Madyedwe A Machiritso

GALAGADEYA WA PAPAYA
(Pawpaw Dilla)
✓Kunja kuno kulitu galagadeya wamkuru zedi ngati papaya.
✓Ndiye zipatso zake zimakoma, zofewa; ndipo ndizoyenera anthu amene ali ndi mavuto a mmimba komanso anthu amene adwalika zedi koma afunika atadya.
✓Mtengo wake umayanga kwambiri ndipo ndi ofunikira support yabwino zedi.

✓Iwo amene angafune mbeu yake ayimbire ku Eden Green Nursery ya ku Ntcheu.
✓Mbeu imeneyi ikupezeka pa mtengo wa k2500
✓Imbani pa 0991183538

ROSEMARY TIYI
✓Lero tikambirane za momwe tiyi wa rosemary amathandizira pa kagwiridwe ntchito ka ubongo.
✓Kumbukirani kuti ndinafotokoza kuti rosemary ndi mankhwala abwino zedi a nthenda ya kuyiwala.
✓Kodi izi zimatheka bwanji?
✓Risemary ali ndi ma chemicals amene amathandiza kuteteza ubongo komanso kopangitsa ubongo kuti udzigwira bwino ntchito, makamaka kukumbukira zinthu.
✓Chinthu china chomwe rosemary amachita ku mbali ya ubongo ndi kuthandiza kuti magazi adziyenda bwino mu ubongo! Izi zimafunikira zedi kuti ubongo udzilandira mpweya (Oxygen) ochuruka. Ngati ubongo ukulandira oxygen ochuruka umakhala ndi mphamvu yaikuru yokumbukira zinthu komanso umaeonjenzera chidwi cha munthu pa maphunziro.
✓Anthu amene ali ndi nthenda yoyiwala zinthu akuyenera kumwa makapu awiri patsiku a tiyi wa rosemary kwa masiku 30.
✓Ngati munthu akungodzifunira thanzi labwino la ubongo ndibwino kumwa tiyi wa rosemary makapu awiri kapena atatu pa mlungu. Osamwa mowirikiza!
✓Popanga tiyi wa rosemary chitani izi:
1. Wiritsani kapu imodzi ya madzi abwino.
2. Viikani tiyi supuni imodzi kapena awiri a masamba a rosemary owuma kapena awisi m'kapu yamadziyo
3. Bvindikirani ndipo mudikire kwa 20 minutes.
4. Kenako sefani ndipo mukhoza kumwa.
✓M***a kumwa mmawa ndi madzulo.
✓Musatsire shuga koma mukhoza kukometsera ndi uchi kapena Stevia.
✓Akazi oyembekenzera asamwe tiyi wa rosemary.
✓Anthu amene akumwa mankhwala a kuchipatala otsitsa BP komanso a shuga asamwe tiyi wa rosemary popanda kufunsa uphungu kwa dotolo wawo.

Zikomo!

MPHODZA
✓Ngati kulinso nyemba zabwino pansi pano ndizo MPHODZA. Ndikhulupirira kuti anthu a kwa Ndungunya cha ku miseu folo ku Phalombe uko andimvereza.
✓Koma chokhumudwitsa ndi MPHODZA ndiko kuvuta kupsya. Kulimba monga mchenga.
✓Njira yabwino yodyera mphodza ndiyo kupanga chipere. Chipere chake chabwino zedi.
✓Koma ine ndekha, kuno ku Ntcheu, ndimapanga chimera cha mphodza.
✓Chimera cha mphodza ndi ndiwo zabwino zedi. MPHODZA zomeretsa zimakhala ndi ma vitamins ochuruka ndipo zimathandiza pa mavuto osiyana siyana m'thupi!
✓Ndikhulupirira anthu a ku Phalombe andimvetsa; ndipo ayamba kudya mphodza zomeretsa!

ROSEMARY
✓Rosemarry ndi chimodzi mwa zomera zofunikira zedi.
✓Lerotu anthu ambiri tikudwala nthenda yoyiwala zinthu.
✓Ambiri panopa akuiwala ngakhale cholinga cheni cheni chokhalira ndi moyo.
✓Choopsa zedi ndicho chakuti anthu sadziwa kuti kuli nthenda imeneyi ndipo kuti nthendayi ndi yokhudzana ndi ubongo.
✓Komabe ngakhale ziri choncho; Kunja kuno kuli Rosemary!
✓Ndi spice komanso herbal
✓Kunukhiritsa mpunga ndicho chomwe ambiri amamudziwira Rosemary. Anzungu ndi amwenye anapalana naye ubwezi Rosemary.
✓Tikhala tikukambirana zambiri zokhudzana ndi Rosemary.
✓Koma chinthu chimodzi nachi; Rosemary ndi mankhwala eni eni a nthenda ya kuyiwala!

✓Mzama mukuzionazi tinaziviika kwa 12 hours
✓Kenako tinaphika
✓Kenako tinaziyanika
✓Ndipo zauma
✓Mukhoza kumadya kapena kuphikanso ndi kutsira tomato ndi mafuta ndi kudyera nsima.
✓Mukhoza kugaitsa ufa wake kuphikira phala
✓Mukhoza kukazinga ndi kumadya monga mtedza okazinga, kapena chimanga chokazinga.

MADYEDWE AMACHIRITSO

CHAKUMWA CHODZUTSA IPSYO ZOMWE ZASIYA KUGWIRA NTCHITO YAKE
✓Ngati pali nthenda ina yovuta padziko pano ndi nthenda yokhudzana ndi ipyso (kidneys) kusiya kugwira ntchito yake (kidney failure).
✓Nthendayi ndi yochizika ndithu; ndipo mankhwala ake ndi ofikirika.
✓Beetroot basitu.
✓Muyenera kupeza beetroot olimidwa mu njira yabwino ndipo pangani juice 🥤
✓Matambula awiri ayenera kumwedwa patsiku.
✓Odwalayo asapatsidwe chakudya chiri chonse chopangitsa acid kapena mpweya wa mmimba.
✓Asapatsidwe zakudya za njere monga mpunga ndi zakudya zina zolimba kufikira atachira.
✓Asapatsidwe zakudya zotsira mchere.
✓Asapatsidwe nyama kapena zakudya za nyama.
✓Naye tomato ndi osafunikira mu nyengo imeneyi.
✓Zipatso za madzi zikhale pafupi naye.

Zikomo.

IMPHWA
✓Ngati palí ndiwo zina zabwino komanso zothandiza zedi ndizo imphwa.
✓Ngakhale kuti ndi ndiwo, imphwa zimathandiza kuteteza komanso kuchiza matenda monga:
1. Matenda a shuga
2. Matenda a mtima
3. Matenda a ipsyo
4. Kuletsa kudzimbidwa
5. Kukuza chitetezo cha matenda m'thupi
6. Kuchepetsa kunenepa

✓Imphwa zimakoma tikazisakaniza ndi ndiwo zina ndi kutendera. Chakudya chabwino zedi.
✓Ngati simunadyepo, yesetsani kuti muyambe kudya ndiwo zimenezi!

JAMU
✓Phunziro lathu lokhudzana ndi jamu tipitirize pounikira nkhani yokhudzana ndi folate (vitamin B9).
✓Jamu ndi zipatso zina, mwa zipatso zomwe ziri ndi mlingo wabwino wa vitamin B9.
✓Vitamin B9 ndi ofunikira motere:
1. Azimayi Oyembekenzera.
✓Vitamin ameneyu amafunikira pa kuumbika (development) kwabwino kwa ubongo komanso spinal cord ya mwana mmimba mwa mayi ake. Izi ndi zothandiza kupewa ulumali wokhudzana ndi ubongo ndinso spinal cord pomwe mwana wabadwa.
2. Folate amathandiza kupangika kwa magazi m'thupi ndipo ndi ofunikira ndi anthu omwe ali ndi vuto la "Sickle cell anaemia."
✓Vitamin B9 alinso ndi kuthekera koteteza khansa yapakhosi komanso ya mu ubongo.
3. Vitamin B9 Ali ndi kuthekera koteteza matenda a mtima.

✓Osayiwala mwadala-dala kuti kunja kuno kuli chimanga ichi.
✓Ena amati Chisuwa
✓Kaya kwanuko mumachitcha kuti chiyani?
✓Maonekedwe okhawo kungokuuzanitu kuti chiri ndi ma anthocyanins ochuruka zedi.
✓Ndiyetu anthu a khansa komanso omwe ali ndi mavuto a shuga chakudya china ichi!

UBWINO WA GWIRIZE MKODZE
✓Tipitirire kuunikira ubwino wa Gwirize Mkodze.
✓Zina za kufunikira kwa chomera chimenechi tafotokonza kale.
✓Chomerachitu ndi chooneka chonyozeka koma ubwino wake ndi waukuru.
✓Tamverani inu; Anthu otsatira za mankhwala a chilengedwe kalero anachitcha chomera chimenechi kuti, "Mbuye wa zomera zonse."
✓Lero ndi fotokonze nkhani yokhudzana ndi ipsyo (kidneys)
✓Chomera chimenechi chimathana ndi ma infections a mma kidneys ndipo anthu omwe ali ndi miyala ya mu ipsyo (kidney stones) akhoza kupeza mpumulo pomwa tiyi wa masamba ndi mitsitsi ya chomerachi.
✓Choyenera kuchita ndi kuzula chomerachi ndipo musachotse Kali konse. Dulani ndi kuphika mu litala imodzi ya madzi. Sefani ndi kugawa tiyi wanuyo patatu; zomwe zikutanthauza kuti mudzimwa katatu patsiku.
✓Mukhoza kumwa kwa masiku 30 kapena kufikira masiku 54.
✓Anthu amene akumva kuwawa pokodza thandizo kofikirika ndilomweli ndithu.
✓Ndikunena Pano chomerachi chikupezeka pena pali ponse.

MZAMA
✓Ndi nthawi ino ya Mzama ndiye tisamve wina akuti sindidya Mzama.
✓Mzama ndi gulu limodzi la mtedza wabwino zedi; koma kwathu kuno chibwana chikutisaukitsa zedi!
✓Mzama ndi zofunika; ndipo ngati mulibe mukagule mukhale nazo! Pasapezeke pakhomo popanda Mzama!
✓Ena umva kuti mmm ine Mzama ayi! Ayi ndithu! Ngati kudyera nsima kumakuvutani m***a kuphika ndi kungodya pazokha.
✓M***a kukazinga ndi kumadya monga muchitira ndi tchana.
✓M***a kugaitsa ufa wake ndi kuphikira phala! Ndani yemwe sangadye phala la Mzama? Phala lokoma zedi!
✓Ufa wa Mzama umageiritsidwa ntchito m'njira zambiri!
✓Mawa tikambirana zambiri zokhudzana ndi Mzama; koma anthu onse odwala nthenda ya shuga dziwani kuti Mzama ndi chakudya chanu chabwinonso zedi! Ambiri akapezeka ndi matenda a shuga amaona ngati akhala moyo ovutika osowa zakudya koma Mzama ndi chakudyanso ndithu. M***a kudyera nsima, kungodya, kukazinga ndi kudya, kuphika phala ndi kudya komanso kupangira masikono! Kudya kupose apa???