ČĤÎŃ

အမ်းမြို့နယ်ရှိ စစ်သုံ့ပန်းစခန်းအား စစ်ကော်မရှင် လေကြောင်းမှ ဗုံးကြဲတိုက်ခိုက်

( စစ်သုံ့ပန်း ၁၁၆ ဦး သေဆုံးကြောင်း AA ထုတ်ပြန်)

မတ် ၁၁ ရက်

ရခိုင်ပြည်နယ်၊ အမ်းမြို့နယ်ရှိ စစ်သုံ့ပန်းအကျဥ်းစခန်းကို စစ်ကော်မရှင်က လေကြောင်း ဗုံးကြဲတိုက်ခိုက်ခဲ့ခြင်းကြောင့် စစ်သုံ့ပန်း (၁၁၆) ဦး သေဆုံးပြီး (၃၂) ဦး ထိခိုက်ဒဏ်ရာရရှိခဲ့ကြောင်း အာရက္ခတပ်တော် (ULAAA) က ယနေ့ မတ်လ ၁၁ ရက်တွင် ထုတ်ပြန်ခဲ့သည်။

ပြီးခဲ့သည့် မတ်လ ၈ ရက်နေ့ နံနက် ၁၁ နာရီ ၂ မိနစ်မှ မွန်းလွဲ ၂ နာရီ ၂၈ မိနစ်အထိ အမ်းမြို့နယ်၊ ဒါးလက်ချောင်းဒေသရှိ စစ်သုံ့ပန်းအကျဉ်းစခန်းကို စစ်ကော်မရှင်က ဂျက်ဖိုက်တာ ၄ စီး၊ Y-12 လေယာဉ် ၄ စီးတို့ဖြင့် မရပ်မနား ဗုံးကြဲတိုက်ခိုက်ခဲ့ခြင်း ဖြစ်သည်။

ယခုတိုက်ခိုက်မှုသည် စစ်သုံ့ပန်းများ အသေအပျောက် အများဆုံးဖြစ်စဉ် ဖြစ်လာခဲ့သည်။

AA ၏ ထုတ်ပြန်ချက်အရ စစ်သုံ့ပန်း (၁၁၆) ဦး (ယင်းတို့အထဲတွင် စစ်ဘက်အရာရှိကြီးများစွာ ပါဝင်သည်)နှင့် ဒဏ်ရာရရှိသူ (၃၂) ဦး (ပြင်းထန်၊ အလတ်စားနှင့် အသေးစား ဒဏ်ရာရရှိသူများစွာ ရှိနေသည်)ရှိကြောင်း သိရသည်။

ပြစ်ဒဏ်ကျခံနေရသည့် အရပ်သားပြည်သူအချို့လည်း သေဆုံးဒဏ်ရာရရှိမှုများ ရှိခဲ့သည်။

သေဆုံးသွားသော အလောင်းအချို့မှာ ခန္ဓာကိုယ်အစိတ်အပိုင်းများ ပျောက်ဆုံးပျက်စီးသွားသဖြင့် မည်သူမည်ဝါဖြစ်ကြောင်း အတည်ပြုရန် ခက်ခဲလျက်ရှိသည်ဟု ဆိုသည်။

ပြီးခဲ့သည့် ဇန်နဝါရီလ ၂၀ ရက်နေ့ကလည်း ပုဏ္ဏားကျွန်းနှင့် ကျောက်တော်မြို့နယ်အစပ်ရှိ ချောင်းတူကျေးရွာအနီးရှိ စစ်သုံ့ပန်းစခန်းတစ်ခုကို စစ်ကောင်စီက ဗုံးကြဲတိုက်ခိုက်ခဲ့ဖူးပြီး ထိုစဉ်က စစ်သုံ့ပန်းနှင့် မိသားစုဝင် ၂၁ ဦး သေဆုံးခဲ့ဖူးကြောင်း သိရသည်။

ပလက်ဝမြို့က ဗုံးကြဲတိုက်ခိုက်ခံရပြီး သေဆုံးဒဏ်ရာရသူတွေကို ခရိုင်ပါတီ‌ကော်မတီက ဦးဆောင်ပြီး ငွေကျပ် ၂၀၃ သိန်း ကူညီထောက်ပံ့

အောက်တိုဘာ ၃ ရက်

ပလက်ဝမြို့ကို စစ်ကော်မရှင်က အကြောင်းမဲ့ ဗုံးကြဲတိုက်ခိုက်ခဲ့တဲ့အတွက် သေဆုံးသူနဲ့ ဒဏ်ရာရတဲ့လူနာတွေကို ပလက်ခရိုင်ပါတီကော်မတီက ဦးဆောင်ပြီး အောက်တိုဘာလ တစ်ရက်နေ့မှာ ငွေကျပ် ၂၀၃ သိန်းကို ကူညီထောက်ပံ့ပေးခဲ့ကြတယ်လို့ သိရပါတယ်။

ပလက်ဝခရိုင်၊ ပလက်ဝမြို့ကို စက်တင်ဘာလ ၂၉ ရက်နေ့က စစ်ကော်မရှင်က အကြောင်းမဲ့လာရောက် ဗုံးကျဲချခဲ့တဲ့အတွက် အပြစ်မဲ့အရပ်သား အမျိုးသမီး ၂ ယောက် သေဆုံးပြီး ကလေးငယ်အပါအဝင် ၂၃ ယောက် ဒဏ်ရာရှိသွားခဲ့တာ ဖြစ်ပါတယ်။

သေဆုံးသွားသူနှစ်‌ယောက်အတွက် တစ်ယောက်ကို ငွေကျပ် ၁၅ သိန်းကျစီ ထောက်ပံ့ပြီး အဲဒီအထဲက ဒဏ်ရာပြင်းထန်သူကို ငွေကျပ် ၁၀ သိန်းစီနဲ့ အခြားဒဏ်ရာရလူနာတွေအတွက် ကျပ်ငွေ ၇ သိန်းကျစီကို ထောက်ပံ့ပေးခဲ့ကြတာဖြစ်တယ်လို့ သိရပါတယ်။

ထောက်ပံ့ငွေကျပ် ၂၀၃ သိန်းကို ပလက်ဝခရိုင်ပါတီကော်မတီက ဦးဆောင်ပြီး သက်ဆိုင်ရာဌာနတွေနဲ့ ပူးပေါင်းပါဝင် ကူညီထောင့်ပံ့ခဲ့ကြတာဖြစ်တယ်လို့ သိရပါတယ်။


#ပလက်ဝ
#ချင်းပြည်နယ်

မလေးရှားနိုင်ငံ ရောက်ရှိသည့် ချင်းမျိုးနွယ်စု ၂၀၀၅ခု နှစ်မှ ၂၀၂၅ခု နှစ် မေလ ၅ရက်ထိ စာရင်းအရ

(1) Asho = 5936
(2)Falam= 4029
(3)Kanpatlet= 3827
(4)Laitu = 681
(5)Lautu =3192
(6)Mara =4473
(7)Matu =4300
(8)Mie =1292
(9)Mindat=10590
(10)MiZo=2473
(11)Paletwa =8938
(12)Sen thang= 2654
(13)Siyin=1830
(14)Tedim=8490
(15)Thadou =305
(16)TonZang =731
(17)Zo =5638
(18)Zophei=671
(19)Zotung=4073

=.စုစုပေါင်း........=74123

အားလုံးကို ကျေးဇူးတင်ပါသည်