World's Family

ဖတ်ဖြစ်အောင်ဖတ်ပေးနော် မဖတ်ဖစ်ရင်တောင်မှ Saveထားပေါ့

အားလပ်ချိန် ပြန်ဖတ်လိုရအောင် အောက်ကရေးထားတဲ့ စာသား

နဲ့အပြင်မှာတညီထဲဖြစ်ဖူး ကြုံဖူးကြမှာပါ :-)

ညနေတခုမှာ
ဆိတ်လေးတစ်ကောင်ဟာ
တောင်ကုန်းပေါ်မှာ ဆော့နေတယ်။

ရုတ်တရက်
သစ်ပင်ခြုံကြားထဲက
ဝံပုလွေတကောင်ရောက်လာပြီး
ဆိတ်ကိုစားမယ်ပြင်တယ်။

ဆိတ်လေးဟာ
အသံကျယ်နဲ့အော်ပြီး
သူငယ်ချင်းတွေကို
အကူအညီ လှမ်းတောင်းတယ်။

နွားက
သစ်ပင်ခြုံထဲက တချက်လှမ်းကြည့်ပြီး
ဝံပုလွေကို မြင်တော့ ပြေးပါလေရော။

မြင်းက
ခေါင်းငုံပြီး တချက်ကြည့်၊
ဝံပုလွေကိုတွေတော့ ဝှစ်ကနဲကိုပြေးပြန်ရော။

ဝက်ကလည်း
ဖြတ်သွားရင်း ဝံပုလွေကိုမြင်တာနဲ့
ကမန်းကတန်း တောင်ပေါ်က ဆင်းပြေးရော။

တောင်အောက်မှာရှိတဲ့ ခွေးလေးက
ဆိတ်အော်သံ ကြားတော့
ကမန်းကတန်းတောင်ပေါ်ပြေးတက်
ခြုံပုတ်တွေထဲက ဖြတ်ပြီး
ဝံပုလွေရဲ့ လည်မြိုကို ကိုက်ခဲပစ်လိုက်တယ်။

ဝံပုလွေ နာလွန်းလို့ ထအော်တယ်၊
ခွေးမာန်ဖီလိုက်တော့
လန့်ပြီးပြေးပါလေရော....။

အိမ်ပြန်ရောက်တော့၊ သူငယ်ချင်းတွေ
အားလုံး ရောက်လာတယ်။

နွားက
နင်ကဘာလို့ငါ့ကိုမခေါ်တာလဲ..
ငါ့ဂျိုနဲ့ သူ့ဗိုက်ပေါက်အောင်လုပ်ပစ်မှာပေါ့......၊

မြင်းက
နင်ကဘာလို့ငါ့ကိုမပြောလဲ၊
ငါသူ့ခေါင်းကို ခွာနဲ့ကန်ပစ်မှာပေါ့.......။

ဝက်က
နင်ငါ့ကိုခေါ်ရောပေါ့
ငါတစ်ချက်ပက်လိုက်ရင်
သူတောင်ပေါ်ကတောင် ပြုတ်ကျသွားမှာ....။

အဲ့လို ပြောသံတွေကြားမှာ
ခွေးလေး မပါခဲ့ပါ။

မိတ်ဆွေစစ်ဆိုတာ
စကားအလှတွေ သုံးနစေရာမလိုပါဘူး။

တကယ့်လိုအပ်ချိန်မှာ
မင်းကို လက်လှမ်း ကူညီတဲ့သူဟာ
မိတ်ဆွေစစ်ပါ။

************************

အနားမှာရှိနေတဲ့သူငယ်ချင်းတွေ၊
ခင်မင်နေတဲ့ သူငယ်ချင်း တွေဟာ
သူငယ်ချင်းအစစ် ဟုတ်မဟုတ်
မသေချာသေးပါ။

တစ်ခါတလေ အဝေးမှာရှိနေပြီး အမြဲတမ်း
ပေါင်းသင်းနေတာ မဟုတ်ပေမယ့် မင်းတကယ်
အကူအညီလိုအပ်နေချိန်မှာ ၊ အပိုမပြောပဲ
ကူညီတဲ့သူ ဂရုစိုကျတဲ့သူသာ
တကယ့် မိတ်ဆွေ/သူငယ်ချင်း အစစ်ပါပဲ။

ဘ၀မှာ တန်ဖိုးထားသင့်တဲ့ မိတ်ဆွေ
သူငယ်ချင်းကောင်း များ ပိုင်ဆိုင်ကြပါစေ....♥


Credit Original Uploader 🌷

သင်ခန်းစာ
🍑🍑🍑

အမေလုပ်သူ နေမကောင်း၍ဆေးကုသရန် အဆင်ပြေသောသူငယ်ချင်းထံ ပိုက်ဆံခဏ ချေးမိသည်။ ရှိပါလျက်နဲ့ မရှိပါဘူးဆိုပြီးဗြောင်ငြင်းလွတ်သည်။

ရုတ်တရက် ဒေါသထွက်သွားသည်။ နောက်မှသူ့ဆီက ရလိုက်သောအရာကို တစ်ချက်တွေးပြီး ပြုံးမိသည်။

မကူညီတက်တဲ့ သင်ခန်းစာ...
…………………………………………………………………………………

ကောင်မလေးတစ်ယောက်ကို စာလိုက်ပေးမိသည်။ ဘာစာလဲဟု သူကမေးသည်။ရည်းစားစာဆိုတော့ သူပြုံးပြီးယူလိုက်တယ်။မနက်ကျရင် သူခေါ်တဲ့နေရာလာခဲ့ဖို့ ပြောသွားသေးသည်။

ဝမ်းသာအားရ အရောက်သွားမိသည်။ ဟိုရောက်တော့ သူ့ချစ်သူရယ် သူ့သူငယ်ချင်းတွေရယ်ရှေ့မှာ ကျွန်တော်စာကို ဖတ်ပြီးဝိုင်းရယ်ကြတယ်။ထောင်းကနဲဆို ဒေါသထွက်သွားသည်။ နောက်မှသူ့ဆီက ရလိုက်သောအရာကို တစ်ချက်တွေးပြီး ပြုံးမိသည်။

မစာနာတက်တဲ့ သင်ခန်းစာ....
…………………………………………………………………………………

ရန်ကုန်သို့ အသွားလမ်း၌ ကားရပ်ကာ ခရီးသည်တွေအားလုံး
ထမင်းစားဖို့ ကားပေါ်က ဆင်းကာ ဆိုင်အတွင်း အသီးသီးနေရာယူကြသည်။ကျွန်တော်လဲနေရာယူကာ ထမင်းတစ်ပွဲမှာယူလိုက်သည်။

တော်တော်နှင့်ရောက်မလာ ထိုအစဉ်ဆိုင်ရှေ့သို့ ဆိုင်ကယ်တစ်စီးထိုးရပ်ကာ လူနှစ်ယောက် ဆိုင်အတွင်းသို့ဝင်လာသည်။ ပခုံးပေါ်မှာလဲ အပွင့်တွေ အရစ်တွေနဲ့....

ထိုစဉ်စားပွဲထိုးလေးပြေးလာပြီး ဗိုလ်ကြီးဘာစားမလဲဟု မေးကာ ထမင်းနှစ်ပွဲကို ဟင်းစုံစွာ ချက်ချင်းချပေးသည်။ ကျွန်တော်ဆီကို အခုထိရောက်မလာသေး။ရုတ်တရက် ဒေါသထွက်သွားသည်။ နောက်မှ သူတို့ဆီက ရလိုက်သောအရာကို တစ်ချက်တွေးပြီး ပြုံးမိလိုက်သည်။

ခွဲခြားဆက်ဆံတက်တဲ့ သင်ခန်းစာ...
…………………………………………………………………………………

လုပ်ဖော်ကိုင်ဖက် မိန်းကလေးအား မန်နေဂျာမှ ဆွဲလားရမ်းလားလုပ်၍ ကောင်မလေးက အော်ဟစ်အကူအညီတောင်းသည်။ ကျွန်တော်လဲ မန်နေဂျာအား ဆွဲထိုးလိုက်သည်။

နောက်တစ်နေ့မနက် သူဌေးရုံးခန်း၌ ပြသာနာဖြေရှင်းကြသည်။ သူဌေးက မန်နေဂျာအား ဘာကြောင့်ထိုးသလဲဟု မေးသည်။ ကျွန်တော်လည်း အဖြစ်မှန်ကိုရှင်းပြလိုက်သည်။

ထိုအခါသူဌေးက ကောင်မလေးအားမေးပြန်သည်။သူပြောတာဟုတ်လား.. ကောင်မလေးကပြန်ဖြေသည်၊ မဟုတ်ပါဘူး.. သူကကျွန်မကို တစ်ဖတ်သတ် ကြိုက်နေသူပါ၊ မန်နေဂျာနဲ့ စကားပြောနေတာကို သူမနာလိုဖြစ်ပြီး မန်နေဂျာအား ထိုးလိုက်တာပါဟု သူဖြေသည်။ကျွန်တော် အလုပ်ဖြုတ်ခံရသည်။ ထောင်းကနဲဒေါသထွက်မိသည်။
နောက်မှ သူ့ဆီက ရသောအရာကို တွေးပြီးပြုံးမိသည်။

ကျေးဇူးကန်းတက်တဲ့ သင်ခန်းစာ.....
…………………………………………………………………………………

ငယ်ငယ်က အဘွားပြောသော ပုံပြင်လေးအား သတိရမိသည်။ တစ်ခါက ဟင်းသီးဟင်းရွက်ရောင်းစားသော အဘိုးဟာ သူ့လယ်တောက အသီးအရွက်တွေခူးပြီး မြင်းလှည်းပေါ်တင်ကာ အိမ်ပြန်လာခဲ့သည်။ လမ်း၌ အိပ်ငိုက်၍ လိုက်ပါလာသည်။အသက်ကြီးပြီး မျက်စိမကောင်း၊ မှတ်ညဏ်မကောင်းတော့တဲ့မြင်းဟာ မြက်ပင်စိမ်းစိမ်းလေးအားတွေ့ကာ ရှေ့ဆက်မသွားဘဲစားသောက်ကာ ရပ်နေလိုက်သည်။

အဘိုးအိုနိုး၍ ကြည့်လိုက်သောအခါ အိမ်မဟုတ်ဘဲ တောမှာဆိုတာသိရ၍ မြင်းအို မြင်းစုတ် မြင်းနာ ဟူ၍ကြိမ်ဆဲကာ ရိုက်နှက်လေတော့သည်။ ကျွန်တော်တစ်ချက်တွေးပြီး ပြုံးလိုက်မိသည်။မိမိအပြစ်ကိုမမြင်ဘဲ သူတစ်ပါးအား..

အပြစ်ပုံချတက်သော သင်ခန်းစာ
…………………………………………………………………………………

နေမကောင်းဖြစ်၍ ချိန်းထားတဲ့နေရာအား မလာဖြစ်တော့တဲ့ အကြောင်း ချစ်သူက ဖုန်းဆက်၍ ပြောရှာသည်။စိတ်ပြေလက်ပျောက် ပန်းခြံထဲ လျှောက်ကာ ဟိုဒီငေးရင်း ကြည်နူးနေသော အတွဲလေးအားကြည့်ကာ ကိုယ့်ချစ်သူအားသတိရမိသည်။

သေချာကြည့်လိုက်တော့မှ ကိုယ့်ရည်းစားဖြစ်နေသည်။ ထောင်းကနဲဒေါသဖြစ်မိသည်။ နောက်မှသူ့ဆီက ရလိုက်သောအရာအား တွေးပြီး တစ်ချက်ပြုံးလိုက်မိသည်။

သစ္စာမရှိသော သင်ခန်းစာ....
…………………………………………………………………………………

သူငယ်ချင်းလုပ်သူ မူးပြီးအိမ်ရောက်လာသည်။ သူ့ချစ်သူကောင်မလေးအား ဖွင့်မပြောရဲ၍ ရဲဆေးတင်ကာ အရက်သောက်လာကြောင်းပြောသည်။ အဖော်လိုက်ခဲ့ဖို့ အတင်းခေါ်သည်၊ငြင်းသည်၊ မရတဲ့အဆုံး လိုက်လာလိုက်သည်။ ကောင်မလေးအားရည်းစားစကားပြောတာ လက်မခံ၍ဆွဲလား ရမ်းလားလုပ်သည်။

ကောင်မလေးကရှက်ပြီး အမေလုပ်သူအားငိုပြီးတိုင်သည်။ အမေလုပ်သူကမကျေနပ်၍ သူကြီးကိုတိုင်လေသည်။ သူကြီးလုပ်သူအမေးကို သူငယ်ချင်းကဖြေသည်။

ဒီကောင် အရက်တိုက်ပြီး မြှောက်ပေးလို့လုပ်တာပါဆိုပြီး ကျွန်တော့်အားအပြစ်ပုံချသည်။ ဒေါသအတစ်လိုက် အတုံးလိုက်ထွက်လာသည်။ နောက်မှ သူ့ဆီကရလိုက်သော အရာအားတွေးပြီး ပြုံးလိုက်သည်။

ချောက်တွန်းတက်သော သင်ခန်းစာ...
…………………………………………………………………………………

ဘုရားပွဲတစ်ခု၌ ခွက်တစ်လုံးရှေ့ချကာ မျောက်ကလေးအား ကခိုင်းနေသော လူတစ်ယောက်အား တွေ့မိသည်။လူအများလဲ စိတ်ဝင်တစားကြည့်ကာ မျောက်လေးအားသြဘာပေးကာ ငွေစက္ကူများထည့်ကြသည်။ ထိုလူလဲ သဘောကျစွာ မျောက်ကလေးအား ငှက်ပျောသီးတစ်လုံးကျွေးလိုက်သည်။

စေတနာရှိလို့ ကျွေးလိုက်သည်ဟုထင်မိသည်။ နောက်မှသတိရ၍ပြုံးမိသည်။

မျောက်ပြ၍ ဆန်တောင်းတက်သော သင်ခန်းစာ..
…………………………………………………………………………………

ရွာထဲတွင် အလှူပွဲလုပ်ဖို့အတွက် အလှူငွေကောက်ခံကြသည်။ အဆင်ပြေသောသူတွေက သိန်း၊သောင်း စသည်အားဖြင့်ထည့်ကြသည်။အဆင်မပြေသော ကျွန်တော်မှာ ရှိစု မဲ့စု၊ တစ်ထောင်အားစေတနာထက်သန်စွာ ထည့်ကာလှူလိုက်သည်။

အလှူငွေနည်းသော ကျွန်တော်အားကြည့်ကာ လူတစ်ချို့၏မျက်နှာမကောင်းကြပေ။သူတို့ကြည့်ပြီး စိတ်မကောင်းဖြစ်မိသည်။ နောက်မှတွေးကာ ပြုံးမိသည်။

အခြေအနေကိုကြည့်ကာ နားလည်မှု မပေးနိုင်သော သင်ခန်းစာ
…………………………………………………………………………………

(facebook) စာမျက်နှာပေါ်၌ (အရူးထကြည့်တာ) ဆိုပြီး မိမိဓာတ်ပုံနှင့် ပေါတောတော စာတစ်ချို့ကိုတင်လိုက်သည်။
(like and comment) တွေကပျော်စရာကောင်းလှသည်။

နောက်တော့ (အကောင်းထကြည့်တာ)ဆိုပြီး အများသူငါ အကျိုးရှိစေမယ့် စာပေတွေမျှဝေတင်ပေးလိုက်သည်။ မင်းကဘယ်လောက်ကောင်းနေပြီလဲဟု လူတစ်ချို့ရဲ့ ဝေဖန်မှုကို ခံရသည်။စိတ်မကောင်းဖြစ်မိသည်။ နောက်မှတွေးပြီးပြုံးလိုက်မိသည်။

အကောင်းအဆိုးကို နားမလည်သော သင်ခန်းစာ...
…………………………………………………………………………………

သူဌေးသမီးကို ရည်းစားစကားလိုက်ပြောမိသည်။ မချစ်နိုင်ဘူးဟုပြန်ပြောသည်။ ပြသာနာမရှိသေးချေ။ သူကဆက်ပြောသည်၊နင့်လိုဆင်းရဲသားကို ငါလိုသူဌေးသမီးကကြိုက်စရာလား၊ကိုယ့်အဆင့်အတန်း ကိုယ်သိဟုပြောသည်။ ဒေါသငယ်ထိပ်ထိ ရောက်သွားသည်။နောက်မှ သူ့ဆီက ရသောအရာကို တွေးပြီးပြုံးမိသည်။

နှိမ့်ချတက်သော သင်ခန်းစာ...
…………………………………………………………………………………

လူတစ်ယောက် သူ့သူငယ်ချင်း မကောင်းကြောင်းလာပြောသည်။ အားနာ၍ အလိုက်သင့်ပြန်ပြောမိသည်။ နောက်သူ့ သူငယ်ချင်းအား သူ့မကောင်းကြောင်းတွေ ကျွန်တော်ပြောသည်ဟု တို့မီးရိူ့မီးလုပ်သည်။ဒေါသ အချောင်းချောင်းထွက်မိသည်။ နောက်မှ သူ့ဆီကရသောအရာကို တွေးပြီးပြုံးမိသည်။

ကုန်းချောတက်သော သင်ခန်းစာ...
…………………………………………………………………………………

အဘွားပြောသော ပုံပြင်လေးအား သဘောကျမိသည်။ မြေးလုပ်သူက အဘိုးဖြစ်သူကိုပြောလေသည်။အဘိုး..ဓူဝံကြယ်ဆိုတာ မြောက်အရပ်မှာရှိတာမဟုတ်လားဟု မေးသည်။ထိုအခါ အဘိုးက မဟုတ်ဘူးကွ တောင်အရပ်မှာရှိတာကွလို့ ပြန်ဖြေသည်။ မြေးလုပ်သူက ပြန်ပြောလေသည်။

မြေးကြားဖူးတာတော့ မြောက်အရပ်မှာ ရှိတာလို့မြေးကြားဖူတာ.... အခုမဟုတ်တော့ဘူး တောင်အရပ်ကိုပြောင်းသွားပြီ ဘယ်သူမှမသိသေးဘူး အဘိုးတစ်ယောက်ပဲ သိသေးတာ အဘိုးလဲဘယ်သူမှမပြောဘူး ငါ့မြေးလဲဘယ်သူ့မှမပြောနဲ့ ကြားလား ကိုယ်သိထားတာကိုတေတေနိပ်ပြီး တိတ်တိတ်နေရတယ်....

ကျွန်တော်လည်း သဘောကျစွာပြုံးလိုက်မိသည်။

သိထားတဲ့အရာတိုင်းကို လူတိုင်းကို ဖွင့်မပြောဘဲ တေတေနိပ်ပြီး
တိတ်တိတ်နေရမယ် ဆိုတဲ့ သင်ခန်းစာ...

တစ်နေ့မှာ ခရုငယ်တစ်ကောင်ဟာ
မြေပြင်မှာ တွားသွားနေတယ်။

ဒါကို လိပ်တစ်ကောင်က တွေ့တော့
"ငါ့ကျောပေါ်တက်ပါ၊ ငါခရီးကြုံ ပို့မယ်" လို့ဆိုတယ်။

လိပ်ကျောပေါ် ခရုငယ်တက်သွားတော့
တီကောင်တစ်ကောင် ရှိနေပါတယ်။

တီကောင်က " သေချာထိုင်နော်
သူသွားတာ တော်တော်မြန်တယ် "လို့ပြောတယ်။

ဒီဟာသကို ကွား (ကြား) ခါစက
လိပ်ရဲ့ လေးစားဖွယ်သဘောထား
တီကောင်ရဲ့ အထင်ကြီး အားကျပုံနဲ့
ခရုငယ်ရဲ့ ကျေးဇူးတရားပြည့်ဝနေတဲ့ မျက်ဝန်းကို
ကျွန်ုပ် မြင်ယောင်ခဲ့မိတယ်။

ဒါကို ဟာသတစ်ပုဒ်လို သဘောထားပြီး
တွေ့သူတိုင်းကို ပြောပြခဲ့ပါတယ်။

တစ်ချို့က
"လိပ်က သူ့ဟာနဲ့သူတောင် အင်အားမရှိ
သွားတာလည်း နှေးတာတောင်
တစ်ခြားသူကို ကူချင်သေးတယ်" လို့
ဝေဖန်အပြစ်တင်တယ်။

တစ်ချို့ကလည်း တီကောင်ကို
"အမြင်မကျယ်တဲ့ တွင်းထဲက ဖားသူငယ်အဖြစ်"
ခိုင်းနှိုင်းတယ်။

တစ်ချို့ကလည်း ခရုငယ်ကို
"ကိုယ့်ဘာသာမလျှောက်ဘူး။
အမြန်လိုတော့ အနှေးတွေ့ပြီလေ"လို့ အပြစ်ဖို့တယ်။

ဟာသတစ်ပုဒ်က
ဒီလိုအငြင်းပွားလိမ့်မယ်လို့
ကျွန်ုပ် တွေးထင်မထားခဲ့မိဘူး။

ဒါပေမယ့် လူတစ်ယောက်ရဲ့ ပြောစကားက
ကျွန်ုပ်ရင်ကို လှုပ်ခါသွားခဲ့တယ်။

သူပြောတာက
"လိပ်က နှေးတယ် ဒါပေမယ့်
တီကောင်နဲ့ ခရုငယ်ရဲ့အမြင်မှာ သူကမြန်တယ်

ကိုယ့်လောက်မစွမ်းသူကို ကူညီတာ
အကူအညီလိုအပ်သူကို ကူညီတာဟာ
ဘယ်လောက်ပဲ ကူညီနိုင်တာဖြစ်ဖြစ် ချစ်စရာပါ"

ဒီစကားလေးတစ်ခွန်းက
လူကို လှုပ်နှိုးသွားစေပြီးတော့
ပုံပြင်ရဲ့ တကယ့်အဓိပ္ပါယ်ကို နားလည်သွားခဲ့ပါတယ်

'တတ်စွမ်းသလောက် ကူညီတယ်။
ကိုယ်ထက် ခွန်အားနည်းသူကို ကူညီတယ်။
လက်တစ်ဖက် အကူအညီလိုသူကို
လက်တစ်ဖက် ကမ်းတယ်။

ကူညီမှုက နည်းများမဆို
အကူအညီလိုသူကို ကူညီတာဟာ
မွန်မြတ်ခြင်းတစ်ပါးပါ'

ဖယောင်းတိုင်ငယ်လေးရဲ့ အလင်းက
ဘယ်အထိ ဝေးဝေးလင်းနိုင်မလဲ၊
ဒါပေမယ့် သူ့အနီးဝန်းကျင်က
အမှောင်ကိုတော့ ခွင်းနိုင်ပါတယ်။

Credit မူရင်းရေးသူကို credit ပေးပါတယ်။
(ဘယ်သူမှန်းမသိလို့ပါ။)
ပြန်လည် share ခြင်းဖြစ်ပါတယ်။

မဖတ်မိရင် နောင်တရမယ်နော်
🎡🎡🎡🎡🎡🎡🎡🎡

🎡အလုပ်မရှိရင် စာဖတ်ပါ
🎡 စာဖတ်လို့ ပိုက်ဆံ မရပေမယ့်
🎡 ပိုက်ဆံရှာဖို့ အတွေးအခေါ်တွေ ရပါလိမ့်မယ်။

🎡 (၁ဝ)နှစ်စာ အတွေ့အကြုံကို
🎡 ကြိုရချင်ရင် အတွေးအခေါ် ရှိတဲ့
🎡 လူကြီးစကား နားထောင်ပါ။

🎡 ဘဝမှာ အောင်မြင်ချင်ရင် ရှုံးနိမ့်
🎡 ခဲ့ဖူးသူဆီက သင်ယူ လေ့လာပါ။

🎡 တသက်လုံး လိပ်ပြာလုံချင်ရင်
🎡 ကိုယ်ကျင့်တရားကို လုံခြုံစွာ
🎡ထိမ်းနိုင်အောင် ကြိုးစားပါ။

🎡 အသိပညာ အတတ်ပညာကို
🎡 ပြည့်စုံ ရင့်ကျက်စေချင်ရင်
🎡 လက်တွေ့ လုပ်ဆောင်ပါ။

🎡 ကြီးမားတဲ့ နောင်တဆိုတာ
🎡 မရှိစေချင်ရင် ရွှေထက်
🎡 တန်ဖိုးကြီးသော အချိန်ကို လေးစားပါ။

🎡 ဘဝတစ်ခုလုံး ပျော်ရွှင်ချင်ရင်
🎡 ဘယ်အရာကိုမှ သံယောဇဉ် သိပ်မထားပါနဲ့။

🎡 ပူလောင်မှုတွေ အရမ်းများလွန်း
🎡 နေရင် ကိုယ့်အတ္တနဲ့ မာနတွေ လျော့ချပါ။

🎡 အကောင်းဆုံး ဆိုတာတွေကို ပိုင်ဆိုင်ချင်ရင်
🎡အကောင်းဆုံးဆိုတာတွေနဲ့ ထိုက်တန်အောင်
🎡အကောင်းဆုံးဖြစ်အောင် ကြိုးစားပါ။

🎡 အထီးကျန်မှုတွေ ပပျောက်ပြီး
🎡 ဗဟုသုတ ပွားချင်ရင် စာဖတ်ပါ။

စာအုပ်စာပေလူ့မိတ်ဆွေမှ
ပြန်လည်မျှဝေသည်။

https://www.facebook.com/စာအုပ်စာပေလူ့မိတ်ဆွေ-695065894263172/

တူနေခဲ့ရင်တောင်
******************
ဖတ်ကြည့်နော်…

ပညာတတ်တာချင်း တူရင်တောင်
စိတ်ဓာတ်အပေါ် မူတည်ပြီး
ဘဝတွေ ကွာခြားတတ်တယ်။

ဆိုက္ကားနင်းစားတာချင်း တူရင်တောင်
စေတနာနှင့်
သည်းခံနိုင်မှုအပေါ် မူတည်ပြီး
တိုးတက်မှုနှုန်းတွေ
ကွာခြားလာတတ်တယ်။

အတွေးအခေါ်တွေ တူနေရင်တောင်
စေ့စပ်မှုနှင့်
စည်းစနစ် ဇွဲ လုံ့လတွေအပေါ်
မူတည်ပြီး
အောင်မြင်မှုတွေ ကွဲပြားနေတတ်တယ်။

ချမ်းသာကြွယ်ဝမှုချင်း တူရင်တောင်
စိတ်စေတနာနှင့်
ကိုယ်ချင်းစာစိတ်အပေါ် မူတည်ပြီး
ထည်ဝါမှုတွေ
အဆင့်အတန်း အနိမ့်အမြင့်တွေ
ကွာဟနေတတ်တယ်။

မိဘကျေးဇူးဆပ်တာချင်း
တူနေရင်တောင်
ထားရှိခဲ့တဲ့ သိတတ်မှုနှင့်
စိတ်ခံယူချက်တွေအပေါ် မူတည်ပြီး
အကျိုးပေးကံတွေ
ကွဲပြားနေတတ်တယ်။

အလှူလှူတာချင်း တူရင်တောင်
အလှူလှူတဲ့
ခံယူချက်တွေအပေါ် မူတည်ပြီး
ကုသိုလ်အကျိုးရလာဒ်
အကြီးအသေး ကွာနေတတ်တယ်။

ချစ်တာချင်း တူရင်တောင်
အတ္တစိတ်အပေါ် မူတည်ပြီး
ပူလောင်မှု အနည်းအများတော့
ကွာနေတာပါပဲ။

ဘယ်အရာမှာမဆို စိတ်ထားတတ်ပြီး
နေတတ်
ကိုင်တတ်
လုပ်ဆောင်တတ်မှ
ရလာတဲ့ အကျိုးရလာဒ်တိုင်းက
အနှစ်သာရ အပြည့်အဝရမှာပါ။

လုပ်တိုင်းမဖြစ်ပေမဲ့
ဖြစ်လာနိုင်တဲ့ အကျိုးဆက်တွေကို
အကောင်းဆုံးဖြစ်အောင်

တူနေခဲ့ရင်တောင်
သူများနဲ့မတူအောင်
စိတ်ကို အကောင်းဆုံးထားပါနော်။

Credit-ဇင်းနစ်-မကွေး

မေတ္တာဖြင့်…
အရှင်ပုည( ဝကုန်း )

World"s Family

အရှက်တရားကို အောင်နိုင်ခဲ့တဲ့ မေတ္တာ
••••••••••••••••••••••••••••••••••••••

၂၀၀၂ နှစ်ကုန်ပိုင်းလောက်က အီတလီရှိ
သတင်းစာအချို့မှာ ထူးဆန်းတဲ့ လူပျောက်
ကြော်ငြာ သတင်းတစ်ခုပါလာခဲ့တယ်။

သတင်းက ၁၉၉၂ ခုနှစ် ၅လပိုင်း
၁၇ရက်နေ့က Voillery City Road
commercial section 5 က

ကားပတ်တစ်ခုမှာ လူဖြူအမျိုးသမီးတစ်ဦးကို
လူမည်းတစ်ဦးက မုဒိန်းကျင့်ခဲ့တယ်။

အဲဒီနောက် အမျိုးသမီးဟာ လူမည်း
သမီးလေးတစ်ဦး ဖွားမြင်ခဲ့တယ်။

သူ့ခင်ပွန်းလည်း အမျိုးသမီးနဲ့အတူ
လူမည်းကလေးကို ပြုစုပျိုးထောင်ဖို့
တာဝန်ယူခဲ့တယ်။

ဒါပေမဲ့ ဒီကလေးငယ် ကံမကောင်းခဲ့ရှာဘူး။
အခုအချိန်မှာ သူဟာ သွေးကင်ဆာရောဂါကို
ခံစားနေရတယ်။ သူ့အတွက် ရိုးတွင်းချဉ်ဆီ
ကုသဖို့ အရေးတကြီးလိုအပ်လာတယ်။

သူ့အသက်ကို ကယ်တင်ဖို့ တစ်ခုတည်းသော
မျှော်လင့်ချက်က သူ့ဖခင်ပဲဖြစ်တယ်။

ဒါကြောင့် ဒီကြော်ငြာကိုဖတ်မိတဲ့
ကာယကံရှင်ကိုယ်တိုင် …

အယ်လီဇဘက်ဆေးရုံ ဒေါက်တာ
Andrea နဲ့ဆက်သွယ်ပါ” လို့ဖြစ်တယ်။

ဒီလူပျောက်ကြော်ငြာက လူထုတွေကြားမှာ
လှိုင်းဂယက်တစ်ခု ထသွားစေခဲ့တယ်။

လူတော်တော်များများ ဝေဖန်ကြတဲ့ အကြောင်းက မုဒိန်းကျင့်ခဲ့တဲ့ လူမည်း ထွက်လာပြီး ၀န်ခံပါ့မလား။

တကယ်လို့ ထွက်လာပြီးဝန်ခံရင် သူ့နာမည်
ပျက်မယ်။ သူ့မိသားစု ပြိုကွဲမယ်။

တကယ်လို့ မထွက်လာဘဲ အသံတိတ်နေ
မယ်ဆိုရင် သူဟာ လုံးဝခွင့်မလွတ်နိုင်တဲ့
အပြစ်ကြီးတစ်ခုကို ထပ်ကျူးလွန်သူ
ဖြစ်သွားလိမ့်မယ်။

ဒီဇာတ်လမ်းရဲ့ နိဂုံးက
ဘယ်လိုအဆုံးသတ်မှာလဲ ဆိုတာကို
လူတွေက စိတ်ဝင်စားနေကြတယ်။

အီတလီ Voilleryမြို့ရဲ့ ရပ်ကွက်တစ်ခုက
လူမည်းကလေးတစ်ဦးဟာ အရှက်တစ်ခုရဲ့
လျှို့ဝှက်ချက်ကို အစဆွဲထုတ်ခဲ့တယ်။

အသက် ၃၅နှစ်ရှိတဲ့ ဓားစာခံ Mamita က
လူတကာဝေဖန်တဲ့ ပစ်မှတ်ဖြစ်ခဲ့တယ်။ သူနဲ့ သူ့ခင်ပွန်း ပီတာက လူဖြူတွေဖြစ်တယ်။

ဒါပေမဲ့ သူတို့ကလေးတွေက အဖြူ
တစ်ယောက်၊ အမည်းတစ်ယောက်
ဖြစ်နေတယ်။

အဲဒီထူးခြားတဲ့ မြင်ကွင်းက ပတ်ဝန်းကျင်ရှိ
လူတွေကို ပိုပြီး သံသယ၀င်စေခဲ့တယ်။

ဒါကို Mamita က သူ့အဘွားက လူမည်းဖြစ်ပြီး အဘိုးက လူဖြူဖြစ်တဲ့
အကြောင်း

ဒါကြောင့် သမီးလေး မော်နီကာကျမှ
သွေးက လာဆန့်ကျင်တဲ့အကြောင်း
လူတွေကို အပြုံးနဲ့ ပြန်ဖြေခဲ့တယ်။

၂၀၀၂ ခုနှစ် ဆောင်းဦးပေါက်မှာ
လူမည်းလေး မော်နီကာ နာမကျန်းဖြစ်ပြီး
ကိုယ်အပူချိန်တွေ တက်ခဲ့တယ်။

နောက်ဆုံး ဒေါက်တာ Andreaက မော်နီကာမှာ သွေးကင်ဆာ ရှိနေတဲ့
အကြောင်း …

ရိုးတွင်းချဉ်ဆီ ရွှေ့ပြောင်းကုသနည်းကမှ
သူ့အတွက် တစ်ခုတည်းသော အကောင်းဆုံး
ကုသနည်းဖြစ်ကြောင်း ပြောခဲ့တယ်။

ဆရာဝန်က ဆက်ပြီး “ မော်နီကာနဲ့
သွေးသားတော်စပ်တဲ့ လူတွေမှာ လိုအပ်တဲ့
ရိုးတွင်းချဉ်ဆီကို အလွယ်တကူရှာနိုင်ပါတယ်။
ဒါကြောင့် ခင်ဗျားတို့ ဆွေမျိုးတွေအားလုံး
ဆေးရုံလာပြီး စစ်ဆေးပါ” လို့ ပြောခဲ့တယ်။
Mamita က မျက်စိမျက်နှာ ပျက်လို့ပေါ့။

ဒါပေမဲ့ ဆွေမျိုးတွေအားလုံးကို ခေါ်ပြီး
စစ်ဆေးခဲ့ပါတယ်။ နောက်ဆုံးရတဲ့
အဖြေက မသင့်တော်ပါတဲ့။

မော်နီကာရဲ့ ရောဂါအခြေအနေက
သူနဲ့ သင့်တော်မဲ့ ရိုးတွင်းချဉ်ဆီရဖို့နှုန်း
အင်မတန် သေးငယ်တဲ့အကြောင်း ဆရာဝန်က ပြောပြန်တယ်။

ဖြစ်နိုင်ဖို့ အခြေအနေတစ်ခုက Mamitaနဲ့
သူ့ခင်ပွန်း နောက်ထပ် ကလေးတစ်ယောက်
မွေးပြီး အဲဒီကလေးရဲ့သွေးတွေ မော်နီကာထဲ
သွင်းပေးဖို့ ဆရာဝန်က အကြံပေးပြန်တယ်။

ဒီအကြံကို ကြားတော့ Mamita တစ်ယောက် တုန်လှုပ်ခဲ့မိတယ်။

“ဘုရားရေ... ဘာဖြစ်လို့ ဒီလိုဖြစ်ရတာလဲ”
လို့ သူ့နှုတ်က လွှတ်ခနဲ အော်လိုက်မိတယ်။

ခင်ပွန်းဖြစ်သူကို မျှော်လင့်ချက်မဲ့တဲ့
အကြည့် ချောက်ချားတဲ့ အကြည့်နဲ့
သူကြည့်လိုက်မိတယ်။

ခင်ပွန်းသည် ပီတာလည်း အဲဒီ
အကြံကြောင့် မျက်မှောင်ကြုတ်လို့။

ဒေါက်တာAndreaက လူအတော် များများလည်း ဒီလို သွေးသွင်းနည်းနဲ့
သွေးကင်ဆာကို ကုသကြကြောင်း

ဒီလိုကုသလို့လည်း မွေးဖွားလာတဲ့ ရင်သွေးငယ်ရဲ့ ကျန်းမာရေးကို မထိခိုက်နိုင်တဲ့
အကြောင်း ထပ်တလဲလဲ ရှင်းပြနေခဲ့တယ်။

ဇနီးမောင်နှံနှစ်ဦးက ဘာမှပြန်မပြောဘဲ
တိတ်ဆိတ်ငြိမ်သက်စွာ နားထောင်နေခဲ့
တယ်။

နောက်မှ “ကျွန်တော်တို့ စဉ်းစားပါရစေဦး”
ဆိုတဲ့ စကားတစ်ခွန်းပဲ ပြောနိုင်ခဲ့တယ်။

နောက်တစ်နေ့ ညနေ ဒေါက်တာAndrea
ဆေးရုံမှာ တာဝန်ကျနေတုန်း Mamitaတို့
ဇနီးမောင်နှံ့နှစ်ဦး ရောက်လာခဲ့တယ်။

နှုတ်ခမ်းကို တင်းတင်းစေ့ထားတဲ့
Mamitaရဲ့ လက်ကို ခင်ပွန်းသည်က
တွဲထားတယ်။

မျက်နှာ မသာမယာနဲ့ ဆရာဝန်ကို
“ ဒေါက်တာကို ကျွန်တော်တို့ အဖြစ် အပျက်တစ်ခု ပြောပြချင်ပါတယ်"

"ဒါပေမဲ့ ဒီအဖြစ်အပျက်ကို ဒေါက်တာ
လျှို့ဝှက်ပေးရမယ်။ ဘာဖြစ်လို့လဲဆိုတော့
ဒါဟာ ကျွန်တော်တို့ နှစ်ပေါင်းအတော်ကြာ
လျှို့ဝှက်လာတဲ့ ကိစ္စမို့ပါ”

ဆရာဝန်က တလေးတစား
ခေါင်းညိတ်ပြလိုက်တယ်။

“လွန်ခဲ့တဲ့ ၁၀နှစ် ၁၉၉၂ခုနှစ် မေလမှာ
ကျွန်တော့်သမီးလေး Yilianna နှစ်နှစ်
ပြည့်တယ်။

ကျွန်တော့်ဇနီး Mamita က စားသောက်
ဆိုင်တစ်ဆိုင်မှာ အလုပ်လုပ်တယ်။ သူက
ညတိုင်း(၁၀) နာရီမှ အလုပ်ဆင်းတယ်။

အဲဒီည သူအလုပ်ဆင်းတော့
မိုးအကြီးအကျယ် ရွာနေခဲ့တယ်။
လမ်းပေါ်မှာလည်း လူခြေတိတ်နေတယ်။

စွန့်ပစ်ထားတဲ့ ကားရပ်နားနေရာ
တစ်ခုရောက်တော့ နောက်ဖက်မှာ
ခြေသံတစ်ခုကို သူကြားလိုက်မိတယ်။

နောက်လှည့်ကြည့်လိုက်တော့ လူမည်း
လူရွယ်တစ်ဦး သူ့နောက်မှာ ရပ်နေတာကို
တွေ့လိုက်တယ်။

လူမည်းက လက်ထဲက တုတ်နဲ့ သူ့ကို
ရိုက်လိုက်တယ်။ မူးမေ့သွားတော့
သူ့ကို မဖွယ်မရာ လုပ်တော့တာပဲ။

သတိရလာတော့ အိမ်ကို အမြန်ဆုံး
သူပြန်ပြေးခဲ့တယ်။ အိမ်ရောက်တော့
မနက်(၁)နာရီ ထိုးနေပြီ။

အရူးတစ်ယောက်လို ကျွန်တော်အိမ်ထဲ
ကနေ ကမူးကရူးပြေးထွက်ပြီး အဲဒီ
လူမည်းကို လိုက်ရှာခဲ့သေးတယ်။

ဒါပေမဲ့ အရိပ်အယောင်တောင် မတွေ့ခဲ့ဘူး။
အဲဒီည ကျွန်တော်တို့ တစ်ယောက်ကို
တစ်ယောက် ပွေ့ဖက်ပြီး ငိုခဲ့ကြတယ်။

ကောင်းကင်ကြီးတစ်ခုလုံး ပြိုကျခဲ့သလိုပါပဲ”
ပီတာက စကားကို ခဏရပ်လိုက်တယ်။

သူ့မျက်လုံးထဲမှာ မျက်ရည်တွေ ရစ်ဝိုင်းနေတယ်။

ပီတာက ဆက်ပြီး “ အဲဒီကိစ္စပြီးတော့
မကြာပါဘူး Mamita မှာ ကိုယ်ဝန်ရှိ လာတယ်။

ကိုယ်ဝန်က လူမည်းရဲ့ ကိုယ်ဝန်ပဲဖြစ်မယ်
ဆိုပြီး ကျွန်တော်တို့ ကြောက်ရွံ့စိုးရိမ်ခဲ့တယ်။
Mamita က ကိုယ်ဝန်ဖျက်ချမလို့ဘဲ။

ဒါပေမဲ့ ကျွန်တော်တို့ရဲ့ ကလေးဖြစ်နေမှာလဲ
စိုးခဲ့တယ်။ စိုးရိမ်ကြောင့်ကြမှုနဲ့ ကျွန်တော်တို့
လအတော်ကြာ စောင့်နေခဲ့တယ်။

၁၉၉၃ခုနှစ် မတ်လမှာ ကလေးတစ်ဦး
ဖွားမြင်ခဲ့တယ်။ အဲဒီကလေးက လူမည်း
ဖြစ်နေတယ်။

ကျွန်တော်တို့ရဲ့ မျှော်လင့်ချက်တွေ ပျက်စီး
ဆုံးရှုံးခဲ့ရတယ်။ ကလေးကို မိဘမဲ့ဂေဟာပို့ဖို့
ကျွန်တော်တို့ စဉ်းစားခဲ့သေးတယ်။ ဒါပေမဲ့ ကလေးရဲ့ငိုသံကြားတော့ မလုပ်ရက်ခဲ့ဘူး။

သူ့ကလည်း ၀မ်းနဲ့ လွယ်ခဲ့ရတဲ့ သက်ရှိတစ်ခုပါပဲလေ။

ကျွန်တော်နဲ့ Mamitaက သစ္စာတရား
ရှိတဲ့ ခရစ်ယာန်ဘာသာဝင်တွေပါ။

နောက်ဆုံး သူ့ကို ကျွန်တော်တို့
မွေးဖို့ ဆုံးဖြတ်ခဲ့တယ်။ သူ့နာမည်ကို
မော်နီကာလို့ ပေးလိုက်တယ်။

ဒေါက်တာAndreaရဲ့ မျက်ဝန်းမှာလဲ
မျက်ရည်တွေ တွဲခိုနေတယ်။

ဒီဇနီးမောင်နှံနှစ်ဦး ဘာဖြစ်လို့ နောက်
ကလေးတစ်ယောက် ထပ်မွေးဖို့ ဒီလောက်
တောင် ကြောက်ရွံ့နေရသလဲ ဆိုတာကို
သူအခုမှ သဘောပေါက်တော့တယ်။

ဆရာဝန်က အလေးအနက်စဉ်းစားတဲ့
ပုံစံနဲ့ ခေါင်းတဆတ်ဆတ်ညိတ်ပြီး

“အင်း... ဒီအဖြစ်အပျက်အတိုင်းဆိုရင်
ခင်ဗျားတို့ နောက်ထပ် ကလေး(၁၀)
ယောက်မွေးလဲ မော်နီကာနဲ့ သင့်တော်မဲ့
ရိုးတွင်းချဉ်ဆီကို ရမှာမဟုတ်ဘူး”

Mamitaကို သူတစ်ချက်ကြည့်ပြီး
“ ဒီပုံအတိုင်းဆိုရင် ခင်ဗျားတို့ မော်နီကာရဲ့ ဖခင်အရင်းကို ရှာရလိမ့်မယ်။

သူ့ရဲ့ ရိုးတွင်းချဉ်ဆီ ဒါမှမဟုတ် သူ့ကလေးရဲ့
ချဉ်ဆီကမှ မော်နီကာအတွက် သင့်တော်လိမ့်
မယ်။

ဒါပေမဲ့ ခင်ဗျားတို့ဘ၀ထဲ သူနောက်ထပ်
တစ်ကြိမ် ပေါ်လာမှာကို ခင်ဗျားတို့ လိုလား
သလား”

“ကလေးအတွက်ဆိုရင် သူ့ကို
ကျွန်မခွင့်လွတ်နိုင်ပါတယ်။

တကယ်လို့ ကလေးကို ကယ်တင်ဖို့
သူထွက်လာမယ်ဆိုရင် သူ့ကို ကျွန်မတို့
တရားမစွဲပါဘူး”

မိခင်တစ်ဦးရဲ့ ကြီးမားလေးနက်တဲ့ မေတ္တာစကားက ဒေါက်တာ
Andreaကို ကိုင်လှုပ်ခဲ့တယ်။

ရိုးတွင်းချဉ်ဆီ လှူဒါန်းဖို့အတွက် ထူးခြားတဲ့
လူပျောက်ကြော်ငြာနဲ့ လှုပ်ဆော်ခဲ့တယ်။

ဖြစ်ပျက်ခဲ့တာလဲ နှစ်နဲ့ချီကြာခဲ့ပြီ။
လူ့ပင်လယ်မှာ တရားခံကို ဘယ်လို
ရှာကြမလဲ။

Mamitaနဲ့ ခင်ပွန်းက သေချာစဉ်းစားပြီး
နာမည်အမှန်ကို မထုတ်ဖော်ဘဲ သတင်းစာမှာ
လူပျောက်ကြော်ငြာထည့်ဖို့ ဆုံးဖြတ်ခဲ့ကြ တယ်။

၂၀၀၂ခုနှစ် ၁၁လပိုင်း Voilleryမြို့ရဲ့
သတင်းစာတိုင်းမှာ အထက်က ဖော်ပြခဲ့တဲ့
အတိုင်း ထူးခြားတဲ့ လူပျောက်ကြော်ငြာ ပါ
လာခဲ့တယ်။

မုဒိန်းကျင့်ခဲ့တဲ့ တရားခံကို မားမားမတ်မတ်
ထွက်လာပြီး ကင်ဆာရောဂါ ခံစားနေရတဲ့
ကလေးရဲ့အသက်ကို ကယ်ဖို့ဖြစ်တယ်။

အဲဒီသတင်းက လူထုတွေကြားမှာ
တောမီးလို ဟုန်းဟုန်းတောက်ခဲ့တယ်။

ဒေါက်တာ Andreaရဲ့ စာတိုက်ပုံးနဲ့
ဖုန်းက အဆက်ပြတ်တယ်လို့ မရှိခဲ့ဘူး။

ဓားစာခံအမျိုးသမီးက ဘယ်သူလဲ။
သူ့ကို လူချင်းတွေ့ပြီး အကူအညီ အားပေး
စကားတွေ ပေးချင်ကြောင်း လူတွေပြောကြ
မေးခဲ့ကြတယ်။

ဒါပေမဲ့ Mamitaက လူတွေရဲ့အကူအညီကို
ငြင်းဆန်ခဲ့သလို သူ့နာမည်အမှန်ကိုလည်း
ထုတ်ဖော်မပြောပြခဲ့ဘူး။

မော်နီကာက အဲဒီမုဒိန်းကောင်ရဲ့
သမီးပါလို့ လူတွေကို ပိုမသိစေချင်ခဲ့ဘူး။

သတင်းထောက်တွေကလည်း ဒီကိစ္စနဲ့
ပတ်သက်ပြီး ဝေဖန်ဆွေးနွေးကြပြန်တယ်။

ရောမသတင်းစာက “အဲဒီလူမည်း ထွက်လာပြီး ၀န်ခံရဲပါ့မလား။

တကယ်လို့ သူက သတ္တိရှိရှိနဲ့ ထွက်လာ
ရဲတယ်ဆိုရင် လူတွေက သူ့ကို ဘယ်လို
ဆက်ဆံကြမလဲ။

တရားဥပဒေကရော သူ့ကိုဘယ်လို
စီမံချက်ချမလဲ။ ဖြစ်ခဲ့တဲ့ ပြစ်မှုအတွက် အပြစ်ပေးတာကို သူခံရမလား။

ဒါမှမဟုတ် မားမားမတ်မတ် သတ္တိရှိရှိနဲ့ ထွက်ပြီးဝန်ခံတာကို အချီးကျူးခံမလား”
လို့ ဝေဖန်ပြန်တယ်။

တစ်ဖန် Voillery မြို့ခံသတင်းစာက
တကယ်လို့ ခင်ဗျားဟာ အဲဒီလူမည်းဆိုရင်
ခင်ဗျားဘယ်လိုလုပ်မလဲလို့ သတင်းဖတ်သူ
အများနဲ့ ရှေ့မတိုးသာ နောက်မဆုတ်သာတဲ့
ပြဿနာကို ဆွေးနွေးပြန်တယ်။

မြို့ခံ ထောင်တွေကလဲ Mamitaကို ကူညီကြတယ်။ ၁၉၉၂ ခုနှစ်က တရားခံ
တွေရဲ့ စာရင်းကို ဆေးရုံကို တင်ပြတယ်။

အဲဒီမြို့မှာ လူမည်းတွေက နည်းတော့
၁၀နှစ်အတွင်း ပြစ်မှုကျူးလွန်တဲ့
လူမည်းတရားခံတွေကလည်း နည်းခဲ့တယ်။

သူတို့က Mamita ကို အဲဒီနှစ်တုန်းက မုဒိန်းမှုမဟုတ်တဲ့ ပြစ်မှုနဲ့ ထောင်ကျတဲ့
လူတွေရှိခဲ့ပါတယ်။

ဒါပေမဲ့ သူတို့ မလုပ်ခဲ့ဖူးဘူးလို့လဲ
မပြောနိုင်ဘူးလေလို့ အားပေးခဲ့တယ်။

တစ်ချို့က ထောင်ကလွတ်သွားခဲ့ပြီး
တစ်ချို့က ထောင်ကျနေတုန်းပဲ။

Mamitaနဲ့ ခင်ပွန်းက သူတို့ရဲ့
အကူအညီနဲ့ သဲလွန်စကို လိုက်ရှာခဲ့တယ်။

ထောင်သားတွေက ရိုးသားဂရုစိုက်တဲ့ပုံစံနဲ့ သဲလွန်စရဖို့ ကူညီပေးကြပါတယ်။ ဒါပေမဲ့
သူတို့တွေက Mamitaကို အနိုင်ကျင့်ခဲ့တဲ့
လူမည်း မဟုတ်ခဲ့ပါဘူး။

Mamitaရဲ့ အဖြစ်အပျက်က
ထောင်ထဲမှာ ပြန့်လို့နေတယ်။

မိခင်တစ်ဦးရဲ့ ချစ်ခြင်းမေတ္တာက
ထောင်သားအများကို ထိခိုက်ခံစား
စေခဲ့တယ်။

လူဖြူပဲဖြစ်ဖြစ်၊ လူမည်းပဲဖြစ်ဖြစ်
မော်နီကာအတွက် ချဉ်ဆီလှူဒါန်းဖို့
သူတို့သဘောတူ အစစ်ဆေးခံခဲ့ကြတယ်။

ဒါပေမဲ့ သင့်လျှော်တဲ့ လူတစ်ယောက်မှ မတွေ့ခဲ့ဘူး။ ဒီအဖြစ်အပျက်က လူအတော်
များများကို စိတ်ထိခိုက်စေခဲ့တယ်။

သင့်တော်တဲ့ ချဉ်ဆီရဖို့ ပါဝင်စစ်ဆေးကြတဲ့
စေတနာရှင်တွေကလည်း မနည်းခဲ့ဘူး။

စေတနာရှင်တွေ တစ်နေ့တစ်ခြား ပိုပိုများလာခဲ့တယ်။

မြို့မှာ ချဉ်ဆီလှူဒါန်းတဲ့ ဂယက်လှိုင်း
တစ်ခု ထသွားခဲ့တယ်။

သွေးကင်ဆာ ခံစားနေရတဲ့ ဝေဒနာရှင်
တော်တော်များများက ဒီစေတနာရှင် တွေကြောင့် ကယ်တင်ခွင့်ရခဲ့တယ်။

ဒါပေမဲ့ မော်နီကာလေးက
အဲဒီကံကောင်းခြင်းထဲမှာ မပါခဲ့ပါဘူး။

Mamitaတို့ ဇနီးမောင်နှံ့နှစ်ဦးက
အဲဒီလူမည်း ထွက်ပေါ်အလာကို စိုးတထိတ်ထိတ်နဲ့ စောင့်စားခဲ့ကြတယ်။

(၂)လ ကြာတဲ့အထိ လူမည်းရဲ့ အရိပ်အယောင်ကို မတွေ့ခဲ့ဘူး။

ဒီလူမည်း လူ့ပြည်မှာ ရှိပါသေးသလားလို့
သူတို့စိတ်တွေ မတင်မကျဖြစ်ခဲ့ရတယ်။

ဒါမှမဟုတ် ဒီမြို့နယ်က ခွာသွားပြီလား။ အီတလီမှာကော ရှိသေးရဲ့လား။

ဒါမှမဟုတ် သူ့မိသားစု ပြိုကွဲမှာစိုးလို့ ထွက်မလာရဲတာလား။

ဘယ်လိုပဲဖြစ်ဖြစ် မော်နီကာ တစ်ရက်
အသက်ရှင်နေသေးရင် လူမည်းကိုရှာဖို့
မျှော်လင့်ချက်တစ်ရက် ရှိတယ်ဆိုတဲ့စိတ်နဲ့
သူတို့ လက်မလျှော့ခဲ့ကြဘူး။

အသက်ဝိညာဉ်တစ်ခုက နာကျင်တဲ့
ဝေဒနာကြားမှာ အလူးအလှိမ့် ခံစားလို့
နေတယ်။

မမျှော်လင့်တဲ့ အဖြစ်တစ်ခုက မျှော်လင့်ချက်
မဲ့နေချိန်မှာ ရောက်လာခဲ့တယ်။

ထူးခြားတဲ့ လူပျောက်ကြော်ငြာက အသက်
(၃၀)ရှိ လူမည်း ဟိုတယ်ပိုင်ရှင် “အာချီလီ”
ကို တုန်လှုပ်ချောက်ချားစေခဲ့တယ်။

၁၉၉၂ ခုနှစ် မေလ ၁၇ ရက်နေ့ မိုးည
တစ်ညမှာ အဲဒီလို အိပ်မက်ဆိုးတစ်ခု
သူမက်ခဲ့ဖူးတယ်။

သူဟာ ဒီဇာတ်လမ်းရဲ့ ကာယာကံရှင်ပါပဲ။

လူကြီးလူကောင်း သူဌေးအာချီလီကို
တစ်ချိန်တစ်ခါက ပန်းကန်ဆေးသမားလို့ ဘယ်သူထင်ရက်ခဲ့မလဲ။

သူငယ်ငယ်ကတည်းက မိဘတွေ ကွယ်လွန်
သွားခဲ့ပြီး စာလည်း သေချာမသင်ခဲ့ရဘဲ
အလုပ်ထွက်လုပ်ခဲ့ရတယ်။

အလုပ်ကြိုးစားပြီး ထက်မြက်တဲ့ အာချီလီဟာ
ကိုယ်ပိုင်လုပ်အားငွေနဲ့ လူတွေရဲ့ လေးစားမှုကို
ခံယူချင်ခဲ့တယ်။

ဒါပေမဲ့ သူ့အလုပ်ရှင်က လူတန်းစားခွဲခြားတဲ့
လူဖြစ်ပြီး သူဘယ်လောက်ပဲ အလုပ်ကို
ကြိုးစားလုပ်လဲ အဆူအဆဲပဲ ခံခဲ့ရတယ်။

၁၉၉၂ ခုနှစ် မေလ ၁၇ရက်နေ့က
အာချီလီ အသက် ၂၀ပြည့်တဲ့နေ့ဖြစ်တယ်။

အလုပ်စောစောဆင်းပြီး ကိုယ့်မွေးနေ့ပွဲကို
ကျင်းပမလို့ပါပဲ။ ဒါပေမဲ့ သူ့ရဲ့ အလျှင်လိုမှု
ကြောင့် ပန်းကန်တစ်ချပ် ကျကွဲသွားခဲ့တယ်။

သူဌေးက သူ့ခေါင်းကို အတင်းဖိနှိပ်ပြီး ပန်းကန်ကွဲတွေကို မြိုချခိုင်းတယ်။

အာချီလီက သူဌေးကို မုန်းမုန်းတီးတီးနဲ့
ဆွဲထိုးပြီး ဆိုင်ထဲကနေ ထွက်ပြေးလာခဲ့
တယ်။

ဒေါသစိတ်ကြောင့် လူဖြူတွေကို
ကလဲ့စားချေဖို့ သူဆုံးဖြတ်လိုက်တယ်။

မိုးညက လမ်းပေါ်မှာ တိတ်ဆိတ်နေခဲ့တယ်။

ကားပတ်တစ်ခုမှာ Mamitaကို တွေ့တော့
လူဖြူတွေကို မုန်းတီးတဲ့စိတ်နဲ့ အပြစ်မဲ့သူ
အမျိုးသမီးတစ်ဦးကို သူအနိုင်ကျင့်ခဲ့မိတယ်။

အနိုင်ကျင့်ပြီး အာချီလီ ကြောက်ရွံ့ တုန်လှုပ်မိခဲ့တယ်။

အဲဒီညမှာပဲ မွေးနေ့အတွက် စုထားတဲ့ငွေနဲ့
Naples မြို့ကိုသွားမဲ့ ရထားလက်မှတ်ကို ၀ယ်ပြီး ဒီမြို့နဲ့ ဝေးရာကို သူထွက်ပြေးခဲ့တယ်။

Naplesမြို့မှာ သူကံကောင်းတယ်လို့
ဆိုရမယ်။ အမေရိကားလူမျိုးတစ်ဦး ဖွင့်ထား
တဲ့ စားသောက်ဆိုင်မှာ သူအလုပ်ရခဲ့တယ်။

ကြိုးစားပြီး အပင်ပန်းခံနိုင်တဲ့ အာချီလီကို
ဆိုင်ပိုင်ရှင် သူဌေးလင်မယားက သဘောကျ ခဲ့တယ်။

သမီးဖြစ်သူ “လီနာ”ကိုပါ သူနဲ့လက်ဆက်
ပေးတဲ့အပြင် ဆိုင်တစ်ခုလုံးကိုလဲ အာချီလီ
လက်ထဲ အပ်ခဲ့တယ်။

လာဘ်မြင်တဲ့ အာချီလီက စားသောက်ဆိုင်
လေးကို ဟိုတယ်ကြီးတစ်ခုအဖြစ် တည်
ထောင်နိုင်ခဲ့သလို ချစ်စရာကောင်းတဲ့
သားသမီး ၃ဦးဖွားမြင်ခဲ့တယ်။

အလုပ်သမားနဲ့ မိသားစုရဲ့ အမြင်မှာ အာချီလီ
ဟာ သူဌေးကောင်း ခင်ပွန်းကောင်းနဲ့
ဖခင်ကောင်းတစ်ဦးဖြစ်ခဲ့တယ်။

ပြစ်မှုတစ်ခု ကျူးလွန်ခဲ့ဖူးတယ်ဆိုတာ
ကိုလည်း သူဘယ်တော့မှ မမေ့ခဲ့ဘူး။

သူကျူးလွန်ခဲ့မိတဲ့ အမျိုးသမီးကို
ဘုရားသခင် စောင့်ရှောက်ဖို့ ဘေးမသီရန်မခဖို့ သူအမြဲဆုတောင်းခဲ့ပေမဲ့ ဘယ်သူ့ကိုမှ အဲဒီ
လျှို့ဝှက်ချက်ကို သူမပြောပြရဲခဲ့ဘူး။

အဲဒီနေ့မနက်က သတင်းစာထဲက
သတင်းကို ဘယ်နှစ်ကြိမ်မြောက်
သူကြည့်မိခဲ့လဲ မသိဘူး။

သူဟာ သူတို့အလိုရှိနေတဲ့ တရားခံပဲဖြစ်ရ
မယ်လို့ သူ့သိစိတ်ထဲကနေ သိလိုက်မိတယ်။

သနားစရာကောင်းတဲ့ အဲဒီအမျိုးသမီး
ကိုယ်ဝန်ရှိသွားမယ်လို့ သူလုံးဝ တွေးမထား
မိခဲ့ဘူး။ ကလေးကို မွေးခဲ့မယ်လို့လဲ မထင်ခဲ့
မိဘူး။

ဒီရက်ပိုင်းအတွင်း ဒေါက်တာAndrea ဆီ အာချီလီဖုန်းဆက်ချင်ခဲ့တယ်။

ဒါပေမဲ့ ဖုန်းနံပါတ်လှည့်ပြီးတိုင်း ဖုန်းကို
သူချလိုက်မိတယ်။ သူစိတ်တွေ မတင်မကျနဲ့။

တကယ်လို့ ဒီကိစ္စကို သူဝန်ခံခဲ့ရင် သူ့ရဲ့
အတိတ်ဆိုးကို လူတွေသိကုန်တော့မယ်။

သားသမီးတွေက သူ့ကို မချစ်မနှစ်သက်
တော့ဘဲ အေးချမ်းတဲ့ သူ့အိမ်ထောင်ရေး
ပြိုကွဲတော့မယ်။

လှပတဲ့ ဇနီးမယားတစ်ဦးနဲ့ ပတ်ဝန်းကျင်ရဲ့
လေးစားမှုတွေ ဆုံးရှုံးရတော့မယ်။

ဒီလိုချမ်းအေးတဲ့ အခြေအနေတစ်ခု ရောက်အောင် သူမနည်း ကြိုးစားခဲ့ရတယ်
မဟုတ်လား။

တစ်ည ညစာစားနေတဲ့အချိန်မှာ
မိသားစုအားလုံးက ယခင်ပုံမှန်အတိုင်းပဲ
အဲဒီသတင်းကို ဆွေးနွေးနေကြတယ်။

မယားဖြစ်သူ လီနာက “Mamita ကို
ကျွန်မအရမ်းချီးကျူးမိတယ်။ တကယ်လို့
ကျွန်မသာ သူဖြစ်ခဲ့ရင် သတ္တိရှိရှိနဲ့ ကလေးကို
မွေးခဲ့မှာ မဟုတ်ဘူး။

Mamitaရဲ့ ခင်ပွန်းကို ကျွန်မ ပိုချီးကျူးမိ
တယ်။ သူဟာ ဒီလိုကလေးတစ်ယောက်ကို
လက်ခံပေးနိုင်တဲ့ လေးစားထိုက်တဲ့
လင်ယောက်ျားတစ်ဦးပါပဲ”

အာချီလီက နှုတ်ဆိတ်ပြီး မယားရဲ့
စကားကို နားထောင်နေခဲ့တယ်။

ရုတ်တရက် သူက “အဲဒီ တရားခံကို ဘယ်လိုမြင်သလဲ” လို့ မေးလိုက်တော့

လီနာက “သူဟာ အမှားတစ်ခု လုပ်ခဲ့ပြီးပြီ။
အခုလိုအချိန်မှာ သူထပ်ပုန်းရှောင်နေသေးရင်
အဲဒီလူကို ကျွန်မလုံးဝခွင့်လွတ်မှာမဟုတ်ဘူး။

သူဟာ စက်ဆုပ်ဖို့ကောင်းတဲ့လူ တစ်ကိုယ်
ကောင်းဆန်တဲ့လူ သူရဲဘောကြောင်တဲ့လူ၊ သတ္တိနည်းတဲ့လူပဲ” လို့ပြောတော့…

စိတ်ဆိုးမာန်ဆိုး ပြောနေတဲ့ ဇနီးသည်ရဲ့
စကားကို နားထောင်ပြီး အဖြစ်မှန်ကို
ပြောပြဖို့ အာချီလီ တွန့်ဆုတ်နေခဲ့တယ်။

အဲဒီညက အာချီလီရဲ့ (၅)နှစ်အရွယ်
သားတစ်ယောက် အိပ်ချိန်မှာ မအိပ်လို့
အာချီလီ စိတ်မထိန်းနိုင်ဘဲ ရိုက်လိုက်မိတယ်။

ကလေးက ငိုပြီး “ ဖေဖေက လူဆိုးကြီး
ဖေဖေ့ကို မခေါ်တော့ဘူး။ သားရဲ့ဖေဖေ
မလုပ်နဲ့တော့” လို့ ပြောလိုက်တဲ့ စကားက
အာချီလီရဲ့ ရင်ဝကို တိုက်ရိုက်ထိမှန်ခဲ့တယ်။

သားကို ပွေ့ဖက်ပြီး “ဖေဖေမှားပါတယ်။
နောက်ကို မရိုက်တော့ပါဘူး” လို့
တောင်းပန်ရင်း သူမျက်ရည်ကျနေမိခဲ့တယ်။

အဖေ မျက်ရည်ကျတာကို မြင်တော့
သားဖြစ်သူက အံ့သြသွားတယ်။

“ဖေဖေ့ကို သားခွင့်လွတ်ပါတယ်"

ဆရာမက ပြောတယ်။ "အမှားကို ပြင်နိုင်တဲ့
သူဟာ လူကောင်းတဲ့” လို့ အဖေကို ပြန်ချော့မေ့နေခဲ့တယ်။

အဲဒီညတစ်ညလုံး သူ့ကိုယ်သူ ငရဲရောက်
နေသလားလို့ အာချီလီ ထင်မှတ်ခဲ့တယ်။

အတိတ်ဆိုးဆိုး မိုးသည်းညနဲ့ အမျိုးသမီးရဲ့ ပုံရိပ်တစ်ခုကို သူမြင်ယောင်နေမိတယ်။

အမျိုးသမီးရဲ့ အကူအညီမဲ့သံနဲ့ ငိုကြွေးသံကို
သူကြားယောင်နေမိတယ်။

“ငါဟာ လူကောင်းလား။ လူဆိုးလား” လို့
သူ့ကိုယ်သူ မေးမိတိုင်း ဘေးမှာ အိပ်စက်
နေတဲ့ ဇနီးရဲ့ စည်းချက်မှန်မှန် အသက်ရှုသံကို
နားထောင်ပြီး ထရပ်ဝန်ခံဖို့ အင်အားတွေ ပျောက်ဆုံးခဲ့ရတယ်။

မနက်မိုးလင်းတော့ ခါတိုင်းနဲ့မတူဘဲ
မျက်နှာမသာမယာ ဖြစ်နေတဲ့သူ့ကို
ဇနီးက သတိထားမိလိုက်တယ်။

“ဘာဖြစ်တာလဲ” ဆိုတဲ့ အမေးကို
“နေမကောင်းလို့ပါ” ဆိုတဲ့အဖြေနဲ့
သူကွေ့ရှောင်ခဲ့မိတယ်။

အလုပ်သမားတွေရဲ့ နွေးထွေးတဲ့ နှုတ်ဆက်မှုအောက်မှာ သူလိပ်ပြာမလုံ
ဖြစ်ခဲ့တယ်။

စိတ်ထဲမှာ ပြည့်ကျပ်နေတဲ့ ရှက်ရွံ့ ထိတ်လန့်ခြင်းတွေက သူ့ကို ၀ါးမြိုမတတ်ပါပဲ။

အရှက်တရားနဲ့ ဖုံးဖိထားတဲ့ သူ့ဘ၀ကို
လွတ်မြောက်ဖို့ အာချီလီ နှုတ်ဆိတ်မနေ
နိုင်တော့ဘူး။

အများသုံးဖုန်းနဲ့ ဒေါက်တာ
Andrea ဆီ သူဖုန်းဆက်ခဲ့တယ်။

အတတ်နိုင်ဆုံး အသံကို တည်ငြိမ်အောင် ထားပြီး “ကံခေတဲ့ ကလေးရဲ့ ကျန်းမာရေးကို သိချင်လို့ပါ” လို့ မေးတော့ …

“ကလေးရဲ့အခြေအနေက တော်တော်
ဆိုးနေတယ်။ သူ့ဖခင်ကို သူတွေ့ခွင့်ရမှ ရနိုင်ပါ့မလား မသိတော့ဘူး” လို့

ပြန်ဖြေလိုက်တဲ့ ဆရာဝန်ရဲ့ စကားက
ရင်ထဲမှာ ကိန်းအောင်းနေတဲ့ ဖခင်တစ်ဦးရဲ့
မေတ္တာကို လှုပ်နိုးခဲ့တယ်။

"သူဟာ ငါ့ရဲ့ သွေးသားပါလား" တစ်ခါ
မှားခဲ့ဖူးတဲ့ အမှားကို သူထပ်မကျူးလွန်မိဖို့
မော်နီကာအတွက် ထရပ်ဖို့ သူဆုံးဖြတ်ချက် ချလိုက်တယ်။

ညရောက်တော့ အရဲစွန့်ပြီး ဇနီးသည်ကို အကြောင်းစုံ သူပြောပြလိုက်တယ်။

“ငါဟာ မော်နီကာရဲ့အဖေ ဖြစ်ကောင်း ဖြစ်လိမ့်မယ်။ ငါသူ့ကို ကယ်မှဖြစ်မယ်”

သူ့စကားကို ကြားတော့ လီနာ တုန်လှုပ် သွားခဲ့တယ်။ ၀မ်းနည်းခြင်းတွေနဲ့အတူ စိတ်ဆိုးဒေါသထွက်ပြီး

“ရှင်ဟာ လူလိမ်ပဲ” အော်ပြီး ကလေးတွေနဲ့
မိဘအိမ်ကို ပြန်သွားခဲ့တယ်။

အာချီလီရဲ့ အကြောင်းစုံကို မိဘတွေကို ပြောပြလိုက်တယ်။ စစခြင်းမှာ ယောက္ခမ
တွေက စိတ်ဆိုးဒေါသထွက်ကြပေမဲ့

ခဏအတွင်းမှာပဲ စိတ်တွေတည်ငြိမ်
သွားပြီး.... “မှန်တယ်။ သူပြုခဲ့တဲ့
အပြုအမှုတွေအတွက် ငါတို့ သူ့ကို
ဒေါသထွက်သင့်တယ်။

ဒါပေမဲ့ အဖြစ်မှန်ကိုပြောပြဖို့ သူ့အတွက် သတ္တိတွေ ဘယ်လောက် လိုခဲ့သလဲ
ဆိုတာကို ငါတို့ ပြန်တွေးကြည့်သင့်တယ်။

ဒါဟာ သူ့စိတ်ရင်းအမှန် မမှေးမှိန်
သေးဘူးဆိုတာ သက်သေပြနေတာပဲ။

"အမှားလုပ်ခဲ့ပြီး အမှန်ကို ပြုပြင်တဲ့ ခင်ပွန်း
တစ်ယောက်ကို သမီးအလိုရှိသလား"

"ဒါမှမဟုတ် တစ်သက်လုံး အမှားကို
ဖုံးကွယ်ထားတဲ့ ခင်ပွန်းတစ်ယောက်ကို
အလိုရှိသလား”

မိဘစကားကို နားထောင်ပြီး လီနာ
ခဏ နှုတ်ဆိတ်သွားခဲ့မိတယ်။

နောက်တစ်နေ့ မနက်အစောကြီး အိမ်ကို
လီနာပြန်ခဲ့တော့ ရီဝေကြေကွဲနေတဲ့
မျက်လုံးနဲ့ အာချီလီကို တွေ့လိုက်တယ်။

ခိုင်မာတဲ့ ဆုံးဖြတ်ချက်နဲ့ အာချီလီကို “ဒေါက်တာ Andreaကို ရှင်သွားရှာပါ။
ကျွန်မ အဖော်လိုက်ခဲ့မယ်” ဆိုပြီး

၂၀၀၃ ခုနှစ် ဖေဖော်ဝါရီ ၃ရက်နေ့မှာ
ဒေါက်တာAndrea နဲ့ သူတို့ အဆက်အသွယ်ရခဲ့တယ်။

ဖေဖော်ဝါရီ ၈ ရက်နေ့ အယ်လီဇဘက်
ဆေးရုံမှာ အာချီလီကို DNA စစ်ဆေးခဲ့
တယ်။

ရလဒ်က မော်နီကာဟာ အာချီလီရဲ့ သွေးသားပဲဖြစ်တယ်။

မုဒိန်းတရားခံ လူမည်းကြီး သတ္တိရှိရှိနဲ့
လာရောက်ဝန်ခံတယ်ဆိုတဲ့ သတင်းကို
ကြားတော့ Mamita မျက်ရည်ကျမိတယ်။

လူမည်းအပေါ်ထားတဲ့ သူ့ရဲ့ အမုန်းရန်ငြိုးဟာ
၁၀နှစ်ရှိပြီဆိုပေမဲ့ အခုလို သတ္တိရှိရှိ ထွက်ပြီး
ဝန်ခံလာတာကိုတော့ သူစိတ်လှုပ်ရှားမိတယ်။

ကာယကံရှင်တွေရဲ့ ကိုယ်ရေးကိုယ်တာ
လျှို့ဝှက်ချက်တွေ မပေါက်ကြားစေဖို့
အရာအားလုံးကို လျှို့ဝှက်တင်းကျပ်စွာ စစ်ဆေးခဲ့တယ်။

ဆေးရုံက တာဝန်ရှိသူများကလည်း ကာယကံရှင်တွေရဲ့ နာမည်အမှန်ကို
သတင်းထောက်တွေဆီ မပေါက်ကြားစေဘဲ

မော်နီကာရဲ့ ဖခင်ကို ရှာတွေ့ပြီ
ဖြစ်ကြောင်းပဲ သတင်းပေးခဲ့တယ်။

ဒီသတင်းကို ဂရုစိုက် အလေးထားကြားတဲ့ လူထုတွေက ဒေါက်တာ Andreaကို

ဖုန်းတွေ စာတွေနဲ့ ဆက်သွယ်ပြီး တရားခံ
လူမည်းကို သူတို့ ခွင့်လွတ်လေးစားကြောင်း
သတင်းပါးစေတယ်။

“တစ်ချိန်တစ်ခါမှာ သူဟာ ပြစ်မှုကျူးလွန်သူ
ဖြစ်ခဲ့ပေမဲ့ အခုအချိန်မှာ သူဟာ သူရဲကောင်း တစ်ဦးဖြစ်တယ်” လို့လည်း အားပေးစကား
ပြောကြတယ်။

ဖေဖော်ဝါရီ ၁၀ရက်နေ့မှာ အာချီလီကို
တွေ့ဆုံခွင့်ပေးဖို့ Mamitaတို့ လင်မယား တောင်းဆိုခဲ့တယ်။

စစခြင်းမှာတော့ သူတို့နဲ့ မျက်နှာချင်းဆိုင်
တွေ့ဖို့ အာချီလီ သတ္တိမရှိခဲ့ဘူး။ ဒါပေမဲ့
Mamitaရဲ့ ထပ်သလဲလဲ တောင်းဆိုမှုကို
သူသဘောတူလိုက်တယ်။

ဖေဖော်ဝါရီလ ၁၈ရက်နေ့ တာဝန်ရှိသူတွေရဲ့ လျှို့ဝှက်စီစဉ်ပေးမှုနဲ့ ဆေးရုံမှာ သူတို့တွေ့ခွင့်
ရခဲ့ကြတယ်။

ဆံပင်ညှပ်ပြီးစ အာချီလီဟာ Mamitaကို
တွေ့တော့ လှမ်းနေတဲ့ ခြေလှမ်းတွေ ရွေ့မရ
အောင် လေးလံနေသလို မျက်နှာတစ်ခုလုံး
ဖြူရော်လို့နေတယ်။

Mamitaတို့ ဇနီးမောင်နှံ့က ရှေ့တိုးပြီး အာချီလီရဲ့ လက်ကို တင်းတင်းဆုပ်ကိုင် လိုက်တယ်။

သုံးယောက်သားရဲ့ ပါးပြင်မှာ မျက်ရည်တွေက
အဆက်မပြတ် စီးဆင်းလို့နေတယ်။

အာချီလီက ဆို့နင့်တဲ့အသံနဲ့

“ကျေးဇူးပြုပြီး ကျွန်တော့်ကို
ခွင့်လွတ်ပါဆိုတဲ့ စကားက ကျွန်တော့်
ရင်ထဲမှာ ကိန်းအောင်းနေတာ ၁၀နှစ်ရှိခဲ့ပါပြီ။

ဒီနေ့မှပဲ ကျွန်တော့်နှုတ်နဲ့
တောင်းပန်ဖို့ အခွင့်ရတော့တယ်“

“ရှင်အခုလို ထွက်ပြီး ၀န်ခံလာတာကို ကျွန်မတို့ ကျေးဇူးတင်ပါတယ်။

ရှင်ရဲ့ချဉ်ဆီနဲ့ ကျွန်မသမီးလေးကို
ကယ်တင်ဖို့ ဘုရားသခင်က ရှင့်ကို
ကောင်းချီးပေးပါစေ”

ဖေဖော်ဝါရီ ၁၉ရက်မှာ အာချီလီရဲ့ ချဉ်ဆီကို ဆရာဝန်တွေက ခွဲစိတ်စစ်ဆေးခဲ့ကြတယ်။

ကံကောင်းစွာပဲ သူ့ရဲ့ချဉ်ဆီတွေ မော်နီကာ
အတွက် လုံးဝသင့်တော်နေခဲ့တယ်။

၂၀၀၃ ခုနှစ် ဖေဖော်ဝါရီ ၂၂ရက်နေ့ လူတွေ
မျှော်လင့်စောင့်စားနေတဲ့အချိန် ရောက်ရှိလို့
လာပါပြီ။

အာချီလီရဲ့ ရိုးတွင်းချဉ်ဆီတွေ မော်နီကာ ကိုယ်ထဲ ရွေ့ပြောင်းပေးလိုက်ကြတယ်။

အသက်အန္တရာယ်ကနေ မော်နီကာ
သီသီလေးလွတ်ခဲ့ပြီး (၁) ပတ်အတွင်းမှာ
နေကောင်း ကျန်းမာလာခဲ့တယ်။

Mamitaတို့ လင်မယား အာချီလီကို
လုံးဝခွင့်လွတ်ပေးပြီး ဒေါက်တာAndreaနဲ့
အတူ ထမင်းဖိတ်စားခဲ့တယ်။

ဒါပေမဲ့ ထမင်းစားဖိတ်တဲ့နေ့မှာ အာချီလီ
ကိုယ်စား ဒေါက်တာAndrea က စာတစ်စောင် ယူလာခဲ့တယ်။

စာထဲမှာ အားနာခယစွာနဲ့ “ခင်ဗျားတို့ရဲ့
တည်ငြိမ်အေးဆေးနေပြီဖြစ်တဲ့ ဘ၀ကို
ကျွန်တော် မနှောင့်ယှက်ပါရစေနဲ့တော့။

မော်နီကာလည်း ပျော်ရွှင်စွာ ခင်ဗျားတို့နဲ့ အတူရှိနေနိုင်ဖို့ ကျွန်တော် မျှော်လင့်ပါတယ်။

တကယ်လို့ အကူအညီလိုခဲ့ရင် ကျွန်တော့်ကို ပြောပါ။ အတတ်နိုင်ဆုံး ကျွန်တော်ကူညီပါ့
မယ်။

တစ်ဆက်ထဲမှာပဲ မော်နီကာကိုလည်း ကျွန်တော်အရမ်း ကျေးဇူးတင်မိပါတယ်။

သူ့ကြောင့် အပြစ်တစ်ခုကို ၀န်ချဖို့
ကျွန်တော် အခွင့်ရခဲ့တယ်။

သူ့ကြောင့် ကျွန်တော်ရဲ့ လက်ကျန်
ဘ၀လေး ပျော်ရွှင်ခွင့်ရခဲ့တယ်။

ဒါဟာ သူပေးတဲ့ ကျွန်တော့်အတွက်
အကောင်းဆုံး လက်ဆောင်ဖြစ်တယ်”
… … …

လူတစ်ယောက်ဟာ ကိုယ်ပြုခဲ့တဲ့
အပြအမူကို တာဝန်ယူဖို့အတွက်
သတ္တိတွေ ဘယ်လောက်လိုသလဲ။

လူတိုင်းရဲ့ ရင်ထဲမှာ စံပေတံတစ်ခု
ရှိပါလိမ့်မယ်။

ဒီစာကို ဖတ်ပြီး Mamitaတို့
လင်မယားကို အရမ်းလေးစားမိတယ်။

အဖြူတစ်ယောက်၊ အမည်းတစ်ယောက် မွေးထားတဲ့ ကလေးတွေကြောင့် …

လူတွေရဲ့ အထင်အမြင်လွဲမှားတဲ့ အကြည့်နဲ့
ကြည့်ခံခဲ့ရပေမဲ့ ကလေးလေးကို လူလား မြောက်အောင် သူတို့ ပြုစုခဲ့တယ်။

အာချီလီရဲ့ လုပ်ရဲခံရဲတဲ့ သတ္တိကိုလဲ ချီးကျူးမိတယ်။

ကျူးလွန်ခဲ့မိတဲ့ အပြစ်ကြောင့် တရား
ဥပဒေနဲ့ ရင်ဆိုင်ရမယ်ဆိုတာ သိလျှက်နဲ့

အသက်တစ်ချောင်းကို ကယ်တင်ဖို့
မားမားမတ်မတ် ရပ်တည်ခဲ့တယ်။

လူတိုင်း အမှားနဲ့ မကင်းကြပါဘူး။ အမှား
အကြီးအသေးနဲ့ ဘယ်လိုပြုပြင်မလဲဆိုတာပဲ
လိုတာပါ။

အမှားလုပ်မိရက်နဲ့ မပြုပြင် ၀န်မခံတဲ့အပြင်
ပုန်းလျှိုးနေမယ်ဆိုရင် အဲဒီလူဟာ ခွင့်မလွှတ်
ထိုက်ပါဘူး။

အခုခေတ်မှာ အမြင်မှားတွေ များပြားနေပါတယ်။

ပြစ်မှုတစ်ခုခုကို ကျူးလွန်မိသူကို
လူဆိုးလို့ စိတ်ထဲစွဲပြီး ပြုပြင်ပြောင်းလဲဖို့
အခွင့်အရေးလည်း မပေးခဲ့ဘူးဆိုရင်

သူဟာ အပြစ်တွေကို ထပ်သလဲလဲ ကျူးလွန်နေမိမှာပဲ။

တစ်ချို့က မွေးရာပါဗီဇအတိုင်း ဆိုးမိုက်
နေပေမဲ့ မတော်တဆ စိတ်ထွက်ပေါက်
ကြောင့် အပြစ်တွေကို ကျူးလွန်မိသူလဲ
ရှိကောင်းရှိပါလိမ့်မယ်။

အဲဒီလူတွေကို ပြုပြင်ဖို့ ၀န်ချဖို့ လူတွေ လက်ခံလာဖို့ အခွင့်အရေးတစ်ခု ပေးလိုက်ပြီး
တွဲခေါ်လိုက်တာက တစ်ခြားအကူအညီထက်
ပိုတန်ဖိုးရှိပါတယ်။

“မမှားသော ရှေ့နေ မသေသော
ဆေးသမား” ဆိုသလို

အမှားအကြီးကြီးကို ကျူးလွန်မိသူပဲဖြစ်ဖြစ်
အသေးကို ကျူးလွန်မိသူပဲဖြစ်ဖြစ် ပြုပြင်ဖို့
အခွင့်အရေးတစ်ခု ပေးလိုက်တာဟာ

ကိုယ့်ကိုယ့်ကို ပြောင်းလဲဖို့ အခွင့်အရေး ပေးလိုက်တာနဲ့ အတူတူပဲ။

တစ်ခြားလူကို ကိုယ်လက်ညှိုးထိုးနေချိန်မှာ
ကျန်လက်ချောင်း လေးချောင်းက က
ပြန်ထိုးနေတယ်ဆိုတာကို ဘယ်တော့မှ မမေ့လေနဲ့။

to Original Writer

Credit

World's Family