Bio Medico Specialist Clinic

လူကြားထဲ နှာချေချင်တာကို အောင့်ထားလိုက်ရင် တကယ်ပဲ နားစည်ပေါက်သွားနိုင်လား? 🤧💥👂

🤔 ကျွန်တော်တို့ ဘာလို့ နှာချေတာကို အောင့်ထားမိကြလဲ?
အစည်းအဝေးခန်းထဲ ရောက်နေလို့၊ လူစည်ကားတဲ့ နေရာမှာ ရောက်နေလို့၊ ဒါမှမဟုတ် ရုတ်တရက် အသံကျယ်ကြီးထွက်သွားမှာ စိုးရိမ်လို့...
နှာခေါင်းကို လက်နဲ့ပိတ်၊ ပါးစပ်ကိုစေ့ပြီး "ဟွန့်" ဆိုပြီး အောင့်ထားလိုက်ဖူးကြတယ်မလား?

အဲဒီလို လုံးဝ (လုံးဝ) မလုပ်ပါနဲ့! 🙅‍♂️🛑

🌪️ နှာချေတယ်ဆိုတာ ခန္ဓာကိုယ်ရဲ့ ပေါက်ကွဲမှုတစ်ခုပါ
နှာချေတယ်ဆိုတာ နှာခေါင်းထဲက ယားယံစေတဲ့အရာတွေကို ခန္ဓာကိုယ်က အပြင်ကို အရှိန်ပြင်းပြင်းနဲ့ ကန်ထုတ်ပစ်လိုက်တာပါ။ ဒီလိုထုတ်လိုက်တဲ့ လေဖိအားက တော်တော်လေး ပြင်းထန်ပါတယ်။

အဲဒီလောက် ပြင်းထန်တဲ့ လေဖိအားထွက်ဖို့ရာ ထွက်ပေါက်ဖြစ်တဲ့ နှာခေါင်းနဲ့ ပါးစပ်တို့ကို ပိတ်ပြီး အောင့်ထားလိုက်မယ်ဆိုရင် ဒီလေတွေ ဘယ်ကိုရောက်သွားမလဲ?

👨‍⚕️ ဟုတ်ပါတယ်။ ခန္ဓာကိုယ်ထဲကိုပဲ ပြန်ကန်ထွက်သွားမှာပါ။

အထူးသဖြင့် နားနဲ့ လည်ချောင်းကို ဆက်ထားတဲ့ Eustachian Tube ဆိုတဲ့ ပြွန်လေးအတိုင်း နားအလယ်ခန်းထဲကို ဒုံးဆိုင်းပြီး ဝင်သွားပါတော့တယ်။ 💨👂

⚠️ နားစည်ပေါက်ခြင်းနဲ့ အခြားအန္တရာယ်များ
ကျွန်တော်တို့ရဲ့ နားစည်ဆိုတာ သိပ်ကို ပါးလွှာနုနယ်တဲ့ အမြှေးပါးလေးပါ။ ခုနက ပြောတဲ့ ပြင်းထန်တဲ့ လေဖိအားတွေက အတွင်းဘက်ကနေ နားစည်ကို အတင်း တွန်းကန်လိုက်တဲ့အခါ...
💥 "ဗြုန်း" ဆိုပြီး နားစည်ပေါက်ပြဲသွားနိုင်ပါတယ်။
ဒါတင်မကသေးပါဘူး။
📌 နားအလယ်ခန်းနဲ့ အတွင်းခန်းက အရိုးနုလေးတွေ ထိခိုက်တာ၊
📌 နှာခေါင်းဘေးက လေအိတ် (Sinus) တွေထဲ လေဖိအားများပြီး ထိခိုက်တာ၊
📌 ရှားရှားပါးပါး လည်ချောင်းနဲ့ ရင်ဘတ်ပိုင်းက တစ်သျှူးတွေ စုတ်ပြဲတာတွေအထိ ဖြစ်နိုင်ပါတယ်။

✅ ဒါဆို ဘယ်လို နှာချေရမလဲ?

အဖြေက ရိုးရိုးလေးပါ။ လွတ်လွတ်လပ်လပ်သာ နှာချေပစ်လိုက်ပါ။

တစ်ဖက်သားကို အားနာလို့၊ ယဉ်ကျေးမှုအရဆိုရင်တော့
🤧 လက်ကိုင်ပုဝါ၊ တစ်သျှူးလေးနဲ့ အုပ်ပြီး ချေပါ။
💁 အကယ်၍ အဆင်သင့်မရှိရင် ကိုယ့်ရဲ့ တံတောင်ဆစ်ကွေးလေးနဲ့ နှာခေါင်းပါးစပ်ကို လုံအောင်အုပ်ပြီး ချေလိုက်ပါ။ ဒါက လက်ဝါးနဲ့အုပ်တာထက် ရောဂါပိုးပြန့်ပွားမှုကို ပိုသက်သာစေပါတယ်။

🙅‍♀️ အဓိကကတော့ နှာခေါင်းပေါက်ကို လက်နဲ့ညှစ်ပိတ်ထားတာမျိုး လုံးဝမလုပ်ဖို့ပါပဲခင်ဗျာ။

👨‍⚕️ ကိုယ့်ရဲ့ ကျန်းမာရေးအတွက် သဘာဝအတိုင်း ဖြစ်လာတဲ့အရာတွေကို အတင်းအကျပ် တားဆီးတာမျိုး မလုပ်ကြဖို့ တိုက်တွန်းလိုက်ရပါတယ်။

👨‍⚕️ ကျွန်တော်တို့ရဲ့ Bio Medico Specialist Clinic မှာရှိတဲ့ နား၊ နှာခေါင်း၊ လည်ချောင်း အထူးကုဆရာဝန်ကြီးများနဲ့လည်း လာရောက်တိုင်ပင်ဆွေးနွေးနိုင်ပါတယ်။

Bio Medico ရဲ့ ဝန်ဆောင်မှုများနဲ့ ဆေးခန်းမှာ ထိုင်တဲ့ ဆရာဝန်ကြီးများကို ဒီပို့စ်မှာ ဝင်ကြည့်လို့ရပါတယ်—> https://www.facebook.com/share/p/18Q5KfhWp8/?mibextid=wwXIfr

☎️☎️ 09 890 006 002, 09 890 006 003, 09 890 006 004 တို့သို့ ဆက်သွယ်စာရင်းပေးသွင်းနိုင်ပါပြီ။

⚠️⚠️ ဆေးခန်းဖွင့်ချိန် - နေ့စဉ် နံနက်(၈)နာရီမှ ညနေ (၆)နာရီထိ

🏥🏥 ဘိုင်အိုမဒီကို အထွေထွေရောဂါ အထူးကုဆေးခန်းလိပ်စာ - အမှတ်-၁၂၄၊ သံလွင်လမ်း၊ ဗဟန်းမြို့နယ်၊ ရန်ကုန်မြို့။

❗️ နားကိုက်၊ နားအူ၊ နှာခေါင်းသွေးယို၊ လည်ချောင်းနာ…
ဒီလိုလက္ခဏာတွေကို “အသာထားလိုက်မယ်” ဆိုရင်
နောက်ပိုင်းမှာ ပိုကြီးတဲ့ပြဿနာတွေဖြစ်နိုင်ပါတယ်။

ဒီလို လက္ခဏာတွေကို ပေါ့ပေါ့ဆဆ မထားသင့်ပါဘူး။

နား၊ နှာခေါင်းနှင့် လည်ချောင်းဆိုင်ရာ ရောဂါများဟာ နေ့စဉ်ဘဝအရည်အသွေးကို ထိခိုက်စေနိုင်သလို၊ အချို့အခြေအနေများတွင် ပိုမိုရှုပ်ထွေးသော ကျန်းမာရေးပြဿနာများအဖြစ် ဖြစ်ပေါ်လာနိုင်ပါတယ်။

💡 အချိန်မီ စစ်ဆေးကုသခြင်းက ရောဂါကို ထိရောက်စွာ ထိန်းချုပ်နိုင်စေပြီး ကုသမှုရလဒ်များကိုလည်း ပိုမိုကောင်းမွန်စေပါသည်။

ဘိုင်အိုမဒီကို အထူးကုဆေးခန်းတွင် အောက်ပါ နား၊ နှာခေါင်းနှင့် လည်ချောင်းဆိုင်ရာ ရောဂါများကို စနစ်တကျ စစ်ဆေးကုသပေးနေပါသည်။

✔️ နားကိုက်ခြင်း၊ နားအူခြင်း
✔️ နားလေထွက်ခြင်း
✔️ နားပြည်ယိုခြင်း
✔️ နားပိုးဝင်ခြင်း
✔️ နားမှိုစွဲခြင်း
✔️ နားထဲသို့ ပြင်ပအရာဝတ္ထု တစ်ခုခုဝင်ခြင်း
✔️ အကြားအာရုံ ပုံမှန်မဟုတ်ခြင်း
✔️ နှာခေါင်းသွေးယိုခြင်း
✔️ လည်ချောင်း၊ နှာခေါင်းအတွင်း အလုံးအကြိတ်များ၊ အသားပိုများ ရှိခြင်း
✔️ လည်ပင်းကြီးခြင်း
✔️ အစာမြိုရခက်ခြင်း
✔️ အသံအိုးဆိုင်ရာ ရောဂါများ
✔️ အိပ်ပျော်နေစဉ် ခေတ္တအသက်ရှုရပ်ခြင်း (Sleep Apnea)

⭐ ဘာကြောင့် ဘိုင်အိုမဒီကို ကို ရွေးချယ်သင့်သလဲ?

✨ ဝါရင့်ကျွမ်းကျင် ENT အထူးကု ဆရာဝန်ကြီးများ
✨ ခေတ်မီ ဆေးဘက်ဆိုင်ရာ စမ်းသပ်ကိရိယာများဖြင့် တိကျသော စစ်ဆေးမှု
✨ သန့်ရှင်း၍ စနစ်တကျရှိသော ဆေးခန်းပတ်ဝန်းကျင်
✨ လူနာဗဟိုပြု ယုံကြည်စိတ်ချရသော ကျန်းမာရေးဝန်ဆောင်မှု

သင့်ကျန်းမာရေးအတွက် မှန်ကန်သော ကုသမှုကို ရွေးချယ်ရန် အရေးကြီးပါသည်။

⭐ နား၊ နှာခေါင်း၊ လည်ချောင်း အထူးကုဆရာဝန်ကြီးများ
(𝑬𝑵𝑻 𝑺𝒑𝒆𝒄𝒊𝒂𝒍𝒊𝒔𝒕𝒔)

👨🏼‍⚕️ Prof. Maung Maung Khaing | ပါမောက္ခ ဒေါက်တာမောင်မောင်ခိုင်
M.B.,B.S, M. Med. Sc (ENT),
Dr. Med. Sc (ORL HNS), Dip.Med. Edu,
F.I.C.S., F.A.C.S
⏰ Everyday (နေ့စဥ်)

🧑🏼‍⚕️ Prof. Khin Hla Hla | ပါမောက္ခ ဒေါက်တာခင်လှလှ
M.B.,B.S, M. Med. Sc(ENT),
Dr. Med. Sc (ORL HNS), Dip.Med.Ed,
F.I.C.S, F.A.C.S
⏰ Everyday (နေ့စဥ်)

🧑🏼‍⚕️ Prof. Thidar Soe | ပါမောက္ခ ဒေါက်တာသီတာစိုး
M.B.,B.S, M. Med. Sc (ORL HNS),
Dr. Med. Sc (ORL HNS)
⏰ Mon, Fri and Sun (တနင်္လာ၊ သောကြာ နှင့် တနင်္ဂနွေ)

🧑🏼‍⚕️ Prof. Kay Kay Tin Win | ပါမောက္ခ ဒေါက်တာကေကေတင်ဝင်း
M.B.,B.S, M. Med. Sc (ENT),
M.R.C.S (Edin), Dr. Med. Sc (ORL HNS)
နား၊နှာခေါင်း၊လည်ချောင်း၊ဦးခေါင်းနှင့် လည်ပင်းခွဲစိတ်ကုပညာဌာန ဆေးတက္ကသိုလ် (၁)
⏰ Mon, Fri and Sun (တနင်္လာ၊ သောကြာ နှင့် တနင်္ဂနွေ)

🧑🏼‍⚕️ Asso: Prof: San May Thein | တွဲဖက်ပါမောက္ခ ဒေါက်တာစန်းမေသိန်း
M.B.,B.S, M. Med. Sc(ORL),
Dr. Med. Sc (ORL HNS)
⏰ Sun (တနင်္ဂနွေ)

🧑🏼‍⚕️ Asso: Prof: Mu Mu Myint | တွဲဖက်ပါမောက္ခ ဒေါက်တာမူမူမြင့်
M.B.,B.S, M. Med. Sc (ENT),
Dr. Med. Sc (ORL HNS)
⏰ Wed, Sat and Sun (ဗုဒ္ဓဟူး၊ စနေ နှင့်တနင်္ဂနွေ)

🧑🏼‍⚕️Asso: Prof: Judy Tin Lay | တွဲဖက်ပါမောက္ခ ဒေါက်တာဂျူဒီတင်လေး
M.B.,B.S, M. Med. Sc (ENT),
Dr. Med. Sc (ORL HNS)
⏰ Sat and Sun (စနေ နှင့် တနင်္ဂနွေ)

👨🏼‍⚕️ Asso: Prof: Nyan Win | တွဲဖက်ပါမောက္ခဒေါက်တာဉာဏ်ဝင်း
M.B.,B.S, M. Med. Sc (ENT),
Dr. Med. Sc (ORL HNS), Certificate in OSA
(KKU - Thailand)
နား၊နှာခေါင်း၊လည်ချောင်း၊ဦးခေါင်းနှင့် လည်ပင်းခွဲစိတ်ပညာဌာန
⏰ Fri and Sun ( သောကြာ နှင့် တနင်္ဂနွေ)

🧑🏼‍⚕️ Asso: Prof: Dr. Aye Aye Lunn | တွဲဖက်ပါမောက္ခ ဒေါ်အေးအေးလွန်း
M.B.,B.S, M. Med. Sc (ENT)
Dr. Med. Sc (ORL-HNS)
နား၊ နှာခေါင်း၊ လည်ချောင်း ဦးခေါင်းနှင့်လည်ပင်း ခွဲစိတ်အထူးကု ဆရာဝန်ကြီး
⏰ Sat and Sun ( စနေနှင့် တနင်္ဂနွေ)

👨🏼‍⚕️ Dr. Soe Hlaing | ဒေါက်တာစိုးလှိုင်
M.B.,B.S, M. Med. Sc (ENT)
⏰ Mon, Wed and Fri (တနင်္လာ၊ ဗုဒ္ဓဟူး နှင့် သောကြာ)

🧑🏼‍⚕️Dr. Htet Htet May Oo | ဒေါက်တာထက်ထက်မေဦး
Consultant Surgeon
M.B.,B.S, M. Med. Sc (ENT),
Dr. Med. Sc (ORL HNS)
နား၊နှာခေါင်း၊လည်ချောင်း၊ဦးခေါင်းနှင့် လည်ပင်းခွဲစိတ်အထူးကုဆရာ၀န်
⏰ Everyday (နေ့စဉ်)

🧑🏼‍⚕️Dr. Khin May Thet | ဒေါက်တာခင်မေသက်
M.B.,B.S, M. Med. Sc(ORL-HNS)
နား၊နှာခေါင်း၊လည်ချောင်း၊ဦးခေါင်းနှင့်လည်ပင်း ခွဲစိတ်အထူးကုဆရာဝန်
⏰ Wed and Thurs (ဗုဒ္ဓဟူး နှင့် ကြာသပတေး)

🧑🏼‍⚕️ Dr. Thiri | ဒေါက်တာသီရိ
M.B.,B.S, M. Med. Sc (ORL HNS),
Lecturer/ Consultant, Otorhinolaryngologist & Head and Neck Surgeon
⏰ Tue (အင်္ဂါ)

👨🏼‍⚕️ Dr. Aung Khine Si | ဒေါက်တာအောင်ခိုင်စည်
M.B.,B.S (Ygn), M. Med. Sc (ORL HNS)
⏰ Everyday (နေ့စဥ်)

🧑🏼‍⚕️ Dr. Nyo Pyar Thein Win | ဒေါက်တာညိုပြာသိန်းဝင်း
M.B.,B.S, M. Med. Sc (ORL HNS)
နား၊နှာခေါင်း၊လည်ချောင်း၊ဦးခေါင်းနှင့် လည်ပင်းခွဲစိတ်အထူးကုဆရာ၀န်
⏰ Mon, Tue, Wed, Thur and Fri (တနင်္လာ၊ အင်္ဂါ၊ ဗုဒ္ဓဟူး၊ ကြာသပတေး နှင့် သောကြာ)

⚠️⚠️ ဆရာဝန်ကြီးများ၏ ပြသချိန်များ အပြောင်းအလဲရှိနိုင်ပါသဖြင့် ကြိုတင်ရက်ချိန်းရယူရန် မေတ္တာရပ်ခံအပ်ပါသည်။

📓 မိမိပြသလိုသော ဆရာဝန်ကြီးများနှင့် ကြိုတင်ရက်ချိန်းရယူနိုင်ရန်

☎️ 09 89000 6002
☎️ 09 89000 6003
☎️ 09 89000 6004

သို့ ဆက်သွယ်စာရင်းပေးသွင်းနိုင်ပါသည်။

⏰ ဆေးခန်းဖွင့်ချိန်
နေ့စဉ် နံနက် (၈:၀၀) နာရီမှ ညနေ (၆:၀၀) နာရီအထိ

🏥 ဘိုင်အိုမဒီကို အထွေထွေရောဂါ အထူးကုဆေးခန်း

📍 အမှတ် (၁၂၄)၊ သံလွင်လမ်း၊ ဗဟန်းမြို့နယ်၊ ရန်ကုန်မြို့။

👃💥👁️ နှာခေါင်းကို တအားညှစ်ထုတ်ရင် မျက်လုံးပါ "ပြူး" ထွက်လာနိုင်သလား?

နှာစေး၊ နှာပိတ်ဖြစ်တဲ့အခါ ဒါမှမဟုတ် နှာခေါင်းထဲ တစ်ခုခုဝင်တဲ့အခါ အားရပါးရ ညှစ်ထုတ်လိုက်မှ ကျေနပ်သွားတတ်ကြတယ်မလား?

ဒါပေမယ့် အဲဒီလို အားပြင်းပြင်းနဲ့ ညှစ်ထုတ်တာက သင့်မျက်လုံးကို တကယ်ပဲ ဒုက္ခပေးနိုင်ပါတယ်။

ဒါကြောင့် "မျက်လုံး ပြူးထွက်လာနိုင်တယ်" ဆိုတဲ့ စိုးရိမ်စရာ ကျန်းမာရေးဗဟုသုတလေးကို မျှဝေပေးချင်ပါတယ်။

🧐 နှာခေါင်းနဲ့ မျက်လုံးက ဘယ်လိုဆက်နေတာလဲ?
ကျွန်တော်တို့ရဲ့ နှာခေါင်းနဲ့ မျက်လုံးအိမ် (Eye Socket) ကြားမှာ Lamina Papyracea လို့ခေါ်တဲ့ အရိုးလွှာလေးတစ်ခု ရှိပါတယ်။ နာမည်နဲ့လိုက်အောင်ပဲ သူက "စက္ကူ" လိုမျိုး သိပ်ကို ပါးလွှာနုနယ်လွန်းပါတယ်။

🌪️ အားပြင်းပြင်း ညှစ်လိုက်တဲ့အခါ ဘာဖြစ်မလဲ?
နှာခေါင်းကို လက်နဲ့ပိတ်ပြီး အားပြင်းပြင်းနဲ့ ညှစ်ထုတ်လိုက်တဲ့အခါ နှာခေါင်းထဲမှာ လေဖိအားတွေ အဆမတန် မြင့်တက်လာပါတယ်။

📌 အရိုးလွှာလေး အက်သွားခြင်း
အဲဒီပြင်းထန်တဲ့ လေဖိအားကြောင့် ခုနကပြောတဲ့ ပါးလွှာတဲ့ အရိုးလေးဟာ အက်သွား ဒါမှမဟုတ် ကျိုးသွားနိုင်ပါတယ်။

📌 မျက်လုံးအိမ်ထဲ လေဝင်ခြင်း (Orbital Emphysema)
အဲဒီအက်ကြောင်းကနေတစ်ဆင့် နှာခေါင်းထဲကလေတွေဟာ မျက်လုံးအိမ်ထဲကို ဒုံးဆိုင်းပြီး ဝင်သွားပါတော့တယ်။

📌 မျက်လုံး ပြူးထွက်လာခြင်း
မျက်လုံးအိမ်ထဲမှာ လေတွေပိတ်မိသွားတဲ့အတွက် မျက်လုံးက အပြင်ကို "ပြူး" ထွက်လာတာ၊ မျက်ခွံတွေ မိုးကြိုးပစ်သလို ဖောင်းကားလာတာမျိုးတွေ ဖြစ်တတ်ပါတယ်။ ဒါကို ဆေးပညာအရ Orbital Emphysema လို့ ခေါ်ပါတယ်။

⚠️ တခြား ဘာအန္တရာယ်တွေ ရှိနိုင်သေးလဲ?
မျက်လုံးပြူးတာအပြင် တခြားစိုးရိမ်ရတဲ့ အချက်တွေကတော့
📍ပိုးဝင်ခြင်း
နှာခေါင်းထဲက ဘက်တီးရီးယားတွေက လေနဲ့အတူ မျက်လုံးအိမ်ထဲ ရောက်သွားပြီး ပြင်းထန်တဲ့ ပိုးဝင်တာမျိုး ဖြစ်နိုင်ပါတယ်။
📍အမြင်အာရုံ ထိခိုက်ခြင်း
လေဖိအားကြောင့် မျက်စိအာရုံကြော (Optic Nerve) ကို ဖိမိသွားရင် အမြင်အာရုံ ကွယ်သွားတာမျိုးအထိ ဖြစ်နိုင်ပါတယ်။

✅ ဒါဆို နှာခေါင်းကို ဘယ်လို စနစ်တကျ ညှစ်မလဲ?
"မျက်လုံး ပြူးမထွက်ချင်ဘူး" ဆိုရင်တော့ ဒီနည်းလမ်းလေးတွေကို လိုက်နာပေးပါ။
☝️ တစ်ဖက်စီ ညှစ်ပါ။ နှာခေါင်းပေါက် နှစ်ဖက်လုံးကို တစ်ပြိုင်တည်း ပိတ်မညှစ်ပါနဲ့။ တစ်ဖက်ကို အသာအယာပိတ်ပြီး ကျန်တဲ့တစ်ဖက်ကနေ ဖြည်းဖြည်းချင်းပဲ ညှစ်ထုတ်ပါ။

😮 ပါးစပ်ဟထားပါ။ နှာခေါင်းညှစ်တဲ့အခါ ပါးစပ်ကို နည်းနည်းဟထားပေးရင် လေဖိအားတွေက ပါးစပ်ကနေ ထွက်သွားနိုင်တဲ့အတွက် နားနဲ့ မျက်လုံးကို ထိခိုက်မှု နည်းစေပါတယ်။

🤧 နှာချေတာကို မအောင့်ပါနဲ့။ နှာချေတာကို အတင်းအောင့်ထားတာကလည်း ဒီလိုအန္တရာယ်မျိုး ဖြစ်စေနိုင်ပါတယ်။

👨‍⚕️ တကယ်လို့ နှာခေါင်းညှစ်ပြီးနောက် မျက်လုံးက ထူးထူးခြားခြား ဖောင်းလာတာ၊ အမြင်အာရုံ ဝေဝါးလာတာမျိုးရှိရင်တော့ အချိန်မဆွဲဘဲ နား၊ နှာခေါင်း၊ လည်ချောင်း အထူးကုဆရာဝန်နဲ့ အမြန်ဆုံး ပြသသင့်ပါတယ်။

🥰 ကိုယ့်ရဲ့ နှာခေါင်းလေးကို အမြဲတမ်း ကြင်ကြင်နာနာ ဆက်ဆံပေးကြဖို့ မမေ့နဲ့ပါဦးခင်ဗျာ။

👨‍⚕️ ကျွန်တော်တို့ရဲ့ Bio Medico Specialist Clinic မှာရှိတဲ့ နား၊ နှာခေါင်း၊ လည်ချောင်း အထူးကုဆရာဝန်ကြီးများနဲ့လည်း လာရောက်တိုင်ပင်ဆွေးနွေးနိုင်ပါတယ် ....

Bio Medico ရဲ့ ဝန်ဆောင်မှုများနဲ့ ဆေးခန်းမှာ ထိုင်တဲ့ ဆရာဝန်ကြီးများကို ဒီပို့စ်မှာ ဝင်ကြည့်လို့ရပါတယ်—> https://www.facebook.com/share/p/1CfJwobuuv/?mibextid=wwXIfr

☎️☎️ 09 890 006 002, 09 890 006 003, 09 890 006 004 တို့သို့ ဆက်သွယ်စာရင်းပေးသွင်းနိုင်ပါပြီ။

⚠️⚠️ ဆေးခန်းဖွင့်ချိန် - နေ့စဉ် နံနက်(၈)နာရီမှ ညနေ (၆)နာရီထိ

🏥🏥 ဘိုင်အိုမဒီကို အထွေထွေရောဂါ အထူးကုဆေးခန်းလိပ်စာ - အမှတ်-၁၂၄၊ သံလွင်လမ်း၊ ဗဟန်းမြို့နယ်၊ ရန်ကုန်မြို့။

သင့်ရဲ့ နားကြပ်က ဖုန်းမျက်နှာပြင်ထက်တောင် ပိုးမွှားပိုများနေနိုင်တယ်ဆိုတာ သိပါသလား? 🎧🦠

သီချင်းနားထောင်ရတာ ဝါသနာပါတဲ့သူတွေ၊ အမြဲတမ်း Meeting ထိုင်နေရတဲ့သူတွေအတွက် "နားကြပ်" ဆိုတာ မရှိမဖြစ် ပစ္စည်းတစ်ခုပါ။

ဒါပေမယ့် အဲဒီနားကြပ်တွေကို သေချာသန့်ရှင်းရေး မလုပ်ဘဲ အကြာကြီး တပ်ထားမယ်ဆိုရင်တော့ သင့်ရဲ့ နားကျန်းမာရေးကို အကြီးအကျယ် ဒုက္ခပေးနိုင်ပါတယ်။

ဒါကြောင့် နားကြပ်တွေကို ဘယ်နှရက်တစ်ခါ သန့်ရှင်းရေးလုပ်သင့်လဲဆိုတာကို မျှဝေပေးချင်ပါတယ်။

🧐 ဘာကြောင့် သန့်ရှင်းရေးလုပ်ဖို့ လိုတာလဲ?

နားကြပ်တပ်ထားတဲ့အခါ နားအတွင်းပိုင်းမှာ လေဝင်လေထွက် ပိတ်သွားပြီး အပူချိန်နဲ့ စိုထိုင်းဆ မြင့်တက်လာပါတယ်။ အဲဒီအခါ နားဖာချေး (Earwax)၊ ချွေးနဲ့ အရေပြားဆဲလ်အသေတွေဟာ နားကြပ်မှာ ကပ်ငြိသွားပြီး ဘက်တီးရီးယားတွေ ပေါက်ဖွားဖို့ အကောင်းဆုံး နေရာတစ်ခု ဖြစ်သွားစေပါတယ်။

ဒါဟာ နားအတွင်းသား ရောင်ရမ်းတာနဲ့ ပိုးဝင်တာ (Otitis Externa) တွေကို ဖြစ်စေနိုင်ပါတယ်။

⏰ ဘယ်နှရက်တစ်ခါ သန့်ရှင်းရေးလုပ်သင့်လဲ?
🎧 နေ့စဉ် သုံးစွဲသူများဆိုရင်တော့ အနည်းဆုံး တစ်ပတ်တစ်ကြိမ် သေချာသန့်ရှင်းရေး လုပ်ပေးသင့်ပါတယ်။

🎧 အားကစားလုပ်ရင်း သုံးစွဲသူများကတော့ ချွေးထွက်များတဲ့အတွက် အသုံးပြုပြီးတိုင်း ဒါမှမဟုတ် (၂) ရက်တစ်ကြိမ် သန့်ရှင်းရေးလုပ်ဖို့ လိုအပ်ပါတယ်။

🎧 ဒါ့အပြင် နားကြပ် အမျိုးအစားအပေါ်လည်းမူတည်ပါတယ်။ နားထဲထည့်ရတဲ့ (Earbuds) တွေဟာ အပြင်ကအုပ်တဲ့ (Headphones) တွေထက် ပိုပြီး ပိုးမွှားသိုက် ဖြစ်လွယ်တာကြောင့် ပိုမိုဂရုစိုက် သန့်ရှင်းပေးရပါမယ်။

✅ ဘယ်လို သန့်ရှင်းမလဲ?
🧴 ပိုးသတ်ပါ။ 70% Isopropyl Alcohol ပါတဲ့ ဂွမ်းစလေးနဲ့ နားကြပ်မျက်နှာပြင်တွေကို အသာအယာ ပွတ်တိုက်ပေးပါ။

🪥 ဖုန်ထုတ်ပါ။ နားကြပ်အပေါက်လေးတွေမှာ ပိတ်နေတဲ့ နားဖာချေးတွေကို သွားပွတ်တံအဟောင်း သန့်သန့်လေးနဲ့ အောက်ဘက်စောင်းပြီး ဖြည်းဖြည်းချင်း ဖယ်ရှားပေးပါ။

✅ ခြောက်အောင်ထားပါ။ သန့်ရှင်းရေးလုပ်ပြီးပြီးချင်း နားထဲ တန်းမထည့်ပါနဲ့။ လုံးဝခြောက်သွေ့သွားမှသာ ပြန်လည်အသုံးပြုပါ။

👨‍⚕️ နားထဲမှာ ယားယံတာ၊ နာကျင်တာ ဒါမှမဟုတ် ပုံမှန်ထက် နားအူသလို ခံစားရရင်တော့ မပေါ့ဆသင့်ပါဘူး။
နား၊နှာခေါင်း၊လည်ချောင်းအထူးကုဆရာဝန်များနဲ့ သေချာပြသပြီး စစ်ဆေးသင့်ပါတယ်။

ကျွန်တော်တို့ရဲ့ Bio Medico Specialist Clinic မှာလည်း နား၊နှာခေါင်း၊လည်ချောင်းအထူးကုဆရာဝန်ကြီးများနဲ့ ပြသနိုင်ပါပြီ။

Bio Medico ရဲ့ ဝန်ဆောင်မှုများနဲ့ ဆေးခန်းမှာ ထိုင်တဲ့ ဆရာဝန်ကြီးများကို ဒီပို့စ်မှာ ဝင်ကြည့်လို့ရပါတယ်—> https://m.facebook.com/story.php?story_fbid=1367149188765064&id=100064099862763

☎️☎️ 09 890 006 002, 09 890 006 003, 09 890 006 004 တို့သို့ ဆက်သွယ်စာရင်းပေးသွင်းနိုင်ပါပြီ။

⚠️⚠️ ဆေးခန်းဖွင့်ချိန် - နေ့စဉ် နံနက်(၈)နာရီမှ ညနေ (၆)နာရီထိ

🏥🏥 ဘိုင်အိုမဒီကို အထွေထွေရောဂါ အထူးကုဆေးခန်းလိပ်စာ - အမှတ်-၁၂၄၊ သံလွင်လမ်း၊ ဗဟန်းမြို့နယ်၊ ရန်ကုန်မြို့။

တောက်တောက် ပြောင်ပြောင် ဓာတ်ခဲအဝိုင်းလေးတွေနဲ့ ကလေးတို့ရဲ့ နားအန္တရာယ် 🚨👶

ကလေးသဘာဝ စူးစမ်းချင်စိတ်နဲ့ အိမ်မှာရှိတဲ့ ပစ္စည်းသေးသေးမွှားမွှားလေးတွေကို နားထဲ၊ နှာခေါင်းထဲ ထည့်ဆော့တတ်ကြတာ မိဘတိုင်း အသိပါပဲ။

ပုတီးစေ့၊ ပဲစေ့၊ ခဲဖျက်စတာတွေက မကြာခဏ နားထဲ ဝင်တတ်ကြပါတယ်။

ဒါပေမယ့် အားလုံးထဲမှာ အကြောက်ရဆုံးနဲ့ အန္တရာယ်အကြီးဆုံး ကတော့ နာရီတွေ၊ အရုပ်တွေ၊ Remote တွေမှာသုံးတဲ့ "ဓာတ်ခဲအဝိုင်းပြားလေးတွေ (Button Batteries)" ပါပဲ။ 🔋😰

"ဆရာရယ်... ဓာတ်ခဲအသေးလေးပဲဟာ... တခြားပစ္စည်းတွေဝင်သလိုပဲ မဟုတ်ဘူးလား" လို့ မေးစရာရှိပါတယ်။
လုံးဝ (လုံးဝ) မတူပါဘူးခင်ဗျာ။ 🙅‍♂️

ဘာကြောင့်လဲဆိုတော့ ဒီဓာတ်ခဲလေးတွေက နားထဲဝင်သွားတဲ့အခါ သာမန်ပစ္စည်းတစ်ခုလို ပိတ်ဆို့နေရုံတင် မကပါဘူး။

🔥 ဓာတ်ပြုပြီး လောင်ကျွမ်းခြင်း (Chemical Burn)
နားထဲမှာရှိတဲ့ သဘာဝအစိုဓာတ်၊ အရည်ကြည်တွေနဲ့ ဓာတ်ခဲနဲ့ ထိတွေ့လိုက်တဲ့အခါ လျှပ်စစ်ဓာတ်စီးဆင်းမှု စတင်ဖြစ်ပေါ်ပါတယ်။ အဲဒီကနေ ပြင်းထန်တဲ့ ဓာတ်ပြုမှုဖြစ်ပြီး (Caustic Soda လိုမျိုး) အယ်လ်ကာလိုင်းဓာတ်တွေ ထွက်လာပါတယ်။ ဒါဟာ ကလေးရဲ့ နုနယ်တဲ့ နားအတွင်းသား အသားစိုင်တွေကို အချိန်နဲ့အမျှ လောင်ကျွမ်း စားပစ်လိုက်တာပါ။

⏰ အချိန်က အဓိက (Time is Tissue)
ဒါက အရမ်းအရေးကြီးပါတယ်။ ဓာတ်ခဲဝင်ပြီး (၁) နာရီ၊ (၂) နာရီ အတွင်းမှာတင် နားပြွန်လမ်းကြောင်း ရောင်ရမ်းပျက်စီးတာတွေ စတင်ဖြစ်ပေါ်နိုင်ပါတယ်။ အချိန်ကြာသွားရင်တော့ နားစည်ပေါက်တာ၊ နားအရိုးလေးတွေ ပျက်စီးတာ၊ အဆိုးဆုံးကတော့ ထာဝရ နားမကြားရတော့တဲ့ အခြေအနေနဲ့ မျက်နှာလေဖြတ်တာတွေအထိ ဖြစ်သွားနိုင်ပါတယ်။

😱 ဒါဆို မိဘတွေ ဘာလုပ်ရမလဲ?
✅ အရေးပေါ် (Emergency) အဖြစ် သတ်မှတ်ပါ
ကလေးက နားထဲ ဓာတ်ခဲထည့်လိုက်တယ်လို့ သံသယရှိတာနဲ့ တစ်မိနစ်တောင် အချိန်မဆွဲဘဲ နီးစပ်ရာ ဆေးရုံ၊ ဆေးခန်း (သို့မဟုတ်) နား၊နှာခေါင်း၊လည်ချောင်း အထူးကုဆရာဝန်ဆီ ချက်ချင်း ပြေးပါ။

❌ ကိုယ့်ဘာသာ လုံးဝ(လုံးဝ) မထုတ်ပါနဲ့
ဂွမ်းတံ၊ ဇာဂနာတို့နဲ့ ကလော်ထုတ်ဖို့ မကြိုးစားပါနဲ့။ ကလေးက ငြိမ်မှာမဟုတ်တဲ့အတွက် ဓာတ်ခဲက ပိုပြီး အထဲရောက်သွားနိုင်သလို၊ နားကို ပိုထိခိုက်စေနိုင်ပါတယ်။

❌ နားထဲ ဘာအရည်မှ မထည့်ပါနဲ့
နားသန့်စင်ဆေးရည်၊ ဆီ စတာတွေ လုံးဝမထည့်ပါနဲ့။ အရည်က ဓာတ်ပြုမှုကို ပိုမြန်ဆန်စေပြီး နားကို ပိုမြန်မြန် ပျက်စီးစေပါလိမ့်မယ်။

🛡️ ကာကွယ်ခြင်းက ကုသခြင်းထက် ပိုကောင်းပါတယ်။

👨‍⚕️ အိမ်မှာရှိတဲ့ ဓာတ်ခဲအပိုတွေကို ကလေးလက်လှမ်းမမီတဲ့ မြင့်မားတဲ့နေရာ၊ သော့ခတ်ထားတဲ့ နေရာတွေမှာ သိမ်းပါ။

👨‍⚕️ ကလေးကစားတဲ့ အရုပ်တွေ၊ အိမ်သုံးပစ္စည်းတွေမှာ ဓာတ်ခဲထည့်တဲ့ အဖုံးက ဝက်အူ (Screw) နဲ့ သေချာကြပ်ထားတာမျိုး ဖြစ်ပါစေ။ တိပ်နဲ့ကပ်ထားရုံလောက်က မလုံခြုံပါဘူး။

မိဘများခင်ဗျာ... ကလေးတစ်ယောက်လုံးရဲ့ အနာဂတ်နဲ့ အကြားအာရုံဟာ မိဘတွေရဲ့ သတိရှိမှုအပေါ်မှာ အများကြီး မူတည်နေပါတယ်။ ပေါ့ပေါ့ဆဆ မနေကြဖို့ အထူးမေတ္တာရပ်ခံ တိုက်တွန်းချင်ပါတယ်။ 🙏

👨‍⚕️ ကျွန်တော်တို့ရဲ့ Bio Medico Specialist Clinic မှာရှိတဲ့ နား၊ နှာခေါင်း၊ လည်ချောင်း အထူးကုဆရာဝန်ကြီးများနဲ့လည်း လာရောက်တိုင်ပင်ဆွေးနွေးနိုင်ပါတယ်။

Bio Medico ရဲ့ ဝန်ဆောင်မှုများနဲ့ ဆေးခန်းမှာ ထိုင်တဲ့ ဆရာဝန်ကြီးများကို ဒီပို့စ်မှာ ဝင်ကြည့်လို့ရပါတယ်—> https://m.facebook.com/story.php?story_fbid=1367149188765064&id=100064099862763

☎️☎️ 09 890 006 002, 09 890 006 003, 09 890 006 004 တို့သို့ ဆက်သွယ်စာရင်းပေးသွင်းနိုင်ပါပြီ။

⚠️⚠️ ဆေးခန်းဖွင့်ချိန် - နေ့စဉ် နံနက်(၈)နာရီမှ ညနေ (၆)နာရီထိ

🏥🏥 ဘိုင်အိုမဒီကို အထွေထွေရောဂါ အထူးကုဆေးခန်းလိပ်စာ - အမှတ်-၁၂၄၊ သံလွင်လမ်း၊ ဗဟန်းမြို့နယ်၊ ရန်ကုန်မြို့။

နှာခေါင်းမွှေး နှုတ်တာက ဦးနှောက်ကို တကယ်ပဲ ဒုက္ခပေးနိုင်သလား? 👃💥🧠

မှန်ကြည့်ရင်း နှာခေါင်းပြင်ပကို ထွက်နေတဲ့ နှာခေါင်းမွှေးလေးတွေကို မြင်ရင် လက်နဲ့ပဲဖြစ်ဖြစ်၊ ဇာဂနာနဲ့ပဲဖြစ်ဖြစ် အမြစ်ကနေ ကျွတ်ထွက်သွားအောင် ဆွဲနှုတ်လိုက်မိတာမျိုး ရှိဖူးကြတယ်မလား?

"အား... နာလိုက်တာ" ဆိုပြီး မျက်ရည်တောင် ဝဲသွားပေမယ့် ဒါဟာ ရိုးရိုးနာကျင်မှုတင် မဟုတ်ဘဲ သင့်ဦးနှောက်အတွက်ပါ အန္တရာယ်ရှိနိုင်တယ်ဆိုတာကို ပြောပြချင်ပါတယ်။

🛡️ နှာခေါင်းမွှေးက ဘာလို့ရှိနေတာလဲ?
နှာခေါင်းမွှေးဆိုတာ ကျွန်တော်တို့ ခန္ဓာကိုယ်ရဲ့ ပထမဆုံး "လေစစ် (Air Filter)" ပါ။
လေထဲမှာပါတဲ့ ဖုန်မှုန့်တွေ၊ ပိုးမွှားတွေနဲ့ အညစ်အကြေးတွေ အဆုတ်ထဲကို တိုက်ရိုက်မဝင်သွားအောင် သူတို့က ကာကွယ်ပေးထားတာပါ။

⚠️ နှာခေါင်းမွှေး နှုတ်လိုက်တဲ့အခါ ဘာဖြစ်မလဲ?
📌 ဒဏ်ရာဖြစ်ခြင်း
နှာခေါင်းမွှေးကို အမြစ်ကနေ ဆွဲနှုတ်လိုက်တဲ့အခါ နှာခေါင်းအတွင်းပိုင်းက နုနယ်တဲ့ အမြှေးပါးလေးတွေမှာ သေးငယ်တဲ့ ဒဏ်ရာ (Micro-wounds) တွေ ဖြစ်ကျန်ခဲ့ပါတယ်။

📌 ပိုးဝင်ခြင်း
အဲဒီဒဏ်ရာလေးတွေထဲကနေတစ်ဆင့် နှာခေါင်းထဲမှာ အမြဲရှိနေတတ်တဲ့ Staphylococcus လိုမျိုး ဘက်တီးရီးယားတွေဟာ ခန္ဓာကိုယ်ထဲကို အလွယ်တကူ ဝင်ရောက်သွားနိုင်ပါတယ်။

📐 "မျက်နှာပေါ်က အန္တရာယ်တြိဂံ (Danger Triangle)"
ကျွန်တော်တို့ နှာခေါင်းနဲ့ ပါးစပ်တစ်ဝိုက်ကို "Danger Triangle of the Face" လို့ ခေါ်ပါတယ်။ ဘာလို့လဲဆိုတော့ ဒီနေရာက သွေးကြောတွေဟာ ဦးနှောက်ထဲက သွေးပြန်ကြောအိတ် (Cavernous Sinus) နဲ့ တိုက်ရိုက်ဆက်နေလို့ပါပဲ။

💁 အကယ်၍ နှာခေါင်းမွှေးနှုတ်လို့ ဖြစ်လာတဲ့ ပိုးဝင်မှုဟာ ပြင်းထန်သွားရင် သွေးကြောတွေကတစ်ဆင့် ဦးနှောက်ဆီကို ပျံ့နှံ့သွားပြီး Cavernous Sinus Thrombosis (CST) လို့ခေါ်တဲ့ အသက်အန္တရာယ်ရှိတဲ့ ဦးနှောက်သွေးကြောပိတ်ဆို့ ပိုးဝင်တဲ့ ရောဂါမျိုးအထိ ဖြစ်ပွားစေနိုင်ပါတယ်။

✅ ဒါဆို ဘယ်လိုလုပ်ရမလဲ?
🙅‍♀️ မနှုတ်ပါနဲ့၊ ညှပ်ပါ။ အပြင်ကို ထွက်နေတဲ့ နှာခေါင်းမွှေးတွေကို နှုတ်မယ့်အစား နှာခေါင်းမွှေးညှပ်တဲ့ ကပ်ကြေးအဝိုင်းလေးတွေ ဒါမှမဟုတ် Trimmer လေးတွေနဲ့ အသာအယာ တိပေးပါ။

💁 သန့်ရှင်းရေး ဂရုစိုက်ပါ။ နှာခေါင်းထဲကို လက်နဲ့ ကလော်တာ၊ ညစ်ပတ်တဲ့ လက်နဲ့ ကိုင်တာမျိုးတွေကို ရှောင်ကြဉ်ပါ။

👨‍⚕️ သင့်ရဲ့ ကျန်းမာရေးနဲ့ ပတ်သက်ပြီး တစ်စုံတစ်ရာ စိုးရိမ်မှုရှိလာရင် ဆရာဝန်နဲ့ တိုင်ပင်ဖို့ ဝန်မလေးပါနဲ့။

ကျွန်တော်တို့ရဲ့ Bio Medico Specialist Clinic မှာလည်း နား၊နှာခေါင်း၊လည်ချောင်းအထူးကုဆရာဝန်ကြီးများနဲ့ ပြသနိုင်ပါပြီ။

Bio Medico ရဲ့ ဝန်ဆောင်မှုများနဲ့ ဆေးခန်းမှာ ထိုင်တဲ့ ဆရာဝန်ကြီးများကို ဒီပို့စ်မှာ ဝင်ကြည့်လို့ရပါတယ်—> https://m.facebook.com/story.php?story_fbid=1367149188765064&id=100064099862763

☎️☎️ 09 890 006 002, 09 890 006 003, 09 890 006 004 တို့သို့ ဆက်သွယ်စာရင်းပေးသွင်းနိုင်ပါပြီ။

⚠️⚠️ ဆေးခန်းဖွင့်ချိန် - နေ့စဉ် နံနက်(၈)နာရီမှ ညနေ (၆)နာရီထိ

🏥🏥 ဘိုင်အိုမဒီကို အထွေထွေရောဂါ အထူးကုဆေးခန်းလိပ်စာ - အမှတ်-၁၂၄၊ သံလွင်လမ်း၊ ဗဟန်းမြို့နယ်၊ ရန်ကုန်မြို့။

နားဖယောင်းတိုင် (Ear Candle) ထွန်းပြီး နားထဲက အညစ်အကြေးတွေ ထုတ်တာ တကယ်ပဲ အလုပ်ဖြစ်ရဲ့လား? 🤔🕯️

နားထဲက နားဖာချေးတွေကို သန့်ရှင်းချင်လို့ပဲဖြစ်ဖြစ်၊ နားပိတ်သလို ခံစားရလို့ပဲဖြစ်ဖြစ် Ear Candling လို့ခေါ်တဲ့ နားဖယောင်းတိုင်ထွန်းတဲ့ နည်းလမ်းကို သုံးဖို့ စဉ်းစားနေပါသလား?

အပြင်မှာတော့ ဒီနည်းလမ်းက နားထဲက အညစ်အကြေးတွေကို လေဟာနယ်စုပ်အားနဲ့ ဆွဲထုတ်ပေးနိုင်တယ်လို့ ကြော်ငြာလေ့ရှိကြပါတယ်။

ဒါပေမယ့် ဒါဟာ အလွန်အန္တရာယ်များတဲ့ အယူအဆအမှားတစ်ခုပါ။

👉 နားဖယောင်းတိုင်ထွန်းခြင်းရဲ့ အမှန်တရား
နားဖယောင်းတိုင် ထွန်းပြီးသွားတဲ့အခါ အထဲမှာ ကျန်ခဲ့တဲ့ အညိုရောင် အဖတ်တွေကို ကြည့်ပြီး ဒါ ငါ့နားထဲက ထွက်လာတဲ့ နားဖာချေးတွေပဲလို့ ထင်တတ်ကြပါတယ်။
တကယ်တော့ အဲဒီအဖတ်တွေဟာ နားထဲက ထွက်လာတာမဟုတ်ဘဲ "ဖယောင်းတိုင်က အရည်ပျော်ကျလာတဲ့ ဖယောင်းအကြွင်းအကျန်တွေ" သာ ဖြစ်ပါတယ်။

⚠️ ဘာကြောင့် မလုပ်သင့်တာလဲ?
နားဖယောင်းတိုင် ထွန်းခြင်းဟာ နားကို သန့်ရှင်းမပေးနိုင်ရုံတင်မကဘဲ အောက်ပါ ဆိုးကျိုးတွေကိုပါ ဖြစ်စေနိုင်ပါတယ်။

🔥 မီးလောင်ဒဏ်ရာရခြင်း
ဖယောင်းတိုင်ကကျလာတဲ့ မီးပွား ဒါမှမဟုတ် ဖယောင်းရည်ပူတွေက မျက်နှာ၊ နားရွက်နဲ့ နားအတွင်းသားတွေကို လောင်စေနိုင်ပါတယ်။

👂 နားပြွန်ပိတ်သွားခြင်း
အရည်ပျော်ကျလာတဲ့ ဖယောင်းတွေက နားထဲမှာ ခဲသွားပြီး နားကို ပိုပိတ်သွားစေနိုင်သလို ဖယ်ထုတ်ရလည်း ခက်ခဲစေပါတယ်။

👂 နားစည်ပေါက်ခြင်း
အပူရှိန်ကြောင့်ဖြစ်စေ၊ ဖယောင်းရည်ကြောင့်ဖြစ်စေ နုနယ်လှတဲ့ နားစည်ကို ထိခိုက်ပေါက်ပြဲသွားစေနိုင်ပါတယ်။

✅ ဒါဆို နားကို ဘယ်လို စနစ်တကျ သန့်ရှင်းမလဲ?
တကယ်တော့ နားဟာ သူ့အလိုလို သန့်ရှင်းရေးလုပ်နိုင်တဲ့ စနစ်ရှိပြီးသားပါ။ အကယ်၍ နားဖာချေးတွေ အများကြီး ပိတ်နေတယ်လို့ ခံစားရရင်
📌 ကိုယ့်သဘောနဲ့ကိုယ် ဂွမ်းတံ ဒါမှမဟုတ် တခြားပစ္စည်းတွေနဲ့ လိုက်နှိုက်တာမျိုး လုံးဝမလုပ်ပါနဲ့။
📌 ကျွမ်းကျင်တဲ့ နား၊ နှာခေါင်း၊ လည်ချောင်း အထူးကုဆရာဝန် နဲ့ ပြသပြီး စနစ်တကျ ဖယ်ထုတ်ပါ။

ဒါကြောင့် စိတ်မချရတဲ့ နည်းလမ်းတွေနဲ့ ကိုယ့်နားကို စမ်းသပ်မယ့်အစား ဆရာဝန်နဲ့ စနစ်တကျ ပြစေချင်ပါတယ်။

ကျွန်တော်တို့ရဲ့ Bio Medico Specialist Clinic မှာလည်း နား၊နှာခေါင်း၊လည်ချောင်းအထူးကုဆရာဝန်ကြီးများနဲ့ ပြသနိုင်ပါပြီ။

Bio Medico ရဲ့ ဝန်ဆောင်မှုများနဲ့ ဆေးခန်းမှာ ထိုင်တဲ့ ဆရာဝန်ကြီးများကို ဒီပို့စ်မှာ ဝင်ကြည့်လို့ရပါတယ်—> https://m.facebook.com/story.php?story_fbid=1367149188765064&id=100064099862763

☎️☎️ 09 890 006 002, 09 890 006 003, 09 890 006 004 တို့သို့ ဆက်သွယ်စာရင်းပေးသွင်းနိုင်ပါပြီ။

⚠️⚠️ ဆေးခန်းဖွင့်ချိန် - နေ့စဉ် နံနက်(၈)နာရီမှ ညနေ (၆)နာရီထိ

🏥🏥 ဘိုင်အိုမဒီကို အထွေထွေရောဂါ အထူးကုဆေးခန်းလိပ်စာ - အမှတ်-၁၂၄၊ သံလွင်လမ်း၊ ဗဟန်းမြို့နယ်၊ ရန်ကုန်မြို့။

ခေါင်းမူးတာချင်းတူပေမယ့် ဘယ်လိုခေါင်းမူးတာက "နား" ကြောင့် ဖြစ်တာလဲ? 😵‍💫👂

"ခေါင်းမူးတယ်" ဆိုတာ လူတိုင်းကြုံဖူးတဲ့ ဝေဒနာပါ။

ဒါပေမယ့် ခေါင်းမူးတိုင်း သွေးတိုးလို့၊ အားနည်းလို့လို့ပဲ ထင်နေရင်တော့ မှားသွားပါလိမ့်မယ်။

တကယ်တော့ ကျွန်တော်တို့ရဲ့ ကိုယ်ဟန်ချက်ကို ထိန်းပေးတဲ့ "ဟန်ချက်ထိန်း အင်္ဂါရပ်" ဟာ နားထဲမှာ ရှိနေတာပါ။

ဒီနေ့မှာတော့ Vertigo လို့ခေါ်တဲ့ အချိန်ခါမဲ့ ချာချာလည်မူးဝေခြင်းအကြောင်းနဲ့ ဘယ်လို လက္ခဏာတွေဆိုရင် နား၊နှာခေါင်း၊ လည်ချောင်းအထူးကုဆရာဝန် နဲ့ အမြန်ဆုံးပြသသင့်လဲဆိုတာကို မျှဝေပေးချင်ပါတယ်။

🔍 Vertigo ဆိုတာ တကယ်တော့ ဘာလဲ?
Vertigo ဆိုတာ ရိုးရိုးခေါင်းထဲ မကြည်တာမျိုး မဟုတ်ဘဲ "ကိုယ်က ငြိမ်နေပေမယ့် ကိုယ့်ပတ်ဝန်းကျင်က ချာချာလည်အောင် လည်နေတယ်" လို့ အာရုံမှားဖြစ်တာပါ။ ဒါဟာ နားအတွင်းပိုင်းမှာရှိတဲ့ ဟန်ချက်ထိန်းစနစ် ချို့ယွင်းမှုကြောင့် ဖြစ်ရတာပါ။

ဒါကို ပိုဆိုးစေတဲ့ Vertigo အမျိုးအစား (၃) မျိုး ရှိပါတယ်။
📌 Benign Paroxysmal Positional Vertigo
ဒါဟာ ရုတ်တရက် ခေါင်းအနေအထားပြောင်းလိုက်တဲ့အခါ ပြင်းထန်စွာ မူးဝေတာကိုဆိုလိုတာပါ။ ကျွန်တော်တို့ နားထဲမှာ ဟန်ချက်ထိန်းပေးတဲ့ Otoconia လို့ခေါ်တဲ့ ခရစ်စတယ်လ်လေးတွေ ရှိပါတယ်။ အဲဒီအကောင်လေးတွေက နေရာလွဲသွားတဲ့အခါ ခေါင်းကို နည်းနည်းလေး လှုပ်လိုက်တာနဲ့ ချာချာလည်အောင် မူးသွားတတ်ပါတယ်။

📌 နားအတွင်းပိုင်း အရည်ကြည် ဖိအားမမှန်ခြင်း (Meniere's Disease)
ခေါင်းမူးတာနဲ့အတူ နားထဲမှာ အသံတွေမြည်တာ (နားအူတာ)၊ နားပိတ်တာတွေ တွဲဖြစ်တတ်ပါတယ်။

📌 နားအတွင်းပိုင်း အာရုံကြော ရောင်ရမ်းခြင်း (Vestibular Neuritis)
ဗိုင်းရပ်စ်ပိုးကြောင့် ဖြစ်တတ်ပြီး ရုတ်တရက် ပြင်းပြင်းထန်ထန် မူးတာမျိုး ခံစားရတတ်ပါတယ်။

⚠️ ဒါကြောင့် ဒီလို လက္ခဏာတွေ ခံစားနေရပြီဆိုရင်တော့ နား၊နှာခေါင်း၊ လည်ချောင်းအထူးကုဆရာဝန်နဲ့ ပြသဖို့ လိုအပ်ပါပြီ။

😵‍💫 ခေါင်းအနေအထား ပြောင်းလိုက်ရင် မူးသွားခြင်း
အိပ်ရာက အထ၊ ကုတင်ပေါ် အလှဲ ဒါမှမဟုတ် ခေါင်းကို ဘေးစောင်းလိုက်တဲ့အခါမျိုးမှာ ခဏတဖြုတ် ပြင်းပြင်းထန်ထန် မူးသွားတာမျိုး။

🥴 လမ်းလျှောက်ရင် ယိမ်းထိုးနေခြင်း
မြေကြီးက နိမ့်လိုက် မြင့်လိုက် ဖြစ်နေသလို ခံစားရပြီး ဟန်ချက်မထိန်းနိုင်တော့တာမျိုး။

👂 အကြားအာရုံ လျော့နည်းလာခြင်း
ခေါင်းမူးတာနဲ့အတူ အရင်ကထက် အသံတွေ သဲသဲကွဲကွဲ မကြားရတော့တာမျိုး တွဲဖြစ်လာရင် နားအတွင်းပိုင်း ပြဿနာ ဖြစ်နိုင်ခြေ ပိုများပါတယ်။

🤮 မအီမသာဖြစ်ပြီး အန်ခြင်း
ခေါင်းမူးတာ ပြင်းထန်လွန်းလို့ အစားအသောက်ပျက်ပြီး အန်တဲ့အထိ ဖြစ်လာတာမျိုး။

✅ ဒီလို ခံစားနေရပြီဆိုရင် စောစောပြသခြင်းက အမြန်ဆုံး သက်သာစေနိုင်ပါတယ်။

ခေါင်းမူးဝေဒနာဟာ ရိုးရိုးလေးလို့ ထင်ရပေမယ့် နေ့စဉ်ဘဝမှာ အလုပ်အကိုင် ပျက်စီးစေရုံတင်မကဘဲ ချော်လဲတာ၊ ထိခိုက်ဒဏ်ရာရတာတွေအထိ ဖြစ်စေနိုင်တာမို့ နောက်မကျခင် နား၊နှာခေါင်း၊ လည်ချောင်းအထူးကုဆရာဝန်နဲ့ အမြန်ဆုံးပြသတိုင်ပင်သင့်ပါတယ်။

ကျွန်တော်တို့ရဲ့ Bio Medico Specialist Clinic မှာလည်း နား၊နှာခေါင်း၊လည်ချောင်းအထူးကုဆရာဝန်ကြီးများနဲ့ ပြသနိုင်ပါပြီ။

Bio Medico ရဲ့ ဝန်ဆောင်မှုများနဲ့ ဆေးခန်းမှာ ထိုင်တဲ့ ဆရာဝန်ကြီးများကို ဒီပို့စ်မှာ ဝင်ကြည့်လို့ရပါတယ်—> https://m.facebook.com/story.php?story_fbid=1367149188765064&id=100064099862763

☎️☎️ 09 890 006 002, 09 890 006 003, 09 890 006 004 တို့သို့ ဆက်သွယ်စာရင်းပေးသွင်းနိုင်ပါပြီ။

⚠️⚠️ ဆေးခန်းဖွင့်ချိန် - နေ့စဉ် နံနက်(၈)နာရီမှ ညနေ (၆)နာရီထိ

🏥🏥 ဘိုင်အိုမဒီကို အထွေထွေရောဂါ အထူးကုဆေးခန်းလိပ်စာ - အမှတ်-၁၂၄၊ သံလွင်လမ်း၊ ဗဟန်းမြို့နယ်၊ ရန်ကုန်မြို့။

လည်ချောင်းလေး နည်းနည်းနာတာနဲ့ အမောက်စလင် (Amoxicillin) ပြေးဝယ်သောက်တတ်သူလား? 💊🤔

လည်ချောင်းနာတာဟာ နေ့စဉ်ဘဝမှာ အဖြစ်အများဆုံး ဝေဒနာတစ်ခုပါ။

ဒါပေမယ့် လည်ချောင်းနာတိုင်း ပဋိဇီဝဆေး (Antibiotics) သောက်ဖို့ လိုသလားဆိုတာကတော့ လူတော်တော်များများ မှားယွင်းနေကြတဲ့ အချက်တစ်ခုပါပဲ။
ဒါကြောင့် ဒီနေ့မှာတော့ လည်ချောင်းနာတိုင်း ပိုးသတ်ဆေးသောက်ဖို့ လိုအပ်လို့လားဆိုတာကို ရှင်းပြချင်ပါတယ်။

🦠 ဗိုင်းရပ်စ် (Virus) လား? ဘက်တီးရီးယား (Bacteria) လား?

လည်ချောင်းနာရတဲ့ အကြောင်းရင်းတွေထဲမှာ…

📌 ၈၀% ကျော်ဟာ ဗိုင်းရပ်စ်ကြောင့် ဖြစ်တာပါ။ တုပ်ကွေးမိတာ၊ အအေးမိတာတွေကြောင့် ဖြစ်တတ်ပြီး ဒီလိုအခြေအနေမျိုးမှာ ပဋိဇီဝဆေး (Antibiotics) သောက်လည်း လုံးဝ (လုံးဝ) မထူးခြားပါဘူး။ ဗိုင်းရပ်စ်ဟာ သူ့အလိုလို ပျောက်ကွယ်သွားမှာဖြစ်လို့ အနားယူတာနဲ့ ရေများများသောက်တာကပဲ အဓိက ကုသနည်းပါ။

📌 ဘက်တီးရီးယားကြောင့် ဖြစ်တာက နည်းပါးပါတယ်။ ဒါကိုတော့ (Strep Throat) လို့ ခေါ်ပြီး ဆရာဝန် ညွှန်ကြားချက်နဲ့မှသာ Antibiotics သောက်ဖို့ လိုအပ်ပါတယ်။

⚠️ ဆေးတွေကို စနစ်တကျ မသောက်ရင် ဘာဖြစ်မလဲ?
လည်ချောင်းနာတာနဲ့ ဆေးကို ကိုယ့်သဘောနဲ့ကိုယ် ဝယ်သောက်တာ ဒါမှမဟုတ် နေကောင်းသွားလို့ ဆေးပတ်မလည်ဘဲ ရပ်လိုက်တာမျိုးတွေဟာ တကယ်တော့ အန္တရာယ်ရှိပါတယ်။

👉 အကြီးမားဆုံး ပြဿနာကတော့ ‌ဆေးယဉ်ပါးမှု (Antibiotic Resistance)ဖြစ်စေနိုင်တာပါ။ ဒီလို ဆေးကို မလိုအပ်ဘဲ ခဏခဏ သောက်တဲ့အခါ ခန္ဓာကိုယ်ထဲက ပိုးကောင်တွေက ဆေးကို ခံနိုင်ရည်ရှိသွားပါတယ်။ နောက်တစ်ခါ တကယ်တမ်း ဖျားနာတဲ့အခါ ဆေးသောက်လည်း မတိုးတော့တဲ့ "စူပါပိုးကောင် (Superbugs)" တွေ ဖြစ်လာစေနိုင်ပါတယ်။

🔍 ဒါဆို ဘယ်လိုအချိန်မှာ ဆရာဝန်နဲ့ ပြသသင့်လဲ?
အောက်ပါလက္ခဏာတွေ ရှိနေရင်တော့ ဆေးဆိုင်မှာ ဆေးဝယ်သောက်မယ့်အစား နား၊နှာခေါင်း၊လည်ချောင်းအထူးကုဆရာဝန်နဲ့ ပြသဖို့ လိုအပ်ပါပြီ။

၁။ လည်ချောင်းနာတာ (၁) ပတ်ထက် ပိုကြာနေရင်။
၂။ ဖျားတာ၊ ချမ်းတုန်တာတွေ တွဲဖြစ်လာရင်။
၃။ အစာမျိုရတာ အရမ်းခက်ခဲလာရင်။
၄။ အာသီးမှာ ပြည်ဖတ်တွေ တွေ့ရရင်။
မဖြစ်မနေ ဆေးရုံ၊ဆေးခန်းပြသဖို့ လိုအပ်ပါတယ် ....

ကျွန်တော်တို့ရဲ့ Bio Medico Specialist Clinic မှာလည်း နား၊နှာခေါင်း၊လည်ချောင်းအထူးကုဆရာဝန်ကြီးများနဲ့ ပြသနိုင်ပါပြီ ...

Bio Medico ရဲ့ ဝန်ဆောင်မှုများနဲ့ ဆေးခန်းမှာ ထိုင်တဲ့ ဆရာဝန်ကြီးများကို ဒီပို့စ်မှာ ဝင်ကြည့်လို့ရပါတယ်—> https://m.facebook.com/story.php?story_fbid=1367149188765064&id=100064099862763

☎️☎️ 09 890 006 002, 09 890 006 003, 09 890 006 004 တို့သို့ ဆက်သွယ်စာရင်းပေးသွင်းနိုင်ပါပြီ။

⚠️⚠️ ဆေးခန်းဖွင့်ချိန် - နေ့စဉ် နံနက်(၈)နာရီမှ ညနေ (၆)နာရီထိ

🏥🏥 ဘိုင်အိုမဒီကို အထွေထွေရောဂါ အထူးကုဆေးခန်းလိပ်စာ - အမှတ်-၁၂၄၊ သံလွင်လမ်း၊ ဗဟန်းမြို့နယ်၊ ရန်ကုန်မြို့။

"ကလေးက စာသင်ရင် အာရုံမစိုက်ဘူး၊ ဆရာမပြောတာကို နားမထောင်ဘူး" ဆိုပြီး စိတ်ညစ်နေရတဲ့ မိဘတွေ ရှိပါသလား? 🤔🎓

တကယ်တော့ ဒါဟာ ကလေးရဲ့ ပျင်းရိမှု ဒါမှမဟုတ် အာရုံစိုက်မှု အားနည်းတဲ့ ရောဂါ (ADHD) ကြောင့်တင် မဟုတ်ဘဲ "နားကောင်းကောင်း မကြားရတာ" ကြောင့်လည်း ဖြစ်နိုင်ပါတယ်။

👂 ဒါဆို အာရုံမစိုက်နိုင်ခြင်းနဲ့ နားမကြားခြင်းတို့က ဘယ်လိုဆက်စပ်လဲ?
ကလေးတစ်ယောက်ဟာ ဆရာမ ရှင်းပြတာကို သဲသဲကွဲကွဲ မကြားရတဲ့အခါ
📌 ဆရာမပြောတဲ့ ညွှန်ကြားချက်တွေကို တစ်ဝက်တစ်ပျက်ပဲ နားလည်ပါတော့တယ်။
📌 ဘာလုပ်ရမလဲဆိုတာ ဝေခွဲမရဖြစ်ပြီး အတန်းထဲမှာ အာရုံပျံ့လွင့်လာပါတယ်။
📌 သူများတွေ စာလုပ်နေချိန်မှာ သူက ဘာလုပ်ရမှန်းမသိလို့ ဆော့နေတာမျိုး၊ ငြိမ်နေတာမျိုး ဖြစ်လာတတ်ပါတယ်။

ဒါကို မိဘတွေနဲ့ ဆရာမတွေက ကလေးက စာမလိုက်နိုင်ဘူး၊ အာရုံမစိုက်ဘူးလို့ အထင်မှားတတ်ကြတာပါ။

🔍 သင့်ကလေးမှာ ဒီလိုလက္ခဏာတွေကော ရှိနေလား?
ကလေးက သူ့ရဲ့ နားမကြားရတဲ့ ပြဿနာကို ကိုယ်တိုင် မပြောပြတတ်တာကြောင့် မိဘတွေကပဲ အောက်ပါအချက်တွေကို သတိထားကြည့်ပေးရပါမယ် .....
📌 ခေါ်ရင် ချက်ချင်းမထူးတာ၊ ဒါမှမဟုတ် အနားရောက်မှ ကြားတာ။
📌 တီဗွီကြည့်ရင် ဒါမှမဟုတ် ဖုန်းကြည့်ရင် အသံကို အကျယ်ကြီး ဖွင့်ကြည့်တာ။
📌 စကားပြောတဲ့အခါ ဗလုံးဗထွေး ဖြစ်တာ ဒါမှမဟုတ် စကားလုံးတွေ မှားထွက်တာ။
📌 အတန်းထဲမှာ စာမလိုက်နိုင်ဘဲ အဆင့်တွေ ကျလာတာ။
ဒီလိုအချက်တွေ မိမိကလေးမှာ ဖြစ်လာရင်တော့ ကလေးရဲ့ အကြားအာရုံနဲ့ပတ်သက်ပြီး စစ်ဆေးသင့်ပါတယ်။

❓ ဘာကြောင့် နားမကြားဖြစ်ရတာလဲ?
ကလေးတွေမှာ အဖြစ်အများဆုံးကတော့
👉 နားထဲမှာ ရေဝင်ပိတ်ခြင်း (Glue Ear)
အအေးမိ၊ နှာစေး ခဏခဏဖြစ်ရာကနေ နားထဲမှာ အရည်တွေ စုပုံပြီး အသံကို ပိတ်ထားတာမျိုးပါ။
👉 နားပြည်ယိုခြင်း
နားထဲ ပိုးဝင်ပြီး နားကိုက်တာ၊ ပြည်ထွက်တာတွေကြောင့် ကြားသိမှု လျော့နည်းခြင်း။
👉 နားဖာချေး ပိတ်ခြင်း
နားဖာချေးတွေ အများကြီး စုပုံနေခြင်း။
ဒီလို အချက်တွေကြောင့် နားမကြားရတာတွေလည်းရှိပါတယ်။

ကလေးရဲ့ ပညာရေးနဲ့ ကြီးထွားမှုမှာ နားကျန်းမာရေးက အလွန်အရေးကြီးပါတယ်။ စောစောသိရင် စောစောကုသလို့ ရတာကြောင့် သံသယရှိရင် နား၊ နှာခေါင်း၊ လည်ချောင်း အထူးကုဆရာဝန် နဲ့ သေချာစစ်ဆေးတာ အကောင်းဆုံးပါပဲ။

ကျွန်တော်တို့ရဲ့ Bio Medico Specialist Clinic မှာလည်း နား၊နှာခေါင်း၊လည်ချောင်းအထူးကုဆရာဝန်ကြီးများနဲ့ ပြသနိုင်ပါပြီ။

Bio Medico ရဲ့ ဝန်ဆောင်မှုများနဲ့ ဆေးခန်းမှာ ထိုင်တဲ့ ဆရာဝန်ကြီးများကို ဒီပို့စ်မှာ ဝင်ကြည့်လို့ရပါတယ်—> https://m.facebook.com/story.php?story_fbid=1367149188765064&id=100064099862763

☎️☎️ 09 890 006 002, 09 890 006 003, 09 890 006 004 တို့သို့ ဆက်သွယ်စာရင်းပေးသွင်းနိုင်ပါပြီ။

⚠️⚠️ ဆေးခန်းဖွင့်ချိန် - နေ့စဉ် နံနက်(၈)နာရီမှ ညနေ (၆)နာရီထိ

🏥🏥 ဘိုင်အိုမဒီကို အထွေထွေရောဂါ အထူးကုဆေးခန်းလိပ်စာ - အမှတ်-၁၂၄၊ သံလွင်လမ်း၊ ဗဟန်းမြို့နယ်၊ ရန်ကုန်မြို့။