Lynn Vlog

DNACPR အကြောင်းသိကောင်းစရာများ

DNACPR အကြောင်းသိကောင်းစရာများ DNACPR ဆိုတာကြားဖူးပေမဲ့သေချာမသိတဲ့သူတွေ ဒီ video ကိုကြည့်ပြီးသွားရင်နားလည်သဘောပေါက်သွားပါလိမ့်မယ်ဆေးကုသရေးမှာ...

ကျောက်ကပ်ဆေးနေရတဲ့လူနာများသိထားသင့်သော dialysis disequilibrium syndrome

ကျောက်ကပ်ဆေးနေရတဲ့လူနာတွေကြုံရတတ်တဲ့ Dialysis disequilibrium syndrome နာတာရှည်ကျောက်ကပ်ပျက်နေလို့ ကျောက်ကပ်ခဏခဏဆေးရတဲ့ လူနာတွေမှာ ကြုံရတတ်တဲ့ Dialysis disequilibrium syndrome အကြောင်းကိုပြောပြပေ.....

MRCEM Primary စာမေးပွဲအတွက်ဘယ်လိုပြင်ဆင်ကြမလဲ

MRCEM Primary စာမေးပွဲအတွက်ဘယ်လိုပြင်ဆင်ကြမလဲ MRCEM Primary စာမေးပွဲအတွက်ဘယ်လိုပြင်ဆင်ကြမလဲဆိုတာရယ် ကိုယ်ဖြေခဲ့တုန်းကဘယ်လိုပြင်ဆင်ခဲ့လဲဆိုတာရယ်ကို ဒီ video မှာပြ....

ဘာလဲ ဘယ်လဲ PLAB ခရီးစဥ်
=====================
မကြာသေးခင်ကမှ PLAB 2 ကိုပူပူနွေးနွေးအောင်ထားတာမို့ PLAB ခရီးစဥ်အစအဆုံးအကြောင်းကိုပြောပြချင်ပါတယ်။ ကိုယ်တိုင်ပြင်ဆင်ခဲ့စဥ်တုန်းကလည်း အူလည်လည်ဖြစ်ခဲ့တဲ့အပိုင်းတွေရှိခဲ့လို့ ကိုယ့်လိုဖြစ်နေတဲ့သူတွေရှိရင် ကိုယ်ချင်းစာတဲ့အနေနဲ့ဒီပို့စ်ကိုစဥ်းစားပြီးရေးဖြစ်တာပါ။

👉 PLAB ဆိုတာ ယူကေနိုင်ငံမှာဆရာဝန်လာလုပ်ချင်တဲ့ နိုင်ငံတကာကဆရာဝန်တွေဖြေဆိုတဲ့ ဆေးကုသခွင့်လိုင်စင်ပါ။ ဒီလိုင်စင်ရပြီဆိုရင် ယူကေတစ်နိုင်ငံလုံးကဆေးရုံတွေမှာအလုပ်စလျှောက်လို့ရပါပြီ (ယူကေဆိုတာ အင်္ဂလန်၊ ဝေးလ်၊ စကော့တလန်နဲ့ မြောက်အိုင်ယာလန်စတဲ့ နိုင်ငံတွေကိုစုပေါင်းပြီးခေါ်တာပါ)

👉 PLAB ဖြေဖို့ဆိုအရင်ဆုံး englishစာ စာမေးပွဲအရင်ဖြေရပါတယ်။ IELTS or OET တစ်ခုခုဖြေရပါတယ်။ OET ဆို all grades B ရဖို့လိုပြီး IELTS ဆို all bands 7 နဲ့အထက်ရဖို့လိုပါတယ်။ အဲ့တာအောင်ပြီဆိုရင် GMC မှာ PLAB ဖြေဖို့ အကောင့်စဖွင့်လို့ရပါပြီ။ ကိုယ့်အလှည့်တုန်းကတော့ မဖြေခင်ထဲက GMC account ကိုကြိုဖွင့်ထားခဲ့တာပါ။ OET အောင်တာနဲ့ အဆင့်သင့်ဖြစ်အောင်လို့ပါ။

✅ OET အောင်ပြီဆို PLAB 1 ကိုစပြီးဖြေဖို့ ဘွတ်ကင်တင်လို့ရပါပြီ။ PLAB 1 ကတော့ theory ပိုင်းကိုမေးတာပါ။ စာနိုင်နိုင်ဖတ်နိုင် မေးခွန်းတွေများများလေ့ကျင့်နိုင်ရင်အဆင်ပြေပါတယ်။ ခုနောက်ပိုင်း UKMLE ပြောင်းသွားတော့မှာဖြစ်ပေမဲ့ လေ့လာရမဲ့စာတွေကတော့တူတူလို့ပဲသိရပါတယ်။ PLAB 1 seat ကဘွတ်ကင်တင်ရခက်တာမို့ ရတာနဲ့ တန်းပြီးဘွတ်ကင်တင်ထားဖို့အကြံပေးချင်ပါတယ်။ ကိုယ့်အလှည့်တုန်းက OET အောင်တာနဲ့ PLAB 1 ကြားထဲမှာ ၁၁လလောက်ကြာပြီးမှ seat ရခဲ့တာပါ။ တချို့က seat အမြန်လိုချင်လို့အေးဂျင့်နဲ့လုပ်ကြတာရှိပေမဲ့ ပေးရတဲ့ပိုက်ဆံကများတဲ့အပြင် risk များပါတယ်။ PLAB 1 ကို india, nepal, Bangladesh, dubai, sri lanka, nigeria, parkistan စတဲ့ exam centres ရှိတဲ့နိုင်ငံတွေမှာဖြေလို့ရပါတယ်။

👉 PLAB 1 အောင်ပြီဆိုရင် PLAB 2 ဘွတ်ကင်ကိုတစ်ခါထဲတင်ရပါတယ်။ မဟုတ်ရင်ကိုယ်လိုချင်တဲ့ရက်မရပဲဖြစ်တတ်ပါတယ်။ PLAB 2 ကတော့ cinical exam ပါ။ စာဖတ်နိုင်ရုံနဲ့မရပဲ study partner ကောင်းကောင်းရှိဖို့လိုအပ်ပါတယ်။ PLAB 2 အတွက်ပြင်ဆင်တော့မယ်ဆို ဒီအောက်က topic ၇ခုကိုသေချာပိုင်နိုင်ထားဖို့လိုပါတယ်။

✅Consultation stations

✅Counselling stations

✅Prescription stations

✅Teaching stations

✅SIMMAN stations

✅Procedure stations

✅Examination stations

👉 PLAB 2 ဖြေဖို့အတွက် academy တစ်ခုခုကိုရွေးတက်ဖို့လိုပါတယ်(တချို့လည်း ကိုယ့်ဘာသာသေချာပြင်ဆင်ပြီးဖြေကြတဲ့သူတွေလည်းတွေ့ဖူးပါတယ်)။ aspire, dr swa mi, samson, common station, dr mo စတဲ့ academy တွေအများကြီးထဲကမှ dr mo academy မှာတက်ဖြစ်ခဲ့ပါတယ်။ ဘာရွေးရမှန်းမသိတာနဲ့ peer pressure ကြောင့်ရွေးဖြစ်သွားခဲ့တာပါ။ ဒါပေမဲ့ကိုယ်တိုင်တက်ကြည့်တော့ကြိုက်ပါတယ်။ ကိုယ့်အတွက်တော်တော်လေးအဆင်ပြေခဲ့ပါတယ်(မှတ်ချက် - dr mo academy နဲ့ ဘာ affiliation မှမရှိပါ။ ကိုယ်တက်ခဲ့တဲ့ academy ဖြစ်လို့ညွန်းပေးတာပါ)။

🚨အခုနောက်ပိုင်း PLAB 2 အောင်ဖို့ဆိုရင် စာရဖို့လည်းလိုသလို အထူးသဖြင့် ပေးထားတဲ့အချိန်တိုအတွင်းမှာလူနာနဲ့ communication ကောင်းပြီး rapport တစ်ခုတည်ဆောက်တတ်ဖို့လိုပါတယ်(စာအရမ်းရပြီး mock tests ဖြေတိုင်းအောင်ပေမဲ့ တကယ်ဖြေတဲ့အခါမှာ မအောင်တဲ့သူတွေလည်းတွေ့ဖူးလို့ပါ)။ GMC အဓိကလိုချင်တာက လူနာရဲ့ concerns ကိုဘယ်လောက်ထိဖြေရှင်းပေးနိုင်လဲဆိုတာဖြစ်တဲ့အတွက် အဲ့အချက်ကိုအမြဲသတိထားနေဖို့လိုပါတယ်။

👉လူနာနဲ့တကယ်တွေ့တဲ့အခါမှာ ဘယ်လောက် confidence ရှိရှိ communicate လုပ်နိုင်သလဲဆိုတာက examiner တွေလိုချင်တဲ့အချက်တွေထဲကတစ်ခုဖြစ်လို့အဲ့အချက်ကိုလည်းသေချာလေ့ကျင့်ပြင်ဆင်သွားဖို့လိုပါတယ်။

စာမေးပွဲဖြေပြီးတဲ့အချိန်နဲ့ အောင်စာရင်းထွက်တဲ့အချိန်ကြားထဲမှာ အချိန်၃ပတ်ကြာတတ်ပြီး တစ်ခါတစ်လေအဲ့ထက်လည်းကြာတတ်ပါတယ်။ wednesday တိုင်းအောင်စာရင်းထွက်ပေမဲ့ thursday မှထွက်တဲ့အခေါက်တွေလည်းရှိပါတယ်(ကိုယ့်တုန်းကတော့ Thursday ညနေမှအောင်စာရင်းထွက်ခဲ့ပါတယ်)။

🚨နောက်တစ်ချက်ကတော့ ဘယ်စာမေးပွဲပဲဖြေဖြေ luck/blessing ကလည်းအရေးကြီးတာမို့ စာမေးပွဲမဖြေခင်နဲ့ ဖြေပြီးတဲ့အခါမှာ ကိုယ်ယုံကြည်သက်ဝင်ရာဘာသာတရားအတိုင်းကောင်းတာတွေလုပ်တာ၊ ဆုတောင်းတာမျိုးတွေလည်းလုပ်ဖို့အကြံပေးချင်ပါတယ်။ အနည်းဆုံးတော့ တရားထိုင်တာမျိုး၊ မနက်မိုးလင်းတာနဲ့ ဘုရားရှိခိုးပြီး စိတ်ကိုကြည်လင်သန့်ရှင်းအောင်ထားတာမျိုး၊ စိတ်ညစ်စရာတွေဆိုဝေးဝေးကရှောင်တာမျိုးတွေလုပ်ပါ။ ယုံကြည်မှုရှိပြီးတည်ငြိမ်နေတဲ့စိတ်နဲ့ စာမေးပွဲခန်းထဲဝင်သွားတာက ကိုယ်တစ်ယောက်ထဲတိုက်ရမဲ့စစ်ပွဲကို မတိုက်ခင်ထဲက 50% လောက်အောင်မြင်ပြီးသားနဲ့အတူတူပဲဖြစ်ပါတယ်။

စာကိုအရမ်းမရှည်စေချင်လို့ ဒီထက်ပိုသိချင်တာမေးချင်တာရှိရင်လည်း ကွန်မန့်မှာမေးထားလို့ရပါတယ်။ အချိန်ရတာနဲ့ပြန်ဖြေပေးထားပါမယ်။ ကိုယ်တိုင်အချိန်ပေးပြီးရေးထားတဲ့စာဖြစ်လို့ ကိုယ့်အတွက်အသုံးဝင်တယ်၊ သူများကိုပြန်ပြီးရှဲပေးချင်တယ်ဆိုရင် တဆင့်ပြန်ကူးတာမျိုးမလုပ်ပဲ original post ကို share ပေးဖို့ကိုလည်းတောင်းဆိုပါတယ်။

PLAB journey ကိုလျှောက်လှမ်းနေကြသူအားလုံး လိုရာခရီးကိုအမြန်ဆုံးရောက်နိုင်ကြပါစေ🙏

For OET - https://fb.watch/mS3cOeRPKY/

Preparation of OET@home - https://fb.watch/mS3gCID9G8/

For PLAB 1 - https://fb.watch/mS3jNRVctz/