WE9 - EKS Professional Skin Care

မရှိခြင်းဟာ ချမ်းသာတယ်လို့
နားလည်လာတဲ့အခါ
မရှိမှာကိုမကြောက်တော့ဘူး ။

ရှိလာခြင်းဟာမမြဲဘူးလို့
နားလည်လာတဲ့အခါ
ဘာကိုမှ စွဲလန်းမထားတော့ဘူး ။

တိတ်ဆိတ်မှုဟာအရှုပ်ကင်းခြင်းလို့
နားလည်လာတဲ့အခါ
နေရာတကာ ၀င်မပါတော့ဘူး ။

အထင်ကြီးခံရမှုဟာဘ၀မဟုတ်မှန်း
ခံစားလာရတဲ့အခါ
သတိလက်လွတ်မပျော်မိတော့ဘူး ။

အထင်သေးခံရမှုဟာ
အားငယ်စရာမဟုတ်မှန်းသိလာတဲ့အခါ
အပြစ်တင်မှုတွေကို ဂရုမစိုက်တော့ဘူး ။

ဘ၀ဟာ ခဏပါလို့ နားလည်လာတဲ့အခါ
အမုန်းတရားတွေနဲ့စိတ်ညစ်စရာတွေကို
သိမ်းပိုက်မထားချင်းတော့ပါဘူး ။

နေရသမျှလေးမှာ
အပြစ်ကင်းပြီးစိတ်ချမ်းသာအောင်ပဲ
ကြိုးစား၍ နေဖြစ်ပါတော့တယ် ။

တစ်ယောက်ယောက်က
ကိုယ့်ကို လိုအပ်နေတာလေးကို သဘောကျတယ် ။
မရှိမဖြစ်ဆိုတာမျိုးကို မဆိုလိုပါဘူး
တစ်ခုခုဆိုရင် ကိုယ့်ကို အရင်ပြေးမြင်တာ
ကိုယ့်ကို သတိတရ ရှိနေတာ ၊
ကိုယ့်အတွက် သီးသန့် လေး အချိန်ပေးတာ
စသဖြင့်...ကိုယ့်ကိုလိုလိုချင်ချင် ရှိတာလေးကို
သဘောကျတယ် ။❤

- ခက်နှောင်

ပညာသားပါပါ စကားပြောနည်း
-------------------------------------

အရေးကြီးသည့်ကိစ္စ - ရှင်းရှင်းလင်းလင်းပြောပါ။
အရေးမကြီးသည့်ကိစ္စ - ဟာသနှော၍ ပြောပါ။

မပိုင်နိုင်သောကိစ္စ - ဆင်ဆင်ခြင်ခြင် ပြောပါ။
ပိုင်နိုင်သောကိစ္စ - အကိုးအကားနှင့် ပြောပါ။

ပျော်ရွှင်ဖွယ်ကိစ္စ - အချိန်နှင့် အခါကို ကြည့်ပြောပါ။
မပျော်ရွှင်ဖွယ်ကိစ္စ - လူနှင့် နေရာကို ကြည့်ပြောပါ။

သူတစ်ပါးကိစ္စ - သတိထားပြီးပြောပါ။
ကိုယ့်ကိစ္စ - သူများပြောတာ နားထောင်ပါ။

မဖြစ်ပျက်သေးသည့်ကိစ္စ - လက်လွတ်စပယ်မပြောသင့်။
မလုပ်နိုင်သေးသည့်ကိစ္စ - ကတိလွယ်လွယ်မပေးသင့်။
အကျိုးယု၊တ်မည့်ကိစ္စ - လုံးဝမပြောသင့်။

မသိနိုင်သည့်ကိစ္စ - လစ်လျူရှုပါ။
မဖြစ်နိုင်သည့်ကိစ္စ - လစ်လျူရှုပါ။

မကူနိုင်သည့်ကိစ္စ - လမ်းပြပါ။
မတတ်နိုင်သည့်ကိစ္စ - အရှုံ၊းပေးပါ။

သူတစ်ပါးစကားမှားသော် - ဖော့ပေးပါ။
မိမိစကားမှားသော် - ထောက်ခိုင်းပါ။

သူတစ်ပါးစကားလမ်းလွဲသော် - ပြန်တည့်ပေးပါ။
မိမိစကားလမ်းလွဲသော် - တောင်းပန်ပါ

#စာအုပ်စာပေလူ့မိတ်ဆွေ #စာပေ

🛎️🛎️🛎️ (Hello..🙋‍♀️ WE9 ချစ်သူများ)🛎️🛎️🛎️

⚡️(1.6.2024) မှစ၍WE9 products များစျေးတက်မည်ဖြစ်ပါသောကြောင့်📌

⚡️စျေးမတက်ခင်ဝယ်ယူဖို့ရှိသောပစ္စည်းများကိုကြိုတင်မှာယူထားနိုင်ရန်အတွက်အသိပေးအကြောင်းကြားအပ်ပါသည်ရှင်📌

⚡️အမြန်လေးသာလိုအပ်တဲ့ပစ္စည်းလေးများရှိရင်စျေးမတက်ခင်ယူတို့မတ်မတ်စီကိုအမြန်ဆုံး📞📞📞

☎️09263104724☎️

-WE9 skin care set လေးသုံးပီးတင်းတိပ်တွေပါးသွားပီတဲ့…ချစ်ရတဲ့ညီမလေးReview လေးပါရှင်❣️

-ယူတို့ရောအန္တရယ်ကင်းပီးမျက်နှာကိုဥပါတ်ဖြစ်စေတဲ့ chemical ပါဝင်မှု့အနည်းဆုံးနဲ့ Herbal 🌿 ထုတ်ကုန်လေးကိုသုံးချင်ပါပီဆိုရင်တော့👉👇👇👇

-ဟောဒီကမတ်မတ်ကိုသာအမြန်ဆုံးဆက်သွယ်လိုက်ပါရှင်🫶

☎️09263104724☎️ လက်လီ၊လက်ကား✅✅✅

ဘဝမှာ ကိုယ့်ကိုယ်ကိုယ် အားကိုးတတ်တဲ့
မိန်းကလေးဟာ ကံအကောင်းဆုံးပဲ

ကိုယ့်အနာဂတ် အတွက်
ကိုယ့် မိသားစု အတွက် ဆိုပြီး
​ခံနိုင်ရည်နဲ့ မမျှအောင် ထမ်းပိုးထားရတဲ့
တာဝန်တွေဟာ အမျိုးသမီးတွေမှာ ပိုရှိတတ်တယ်

ဒါဟာ ~~လူအများအမြင်မှာတော့
မိန်းကလေးတစ်ယောက်တည်း
ရုန်းကန်နေရတာက သနားစရာလို
စိတ်မကောင်းစရာ ဘဝ တစ်ခုလိုမျိုး
ဖြစ်ကောင်း ဖြစ်နေပါ လိမ့်မယ်

ဒါပေမယ့်~~
လောကမှာ ခိုလုံလိုက်တဲ့ အရိပ်
နားလိုက်တဲ့ အကိုင်းအခတ် ဆိုတာက
တစ်သက်လုံး ကိုယ့်အတွက်ချည်းပဲ
ဖြစ်နေပေးတာက ရှားပါတယ်။

တန်ဖိုးထားပါတယ် ဆိုတဲ့ လူတွေလည်း
အကြောင်း အမျိုးမျိုး ပုံစံအမျိုးမျိုးနဲ့
အနားကနေ ထွက်ခွာသွားတတ် ကြတယ်

ကိုယ်ကလည်း တစ်နေ့နေ့မှာ သူတို့ကို
ထားခဲ့ဖို့လည်း အကြောင်းဖန် လာတတ်တယ်။

တကယ်တော့ ကိုယ့်အားကို ကိုးတာက
ကိုယ့်ကိုယ်ကိုယ် ချစ်တတ်ခြင်းလို့လည်း
အဓိပ္ပါယ် တက်ရောက်ပါတယ်။

ဒါကြောင့်~~
ကိုယ့်ကိုယ်ကိုယ်သာ အားကိုးတတ်တဲ့
မိန်းကလေး တစ်ယောက်ဖြစ်အောင် ကြိုးစားပါ။

ပြဿနာ တစ်ခုခု ဖြစ်လာတဲ့ အခါ
အဆင်မပြေမှုတွေ စီးဝင်လာတဲ့ အချိန်
ရှင်သန်ရင်း ကျရှုံးခြင်းတွေနဲ့ ထိတွေ့ရတဲ့
အခိုက်အတန့် တွေမှာ အတတ်နိုင်ဆုံး
ကိုယ့်ကိုယ်ကိုယ်ပဲ အားကိုးပြီး အဖြေရှာပါ။

ဘဝမှာ အခက်အခဲ အဆင်မပြေမှု ပေါင်း
များစွာကို တစ်ယောက်တည်း
ရင်ဆိုင် ကျော်ဖြတ် ပြီးသွားတဲ့ အခါ
အလိုလိုပဲ သန်မာ လာတတ် ကြပါတယ်။

ပြိုလဲကျချင်လာရင် ခါးကို မတ်မတ်ရပ်ပြီး
မျက်ရည်တွေ ကျချင်လာရင် ခေါင်းကိုမော့
လောကဓံကို ချေချေမိုးမိုးပဲ ရှင်သန်ပြ လိုက်ပါ။

ဘဝမှာ မိန်းကလေး တစ်ယောက်တည်း
မဖြစ်နိုင်ပါဘူး ဆိုတဲ့ အတွေးတွေဟာ
တစ်နေ့ ကျရင်တော့ ဟာသ ဖြစ်သွားမှာပါ။

💙💙💙
ဗဟုသုတ ခံစားမှု ရသ Video လေးတွေမျှဝေ
သွားမှာမို့ Page ကို Like & Follow လေးနော်😊

ခိုင် အညာမြေ - 𝒁.𝑴.𝑲𝒉𝒂𝒊𝒏𝒈 Zin MarKhaing💙

သူများ ရိုင်းရိုင်းစိုင်းစိုင်းပြောဆိုတိုင်း ကျွန်မ ရိုင်းရိုင်းစိုင်းစိုင်း ပြန်တုန့် ပြန်မိရင်
ကျွန်မလည်း သူတို့လို ရိုင်းစိုင်းတဲ့သူ ဖြစ်သွားလိမ့်မယ်...

သူများ ကိုယ့်အကြောင်းမကောင်းပြောတိုင်း ကျွန်မ သူတို့ပြောသမျှ လိုက်ခံစားနေရင် ကျွန်မဟာ သူများစိတ်နဲ့
အသက်ရှူ တဲ့သူ ဖြစ်သွားလိမ့်မယ်......

သူများ ပုတ်ခတ်ပြောဆိုတိုင်း လိုက်ပြီးဒေါသထွက်နေရင်
ကျွန်မဟာ သူများကြောင့် ရုန့်ရင်းကြမ်းတမ်းတဲ့ လူတစ်ယောက်ဖြစ်သွားလိမ့်မယ်…

သူများ နှိမ့်ချ စော်ကားတိုင်း ကျွန်မခေါင်းငုံ့ခံနေရင်
ကျွန်မဟာ သူများနင်းဖတ်ဖြစ်သွားလိမ့်မယ်

ရိုင်းရိုင်းစိုင်းစိုင်း ပြောတဲ့သူနဲ့တွေ့ရင် ကျွန်မ ဘာမှမတုံ့ပြန်ဘဲ ရှောင်သွားလိုက်တယ်.....

မကောင်းကြောင်း တွေကြားနေရလည်း နားပိတ်ပြီး နေနေလိုက်တယ်....

မဟုတ်မဟတ်စကားတွေကြောင့် ဒေါသထွက်မိတဲ့အခါ
စာဖတ်စာရေး ရင်း အာရုံပြောင်းလိုက်တယ်

နှိမ့်ချ ဆက်ဆံတာတွေကြုံ ရတဲ့အခါ သည်းခံနိုင်သလောက်သည်းခံလိုက်တယ်။သည်းမခံနိုင်တဲ့အခါ တခါတလေ "ငါလည်း ပြောတတ်တယ်"ဆိုတာ ပြလိုက်တယ်....

ကိုယ့်အပေါ် မကောင်းတဲ့သူတွေကို ရှောင်လိုက်တယ်။
ဟန်ဆောင်ပြုံးပြသူတွေကို အပေါ်ယံပြုံးပြလိုက်တယ်။
ကိုယ့်အပေါ် ကောင်းတဲ့သူတွေအပေါ် အောက်ကျို့ပေါင်းတယ်။
ဘယ်သူ့အပေါ်မှ မကောင်းတဲ့စိတ်မမွေးမိအောင်ကြိုးစားသလို
မကောင်းတဲ့စိတ်ပေါ်လာတိုင်းလည်း"ငါဟာ တော်တော်စိတ်ထားအောက်တန်းကျသူပဲ"လို့ ကိုယ့်ကိုယ်ကို အပြစ်တင်လိုက်တယ်။

လူတိုင်းအပေါ် ကိုယ့်စိတ်နဲ့နှိုင်းပေါင်းသင်းခဲ့ပေမဲ့
လူတိုင်းက ကိုယ့်လိုမဟုတ်တော့ တခါတလေ စိတ်ထဲမှာ လူတွေအပေါ် ကြောက်စိတ်ဝင်မိတယ်။လူတိုင်းကို အယုံမလွယ်အောင် ကိုယ့်ကိုယ်ကို သတိပေးသလို ဘယ်သူ့အပေါ်မှလည်း သံသယမဝင်မိအောင် ကြိုးစားတယ်။

ဘဝကပေးခဲ့တဲ့အသိနဲ့ ရခဲ့ဖူးတဲ့သင်ခန်းစာတွေကြောင့်
ရှေ့ဆက်ဘယ်လို နေထိုင်ရမလဲဆိုတာနားလည်လာသလို
ဘယ်လိုကောင်းအောင်နေထိုင်သင့်လဲဆိုတာကိုလည်း လေ့လာဖြစ်တယ်။

အတုယူအားကျသင့်သူကို အားကျအတုယူတယ်။
လေးစားသင့်သူကို လေးစားတယ်။
ကိုယ်ချစ်ခင်ရတဲ့သူတွေဆုံးမလာတဲ့ စကားတွေကိုနားထောင်တယ်။
ဘဝကို ပေါ့ပေါ့ပါးပါး ဖြတ်သန်းတယ်။ဒါပေမဲ့ ပေါ့ပျက်ပျက်နေတဲ့
မိန်းမတစ်ယောက် တော့မဟုတ်ဘူး