချင်ဖြစ်နေမယ်
ပရဟိတလိုက်လုပ်နေတဲ့လူတစ်ယောက်လဲဖြစ်ချင်ဖြစ်နေမယ်
ဆိုင်ခန်းသေးသေးလေးဖွင့်ထားတဲ့ သာမာန်လူတစ်ယောက်လဲဖြစ်ချင်ဖြစ်မယ်
ကော်ဖီဆိုင်လေးဖွင့်ပြီး ကိုယ်ပိုင်စီးပွါးရေးလေးလုပ်ရင်လုပ်နေမယ်
စီးပွါးရေးသမားတစ်ယောက်လဲဖြစ်ချင်ဖြစ်နေမယ်။

သေချာတာတခုကတော့ အဲ့အချိန်ရောက်ရင်
ကိုယ့်ဟာ စိတ်ထဲမှာအပူအပင်နည်းပြီး အေးအေးချမ်းချမ်းလေးရှိတဲ့
ဘဝတစ်ခုခုမှာ အသားတကျလေးရှိနေဖြစ်မှာပါ။

ကိုယ့်ဘဝတစ်လျှောက်လုံး အမြဲတမ်းရွေးချယ်ဖြစ်မှာဟာ
အေးချမ်းတဲ့ဘဝလေးတစ်ခုပဲမို့ အေးချမ်းတဲ့ရပ်ဝန်းလေးတွေကို
အမြဲလိုလိုရှာဖွေရင်း နေထိုင်သွားဖြစ်မှာပါ။

💭 || 8.3.2026

ကံတွေဟာသိပ် သတိထားဖို့ ကောင်းပါတယ်....
နေ့တိုင်း နေ့တိုင်း
ကိုယ်မှု ၊ နှုတ်မှု ၊ စိတ်အကြံကြောင့်
လူတွေဟာ ဒုက္ခရောက်လာသလို

အဲဒီ ကိုယ်မှု ၊ နှုတ်မှု စသည်ကြောင့်ပဲ
လူတွေဟာ အဆင့်မြင့် လူသား
ဖြစ်လာကြပါတယ်။

ဒါကြောင့် …

🍁 လုပ်ရင်လည်း သတိရှိပါ
🍁 ပြောရင်လည်း သတိရှိပါ
🍁 တွေးရင်လည်း သတိရှိပါ

ကိုယ်ရေးဆွဲတဲ့ ပန်းချီကားကို
အရုပ်ဆိုး အကျည်းတန်အောင်
မရေးဆွဲမိပါစေနဲ့

ဖားအောက်တောရဆရာတော်ဘုရားကြီး🙏🙏🙏
Credit :

တစ်ယောက်တည်း အထီးကျန်လိုက်တာဆိုပြီး
တစ်ယောက်ယောက်ကို ဘဝထဲ အလွယ်တကူဆွဲခေါ်ယူဖို့မရှိဘူး…

အပျင်းပြေဆိုပြီး ဟိုလူ့ပြော ဒီလူ့ပြောတွေလည်းမလုပ်ဘူး…

တစ်ယောက်ယောက်အနားမှာ ရှိနေမှဆိုပြီး ချစ်ခြင်းမေတ္တာမပါဝင်ရင် ဘယ်သူနဲ့မှမပျော်ဝင်တတ်ဘူး…

ဘယ်အချိန်ထိ တစ်ယောက်တည်းဘဝကို ဖြတ်သန်းသွားဦးမှာလဲဆိုရင်….

“ဒီလူနဲ့မှ မဟုတ်ရင် မဖြစ်ဘူး”… ဆိုတဲ့သူနဲ့ တွေ့တဲ့ထိလို့ ဖြေမယ်…

မတွေ့ခဲ့ရင်လည်း အီစီကလီအပျော်အလှော်ကင်းစွာ

တစ်ယောက်တည်းလည်း ဖြစ်ပါတယ်….

“ဒီလူနဲ့မှမဟုတ်ရင် မဖြစ်တော့ဘူး”…. ဆိုတဲ့သူ

သေချာတယ်…အဲ့လူကလည်း …

“ ကိုယ်နဲ့မှမဟုတ်ရင် မဖြစ်တော့ဘူး” …. ဆိုတဲ့သူမျိုးပေါ့

ကိုယ်တို့ဘဝမှာ အဲ့ဒီလို ချစ်ခြင်းမေတ္တာမျိုး သေချာပေါက် တွေ့ဦးမှာပေါ့ကွယ်…….🍀🌸

ကိုယ်ဟာ အမျိုးသမီိးတွေရဲ့ အဖက်ဖက်က

တွန်းတင်ပေးမှုကြောင့် နေရာသေးသေးလေးတစ်ခုရတယ်…

ကိုယ်လုပ်တဲ့အလုပ်ကလည်း ဒီအမျိုးသမီးတွေမှ မရှိရင် လုပ်လို့မရဘူး…

အမျိုးသမီးတစ်စုရဲ့အားဟာ ကိုယ့်အပေါ် သက်ရောက်မှုအများကြီးရှိတယ်….

ဒါကြောင့် ဒီအမျိုးသမီးတွေအတွက် ကိုယ်သိထားတဲ့အသိတွေကို မျှဝေတာ… တချို့ သိပေမယ့် မေ့နေတဲ့အရာတွေကို
အသိပေးတာ… စိတ်ကလေး အေးချမ်းဖို့… ကျန်းမာပျော်ရွှင်ဖို့.. လှပသန်မာဖို့… နှလုံးသားလေး စိတ်သက်သာရာဖို့…
နွေးထွေးနူးညံ့ဖို့…. စတာတွေအတွက် လိုအပ်တဲ့သူတွေအတွက် မျှဝေဖို့ ကိုယ် ရည်ရွယ်တယ်….

ဒီအပေါ်မှာ သူက ဘာကောင်မမို့လို့ ဆရာတွေ လုပ်နေတာလဲလို့မေးလာရင်…. ဘာကောင်မမှမဟုတ်ပါဘူး…

အမျိုးသမီးတွေပေးတဲ့အားနဲ့ အမျိုးသမီးတွေကို တစ်ခုခုပြန်ပေးနိုင် သေးသေးလေး ပြန်ပေးနိုင်ရင်ဖို့ရာ ကြိုးစားနေတဲ့သူပါ…. ကျန်တာ ဘာမှ ဟုတ်မနေပါဘူး…..

ဘယ်သူထက် ဘယ်အရာမှ မပိုနေတဲ့

သူလို ငါလို သာမန်ရွက်ကြမ်းရေကျိုမျှပါပဲ….. 🍀🌸

"ချစ်တယ်"လို့ ပြောလိုက်တိုင်း
ချစ်ခွင့်ပန်တဲ့ အဓိပ္ပါယ် မဟုတ်ပါဘူး
ပြန်ချစ်ပါလို့လည်း မဆိုလိုပါဘူး ။

တစ်ခါတစ်ရံမှာ
သိနေစေချင်ရုံ သက်သက်နဲ့လည်း
ချစ်တယ်လို့ပြောခွင့်ရှိပါတယ် ။ ။

-မောင်ဆောင်းခ

ဒီအရွယ်မှာ နားလည်လာတာတစ်ခုကလေ
လူတွေက သူတို့ချစ်တဲ့သူအတွက်ဆို Effort ထုတ်တယ်ဆိုတာပဲ
တွေ့ချင်တဲ့စိတ်ရှိရင် ဝေးနေလည်း ပြေးတွေ့ကြတာပဲ
အချိန်မရလည်း ကြိုးစားပြီး
မရရတဲ့အချိန်လေးဖဲ့ပေးမှာ
အလုပ်တွေ အရမ်းပင်ပန်းနေလို့ စကားမပြောချင်ဘူး
ပင်ပန်းနေပြီ အိပ်ချင်နေပြီဆိုတာက
တစ်ဝက်တော့ မှန်တယ်
တစ်ဖက်က အမှန်တရားတစ်ဝက်က ဘာလဲဆိုတော့
ကိုယ်နဲ့ စကားပြောရတာ ပိုပင်ပန်းတယ်
သူ့အတွက် စိတ်သက်သာရာ မရစေဘူးဆိုတဲ့ သဘောမျိုး နည်းနည်းပါတယ်
ကိုယ်ကရော တကယ်ပဲ သူ့အတွက် mentally support
မဖြစ်နေဘူးလားဆိုတာ ပြန်သုံးသပ်ဖို့လည်း လိုတာပဲ
ကိုယ့်ဘက်က လက်ဖမိုးဆိုပေမယ့် သူ့ဘက်က ကြည့်တော့ လက်ဖဝါးပေါ့
ခုအသက်ရွယ်မှာ Networking ကျယ်လာပေမယ့်
Social circle လေး ပိုကျဉ်းလာတာကိုလည်း
သတိထားမိပြန်တယ်
“Conversations are easier with him/her” ဆိုတဲ့ relations တွေ
ဒီတစ်သက် သူနဲ့ ပြောစရာ ကုန်ပါ့မလား တောင် မသိဘူးဆိုတဲ့
ဆက်ဆံ ရေး တွေဆို ပိုတန်ဖိုးထားမိတယ်
အတ္တကြီးလာတာတစ်ခုက တော့ ကိုယ့်ရဲ့ free time ကို
လူတိုင်းနဲ့ မတန်ဘူးလို့ ထင်လာတာ
စကား ပြောရင် ရှေ့ နောက်မကြည့်တဲ့သူ တွေဆို
မ ပေါင်းချင်တာ
အရင်လောက် အားမနာတတ်တော့ဘဲ
Say no လုပ်တတ်လာတာ
အဲ့ဒါကြောင့်မို့ အချစ်နဲ့ ချောင်းဆိုးတာက ညာလို့ မရဘူးလို့ပြောတာ
ပင်ပန်း နေရင် တောင် အချိန်ပေးချင်တာက
ချစ်ခြင်းမေတ္တာ
ဒါ လေးဆို သူသိပ်ကြိုက်မှာဆိုတာကလည်း
ချစ်ခြင်းမေတ္တာပဲ
ချစ်ခြင်းမေတ္တာက ညာလို့ မရဘူး ခံစားလို့ပဲ ရမယ်
အဲ့ တော့ ဘယ်သူ့ကိုမှ ဖြည့်မ တွေး ပေးနဲ့ ကိုယ့်ကိုယ်ကိုယ်လည်း မညာနဲ့
သူမချစ်ရင် မချစ်ဘူးလို့ လက်ခံလိုက်
then just move on 😌

"မဟာသမယသုတ် ဘယ်လောက်တောင်စွမ်းလဲ "

ရွတ်နေတဲ့သူတွေဆိုသိတယ်
ဒီသုတ်တော်ကိုရွတ်ရင်
နတ်ကောင်းနတ်မြတ်တွေက
ဖူးဖူးမှုတ်ထားခံရအောင်
စောင့်ရှောက်ခံရတော့ ကိုယ့်မျက်နှာ
မြင်တိုင်းကို လူတွေကတအားချစ်ခင်ကြတာ
အရင်ကမုန်းပါတယ်ဆိုတဲ့သူတွေတောင်
ဒီသုတ်တော်ရွတ်ပြီးသွား
ရင်ချစ်သွားတက်ကြတယ်....
Aura တွေထွက်နေတော့
ဘာနေရာသွားသွားမျက်နှာပွင့်တယ်..
ပြီး အန္တရာယ်တခုခုကျရောက်မယ်ဆိုလဲ
ကိုယ့်စိတ်ကိုချုပ်ကိုင်လိုက်ပြီး အန္တရာယ်ကလွတ်အောင်ကူညီပေးတယ် ဖယ်ရှားပေးတယ်
ဘေးကနေအမြဲကိုအရိပ်တကြည့်ကြည့်ကူညီပေးနေတာမျိုးဘဲ...
အလုပ်အကိုင်တွေလဲအလွန်အဆင်ပြေတယ်
ငွေလဲအမြဲမပြတ်ဝင်တယ်
ဘာလုပ်လုပ်ကိုအဆင်ပြေချောမွတ်နေတာ အထစ်အငေါ့ဘာတခုမှမရှိဘူး...
ဒီသုတ်တော်ကိုရွတ်နေတဲ့အချိန် ဒိုပါမင်းဟော်မုန်းထွက်လို့ လူကလဲစိတ်တအားပျော်ရွှင်လာတယ် စိတ်ဖိစီးမှုနည်းလာတော့ ကော်ဒီစောဟော်မုန်းလဲမထွက်တော့ဘူး...
အာ့ကြောင့် လူကဖြူနုလာပြီး ရုပ်ကအရမ်းကိုလှပလာတာပါ မရွတ်ခင်ကရုပ်နဲ့ အမြဲမပြတ်ရွတ်ဖတ်ပြီးရုပ် တခြားစီကိုပြောင်းလဲသွားတာပါ...
မဟာသမယသုတ်ကို ရွတ်ဖတ်ချင်ပေမယ့် မရရင် ဖုန်းနဲ့ဖွင့်ထားပြီး စိတ်ထဲသေချာနှစ် ပူဇော်လို့ရပါတယ်...
မယုံမရှိပါနဲ့ သေချာယုံယုံကြည်
ကြည်ဆောင်ထားကြည့်ပါ
အကျိုးထူးလာတာတွေ့ရမှာပါ...
Credit Original Writer 😉

ဘဝမှာ ရှာနေတာ ဘာလဲ။
အဖြေက ရိုးရိုးလေးပဲ။
တော်၊ ပျော်၊ ပွား၊ ပေး။

တော်
လူဆိုတာ ရပ်နေလို့ မရဘူး။
ရပ်နေရင် ဆုတ်နေတာ။
ရေက စီးနေတယ်။
ကိုယ်က ရေဆန် ကူးနေရတာ။
နေ့တိုင်း နည်းနည်းပဲဖြစ်ဖြစ် ရှေ့ဆက်။
မနေ့က ကိုယ်ထက် ဒီနေ့က ကိုယ် ပိုတော်ရမယ်။
Aristotle ပြောတယ်။
"Excellence is not an act, but a habit."
တော်တာက တစ်ခါလုပ်တာ မဟုတ်ဘူး။
နေ့တိုင်း လုပ်တာ။

ပျော်
ပျော်ရွှင်မှုကို နောက်ဆို ရှာမယ်လို့ မထားနဲ့။
အောင်မြင်မှ ပျော်မယ်။
ချမ်းသာမှ ပျော်မယ်။
ဒါ ထောင်ချောက်။
ပျော်ရွှင်မှုက ခရီးဆုံးမှာ မရှိဘူး။
ခရီးလမ်းမှာ ရှိတယ်။
Buddha ကဆုံးမခဲ့တယ်။
"There is no path to happiness. Happiness is the path."
ဒီနေ့ မပျော်နိုင်ရင်
ဘယ်နေ့မှ မပျော်နိုင်ဘူး။

ပွား
ပွားတာ ငွေတစ်ခုတည်း မဟုတ်ဘူး။
ဉာဏ်ပညာ ပွားနိုင်တယ်။
ဆက်ဆံရေး ပွားနိုင်တယ်။
ကျန်းမာရေး ပွားနိုင်တယ်။
ကုသိုလ် ပွားနိုင်တယ်။
တစ်နေ့ တစ်စက်။
တစ်နှစ် ပင်လယ်။
Compound Effect။
Einstein က "အဋ္ဌမမြောက် အံ့ဖွယ်" လို့ ခေါ်တယ်။
နေ့တိုင်း နည်းနည်း ပွားနေရင်
တစ်ချိန်မှာ အံ့သြစရာ ဖြစ်လာမယ်။

ပေး
ဒါ အခက်ဆုံး။
ဒါ အမြင့်ဆုံး။
ယူတာက လွယ်တယ်။
ပေးတာက ခက်တယ်။
ဒါပေမယ့် -
ယူလေ လိုလေ။
ပေးလေ ပြည့်လေ။
Adler ပြောတယ်။
"The meaning of life is contribution."
ဘဝရဲ့ အဓိပ္ပာယ်က ပေးဆပ်မှုမှာ ရှိတယ်။
ကိုယ့်အတွက်ပဲ နေရင် အလွတ်ကြီး။
သူများအတွက် ပေးရင် အပြည့်။

၄ ခု ချိတ်ဆက်နေတယ်
တော်မှ ပေးစရာ ရှိမယ်။
ပေးမှ ပွားမယ်။
ပွားမှ လွတ်လပ်မှု ရမယ်။
လွတ်လပ်မှ ပျော်မယ်။
ပျော်မှ ပိုတော်အောင် လုပ်ချင်မယ်။
Flywheel တစ်ခု။
လည်နေတယ်။

နေ့တိုင်း မေးပါ
ဒီနေ့ ဘာပိုတတ်လာလဲ - တော်
ဒီနေ့ ဘာနဲ့ပျော်ခဲ့လဲ - ပျော်
ဒီနေ့ ဘာတိုးလာလဲ - ပွား
ဒီနေ့ ဘာပေးခဲ့လဲ - ပေး
၄ ခုလုံး ဖြေနိုင်ရင်
အဲ့နေ့ အဓိပ္ပာယ်ရှိတဲ့နေ့။

ဘဝက ရှုပ်ထွေးသလို ထင်ရတယ်။
တကယ်တော့ ရိုးရိုးလေးပဲ။
တော် - ကြီးထွားမှု
ပျော် - ပျော်ရွှင်မှု
ပွား - ကြွယ်ဝမှု
ပေး - အဓိပ္ပာယ်
နေ့တိုင်း ဒီ ၄ ခု။
ဘဝတစ်ခုလုံး ပြည့်စုံမယ်။

Phyo Paing @ Derek

🌹ဘဝအခက်ခဲ ကြုံလာရင် ဒီလိုသစ္စာအဓိဋ္ဌာန်ပြုပါ🌹
🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿

🍀ဘဝမှာ အခက်ခဲတွေ ကြုံလာရင်•••
ဖြစ်နေတဲ့နေရာမှာ မြင်အပ် မမြင်အပ်သော လူတွေ၊ နတ်တွေ အားလုံးကို အောက်ပါ ဂါထာဖြင့်
သစ္စာဆိုပြီးမေတ္တာပို့ပါ၊ အခက်ခဲတွေ ကျော်လွှားနိုင်ပါလိမ့်မယ်။
🌿ဂါထာကို ပါဠိနဲ့ မဆိုနိုင်ရင် အောက်မှာ ရေးသားထားတဲ့ အဓိပ္ပါယ်ကို သေချာဆိုပြီး
ပထမ သစ္စာဆိုပါ၊ ပြီးရင် မေတ္တာပို့ပါ။

🌹ဝရော ဝရညူ ဝရဒေါ ဝရာဟရော၊
အနုတ္တရော ဓမ္မဝရံ အဒေသယိ၊
ဣဒမ္ပိ ဗုဒ္ဓေ ရတနံ ပဏီတံ၊
ဧတေန သစ္စေန သုဝတ္ထိ ဟောတု။

🌻ဂါထာအဓိပ္ပါယ်

🌻“မြင့်မြတ်တော်မူကြကုန်သော မုနိတို့တွင် အမြတ်ဆုံးဖြစ်တော်မူသော ဗုဒ္ဓရှင်တော်မြတ်ဘုရားသည် အမြတ်ဆုံးသော တရားတော်ကို ဟောတော်မူ၏၊ အမြတ်ဆုံးသော နိဗ္ဗာန်ချမ်းသာကို ပေးဆောင်တော်မူ၏၊ လောကမှာ အတုမရှိသော အမြတ်ဆုံးသောမြတ်စွာဘုရားသည် အနှိုင်းမရှိ အမြတ်ဆုံးသော မဂ်လေးပါး၊ ဖိုလ်လေးပါး၊ နိဗ္ဗာန်၊ ပရိယတ် (၁၀)ပါးသော တရားတော်မြတ်တို့ကို ဟောတော်မူ၏။

🌼သစ္စာပြုရန်

ဤစကားသည် မှန်ကန်သော သစ္စာစကားဖြစ်ပေ၏။

🌺မေတ္တာပို့ရန်

ဤမှန်ကန်သော သစ္စာစကားကြောင့် သတ္တဝါတွေ အားလုံး ချမ်းသာကြပါစေ။”

🌻(မှတ်ချက်)

အခက်ခဲဖြစ်နေတဲ့ နေရာဒေသမှာ နေကြတဲ့ လူ၊ နတ် တိရိစ္ဆာန်ကအစ အားလုံးကို စူးစူးစိုက်စိုက် ရည်ရွယ်ပြီး မေတ္တာပို့ပါ။

#မုဒိတာရှင် ဆရာတော်
#ဒေါက်တာ အာလောက

#အမြတ်ဆုံးတရားကိုကုသိုလ်အဖြစ်ပြန်အလည်မျှဝေပါသည်

ဘုရားတရားစလုပ်မယ်ဆို
ဒါလေးတွေသိထားဖို့လိုမယ်နော် ဘယ်ဘုရားစာကဘာတွက်ရွတ်ရမလဲမသိရင်ဖတ်ကြည့်ပေးပါ...

နတ်များချစ်ခင်စောင့်ရှောက်စေပြီး လှပ
ပျော်ရွင်လာစေဖို့ - မဟာသမယသုတ်

လူချစ်လူခင်ပေါများ သေးသွယ်လှပလာစေဖို့- မေတ္တာသုတ်

စီးပွားတက်စေပြီး ကြံစည်သမျှအောင်မြင် နတ်ကောင်းနတ်မြတ်များစောင့်ရှောက်ဖို့- ပဌာန်းဒေသနာတော်

အလုပ်အင်တာဗျူးနဲ့ စာမေးပွဲများအောင်မြင်စေဖို့- မဂ်လာသုတ်

လာဒ်လာဘနဲ့ဝင်ငွေတိုးပွားစေဖို့- ရှင်သီဝလီ 10 ဂါထာတော်

အဆိပ်ရှိသောသတ္တဝါများရန်မှကင်းဝေးရန်နဲ့ ဝက်ခြံကဲ့သို့အရေပြားအနာများသက်သာဖို့- ခန္တသုတ်

အနိုင်ကျင့်ခံရခြင်း မကောင်းသောအန္တရာယ်ကင်းဝေးဖို့- သိကြားမင်းသက်စောင့်ဂါထာတော်

စုန်း သရဲ မိစ္ဆာတို့နှောင့်ယှက်ခြင်းကိုတားဆီးဖို့- ကမ္မဝါစာ

ကပ်ကြီးသုံးပါး ရန်သူမျိုးငါးပါးနဲ့ မကောင်းသောသူများနဲ့မကြုံတွေ့စေဖို့- ရတနသုတ် ပရိတ်တရားတော်

မကောင်းသော ပယောဂ အနှောင့်အယှက်နဲ့ နာမကျန်းဖစ်ခြင်းများသက်သာဖို့- အာဋာနာဋိယပရိတ်တော်

တိုက်ခိုက်ခံရလေ အောင်မြင်လေဖစ်စေမယ့်-
နောကိုးတန်ဂါထာတော်

အချုပ်အနှောင်အမျိုးမျိုးမှကင်းလွတ်စေဖို့နဲ့ နတ်များစောင့်ရှောက်ဖို့ - စက်ကြီး 13 ပါးဂါထာတော်...

ကိုယ်က ဘုရားတရားစလုပ်မယ်ဆိူ ရယူလိုတဲ့စိတ် တဏှာစိတ်ထက် ကြည်ညိုတဲ့စိတ်နဲ့အဓိကလုပ်ဖို့လိုပါတယ်...

မူရင်းရေးသားသူအား ရိုသေလေးစားစွာ
Credit ပေးပါတယ်ရှင့်🙇‍♀️🙇‍♀️🙇‍♀️