Aaja Ko Trend

. ४७० मात्रै होइन, यो मानवताको ठूलो पाठ हो
रौतहट — रकम जम्मा रु. ४७०। तर, त्यसमा लुकेको भावना भने करोडौँको छ। रौतहटको एक विद्यालयका नानीबाबुहरूले आफ्नो सानो-सानो बचत सङ्कलन गरी प्रधानमन्त्री दैवी प्रकोप राहत कोषमा रु. ४७० सहयोग गरेका छन्।
कसैका लागि रु. ४७० सामान्य रकम हुन सक्छ। तर, यी बालबालिकाका लागि यो उनीहरूको इच्छा, त्याग र मानवताको प्रतीक हो। आफ्ना साना आवश्यकता थाती राखेर विपद्मा परेका मानिसका लागि सहयोग गर्ने उनीहरूको सोचले समाजलाई नै एउटा ठूलो सन्देश दिएको छ।
हामीले यी नानीबाबुबाट पाठ सिक्न जरुरी छ।
एक दिनको अनावश्यक खर्चमा हामीले सजिलै सक्ने पैसा कसैको घरमा चुलो बाल्ने आधार बन्न सक्छ, कसैको गाँस टार्न सक्छ, कसैको दुःखमा थोरै भए पनि मलम बन्न सक्छ।
त्यसैले, रु. ४७० लाई सानो भनेर नहासौँ।
बरु एकपटक आफ्नै मनलाई सोधौँ—
“मैले एक दिन अनावश्यक रूपमा खर्च गर्ने रकम कसैको जीवनमा सहयोग बन्न सक्छ कि सक्दैन?”
राहतका लागि लाखौँ रुपैयाँ नै चाहिँदैन। मन ठूलो हुनुपर्छ।
तपाईंले एक दिनको अनावश्यक खर्च मात्रै कटाएर सहयोग गर्नुभयो भने पनि त्यो कसैका लागि ठूलो सहारा बन्न सक्छ।
यी नानीबाबुले रु. ४७० दिएर केवल राहत कोषमा पैसा जम्मा गरेका होइनन्, हामी ठूला भनिनेहरूलाई मानवताको एउटा ठूलो पाठ पढाएका छन्।
रकम रु. ४७० होला, तर भावना करोडौँको छ।
सलाम छ यी नानीबाबुको सोचलाई।

शव पहिचानका लागि आएका आफन्तजन ...
भरतपुर महानगरपालिका–१० स्थित चितवन उद्योग संघको परिसरमा राखिएको डिस्प्लेमा देखाइएको शवको तस्बिर हेरेर पहिचानका लागि आएका आफन्तहरू। चितवन औद्योगिक व्यवसाय विकास प्रतिष्ठानको भवनलाई शव संरक्षण तथा पहिचान केन्द्रका रूपमा प्रयोग गरिएको छ। चितवन उद्योग संघको एउटा हलमा डिस्प्लेमार्फत शवको तस्बिर देखाउने व्यवस्था गरिएको छ। भोटेकोशी नदीमा आएको भीषण बाढीका कारण हालसम्म चितवनमा १७८ शव भेटिएका छन्

प्रधानमन्त्री र मन्त्रीहरूको एक महिनाको तलब तथा पारिश्रमिक प्रधानमन्त्री दैवी प्रकोप कोषमा जम्मा गरिने भएको छ ।

भोटेकोशीको बा'ढी स्याप्रुबेसीसम्म पुग्यो, मुग्लिनसम्म उच्च सतर्कता अपनाउनु : बाढी पूर्वानुमान महाशाखा! जनायको छ सक्द्दो सेर गरै मानबिय छेती हुन बाट बचाउ

धादिङ प्रशासनले भन्यो– भोटेकोशीमा आकस्मिक बाढी आएको सूचना प्राप्त भएको छ । त्रिशूली नदीको दुवै किनारतर्फ बस्ने नागरिकहरु जोखिमयुक्त स्थानबाट तत्काल टाढा रही सुरक्षित स्थानतर्फ जानुहोला ।

बाढी पूर्वानुमान महाशाखाले भन्यो- बाढी स्याफ्रुबेसीसम्म आइपुगेको छ