Books by Su

ကလေးများနှင့် စာဖတ်ခြင်း

ကလေးများသည် စာအုပ်များများဖတ်ခြင်းဖြင့် အမြင်အာရုံ၊ အသိဉာဏ် စသည်တို့အတွက် အကျိုးရှိရုံသာမက ပေါင်းသင်းဆက်ဆံရေးအတွက်လိုအပ်သော ဝေါဟာရများကိုပါ ကြွယ်ဝစေပါသည်။

ကလေးများ စာဖတ်ခြင်းတွင် ပိုမိုဝါသနာပါ အာရုံစိုက်လာစေရန် အကြံပြုချက်များမှာ -

၁၊ စာလုံးကြီးကြီး ရိုက်နှိပ်ထားသော၊ ရောင်စုံပုံများပါသော၊ ကလေးများ စိတ်ဝင်စားဖွယ် အ​ကြောင်းအရာများပါသော စာအုပ်များ ရွေးချယ်ပါ။ ကလေးကိုလည်း ကိုယ်တိုင် ရွေးချယ်ပါစေ။

၂၊ ကလေးကိုယ်တိုင် ကောင်းစွာလှန်နိုင်ရန်စာရွက်ထူသောစာအုပ်များကိုရွေးချယ်ပါ။

၃၊ စာကြည့်တိုက်၊ စာအုပ်ဆိုင်များသို့ ပုံမှန် သွားရောက် လည်ပတ်ပါ။

၄၊ စာဖတ်ရန်အတွက်သီးသန့်အချိန်ထားပြီးကလေးပျော်နိုင်သည့်၊ အနှောင့်အယှက်နည်းသည့် နေရာကိုရွေးချယ်စာဖတ်ပါ။

၅၊ ကလေးများသည် ထပ်ခါထပ်ခါလုပ်ရသည်ကိုနှစ်သက်ပါသည်။ထို့ကြောင့်သင့်ကလေးက သူ့အကြိုက်နှစ်သက်ဆုံးစာအုပ်ကို အကြိမ်များစွာပြန်၍ဖတ်ခိုင်းလျှင်လည်း ဖတ်ပြပါ။

၆၊ သင်ကိုယ်တိုင်စာဖတ်ခြင်းကိုနှစ်သက်ကြောင်းသင့်ကလေးကိုပြပါ။ကိုယ်ဟန်၊လက်ဟန်၊ အမူအရာပါပါနဲ့ဖတ်ပြပါ။

၇၊ ကလေးက သူစိတ်ဝင်စားသော ရုပ်ပုံ၊ စာလုံး စသည်တို့ကို ညွှန်ပြလာလျှင် သူ့ကိုဦးဆောင်စေပြီး ထိုအကြောင်းကို ပြောပြ ဆွေးနွေးပါ။

၈၊ စာအုပ်တွင်ပါသည့်စာလုံးနှင့်ထိုစာကိုကိုယ်စားပြုသည့်ပုံတို့ကိုယှဉ်တွဲသင်ပြပေးပါ။

၉၊ ပုံများတွင်ပါသည့်လူ၊တိရစ္ဆာန်၊ အဖြစ်အပျက်၊ လှုပ်ရှားမှုများအကြောင်းကလေးကိုမေး၍သူ့လက်နဲ့ညွှန်ပြခိုင်းပါ။

၁၀၊ ကလေးအများစုသည်မိမိကိုယ်တိုင်လုပ်နိုင်၊လှုပ်ရှားနိုင်သောပုံများပါသည့်စာအုပ်များကိုပို၍နှစ်သက်ပါသည်။

👉 စာတစ်မျက်နှာ သို့မဟုတ် စာပိုဒ်တစ်ပိုဒ်ကိုဖတ်ပြီးလျှင် သင့်ကလေးကိုမေးခွန်းများပြန်မေးပါ။ လက်ညှိုးနှင့်ညွှန်ပြခိုင်းပါ။ အကြောင်းအရာများကိုမေးပါ။ မဖြေနိုင်လျှင်သင်ကပြန်ဖြေပြပါ။ ထိုသို့ဖြေပြရာတွင် အစပိုင်းတွင်အဖြေအားလုံးဖြေပြသော်လည်း နောက်ပိုင်းတွင် အစစာလုံးသို့မဟုတ် သက်ဆိုင်သောအကြောင်းအရာတစ်ခုခု၊ သဲလွန်စတစ်ခုခုပေးပြီးဖြေခိုင်းကြည့်ပါ။

👉 သင်သည်ကလေးနဲ့အတူတူစာဖတ်နေခြင်း၊ ကလေးကိုသင်ပြပေးနေခြင်းသာဖြစ်ပြီး ကလေးကိုစစ်ဆေးနေခြင်းမဟုတ်ကြောင်းသတိပြုပါ။

👉 စာအုပ်များမှစကားလုံးများကိုသင်ကြားနိုင်သော်လည်းတဖက်တွင် သင့်ကလေးနဲ့ အတူစာဖတ်ခြင်းကြောင့်ရရှိသောအရသာကို မပျက်ပါစေနှင့်။

Just upload ☺️🇲🇲

#10,000ks

#10,000

Thanks for being a top engager and making it onto my weekly engagement list! 🎉 Andera Phoo, ミャ ッ, Chit Thet, U Than Oo, Khin Sandar

Big shout out to my newest top fans! 💎

Zon Moe Hnin, Aungkyaw San

📚Activity book 📖
📗သုံးအုပ်လုံးယူ ၁၀,၀၀၀ပါ📚
❤️အရမ်းချစ်လို့ပေးတာပါနော်🥰

❤️ယူတို့ချစ်တဲ့မင်မင်❤️