Art of beauty

தேடலில் தொலைத்த அழகு... 🌿✨

பகுதி 3:
உங்கள் சருமம் எது? - அலோபதி மற்றும் ஆயுர்வேதப் பார்வை 🧬🌿

​அழகுக்கலையில் "வேகம்" (அலோபதி) மற்றும் "விவேகம்" (ஆயுர்வேதம்) பற்றி கடந்த பதிவில் பார்த்தோம்.இன்று, எந்த ஒரு பராமரிப்பையும் தொடங்குவதற்கு முன் மிக முக்கியமான அடிப்படை விஷயத்தைப் பார்ப்போம்.

அது - உங்கள் சருமத்தின் வகை என்ன?​சருமத்தைப் புரிந்துகொள்வதில் நவீன அறிவியலும், நம் பாரம்பரியமும் வெவ்வேறு கோணங்களைக் கொண்டிருந்தாலும், அவை சொல்லும் உண்மை ஒன்றுதான்.

​1. அலோபதி (Modern Cosmetology) வகைப்பாடு: ​நவீன அறிவியல் சருமத்தில் உள்ள எண்ணெய் (Sebum) மற்றும் ஈரப்பதம் (Moisture) அளவை வைத்து வகைப்படுத்துகிறது:

• ​சாதாரண சருமம் (Normal Skin): எண்ணெய் மற்றும் ஈரப்பதம் சரியான அளவில் இருக்கும்.

• ​எண்ணெய் சருமம் (Oily Skin): முகம் எப்போதும் பளபளப்பாகவும், பருக்கள் வர வாய்ப்புள்ளதாகவும் இருக்கும்.

• ​வறண்ட சருமம் (Dry Skin): சருமம் இழுப்பது போன்ற உணர்வும், சில நேரங்களில் செதில்களாகவும் இருக்கும்.

• ​கலப்பு சருமம் (Combination Skin): நெற்றி மற்றும் மூக்கு பகுதிகளில் (T-Zone) எண்ணெயாகவும், கன்னங்கள் வறண்டதாகவும் இருக்கும்.

​2. ஆயுர்வேத (Traditional Ayurveda) வகைப்பாடு:
​ஆயுர்வேதம் நம் உடலில் உள்ள 'முக்குற்றங்களை' (திரிதோஷங்கள்) அடிப்படையாகக் கொண்டு வகைப்படுத்துகிறது:

• ​வாதம் (Vata Skin): இது வறண்ட, மெல்லிய மற்றும் குளிர்ந்த சருமம். சீக்கிரம் சுருக்கங்கள் வர வாய்ப்புள்ளது.

• ​பித்தம் (Pitta Skin): இது மென்மையான, சிவந்த நிறம் கொண்ட சருமம். வெப்பத்தால் சீக்கிரம் பாதிப்படையும், பருக்கள் வரலாம்.

• ​கபம் (Kapha Skin): இது தடிமனான, மென்மையான மற்றும் எண்ணெய் பசையுள்ள சருமம். எப்போதும் குளுமையாக இருக்கும்.

​வீட்டில் இருந்தே உங்கள் சருமத்தைக் கண்டறிய ஒரு எளிய வழி! 🏠🔍

​டிஷ்யூ பேப்பர் சோதனை (Tissue Paper Test): காலையில் எழுந்தவுடன் முகம் கழுவாமல் ஒரு டிஷ்யூ பேப்பரை எடுத்து முகத்தின் வெவ்வேறு இடங்களில் மென்மையாக அழுத்தவும்.

• ​பேப்பரில் எல்லா இடங்களிலும் எண்ணெய் ஒட்டியிருந்தால் - அது Oily Skin (கபம்).

• ​நெற்றி, மூக்கு பகுதியில் மட்டும் எண்ணெய் இருந்தால் - அது Combination Skin.

• ​எண்ணெய் ஒட்டாமல், முகம் இழுப்பது போல் இருந்தால் - அது Dry Skin (வாதம்).

• ​எண்ணெய் இல்லாமல் முகம் சாதாரணமாக இருந்தால் - அது Normal Skin.

​உங்கள் சருமம் எது என்பதை அறிந்து கொள்வதுதான் ஆரோக்கியமான சருமத்தை மீட்டெடுப்பதற்கான முதல் படி! இத்துடன் நான் இணைத்துள்ள படங்களைப் பார்த்து உங்கள் சருமத்தோடு ஒப்பிட்டுப் பாருங்கள்.

​உங்கள் சரும வகை எது என்பதை கமெண்டில் சொல்லுங்கள்! அதன் பிறகு அதற்கான தீர்வுகளைப் பற்றிப் பேசுவோம். 👇

​தொடர்ந்து பேசுவோம்... 🌿✨

#தேடலில்தொலைத்தஅழகு ​

வேகம் மற்றும் விவேகம் - அலோபதி & ஆயுர்வேதம்!

​கடந்த பதிவில் இறைவனின் படைப்பில் இருக்கும் இயற்கையான அழகைப் பற்றிப் பேசினோம். இன்று, அந்த அழகைப் பேணுவதில் நான் கற்றுக்கொண்ட இரண்டு மிக முக்கியமான கலைகளைப் பற்றிப் பகிர விரும்புகிறேன்.

​அழகுக்கலை என்பது ஏதோ மேலோட்டமான பூச்சு மட்டுமல்ல; அது ஒரு அறிவியல் மற்றும் வாழ்வியல்!

​1. அலோபதி அழகுக்கலை (Modern Cosmetology):
இது நவீன அறிவியலின் ஒரு வடிவம். சருமத்தின் கட்டமைப்பு மற்றும் உடனடிப் பிரச்சனைகளுக்கான தீர்வுகள் குறித்து மிகத் துல்லியமாக விளக்குவது.

​2. ஆயுர்வேத அழகுக்கலை (Traditional Ayurveda):
இது நம் மண்ணின் பாரம்பரியம். மூலிகைகள் மற்றும் இயற்கை வழிகள் மூலம் சருமத்தை உள்ளிருந்து பலப்படுத்துவது.

​எனது பார்வை:
"இயற்கை வழிமுறைகளே (ஆயுர்வேதம்) எப்போதுமே மேலானது, ஏனெனில் அது பாதிப்பில்லாதது. ஆனால் இன்றைய அவசர உலகில், நவீன அறிவியலின் (அலோபதி) துல்லியமான புரிதலும் நமக்கு அவசியம். இரண்டையும் சரியான விகிதத்தில் கலக்கும்போதுதான் ஒரு முழுமையான அழகு நமக்குக் கிடைக்கிறது.

​அலோபதி ஒரு பிரச்சனையைத் தீர்க்க உதவும் "வேகம்" என்றால், ஆயுர்வேதம் அந்தத் தீர்வு நிலையாக இருக்க உதவும் "விவேகம்".

​ஒரு அழகுக் கலை நிபுணராக, இந்த நவீன அறிவியலையும் பாரம்பரிய மருத்துவத்தையும் இணைத்து, உங்கள் சருமத்திற்கு எது மிகச்சிறந்ததோ அதை வரும் பதிவுகளில் ஒவ்வொன்றாகப் பகிரப்போகிறேன்.
​தொடர்ந்து பயணிப்போம்!... அடுத்த பதிவில் விரிவாக! 🌿✨

#தேடலில்தொலைத்தஅழகு

தேடலில் தொலைத்த அழகு... 🌿✨

​இறைவனின் படைப்பில் யாவும் அழகே! எல்லோரையும், எல்லாவற்றையும் அழகாகவும் நேர்த்தியாகவும் அவர் படைத்திருக்கிறார் என்பதே நிதர்சனமான உண்மை.

மற்ற எந்த ஜீவனும் தன்னுடைய நிறத்தைப் பற்றியோ, அழகைப் பற்றியோ கவலைப்படுவதில்லை.
​ஆனால் ஆறறிவு கொண்ட மனிதர்களாகிய நாம் தான், இறைவன் கொடுத்த தனித்துவமான அடையாளங்களை அங்கீகரிக்கத் தவறி விடுகிறோம். நிறம், உருவம் என ஒவ்வொன்றிலும் மற்றவர்களோடு ஒப்பிட்டு, நம்மிடம் ஏதோ குறை இருப்பதாக நாமே கருதிக்கொள்கிறோம்.

​இறைவன் மனிதனைத் தன்னுருவிலேயே மிக நேர்த்தியாகப் படைத்திருந்தாலும், எதிலும் திருப்திபடாத நாம், அதிக அளவில் பணத்தைச் செலவழித்து அழகுபடுத்துவதாக நினைத்து, ரசாயனங்களால் நம் இயல்பான அழகை அலங்கோலப் படுத்திக் கொள்கிறோம் என்பதுதான் கசப்பான உண்மை.

​நாம் ஏன் இந்தத் தேடலில் தொலைந்து போக வேண்டும்? இறைவன் கொடுத்த இந்த உடலில், முறையற்ற வாழ்வியலால் ஏற்பட்ட பாதிப்புகளை நீக்கி, ஆரோக்கியமான மற்றும் இயற்கையான முறையில் நம் பொலிவை மீட்டெடுக்க முடியும். ரசாயனங்கள் இன்றி, நம் முன்னோர்கள் காட்டிய வழியில் இயற்கையோடு இணைந்து நம்மை எப்படி மெருகூட்டிக்கொள்ளலாம்?

​தொடர்ந்து பேசுவோம்... அடுத்த பதிவுகளில்! 🌿✨

#தேடலில்தொலைத்தஅழகு

இயற்கை தந்த அழகே என்றும் சிறந்தது. உங்கள் அழகை மேம்படுத்த இயற்கை மூலிகைகளை பயன்படுத்துங்கள்.

வெள்ளையாக வேண்டும் என நினைத்து Whitening cream பாவிப்பவர்கள் இந்த டாக்டர் சொல்லுவதை சற்று கவனமாக கேளுங்கள்.

TikTok · tanaletchmy Puspanathan 2115 likes, 21 comments. “ ”

ஆயுர்வேதம் என்பது வாழ்க்கையின் அறிவியல்

உங்கள் அழகை நிறங்கள்
தீர்மானிப்பதில்லை !
உங்கள் வெற்றி தான்
தீர்மானிக்கிறது !