Phyoe

ပိုက်ဆံလေးနည်းနည်းရှိလာတော့
တိုက်နေကြဆပ်ပြာတောင်
ယားသလိုခံစားရတယ်
သုံးနေကြ shampoo တွေဟာ
quality သိပ်မကောင်းတော့ဘူးလို့
တွေးမိတယ်....

စားနေကြ ၅၀တန် ဝက်သားဒုတ်ထိုးတောင်
နံတယ်ထင်ပြီး
ခုတွဲနေတဲ့ရည်းစားတောင်
ရွံစရာကြီးလို့ထင်မိတာ..

အပေါစားတွေသုံးခဲ့မိတဲ့
ကိုယ့်ကိုကိုယ်ရှက်မိပြီး
သူဌေးတွေနဲ့ပဲရွေးပေါင်းဖို့
ဆုံးဖြတ်လိုက်တယ်..

ဖူးနေကြဘုရားတောင်
သိပ်တန်ခိုးမကြီးတော့သလိုတွေးမိပြီး
နိုင်ငံခြားကဘုရားပဲဖူးတော့မယ်လို့
ဆုံးဖြတ်လိုက်တယ်...

၃၀၀ထဲနဲ့ဆူးလေရောက်နိုင်တာကို
အံ့အားတွေသင့်နေပြီး
ညစာအတွက်ဆိုင်မထပ်အောင်ရွေးရတာကို
ဒုက္ခတစ်ခုလိုမြင်မိတယ်...

ရုပ်ရှင်ကိုအပေါ်ထပ်ကကြည့်မှ
ပိုကြည်တယ်လို့ခံယူပြီး
လမ်းဘေးစာတွေကို
နှာခေါင်းရှုံ့ပြီး
ခပ်ဝေးဝေးက ရှောင်လာပြန်ရော...

အရင်လူတွေက
ကိုယ့်ကိုအရင်လိုဆက်ဆံနေတာကို
မသက်မသာခံစားမိတယ်
ကိုယ့်ကိုတရိုတသေ လေးလေးစားစား
ဆက်ဆံသင့်တယ်လို့ တွေးမိတယ်..

တော်ရုံလူတွေရဲ့ comment တွေကို
reply မပြန်တော့ဘူး
အနေအထားတစ်ခုရှိတဲ့သူတွေကိုပဲ
အဖက်လုပ်တော့မယ်လို့တွေးထားတယ်
ကို့ account ဟာ
ကမ္ဘာ့အဆင့်အတန်းအရှိဆုံး
account ဖြစ်ရမယ်လို့
ဆုံးဖြတ်ထားတယ်

လူတွေရဲ့အနံ့ဟာ နံလာတယ်
Brandedပစ္စည်းတွေရဲ့
အသစ်ရနံ့ကပိုမွှေးလာတယ်
ကိုယ်တိုင်က
သိပ်မလှဘူး သိပ်ပညာမတက်ဘူး
ဒါပေမယ့် တကိုယ်လုံးငွေကြောင့်
တဖိတ်ဖိတ်တောက်နေတယ်လို့ ထင်မိတယ်..

fb မှာလာ add ရင်
နောက်က ထရံကာ တွေပါရင် လက်မခံဖြစ်ဘူး
ကိုယ့် acc ဟာ ခရိုနီနဲ့ cele များသာ
ပြည့်နေစေရမယ်လို့ ခံယူထားတယ်...

cmt မှာ ဗရုတ်သုက္ခလာမန့်ရင်
ကိုယ့်ကိုမလေးမစားလာပေါင်းတယ်လို့
ခံစားမိတယ်
"မင်္ဂလာပါ အကို"
"မင်္ဂလာပါ ညီလေးရေ"
"အရမ်းချောတယ်အမ"
"ညီမလေးလည်း ရမ်းချော"
"ကျေးဇူးပါ ညီမရေ"
"ညီလေးလည်း အရမ်းချော" စတဲ့
အပေါ်ယံတွေကို ပိုကြိုက်လာတယ်

ကိုနဲ့ထိုက်တန်တဲ့ပတ်ဝန်းကျင်အသစ်
မိတ်ဆွေအသစ်
အသုံးအဆောင်ပစ္စည်းအသစ်
လက်တွဲဖော်အသစ်တွေဟာ
ခုမှရောက်လာတာဆိုပြီးပျော်မိတယ်...

နှာစေး ခေါင်းကိုက်တာကို
အရင်လို ဒီကိုလ်ဂျင်တွေမသောက်သင့်တော့ဘဲ
Medical check up သွားလုပ်ဦးမှလို့
တွေးမိတယ်
လူတွေဟာ ငါ့လိုဘာ့ကြောင့်ကျန်းမာရေးကို
ဂရုမစိုက်တာလဲလို့
စိတ်မသက်မသာတွေးမိတယ်

အဲလိုနဲ့
medical check up အဖြေရလာတော့
ဖတ်ကြည့်လိုက်တယ်
"ဘဝင်မြင့်ရောဂါ" တဲ့...😁

အရမ်းကျေနပ်သွားတယ်
ဒီရောဂါနဲ့သေရင်တောင်
သေပျော်ပြီလေ။

ကဲ...
ဘဝင်မြင့်ရောဂါသည်တွေအတွက်
ရေးတင်လိုက်ပါသည်။😛

Credit မူရင်း

အမှန်တရားဟါ ခါးတမါထက် ပိုခါးပါတယ်
ထပ်ဆင့်မျှဝေပါသည်

ရင့်ကျက်သင့်ပါပြီ
---------//-------
ဆရာကြီးအောင်သင်းရဲ့ စကားလေး

လူတစ်ယောက် ရင့်ကျက်တယ် မရင့်ကျက်ဘူးဆိုတာ အသက်နဲ့လည်းမဆိုင်ဘူး။ ပျော်ပျော်နေတတ်တာ ခပ်တည်တည်နေတတ်တာနဲ့လည်း မဆိုင်သလို ဘွဲ့ဘယ်နှခု ရထားတယ်ဆိုတာနဲ့လည်း မပတ်သက်ဘူး။

တကယ်တော့ ရင့်ကျက်မှုဆိုတာ အတွေ့အကြုံကနေ ဖြစ်လာတဲ့ ခံယူချက်တစ်ခုပဲ။ ကျနော်အကြိုက်ဆုံးကတော့ ဆရာလင်္ကာရည်ကျော် ပြောဖူးတဲ့စကားလေး။

"ရင့်ကျက်တယ်ဆိုတာ တခြားလူဘက်က တွေးပေးတတ်တာကို ခေါ်တာ"တဲ့

ဆရာပြောမှ ရှင်းသွားတယ်

ရည်းစားထားစဆို တစ်ယောက်နဲ့တစ်ယောက် သဝန်တိုကြတယ် ဟိုဟာမဝတ်နဲ့ ဒီလိုမဝတ်နဲ့ ချုပ်ချယ်ကြတယ်။ ကြီးလာတော့ သူ့ရဲ့ လွတ်လပ်ခွင့်ဆိုတာကို နားလည်ပေးနိုင်လာကြတယ်။ ငယ်ငယ်က ကိုယ်ဖြစ်ချင်တာ ကိုယ်လိုချင်တာပဲ သိတယ် မိဘကိုပူဆာတယ် မိဘနဲ့ ပြသနာတွေ ဖြစ်တယ်။ ကြီးလာတော့ ဒါတွေနည်းသွားတယ်
ဘာလို့ဆိုတော့ မိဘရဲ့နေရာကို ဝင်ကြည့်တတ်လာလို့ပဲ။

အလုပ်မှာလည်း ဒီလိုပဲ
မရင့်ကျက်ရင် အလုပ်မှာ အဆင်ပြေနိုင်မှာ မဟုတ်ဘူး။ ငါ ဒီလောက်လုပ်ပေးရက်နဲ့ ငါ ဒီလောက်အဆင်ပြေပြေ နေရက်နဲ့ သူတို့က ဘယ်လိုလို့ တွေးတတ်ကြတယ်။ ကိုယ့်အောက်ကလူတွေအပေါ် မညှာမတာ မာန်မဲတတ်တယ်။

ကိုယ့်အထက်လူကြီးတွေကိုလည်း ဒါတွေ ဒါတွေ မလုပ်ပေးရကောင်းလား ဆုံးဖြတ်တာကလည်း နှေးလိုက်တာ မပြတ်သားလိုက်တာ ပျော့လိုက်တာ စသဖြင့် အပြစ်တင်မိတတ်တယ်။

အဲဒါမျိုးတွေ ပြန်စဉ်းစားကြည့်
ပြောင်းလဲလာတာတွေ အများကြီးရှိတယ်ဆို ဒါ ကိုယ် ရင့်ကျက်လာတာပဲပေါ့။ အဲ့လိုမဟုတ်ဘဲ အရင်ကလည်း ဒီစိတ် ခုလည်း ဒီစိတ်ဆိုရင်တော့ အချိန်တွေသာကုန်သွားတယ် ရင့်ကျက်မလာဘူးပဲ ပြောရမှာပါပဲ။

ကိုယ်ချင်းစာတယ်ဆိုတာ EQ ရဲ့ အစိတ်အပိုင်းတစ်ခုလည်းပဲ ဖြစ်တယ်။ ဒီခေတ်မှာ EQ ဟာ အောင်မြင်ဖို့အတွက် အရေးကြီးကြောင်း တော်တော်လေး ပြောလာကြပြီ။ ဒါကြောင့် ကိုယ် ဘယ်လောက်ရင့်ကျက်သလဲ တစ်နည်းအားဖြင့် ကိုယ်ဘယ်လောက် ကိုယ်ချင်းစာတတ်သလဲ ကိုယ်ဘယ်လောက် တခြားလူဖက်က လှည့်တွေးပေးနိုင်သလဲဆိုတာက မယုံမရှိပါနဲ့။ တချိန်မှာ ကိုယ့်အနာဂတ်အတွက် အရေးပါလာပါလိမ့်မယ်။

"ဒါဆို သင် ရင့်ကျက်လာပြီ"
*******************

ငယ်ငယ်တုန်း ကတော့
ကြိုးစားရင် ဘာမဆို ဖြစ်နိုင်တယ် လို့
ယုံကြည် ခဲ့ ဖူးပါတယ်
လက်တွေ့ ဘဝ မှာတော့
ဘာတွေကို ကြိုးစား ရမယ်၊
ဘာတွေကို လျစ်လျူရှု တတ်ရမယ်
ဆိုတာ သဘောပေါက် သွားခဲ့ပြီ
ဒါဆို သင် ရင့်ကျက်လာပြီ။

အရွုံး ဆိုတာ
နာကျင် စရာ မဟုတ်သလို၊
အဆုံးသတ်လည်း မဟုတ်ဘူးဆိုတာ သိသွားပြီ
အရှုံးတွေနဲ့ မကြာခဏ ဆိုသလို
ရင်းနှီး လာရ ပေမယ့် အရှုံးသမားဆိုတဲ့
တံဆိပ်ကပ် မခံရအောင်
သင်ခန်းစာတွေ ယူတတ်လာခဲ့ပြီ
ဒါဆို သင် ရင့်ကျက်လာပါပြီ။

ဟိုးတုန်းက
သင်ယူတယ် ဆိုတာ
ဂုဏ်ယူနိုင်ဖို့ ဆိုတဲ့ ဦးတည်ချက်ပဲ ရှိခဲ့ပါ တယ်
နောက်ပိုင်းမှာတော့ သင်ယူတယ် ဆိုတာ
အသုံးချဖို့
မျှဝေဖို့
စတဲ့ အတွေးအခေါ်
အကြောင်းအရင်းတွေနဲ့
သင်ယူ လာတယ်။
ဒါဆို သင် ရင့်ကျက်လာပြီ။

၀မ်းနည်း နေပေမယ့် ပြုံးနေမိတယ်
ရင်ထဲ ဝမ်းသာပေမယ့်
တည်ငြိမ်အောင် နေနေ ပါ တယ်
ဒါဆို သင် ရင့်ကျက်လာပြီ။

လူဆိုတာ
အကောင်းနဲ့အဆိုး ရောနေတဲ့
သူတွေ မှန်း သိလာရတယ်
ဒါပေမယ့်
ကောင်းတဲ့အချက်တွေကိုပဲ
မြင်အောင်ကြည့်ပြီး ဆိုးတာတွေကို
လျစ်လျူ ရှု တတ်လာ ပါမယ်
ဒါဆို သင် ရင့်ကျက်လာပြီ။

အစပိုင်းမှာ
လူတွေ သတ်မှတ် ထားတဲ့
အောင်မြင်မှုကို ရှာတယ်
နောက်ပိုင်း မှာတော့
ကိုယ့်ရင်ထဲက ယုံကြည်နေတဲ့
အောင်မြင်မှုကိုပဲ ရှာတော့တယ်
ဒါဆို ရင့်ကျက်လာပြီ။

ဘယ်အချိန်မှာ ပြောရမယ်၊
ဘယ်အချိန်မှာ နှုတ်ဆိတ်နေရမယ်၊
သင်ကောင်းကောင်း သိလာပြီ
ဒါဆို သင် ရင့်ကျက်လာပြီ။

လူတွေရဲ့ စကားကို
ဂရု မစိုက်တတ်ဘူး
ဒါပေမယ့်
ကိုယ့်ရဲ့ သိက္ခာ တရားကိုတော့
ဂရုစိုက် တတ်လာပြီ
ဒါဆို ရင့်ကျက်လာပြီ။

အဆိုးတွေ နဲ့ ကြုံရတိုင်း
ဝမ်းမနည်း တတ်တော့ဘူး
ဒါတွေဟာ အခိုက်အတန့်ပဲ ဆိုတာ
သိ သွားပြီ
ဒါဆို သင် ရင့်ကျက်လာပြီ။

မတန်ဘူးထင်ရင် နှုတ်ဆိတ်နေပါ

လူတိုင်းက ကိုယ့်ဘဝနဲ့ကိုယ် သူ့ဘဝနဲ့သူပါ
အရာရာ အကောင်းနဲ့အဆိုး ဒွန်တွဲနေတဲ့လောကမှာ ဖြစ်ချင်တာနဲ့ ဖြစ်သင့်တာလွဲသွားတဲ့ အတိတ်တွေ ရှိချင်ရှိကြမှာပါ။

ကိုယ်ကျတော့ လက်မခံနိူင်တဲ့ အရာတစ်ခုကို သူတစ်ပါးအလှည့်ကျ ပြုံးပြီး ကျေနပ်နေတတ်တဲ့ လူတစ်ချို့တွေ့တဲ့အခါ အသိတရားလေးတစ်ခုထည့်ပေးချင်ပါတယ်။

ကိုယ်တိုင်ခံစားရမှ နာကျင်မှုမှန်းသိတဲ့ သူတွေအတွက် ကိုယ်ချင်းစာနာတတ်တဲ့စိတ်ဆိုတာ ဘယ်တော့မှ ရှိလာမှာမဟုတ်ပါဘူး။
ဒါပေမယ့် သူများနစ်နာမှ ကိုယ့်အကျိုးရှိမယ့်သူဆိုတာ တော်တော်အဆင့်နိမ့်တဲ့သူတွေပါ ဒီလိုပဲ သူများ ဒုက္ခရောက်မှ ကိုယ်အဆင်ပြေမယ့်သူတွေဟာလည်း တော်တော်အဆင့်နိမ့်တဲ့အထဲမှာပါ ပါတယ်။

လူတစ်ယောက်ရဲ့ဘဝ နဲ့အဆင့်အတန်းကို နှုတ်နဲ့လုပ်ရပ်တွေက သက်သေပြသွားတာပါ။ ဒါကိုတစ်ချို့က အမှန်တရားက နားခါးတယ်ဆိုပြီး သူတစ်ပါးအကြောင်းကို အောက်တန်းကျတဲ့စိတ်နဲ့ ပြောနေတာကို ဂုဏ်ယူတဲ့သူတွေလည်းရှိကြပြန်ပါတယ်။

ဒီလိုလူတွေနဲ့ တွေ့တဲ့အခါ သိပ်ရှင်းပြမနေပါနဲ့ ပတ်ဝန်းကျင်ရဲ့နားတွေဆိုတာ သူတို့ကြားချင်တာကိုပဲ ရွေးပြီးကြားတတ်တာပါ
အချိန်တန်လို့ သူလမ်းသူလျှောက် ကိုယ့်လမ်းကိုယ်ဖောက်ရတဲ့ ဘဝတွေချည်းပဲ
ကိုယ့်အကြောင်း ပြောလို့ ဝသွားတဲ့အခါ နောက်လူတစ်ယောက်အကြောင်းရောက်သွားလိမ့်မယ် သိပ်ပြီး ဦးနှောက်စားမခံပါနဲ့
တိတ်ဆိတ်ခြင်းက ပညာပဲလေ
နူတ်ဆိတ်နေလိုက်တာ ပိုကောင်းပါတယ်။

Credit

❛⁠ သီချင်းအဆိုသန်တဲ့အရွယ်
အံဆွဲထဲက အတင်းခုန်ထွက်လာတယ် ။

ကောင်းကင်တွေ ပိုများလာ ၊ ကွက်လပ်တွေ ပိုများလာ
ဖြည့်ရမှာတွေ ပိုများလာ
ဘဝတွေ ပိုများလာ
ကဗျာတွေ ပိုများလာ
ဇာတ်တွေ ပိုများလာ
ပိုများလာတဲ့ လောကကြီးအလယ်
လူငယ်တစ်ယောက်ဟာ ပိုကြီးပြင်းလာပါတယ် ။

လမ်းမများ ၊ သစ်ပင်များ
ပန်းပွင့်များ ၊ လန်းဆန်းကာ

ကမ္ဘာကြီးမှာ လူဟာ
လူမျှသာ ဖြစ်ပါတယ် ။

မဖြစ်နိုင်တာတွေ အများကြီးနဲ့
မဖြစ်သေးတာတွေ အများကြီးနဲ့
နေ့ရက်တွေ အများကြီးနဲ့
လုပ်ချင်တာတွေ အများကြီးနဲ့
တကယ်မှာ
မတတ်နိုင်တာတွေ အများကြီးနဲ့ ။
ဒါကြောင့်ပင်
ကျွန်တော်တို့ ဆက်လက်ရှင်သန်နေတာ ။

▪️အောင်ချိမ့်

☮🕊👑

အနေအေးလိုက်တာဆိုပြီး
အပူတွေ
ခဏခဏ မပေးပါနဲ့ ။
သည်းခံတတ်လိုက်တာဆိုပြီး
ခဏခဏဖိမနင်းပါနဲ့ ။
ခွင့်လွှတ်တတ်တာပဲဆိုပြီး
ခဏခဏ
အမှားတွေ မလုပ်နဲ့ ။
အရာအားလုံးကို ရင်ဘတ်ထဲ
သိမ်းပြီး မြိုသိပ်တတ်သူတွေ
ပေါက်ကွဲထွက်တဲ့အခါ
သူက လွတ်လပ်သွားပြီး
ကိုယ်က
နောင်တတွေနဲ့ ကျန်ခဲ့ရလိမ့်မယ် ။

#သျှင်ယွန်း