KF94 - Korea mask

🔴🔴🔴

ကာကွယ်ကုသဖို့ ​ဆေးမရှိ​သေးတဲ့ နီပါး ဗိုင်းရပ်စ် 🦇 🦠

English version in the comments below 👇

အိန္ဒိယနိုင်ငံ၊ ကိုလ်ကတ္တားမြို့အနီးက Barasat မြို့မှာ ကျန်းမာရေးဝန်ထမ်းတွေအပါအဝင် နီပါးဗိုင်းရပ်စ် ကူးစက်မှုအချို့ကို ဇန်နဝါရီလလယ်ပိုင်းက စတင်တွေ့ရှိခဲ့ပါတယ်။ ဒါဟာ အနောက်ဘင်္ဂလားပြည်နယ်မှာ နှစ်ပေါင်းများစွာအတွင်း ပထမဆုံးအကြိမ် ပြန်လည်တွေ့ရှိရတာဖြစ်လို့ အထူးသတိပြုဖို့ လိုအပ်ပါတယ်။

🔴 သိထားသင့်တဲ့ အချက်အလက်များ -

* ကူးစက်ပုံ - အသီးစားလင်းနို့တွေဆီကနေတစ်ဆင့် ကူးစက်တတ်ပါတယ်။ လင်းနို့ကိုက်ထားတဲ့ အသီးအနှံတွေ၊ လင်းနို့ရဲ့ တံတွေး၊ ဆီးတို့နဲ့ ထိတွေ့ထားတဲ့ အရာတွေကို စားသုံးမိရာကနေ လူဆီကို ကူးစက်တာပါ။

* လူအချင်းချင်းကူးစက်မှု - ရောဂါရှိသူရဲ့ ခန္ဓာကိုယ်ထွက်ရည် (တံတွေး၊ နှာရည်) တွေနဲ့ တိုက်ရိုက်ထိတွေ့မိရင် လူအချင်းချင်းလည်း ကူးစက်နိုင်ပါတယ်။

* ရောဂါလက္ခဏာ - အဖျားတက်ခြင်း၊ ခေါင်းကိုက်ခြင်း၊ ချောင်းဆိုးခြင်း၊ အသက်ရှူရခက်ခဲခြင်းတို့ ဖြစ်တတ်ပြီး ပြင်းထန်ရင် ဦးနှောက်ရောင်ရမ်းတာမျိုးအထိ ဖြစ်နိုင်ပါတယ်။

* ကာကွယ်ဆေး - လက်ရှိအချိန်အထိ နီပါးဗိုင်းရပ်စ်အတွက် တရားဝင် ကာကွယ်ဆေးနဲ့ ကုသဆေး မရှိသေးပါဘူး။ ကြိုတင်ကာကွယ်ခြင်းကသာ အကောင်းဆုံးပါ။

✅ ဘယ်လိုကာကွယ်မလဲ?

* လင်းနို့ကိုက်ရာပါတဲ့ အသီးအနှံတွေကို လုံးဝမစားပါနဲ့။ 🍎🚫

* သစ်သီးတွေကို သေချာဆေးကြောပြီးမှ စားပါ။ 🧼

* သစ်သီးဖျော်ရည်တွေ သောက်မယ်ဆိုရင်လည်း လတ်လတ်ဆတ်ဆတ်နဲ့ သန့်ရှင်းဖို့ လိုပါတယ်။

* လက်ကို ဆပ်ပြာနဲ့ ခဏခဏ ဆေးကြောပါ။ 🙌

* ဖျားနာနေသူတွေကို ပြုစုရမယ်ဆိုရင် Mask နဲ့ လက်အိတ်တို့ကို စနစ်တကျ သုံးစွဲပါ။ 😷🧤

အခုလက်ရှိမှာ သက်ဆိုင်ရာ ကျန်းမာရေးအာဏာပိုင်တွေက အခြေအနေကို ထိန်းချုပ်ဖို့ ကြိုးစားနေတာမို့ စိုးရိမ်ထိတ်လန့်ခြင်းထက် သတိရှိရှိနဲ့ ကာကွယ်နေထိုင်ကြဖို့ တိုက်တွန်းလိုက်ပါတယ်။

ကူးယူဖော်ပြခွင့်မပြုပါ။ လွတ်လပ်စွာ မျှဝေနိုင်ပါတယ် ခင်ဗျာ ✅️

Dr. Beast 🦇 🦠

Disclaimer : ဓါတ်ပုံသည် အေအိုင်မှ စိတ်ကူးယဥ်ဖန်တီးထားသော ပုံ ဖြစ်ပါတယ်။ ဒီ စာစုသည် သင့်ရဲ့ ဆရာဝန် ညွှန်ကြားချက်များကို အစားထိုးရန်မဟုတ်ပါ။ ကျန်းမာရေး ဗဟုသုတများသာ ဖြစ်ပါတယ်။ သင့်ကျန်းမာရေး/ အခြေအနေများနဲ့ ကွဲလွဲချက်များရှိပါက/ လိုက်လံလုပ်ဆောင်ရန်သင့်မသင့်ကို သင့်ရဲ့ ဆရာဝန်နဲ့ အရင် တိုင်ပင်ပါ။

#နီပါးဗိုင်းရပ်စ် #ကျန်းမာရေးသတိပေးချက်

စိုးရိမ်ဖို့ဆိုတာထက် ကျနိးမာရေးအတွက် သတိထားဖို့သာ ပြန်လည် မျှ‌ေဝခြင်းဖြစ်ပါတယ်။

Mask ကိုယ်စီတပ်
အအေးမခံ
အိပ်ပျက်မခံ
လိုသလောက်သာစားခြင်းဖြင့်
ကာကွယ်ကြဖို့တိုက်တွန်းပါရစေ

⭕️ အရေးပေါ်သတိပေးချက်။

Mask ပြန်တပ်ရမယ်။
ဆေးရုံကျန်းမာရေးဌာနမှာ အလုပ်လုပ်နေတဲ့ အသိမိတ်ဆွေဒီမနက် စာပို့တယ်။
ကိုရိုနာဗိုင်းရပ်စ် အမျိုးအစားအသစ်
COVID-Omicron XBB သည်ယခင်ကနှင့်မတူပါသေစေနိုင်ပြီး ရှာဖွေရခက်သောကြောင့် လူတိုင်း Mask တပ်ရန် အကြံပြုအပ်ပါသည်။
COVID-Omicron XBB အသစ်၏ လက္ခဏာများ

1. ချောင်းဆိုးခြင်း မရှိပါ။
2. အဖျားမရှိပါ။
ရောဂါလက္ခဏာအများစုမှာ အောက်ပါအတိုင်းဖြစ်သည်။
3. အဆစ်နာခြင်း။
4. ခေါင်းကိုက်ခြင်း။
5. လည်ချောင်းနာခြင်း။
6. နောက်ကျောနိမ့်ဒဏ်ရာ
7. နမိုးနီးယား
8. အစားအသောက်ပျက်ခြင်း။
ထို့အပြင်၊ COVID-OmicronXBB သည် မြစ်ဝကျွန်းပေါ်မျိုးကွဲများထက် ငါးဆပိုမိုပြင်းထန်ပြီး သေဆုံးနှုန်းပိုမိုမြင့်မားသည်။
ရောဂါလက္ခဏာများ အလွန်ပြင်းထန်ရန် အချိန်တိုတိုနှင့် သိသိသာသာ လက္ခဏာမပြသော ကိစ္စများလည်း ရှိပါသည်။
ဒါကြောင့် ပိုသတိထားရမယ်။
ဤမျိုးကွဲဗိုင်းရပ်စ်ကို nasopharynx တွင်မတွေ့ရှိရဘဲ အချိန်တိုတိုအတွင်း အဆုတ် "ပြတင်းပေါက်" ကို တိုက်ရိုက်သက်ရောက်သည်။
COVID-OmicronXBB ကူးစက်ခံထားရသော လူနာအနည်းငယ်ကို အဖျားကင်းစင်ပြီး နာကျင်မှုမရှိဟု ခွဲခြားထားသော်လည်း အပျော့စား အဆုတ်ရောင်ခြင်းကို X-rays တွင် တွေ့ရှိရသည်။
COVID-Omicron XBB သည် နှာခေါင်းပွတ်တံဖြင့် အနုတ်လက္ခဏာပြခဲ့သည်။
nasopharyngeal စစ်ဆေးမှုအတွင်း မှားယွင်းသော အနုတ်လက္ခဏာစစ်ဆေးမှုများ တိုးများလာပါသည်။
ဆိုလိုသည်မှာ ဗိုင်းရပ်စ်သည် အသိုက်အဝန်းအတွင်း ပျံ့နှံ့သွားပြီး အဆုတ်ကို တိုက်ရိုက်ကူးစက်ကာ ဗိုင်းရပ်စ် အဆုတ်ရောင်ရောဂါကို ဖြစ်စေကာ စူးရှသော အသက်ရှူရခက်ခဲမှုကို ဖြစ်စေသည်ဟု ဆိုလိုသည်။
၎င်းသည် COVID-OmicronXBB အဘယ်ကြောင့် ဤမျှ ကူးစက်တတ်ပြီး သေစေနိုင်သည့်အကြောင်း ရှင်းပြသည်။
လူထူထပ်တဲ့နေရာတွေကို ရှောင်ပါ။
ပွင့်လင်းသောနေရာများတွင်ပင် 1.5 မီတာအကွာအဝေးထားပါ။
သင့်လျော်သော Mask အလွှာများစွာကို ဝတ်ဆင်ပါ။
ရောဂါလက္ခဏာမပြဘဲ ချောင်းဆိုးနှာချေနေရင်တောင် လက်ကို မကြာခဏဆေးပါ။
ဤ COVID-Omicron XBB *"WAVE"* သည် ပထမဆုံး COVID-19 ကပ်ရောဂါထက် ပိုသေစေပါသည်။
ထို့ကြောင့် ဂရုတစိုက်၊ ကွဲပြားပြီး ပြင်းထန်သော ကြိုတင်ကာကွယ်မှု အစီအမံများကို ဆောင်ရွက်ရပါမည်။
ထို့အပြင် ဤအပိုင်းကို သူငယ်ချင်းများ သို့မဟုတ် မိသားစုနှင့် မျှဝေရန် သေချာပါစေ။
ဤအချက်အလက်ကို သင်ကိုယ်တိုင် မသိမ်းဆည်းပါနှင့်။
ဆွေမျိုး မိတ်သင်္ဂဟများကို တတ်နိုင်သမျှ ပြောပြပေးပါ။

❤️

အစစအရာရာ သတိထားရပါမယ်ရှင်။
🚨🚨🚨🚨🚨🚨🚨🚨🚨🚨🚨🚨🚨🚨🚨🚨

Scarlet Fever ကူးစက်နေလို့ Samut Prakan မှ ကျောင်းတွေ ပိတ်ထား

Samut Prakan ရဲ့ ပြည်သူ့ ကျန်းမာရေး ရုံးက မူကြိုနဲ့ မူလတန်းကျောင်းတွေမှာ Scarlet Fever ကူးစက်နေတဲ့အတွက် မတ်လ ၃ ရက်နေ့ (တနင်္လာနေ့)အထိ ကျောင်းတွေ ပိတ်ထားတယ်လို့ ကြေညာလိုက်ပါတယ်။ ပြည်သူ့ ကျန်းမာရေး ရုံးက ကျောင်းတွေ ပိတ်ထားချိန်မှာ စာသင်
ခန်းနဲ့ သန့်စင်ခန်းတွေကို ပိုးသတ်ထားဖို့ ကျောင်းတွေကို ညွှန်ကြားထားပါတယ်။

Scarlet fever (scarlatina) ဆိုတာ Group A Streptococcus (GAS) လို့ခေါ်တဲ့ ဘက်တီးရီးယားပိုးတစ်မျိုးကြောင့် ဖြစ်ပွားတဲ့ ကူးစက်ရောဂါတစ်မျိုးပါ။ များသောအားဖြင့် အသက် ၅ နှစ်နဲ့ ၁၅ နှစ်အကြား ကလေးငယ်တွေမှာ ဖြစ်ပွားလေ့ရှိပါတယ်။ ရောဂါလက္ခဏာတွေက လည်ချောင်းနာတာ၊ ဖျားတာ၊ ခေါင်းကိုက်တာ၊ လည်ပင်းရှိ lymph node များ ရောင်ရမ်းတာ ၊ ခန္တာကိုယ်မှာ အနီကွက်အဖုအပိမ့်များ ထွက်တာ၊ လျှာပေါ်မှာ စတော်ဘယ်ရီသီးလို အနီရောင် အဖုတွေထွက်တာ တို့ ဖြစ်ပါတယ်။

နာမည်ကြီး ဆရာဝန် Pakpoom Dechhasdin က ကလေးတွေမှာ အဲဒီ ရောဂါလက္ခဏာတွေ ရှိသလားဆိုတာ စောင့်ကြည့်ဖို့ မိဘတွေကို တိုက်တွန်းထားပါတယ်။ ကူးစက်ပြီး ၁ ပတ်အကြာမှာ ရောဂါလက္ခဏာတွေ ပြတတ်ပါတယ်။

သူက Scarlet Fever ဖြစ်ပွားသူတွေကို ပဋိဇီဝဆေးတွေ နဲ့ ချက်ချင်း ကုသရမှာ ဖြစ်ပြီး တခြားသူတွေကို မကူးစက်ဖို့ အနည်းဆုံး ၂၄ နာရီ သီးခြားခွဲထားရမယ်လို့ ပြောပါတယ်။ မကုသဘဲထားရင် အဆစ်အမြစ်ရောင်ရမ်းခြင်း၊ နှလုံးရောဂါနဲ့ ကျောက်ကပ်ရောဂါတွေလို နောက်ဆက်တွဲ ပြဿနာတွေ ဖြစ်လာနိုင်ပါတယ်။

သူက ကူးစက်နိုင်တဲ့ ဧရိယာတွေမှာ ကလေးတွေဟာ Face Mask ဝတ်ဆင်ထားသင့်ပြီး ကစားစရာ အရုပ်တွေနဲ့ အသုံးအဆောင် ပစ္စည်းတွေကို အတူတကွ မကစားကြဖို့ ၊ မသုံးကြဖို့ ပြောပါတယ်။ အဲဒီ ဘက်တီးရီးယားဟာ တံတွေး၊ နှာချေ၊ ခေါင်းဆိုးတဲ့အခါ ထွက်လာတဲ့ အရည်တွေကနေ ကူးစက်နိုင်ပါတယ်။

Ref : Nation Thailand

#ဘန်ကောက်လမ်းညွှန်ကိုစိုင်း

😢😥သတိထားရပါမယ်ရှင်။ ပိုတယ်မရှိပါဘူး 😥😢

ထိုင်းမှာ enterovirus ကူးစက်မှုကြောင့် အသက် ၃ နှစ်အရွယ် ကလေးမလေးတစ်ဦး သေဆုံး

ထိုင်းနိုင်ငံမှာ enterovirus ကူးစက်မှုကြောင့် အသက် ၃ နှစ်အရွယ် ကလေးမလေးတစ်ဦး သေဆုံးခဲ့ပါတယ်။ enterovirus ကူးစက်ပြီး ဒိုင်ယာနာလေး သေဆုံးမှုဟာ အင်တာနက်အသုံးပြုသူတွေကြားမှာ ကလေးမိဘတွေကြားမှာပါ စိုးရိမ်မှုတွေ မြင့်တက်ခဲ့ပါတယ်။

Enterovirus ဆိုတာ အထူးသဖြင့် အစာအိမ်နဲ့ အူလမ်းကြောင်းမှာ ဖြစ်ပွားတဲ့ picornaviruses တွေရဲ့ genus (Enterovirus) တစ်ခုခုမှမဟုတ်ဘဲ တခြားတစ်သျှူးတွေ (အာရုံကြောနဲ့ ကြွက်သားတွေလိုမျိုး) နဲ့ ပိုလီယိုဗိုင်းရပ်စ်၊ Coxsackievirus နဲ့ echovirus တို့ပါ၀င်ပါတယ်။

ပြီးခဲ့တဲ့ ဗုဒ္ဓဟူးနေ့က ဒိုင်ယာနာလေးရဲ့ မိခင် ဖေ့စ်ဘွတ်ခ်ပို့စ်မှာတင်ထားပုံရ ဒိုင်ယာနာလေးဟာ အဖျားတက်ပြီး အကြောဆွဲတာတွေကြောင့် ဆေးရုံကို ချက်ချင်းပို့ဆောင်ခဲ့ပါတယ်။

ဆေးရုံရောက်တော့ ဆရာဝန်တွေက ဒိုင်ယာနာလေးကို အသက်ရှုလမ်းကြောင်းဆိုင်ရာကိရိယာတွေ၊ နှလုံးသွေးကြောဆိုင်ရာ ကုထုံး တွေနဲ့ ကယ်ဆယ်ရေးတွေအမြန်ဆုံးဆောင်ရွက်ခဲ့ပေမယ့်ကလေးက အသက်ဆုံးပါးသွားခဲ့ပါပြီ။

ဆေးစစ်ချက်တွေအရ ပြင်းထန်တဲ့ enterovirus မှာဖြစ်ပွားတဲ့ ရောင်ရမ်းမှုတွေ နှလုံးခုန်နှုန်း ချို့ယွင်းခြင်း မှုတွေနဲ့ ဆက်စပ်နေတဲ့ myocarditis ဖြစ်ပွားခဲ့တာကြောင့် သေဆုံးခဲ့တာဖြစ်ကြောင်း ဆရာဝန်တစ်ဦးက ရှင်းပြထားပါတယ်။

အဆိုပါ ဗိုင်းရပ်စ်ပြန့်ပွားမှု အဓိကအကြောင်းအရင်းတွေကတော့ ကလေးထိန်းကျောင်းတွေဒါမှ မဟုတ် မူလတန်း ကျောင်းတွေမှာ ပြည့်ကျပ်ခြင်းနဲ့ တစ်ကိုယ်ရေသန့်ရှင်းမှု အားနည်းတာကြောင့် အခုလို ကူးစက်တာဖြစ်တယ်လို့ ထိုင်းနိုင်ငံ ကလေးကူးစက်ရောဂါအသင်းကပြောကြားထားပါတယ်။

Enterovirus ကူးစက်မှုဟာ အသက်ငါးနှစ်အောက် ကလေးတွေမှာ အများဆုံးတွေ့ရှိရတာဖြစ်ပြီး အထူးသဖြင့် မိုးရာသီနဲ့ အေးတဲ့ဆောင်းရာသီမှာပါ အဆိုပါ ဗိုင်းရပ်စ်ကို ကမ္ဘာတစ်ဝှမ်းမှာ တွေ့ရှိနိုင်တာကြောင့် အထူးသတိထားဖို့ ထိုင်းနိုင်ငံ ကလေးကူးစက်ရောဂါအသင်းက သတိပေးပြောကြားထားပါတယ်၊

Ref: The NationThailand

# ဘန်ကောက်လမ်းညွှန်ကိုစိုင်း

🔺 သတိထားနိုင်ရန် ပြန်လည်မျှဝေပါတယ်🔺

ဝက်သားအစိမ်းတွေမကျက်တကျက်စားသုံးရင်အကြားအာရုံကိုဆုံးရှုံးနိုင်တယ်လို့သတိပေးလာပါတယ် လက်ရှိအဲဝက်သားစိမ်းစားသုံးခြင်းကြောင့် ၁၉၇ ဦးကူးစက်ခံထားရတယ် တချို့ဆိုနားမကြားရတော့ဘူး ပီးခဲ့တဲ့ရက်က၂ယောက်ဆုံးသွားပီး ခုဆုံးတာ ၂၂ဦးရှိသွားပီရှင့် အစင်းကောတွေလဲမလုပ်စားကြပါနဲ့ ပီးတော့ဝက်သားချက်ပြုက်တဲ့အခါ အအီပြေအောင် သံပုရာသီးညှစ်ထည့်ကြတာရှိပါတယ် အဲဒီသံပုရာသီးညစ်ထည့်တာကိုခုချိန်မှာလုံးဝမလုပ်ကြဖို့သတိပေးလာပါတယ်ရှင့် အားလုံးဘေးကင်းကျန်းမာကြပါစေရှင့်🙏(Nanpiya Panno)

မျောက်ကျောက်ရောဂါ (Monkey Pox) အကြောင်း အမေးများသည့် မေးခွန်းများ
---------------------------------------
ဒေါက်တာမိုးအောင်ကျော်နိုင် (အထွေထွေရောဂါအထူးကုဆရာဝန်ကြီး)

မျောက်ကျောက်က စိုးရိမ်ရတဲ့ ရောဂါတစ်ခုလား ဆရာ။
မျောက်ကျောက်ရောဂါ(Monkey Pox)နဲ့ အနီးစပ်ဆုံးတူတဲ့ ရောဂါက ရေကျောက် (Chicken Pox)ပါ။ အမျိုးအစားလည်း တူတယ်၊ လက္ခဏာလည်း တူတယ်။ မျောက်ကျောက်ရောဂါရှိတဲ့သူနဲ့ ထိတွေ့ပြီး ၂-၃ ပတ်မှာ လက္ခဏာပေါ်တယ်။ ရေကျောက်ရောဂါကလည်း ဒီလိုပဲ ရောဂါရှိသူနဲ့ထိတွေ့ ပြီး ၂-၃ ပတ်မှာ လက္ခဏာ ပေါ်တယ်။
မျောက်ကျောက်ဗိုင်းရပ်စ်ရှိသူဆီကနေ ကူးစက်တဲ့ နည်းက...
နှာစေး၊ ချောင်းဆိုးရာက ထွက်လာတဲ့ အမှုန်အမွှားကတဆင့် ကူးစက်မှု (Droplet Infection)
အရေပြားချင်း၊ အသားချင်းထိတွေ့မှု
လိင်ဆက်ဆံမှု စတာတွေကနေ ကူးစက်နိုင်ပါတယ်။

ကူးပြီး ဘယ်လောက်အကြာမှာ လက္ခဏာပြနိုင်ပါသလဲ ဆရာ။
ဗိုင်းရပ်စ်ပိုးတို့ ထုံးစံအတိုင်းပဲ ကူးစက်ခံရပြီး ၂-၃ ပတ်အကြာမှာ ဖျားမယ်၊ ကိုယ်လက်ကိုက်မယ်၊ လည်ချောင်းနာမယ်...ဒါမျိုးလေးတွေ ဖြစ်တတ်ပါတယ်။ ပြီးရင် အရည်ကြည်ဖုလေးတွေ၊ အနီဖုလေး တွေ စထွက်ပါတယ်။
မျောက်ကျောက်ဖြစ်ရင် မျက်နှာအရေပြားမှာ အဖုတွေ စထွက်ပါတယ်။ ပြီးတော့မှ လက်ဖျား၊ ခြေဖျား စတာတွေ ထွက်ပြီး တစ်ကိုယ်လုံးကို ပြန့်ပါတယ်။ ရေကျောက်ကတော့ ခန္ဓာကိုယ်က စထွက်ပြီးတော့မှ လက်နဲ့ မျက်နှာကို ရောက်ပါတယ်။
အရွယ်အစားအရ ရေကျောက်ဖြစ်ရင် အဖုသေးပေမယ့် မျောက်ကျောက်ဖြစ်ရင်တော့ ၅ မီလီမီတာက ၁ စင်တီမီတာလောက်အထိ အရွယ်ကြီးတတ်ပါတယ်။

ဘယ်လိုလူတွေက သတိထားသင့်ပါသလဲ ဆရာ။
အများစုကတော့ ကာကွယ်ဆေးမထိုးထားလည်း ကိုယ်ခံစနစ်က တိုက်ခိုက်ပြီးတဲ့အခါ ၂-၄ ပတ်အတွင်း အပြီးပျောက်ပါတယ်။
အသက် တစ်လအောက် ကလေးငယ်တွေ
အသက်အရွယ်ကြီးရင့်သူတွေ
ကိုယ်ဝန်ဆောင်တွေ
ကိုယ်ခံအားနည်းတဲ့ HIV ရောဂါရှိသူတွေ၊ ကင်ဆာရောဂါရှိသူတွေ၊ ကင်ဆာကုသမှု ခံယူနေသူတွေ၊ ကိုယ်ခံအားခုနှိမ်ဆေး မှီဝဲနေသူတွေမှာ ရောဂါကြီးမားပြီး ပြင်းထန်တတ်ပါတယ်။
ဗိုင်းရပ်စ်ကိုယ်တိုင်က ဦးနှောက်ရောင်တာ၊ နှလုံးကြွက်သားရောင်တာ၊ နမိုးနီးယားအဆုတ်ရောင်တာနဲ့ မျက်စိနာ မျက်စိထိခိုက်တာတွေ ဖြစ်တတ်ပါတယ်။
ဘက်တီးရီးယားပိုးတွေ ထပ်ဝင်ရင် အရေပြားမှာ ပြည်တည်နာဖြစ်မယ်၊ အဆုတ်ကို ဘက်တီးရီးယား ဝင် ရောင်ရမ်းရာက အသက်အန္တရာယ် ရှိပါတယ်။ သေဆုံးမှုနှုန်းက ၂-၅ ရာခိုင်နှုန်းလောက်အထိ ရှိပါတယ်။ ၉၉ ရာခိုင်နှုန်းကတော့ အသက်အန္တရာယ်မရှိပါဘူး။

ကိုဗစ်လိုမျိုး ကူးစက်လွယ်ပါသလား ဆရာ။
ကိုဗစ်မတိုင်ခင်ကတော့ မျောက်ကျောက်က ကူးစက်အလွယ်ဆုံးရောဂါဖြစ်ခဲ့တယ်။ ဒါပေမဲ့ ကိုဗစ်လောက် ကူးစက်မှု မများပါဘူး။ ကိုဗစ်က Airborn infection ဖြစ်ပြီး မျောက်ကျောက်က Droplet infection ဖြစ်ပါတယ်။ ဒါကြောင့် ကိုဗစ်က လေယာဉ်၊ ဘတ်စ်တစ်စီးထဲမှာဆိုရင် ၄ပေအကွာ လေထဲကနေ ကူးနိုင်ပါတယ်။ မျောက်ကျောက်ကျတော့ ရောဂါရှိသူဆီက နှာစေး၊ ချောင်းဆိုးအမှုန်အမွှားနဲ့ ထိတွေ့မှ ကူးစက်နိုင်တာပါ။

မျောက်ကျောက်ဖြစ်ရင်ထွက်တဲ့ အရေပြားအလုံးအဖုတွေက ဘယ်လောက်ကြာမှ ပျောက်နိုင်တာပါလဲ ဆရာ။
လူတစ်ယောက်ချင်းစီရဲ့ ကိုယ်ခံစနစ်ပေါ်မူတည်ပြီး ၂-၄ ပတ်ကြာမှ ပျောက်ပါမယ်။ အရေပြားပေါ်က အနာဖေးတွေရှိနေသရွေ့ နှာစေးချောင်းဆိုး အသက်ရှူလမ်းကြောင်းထဲက ထွက်လာတဲ့ အမှုန်အမွှားတွေမှာ ပိုးပါဝင်နိုင်ပါတယ်။ အမာရွတ်၊ အနာတွေက အရေပြားအောက်ကို ဘယ်လောက်ထိခိုက်သွားသလဲဆိုတဲ့အပေါ် မူတည်ပြီး အမာရွတ်ကျန်ခဲ့နိုင်ပါတယ်။
အများစုက ရေကျောက်လိုပဲ မျောက်ကျောက်တစ်ခါဖြစ်ဖူးသွားရင် Immunity ရသွားပြီး တစ်သက်တာမှာ ပြန်မဖြစ်တော့ပါဘူး။

ဘယ်လိုကာကွယ်ရမလဲ ဆရာ။
အနောက်နိုင်ငံတွေမှာတော့ မျောက်ကျောက်ကာကွယ်ဆေး ပေါ်နေတယ်လို့တော့ သိရပါတယ်။
ပုံမှန်ကာကွယ်နည်းကတော့ ကိုဗစ်လိုပါပဲ။
နှာခေါင်းစည်းတပ်ရပါမယ်။
လက်ဆေးရပါမယ်။
ရောဂါပိုးရှိသူနဲ့ ၃ပေအကွာလောက် နေရင် ရပါတယ်။ ရောဂါပိုးရှိသူ နှာခေါင်းစည်းတပ်ထားရင် ကူးစက်မှုနှုန်းက ကိုဗစ်လို မများပါဘူး။

တကယ်ပါနော်💁

မြန်မာပြည်မှာဆေးကုမယ်ဆိုရင် 💉💉💉

ကိုယ့်နိုင်ငံက ကျန်းမာရေးစောင့်ရှောက်မှုနဲ့ ပတ်သက်ပြီးနည်းနည်းတော့ပြောအုံးမယ်

ပြောရမှာလည်း ခပ်လန့်လန့်ရယ်။

မတက်နိုင်ဘူး ပြောစရာရှိတာလေးတော့ အများသိအောင်ပြောရမယ်။

ပြီးခဲ့တဲ့ ၃၁ ရက်နေ့ မနက်ကြီး သူငယ်ချင်း တူးနိုင်က က ဘန်ကောက်ကနေ ဖုန်းဆက်တယ်

သူ့သမီး ဆေးရုံတက်နေရတယ်ဆိုတဲ့ အကြောင်းပြောပြတယ်။

ပြီးတော့သူ့သမီး ရောဂါ ဖြစ်စဉ်လေးပြောပြလို့ အားလုံးသတိထားနိုင်ဖို့ရော အဘက်ဘက်ကပြင်ဆင်စရာ ပြုပြင်စရာရှိတာ ပြုပြင်နိုင်ဖို့ အတွက်ပါ။

သူငယ်ချင်းလည်းရေးထားပါတယ်။

နည်းနည်းထပ်ဖြည့်ပြောချင်လို့ပါ။

သူ့သမီးအကြီးမက ၃ နှစ်ခွဲ။

ကလေးက ဗိုက်နာတယ် နာတယ်ဆိုပြီး ခဏတိုင်းပြောတယ်။

ဒါနဲ့ နာမည်ကြီး ပုဂ္ဂလိကဆေးရုံက နာမည်ကြီး ကလေးအထူးကုနဲ့သွားပြတယ်။

အဲ့တော့ ၀မ်းကိုက်တာဆိုပြီး ပိုးသတ်ဆေးတွေပေးလိုက်တယ်။

သောက်တယ် မသက်သာဘူး။

တစ်ညလုံးမအိပ်ရဘူး။

ဒါနဲ့ ဆေးရုံဖုန်းဆက်ပြီး မသက်သာလို့ ဆရာမကြီးနဲ့ ဖုန်းပြောလို့ရမလားဆိုတော့ မရဘူးတဲ့။

ဒါနဲ့ နောက်ရက်သွားပြတော့လည်း ဆရာမကြီးက တနင်္ဂနွေနေ့မလို့မထိုင်ဘူးတဲ့။

ထားပါတော့ ဒါနဲ့ ဟို ပြဒီပြ ဟိုဆေးတိုက်ဒီဆေးတိုက်နဲ့ မသက်သာဘူး။

၄ ရက်လောက်ကြာသွားတယ်

ဒါနဲ့ နောက်ရက်မှာ ပထမပြတဲ့ ဆရာမကြီဆီသွား ကလေးက မသက်သာလို့ Ultrasound လေးဘာလေးရိုက်ကြည့်ရင် ကောင်းမလားပြောတော့ ။

ရိုက်ချင်လည်းရိုက်လေ။

တစ်ချို့မိဘတွေက ငါတို့က ရိုက်ခိုင်းရင် ပိုက်ဆံကုန်အောင်သက်သက်လုပ်တယ်ဆိုပြီး ပြောကြလို့တဲ့။

ဒါနဲ့ ရိုက်လိုက်တော့ ကလေးက အူအကြီးပေါ်ကို အူအသေးစွပ်သွားတာ။။

အူကျွံတာတဲ့။

ကဲ ဒီနေရာမှာ ကျနော်သူငယ်ချင်းကသာ Ultrasound ရိုက်ပေးဖို့ စောဒက မတက်ခဲ့ရင် ကလေးကဘယ်လောက်ထိ ထပ်ခံနေရမလဲမသိ။

ထားတော့

ဒါနဲ့ ဘာလုပ်ရမလဲဆိုတော့ စအိုထဲကနေ ဆေးသွင်းရမယ်။

ဆေးသွင်းလိုက်လို့ အူကပွလာပြီး ပြန်ကျွတ်သွားတက်တယ်။

ကျွတ်မကျွတ်ကတော့ ၅၀ = ၅၀ ပဲတဲ့။

တကယ်လို့ မကျွတ်ရင် ဗိုက်ခွဲပြီး အဲ့ စွတ်နေတဲ့ အူကိုဖြတ်တောက်ပြန်ဆက်ရမယ်တဲ့။

ဒါနဲ့သူငယ်ချင်းက ခွဲစိတ်မှုလုပ်ရမယ်ဆိုရင်တော့ ဒီမှာမလုပ်ချင်ဘူး။

ဆေးထည့်ကြည့်မယ် မရရင် နိုင်ငံခြားသွားခွဲစိတ်ချင်တယ်ဆိုတော့ ။

အဲ့ဒါဆို မခွဲဘဲနဲ့ ခွဲစိတ်ဆရာဝန်ခေါ်ရမှာ အားနာတယ်တဲ့ ဆေးရည်ကလည်း ဝမ်းထဲကနေ ဝင်တာနဲ့ ဗိုက်ကြီးဖောင်းလာပြီး ကလေးကနေနိင်မှာမဟုတ်ဘူးတဲ့။

ပြောပုံကကြည့်အုံး မခွဲဖြစ်ပဲ ခေါ်ရမှာ အားနာတယ်တဲ့။

ထားပါတော့ ဒါနဲ့ သူငယ်ချင်းက ဘန်ကောက်ချက်ချင်းအရေးပေါ် သွားလိုက်တယ်။

ည ၁၀ နာရီလောက်ကြီး ဘန်ကောက်ဆေးရုံရောက်သွားတယ်။

ချက်ချင်းပဲ စစ်ဆေးပေးတယ်။

ဆရာ၀န်မရှိသေးဘူး ဖုန်းဆက်ခေါ်ရအုံးမယ်ဆိုတာ မရှိဘူး။

တန်းစစ်တယ်။

Ultrasound 12နေရာလောက်ရိုက်ပြီးတော့ ဟုတ်တယ် အူကျွံတာတဲ့။

ဘာမှမပူနဲ့ ခဏပဲ ထုံဆေးလည်း မပေးရဘူး ။

မေ့ဆေးလည်းမပေးရဘူး လွယ်တယ်တဲ့။

တစ်ခုခုဖြစ်ရင် ခွဲစိတ်ဆရာ၀န် အဆင့်သင့်လုပ်ထားမယ်တဲ့။

ဒါနဲ့ခွဲစိတ်ခန်းထဲ၀င်ပြီး စအိုထဲကိုပိုက်ထည့် သွေးပေါင်ချိန်တဲ့လေဘောလုံးလိုဟာလေးနဲ့ TV ကေသေချာကြည့်ချိန်ပြီး နှစ်ချက်လောက်ညှစ်လိုက်တာ ကျွတ်သွားတယ်တဲ့။

X ray ဘာတွေနဲ့ သေချာစစ်ဆေးလိုက်တယ် အိုကေသွားတယ်တဲ့။

နာရီ၀က်တောင်မကြာဘူး။

ကဲ နှိုင်းယှဉ်ကြည့်တော့ ကျွန်တော်နိုင်ငံရဲ့ ကျန်းမာရေးစောင့်ရှောက်မှုအဆင့်အတန်း။

တကယ်လို့သာ ကျွန်တော့်သူငယ်ချင်းသာ နိုင်ငံခြားမသွားခဲ့ဘူးဆိုရင် ကိုယ့်နိုင်ငံမှာပဲ အထက်မှာပြောထားသလို ဆေးထည့်မယ် မရရင် ဗိုက်ခွဲပြီး အူဖြတ်ထုတ်မယ်။

ဒီ ၃ နှစ်ခွဲကလေးငယ်လေးက ဒီလောက်ထိလုပ်ခံရမှာ။

မသွားနိုင်တဲ့သူတွေဆိုရင်ရော ဒီလိုပဲ ခံကြရမှာလား။

ဒါက နယ်မှာမဟုတ်ဘူးနော် ရန်ကုန်မြို့ကြီးမှာ။

ကိုယ့်အဖေကိုယ်တိုင် ဒီမှာ ဆေးရုံပေါင်းများစွာ ဆရာ၀န်ကြီးများစွာနဲ့ ပြတာ မသက်သာလို့ စင်္ကာပူထွက်ကုလို့ ကိုယ့်အဖေမသေခဲ့တာ။

ဟိုသွားပြတော့ ဖြစ်တဲ့ရောဂါက ဘာမှမဟုတ်ဘူး။

ဆေးသောက်တာနဲ့သက်သာတာ။

မရတော့ဘူးများလား ထင်ခဲ့တဲ့ ကိုယ့်အဖေ ခု ကားတောင် ကိုယ်တိုင်မောင်းလို့။

အခြားမိတ်ဆွေတွေထဲလည်း ခုလိုဖြစ်စဉ်တွေအများကြီး။

TB ဆိုပြီး တီဘီဆေးတွေတိုက် ဟိုသွားပြတော့ တီဘီမဟုတ်တာတွေ။

သားအိမ်ကင်ဆာဆိုပြီး သားအိမ်ထုတ်မလို့ ဟိုသွားပြလိုက်တော့ ဆေးသောက်ရုံနဲ့ ပျောက်သွားတာတွေအများကြီး။

စင်္ကာပူက ဆရာ၀န်ပြောတာလေး ပြန်ပြောပြအုံးမယ် မြန်မာနိုင်ငံမှာ ခွဲစိတ်ကုသပြီး မသက်သာလို့ ဒီလာပြတဲ့လူနာတွေက မလိုအပ်ဘဲ ခွဲစိတ်ထားတာက ၇၀ ရာခိုင်နှုန်းလောက်ရှိတယ်တဲ့။

ပီးရော အဲ့လိုပြောရင်လည်း ဘယ်ဆရာ၀န်မှ မကြိုက်ဘူး။

စလုံးက ဆရာ၀န်ပြောတာ ဟုတ်မဟုတ်ကတော့ ခုဖြစ်စဉ်တွေသာကြည့်ကြပေါ့။

အဲ့တော့ ဘယ်လိုလုပ်ကြမလဲ။

အားလုံးမှာတာ၀န်ရှိတယ်။

နံပါတ် ၁ အစိုးရအနေနဲ့ ကိုယ့်နိုင်ငံရဲ့ နိမ့်ကျနေတဲ့ ကျန်းမာရေးနဲ့ ပညာရေးကို ဦးစားပေး မြှင့်တင်သင့်တယ်။

ဘယ်အစိုးရတက်တက် ကျန်းမာရေးနဲ့ ပညာရေးက စနစ်က မြင့်မလာဘူး။

အစမ်းသပ်ခံဘ၀ကနေ တက်မလာဘူး။

ဆရာ၀န်တွေဘက်လည်းက ပြုပြင်ရမှာအများကြီး။

မြန်မာနိုင်ငံမှာ လူနာအခွင့်ရေးလုံး၀မရှိသလောက်ပဲ။

လူနာအပေါ်ကို အချိန်မပေးဘူး။

ဆရာ၀န်ချင်း အချင်းချင်း ပေါင်းစပ်ညှိနှိုင်း ကူသမှုမရှိဘူး။

တစ်ယောက်ပြ တစ်မျိုး။

နောက်တစ်ယောက်ပြရင် ရှေ့တစ်ယောက်ကို အပြစ်တင်တယ်။

လူနာက ဆရာ၀န်ကို ပြန်မေးလို့၊ ထင်မြင်ချက်ပေးလို့ ဆွေးနွေးလို့ မရဘူး။

ငါတို့ပြောတာအမှန် ငါတို့ခိုင်းတာလုပ်ပဲ။

ငါတို့လောက်မင်းတို့က တက်လို့လားဆိုတဲ့ သဘောထားတာ။

ဆရာ၀န်တိုင်း မဟုတ်ပေမယ့် အများစုပဲ။

ဟိုလူက ငေါက် ဒီလူကဟောက် အောက်ခြေ သန့်ရှင်းရေး၀န်ထမ်းကစပြီး အကုန်ကြောက်ရတာ။

ကျန်းမာရေးစောင့်ရှောက်မှုနိမ့်ကျနေတာနဲ့ပတ်သက်ပြီးဆောင်းပါးရေးဘူးတယ်။

ဆရာ၀န်အများစု မျက်မုန်းကျိုးတာပဲ။

(အဲ့ဒါကျ ဘာဖြစ်ကြတာလဲမသိဘူးနော်

မှန်ဝာာလေး ပြောပြမိတာကို*ပို့စ်ပြန်တင်သူ)

ကိုယ့်မိန်းမ ဆရာ၀န်မက အစ ပြောရခက်တယ်။

သူတို့ထက်သိသူ တက်သူမရှိပဲ။

အစိုးရရော ဆရာ၀န်တွေဘက်ကရောကတော့ ဘယ်လောက်ပြောပြောလဲ မထူးခဲ့ဘူး။

အဲ့တော့ ပြောရတဲ့ ပြည်သူအားလုံးကို အကြံပြုချင်တာက ကိုယ့်နိုင်ငံမှာ ကျန်းမာရေးမကောင်းလို့ မသက်သာခဲ့ ဘူးဆိုရင် ဆေးရုံပြောင်းပါ။

ဆရာပြောင်းပြပါ။

စစ်ဆေးစရာရှိတာ အကုန်စစ်ဆေးပါ

အကြီးစားခွဲစိတ်မှုလုပ်ရမယ်ဆိုရင် ဘန်ကောက်လောက်သွားပြကြည့်ပါ။

ဒီမှာကုတာနဲ့ ဟိုမှာ ကုတာ ဘာမှမကွာပါဘူး။

နိုင်ငံခြားကို မကြောက်ပါနဲ့။

ဒီက ပုဂ္ဂလိကဆေးရုံအများစုကလည်း ဆော်တာပါပဲ။

နောက်တစ်ခုက ဟိုမှာသွားပြရတာ တကယ်စိတ်ချမ်းသာရတယ်။

လူနာကို တကယ်နွေးထွေစွာ ဆက်ဆံတာ။

သေချာဆွေးနွေး ပြောဆိုခွင့်ရတယ်။

လူနာအခွင့်ရေးအပြည့်ရပါတယ်။

ကျနော်သူငယ်ချင်း ခုကလေးသွားပြတာ လူ ၄ ယောက်သွားတာ သိန်း ၃၀(2018လောက်ကရေးတာလို့ထင်မိပါသည်။ခုဈေးနူန်းမသိပါ။ပို့စ်ပြန် တင်မိသူ)

လောက်ပဲကုန်ခဲ့တယ်။

ခုရေးတာက ဘယ်သူ့မှတိုက်ခိုက်ချင်လို့မဟုတ်ဘူး။

ကိုယ့်အမေလည်း ကျန်းမာရေးက ကိုယ့်မိန်းမလည်း ဆရာ၀န်မ ကိုယ့်မိတ်ဆွေတွေလည်းဆရာ၀န်တွေအများကြီး။

ခုလို မှားနေတာတွေ လိုအပ်နေတာတွေ ပြုပြင်စရာရှိတာတွေကို အစိုးရ ၊ ကျန်းမာရေး၀န်ထမ်းတွေ၊ ပြည်သူတွေ ဝိုင်း၀န်းစဉ်းစား ပြုပြင်နိုင်အောင်အတွက်ပဲ

- ကျော်ကြီး(MDY)မူရင်းရေးသားသူ

Mask လေးတွေ လိုအပ်နေပြီဆို မှာယူနိုင်ပါတယ်။
လူများသည့်နေရာသို့ သွားလာ
သည့်အခါ 😷 တပ်ပေးပါ။
09 250001850 ကို 📞 hello လိုက်ပါရှင် ။

💙 ကျန်းမာ ချမ်းသာကြပါစေ 💙

ကိုဗစ်တွေပြန်ဖြစ်နေပြီဆို

အရင်ကတည်းက ကိုဗစ်က ပျောက်သွားတာမဟုတ်ဘူး။ ကာကွယ်ဆေးတွေထိုး၊ ကူးစက်မှုတွေများတာကြောင့် လူတိုင်းလိုလို ကိုယ်ခံအားရပြီး မသိသာတော့တာ။ ကိုဗစ်စဖြစ်ကတည်းက ပြောခဲ့သလိုပါပဲ။ ကိုဗစ်ဟာ ရာသီတုပ်ကွေးလိုမျိုးပဲ ပြန်ပြန်လာမယ့်ရောဂါဖြစ်သွားပြီ။ အသစ်အသစ်သော ကိုဗစ်ပိုးတွေက ဆက်ဒုက္ခပေးနေဦးမှာပဲ။ အခုလူတွေကြားထဲ သိလာတဲ့ ကိုဗစ်ရောဂါပိုးအသစ်ကတော့ နောက်ဆုံးဖြစ်တဲ့ အိုမီခရွန်ရဲ့ မျိုးကွဲ Arcturus (အာ့တူးရပ်စ်) လို့ခေါ်ပါတယ်။

စိုးရိမ်စရာကောင်းလား

Arcturus က အိုမီခရွန်မျိုးကွဲပဲဖြစ်လို့ ကူးစက်မြန်ပါတယ်။ ကူးစက်မှုအမြန်ဆုံးလို့တောင် ပြောကြတယ်။ ကာကွယ်ဆေးကိုယ်ခံအားကို ခံနိုင်ရည်ရှိတယ်လို့ဆိုတယ်။ ဒါပေမယ့် ပိုပြင်းထန်တယ်ဆိုတဲ့အထောက်အထားမတွေ့ဘူး။ ကူးစက်မြန်တယ် မပြင်းထန်ဘူးပေါ့။ ဒါကြောင့် ထူးထူးခြားခြားကြီး စိုးရိမ်စရာတော့မလိုပါဘူး။

ရောဂါလက္ခဏာ ဘာတွေရှိလဲ

သူ့ရဲ့ ထူးခြားတဲ့ရောဂါလက္ခဏာက မျက်စိနာတာပါ။ ဒီမှာတစ်ခုပြောရမှာက တချို့တွေ မျက်လုံးပန်းရောင်ဖြစ်တယ်ဆိုပြီး ပြောနေကြတယ်။ အဲဒါမဟုတ်ဘူး။ အင်္ဂလိပ်စကားလုံး Pink eye ဆိုတာကို နားလည်မှုလွဲနေတာ။ အင်္ဂလိပ်လိုက မျက်စိရောင်တာ မျက်စိနာတာကို Pink eye လို့သုံးတယ်။ မျက်လုံးအဖြူနေရာက ရောင်နေတဲ့အတွက် ပန်းရောင်လိုမျိုးဖြစ်နေတာကိုပြောတာ။ ကျန်တဲ့လက္ခဏာတွေကတော့ အရင်လိုပါပဲ။ အဖျားတက်၊ ချောင်းဆိုး၊ လည်ချောင်းနာ ဒါတွေပါပဲ။

ဘာတွေလုပ်ရမလဲ

ဘာမှ ထူးထူးခြားခြားမပြောင်းလဲသွားဘူး။ မက်စ်တပ်၊ လက်ဆေး၊ လူကြားထဲသွားတာရှောင်၊ ဖျားနေရင် အပြင်မထွက်နဲ့ အလုပ်မသွားနဲ့။ ကာကွယ်ဆေးထိုးထားတာဝေးနေပြီဆိုရင် ထပ်ဆောင်းကာကွယ်ဆေးထိုး။ တချို့ကလည်း နှစ်မျိုးစပ် ကာကွယ်ဆေးထိုးတယ်။ သိပ်အများအစားကြီး ကွာတယ်လို့တော့ ကျနော်မထင်ဘူး။

Credit🌼

သိထားသင့်တာ​လေးမို့ မျှ​ဝေပါတယ် 🧚‍♀️
​
ဒီတစ်ခါတော့ လွယ်လွယ်ကူကူ ဆေးဝယ်နည်းသင်ပေးမယ်

သိပြီးတဲ့သူတွေအတွက်တော့ ဘာမှမထူးဆန်းပါဘူး။ မှတ်ရလွယ်အောင် အဓိကကျတဲ့ သုံးမျိုးပဲပြောမယ်။

၁။ ဆေးအမျိုးစားတူတယ်။ တံဆိပ်မတူဘူး - အမျိုးစားတူ တံဆိပ်တူရရင်တော့ အကောင်းဆုံးပေါ့။ ဒါပေမယ့် တချို့ဆိုင်တွေမှာက ဆေးအမျိုးစား တူပေမယ့် တံဆိပ်မတူတာမျိုးရှိတယ်။ ဒါလည်းဝယ်လို့ရတယ်။ ဥပမာ တီဗွီအမျိုးအစားတွေမှာ ဆိုနီရှိမယ်၊ ဆမ်ဆောင်းရှိမယ်၊ တိုရှီဘာရှိမယ်ဆိုပြီး တံဆိပ်တွေကွဲပေမယ့် တီဗွီဆိုတာကတော့အတူတူပဲမို့ ကြည့်လို့ရမှာပဲ။ ဆေးတွေလည်း ဒီသဘောအတိုင်းပဲ။ ပါရာစီတမောလ် အဖျားပျောက်ဆေးကိုပဲ ဘိုင်အိုဂျက်ဆစ်ရှိမယ်၊ ပါရာကပ်ရှိမယ် စသဖြင့် နာမည်အမျိုးမျိုးနဲ့လာတယ်။ တချို့ကလည်း အဲဒီနာမည်နဲ့ ဆေးမှလို့ စွဲကြတာလည်းရှိတယ်။ ဒါကတော့ သဘောအတိုင်းပဲပေါ့နော်။ ဒါပေမယ့် ကိုယ့်ဆေးက သောက်မှရတော့မယ် သောက်နေကျတံဆိပ်လည်းမရှိဘူး၊ ဒါမှမဟုတ် ဈေးမတတ်နိုင်ဘူးဆိုရင် အမျိုးအစားတူ တခြားတံဆိပ်တစ်ခုခုကိုဝယ်လို့ရတယ်။ ဆေးကတ်တွေကို ဖတ်ကြည့်တဲ့အခါ အများအားဖြင့် အပေါ်မှာ စာလုံးကြီးကြီးနဲ့ရေးထားတာက ဒီဆေးကိုထုတ်တဲ့ကုမ္ပဏီတံဆိပ်ဖြစ်ပြီး အောက်က ခပ်သေးသေးရေးထားတာက ဆေးအမျိုးအမည်ပါဝင်ပစ္စည်းနဲ့ ဘယ်လောက်ပါလဲဆိုတဲ့ ပမာဏဖြစ်ပါတယ်။ ဒါကြောင့် ဆေးဝယ်မယ်ဆိုရင် ဆေးနာမည်အပြင် ကိုယ်ဝယ်တဲ့ဆေးရဲ့ အမျိုးအစားကိုပါသိရင်တော့ ပိုကောင်းတယ်။ ဆေးဆိုင်မှာမေးတဲ့အခါမှာလည်း ဒီနာမည်နဲ့မရှိ နောက်နာမည်တစ်ခုနဲ့ ဆေးအမျိုးစားတူတူကို ဝယ်လို့ရတယ်။

၂။ ဆေးပမာဏကိုသတိထားပါ - ကိုယ်သောက်တဲ့ဆေးရဲ့ ပမာဏက ကိုယ့်ရောဂါနဲ့ချိန်ပြီး ဆရာဝန်က ပေးထားတာဖြစ်တယ်။ ဥပမာ သွေးတိုးရောဂါရှိတာချင်းတူတူ ဆေးချင်းအတူတူ တချို့က 5mg ကို သောက်တယ်၊ တချို့က 10mg ကိုသောက်တယ်။ ဘယ်လောက်လိုအပ်လဲဆိုတာကိုက ဆရာဝန်က ချိန်ပေးရတာ။ ကလေးတွေဆိုရင် လူကြီးတွေသောက်တဲ့ ပါရာစီတမောလ်ပဲသောက်လို့မရဘူး။ လူကြီးတွေအများစုက 500mg သောက်ကြပေမယ့် ကလေးကျ ငါးရာအားဆိုအရမ်းများတယ်။ ဆေးပမာဏပြင်းထန်တဲ့အတွက် ဘေးထွက်ဆိုးကျိုးဒဏ်ပိုခံရမယ်။ ကိုယ်တွင်းအင်္ဂါတွေထိခိုက်မယ်။ ဒါကြောင့် ကိုယ်သောက်တဲ့ဆေးကိုဝယ်တဲ့အခါ ဆေးပမာဏ၊ ပြင်းအားတွေကို သေချာသတိထားရမယ်။ တံဆိပ်မတူရင်တောင် အမျိုးစားတူမယ်ဆိုရင် ပြင်းအားတူတူ ပါဝင်ဆေးပမာဏတူတူတွေကိုပဲ ဝယ်ရမယ်။ အဲဒီဆေးပမာဏကိုလည်း ကိုယ်သောက်တဲ့ဆေးကတ်မှာရေးထားတယ်။ 2.5mg, 5mg, 250mg, 500mg စသဖြင့် မျိုးစုံပဲ။ သေချာကြည့်ဝယ်ရမယ်။

၃။ သက်တမ်းကုန်ဆုံးရက်နဲ့ ဆေးအရည်အသွေး - ဆေးဆိုင်အကြီးတွေမှာတော့ ဒီပြဿနာသိပ်မရှိဘူး။ သူတို့ဆေးတွေကိုက ကွန်ပျူတာစနစ်နဲ့ သက်တမ်းကုန်ဆုံးရက်တွေချိန်ထားတယ်ထင်တယ်။ ဆိုင်အသေးတွေမှာဆိုရင်တော့ ဆေးဝယ်တဲ့အခါ သက်တမ်းကုန်ဆုံးရက်ကိုကြည့်ရမယ်။ ဆေးကတ်လိုက်ဝယ်ရင် ကတ်ရဲ့အနောက်ဖက် ဒါမှမဟုတ် ဘေးထောင့်စွန်းလေးတွေမှာ ရေးထားတတ်တယ်။ တစ်လုံးချင်းဝယ်ရင်တော့ ဆိုင်ကို ဆေးကတ်ပြခိုင်းမှရမယ်။ သက်တမ်းကုန်နေတဲ့ဆေးတွေက ကိုယ်လိုချင်တဲ့ကောင်းကျိုးမရတဲ့အပြင် ဆိုးကျိုးပါဖြစ်စေသေးတယ်။ သက်တမ်းအပြင် နောက်တစ်ခုကြည့်ရမှာက ဆေးအရည်အသွေးပျက်နေပြီလားဆိုတာပဲ။ နဂိုကိုယ်သောက်နေကျ ဆေးအဖြူက အခု ဝါနေတယ် ညစ်ထေးထေးဖြစ်နေတယ်ဆိုရင် ဒါ ဆေးက သက်တမ်းကုန်နေတာလား ဒါမှမဟုတ် သေသေချာချာမသိမ်းထားလို့ အရည်အသွေးပျက်နေတာလား တစ်ခုခုပဲ။ မှိုတွေဘာတွေပါ တက်နေရင်တော့ ပိုဆိုးတယ်။ ဒါကြောင့် ဆေးရဲ့သက်တမ်းရော ဆေးရဲ့အနေအထားပုံစံကိုရော ကြည့်ရမယ်။ သက်တမ်းကုန်နေရင် ဆေးပုံစံက မမှန်ဘူး ပျက်နေတယ်လို့ထင်ရင် ပြန်လဲခိုင်းရမယ်။

Credit ♥️