Aaja Ko Trend

अमेरिकी राष्ट्रपति ट्रम्प चीनमा
अमेरिकी राष्ट्रपति डोनाल्ड ट्रम्प चीनको राजकीय भ्रमणका लागि बुधबार साँझ बेइजिङ आइपुगेका छन्।
चिनियाँ राष्ट्रपति सी जिनपिङको निमन्त्रणामा ट्रम्पले मे १३ देखि १५ सम्म चीनको भ्रमण गर्न लागेका हुन्।

चितवनमा १२६ किलो गाँजासहित बोलेरो गाडी नियन्त्रणमा
चितवन प्रहरीले १२६ किलो लागुऔषध गाँजासहित एक बोलेरो गाडी नियन्त्रणमा लिएको छ।
जिल्ला प्रहरी कार्यालय चितवनका अनुसार बुधबार बिहान करिब २ बजे राप्ती नगरपालिका–११ स्थित आँपपानी नजिक चेपाङ मार्ग सडकखण्डमा मकवानपुरबाट चितवनतर्फ आउँदै गरेको बागमती प्रदेश ०१–०३३ च ६७५५ नम्बरको बोलेरो गाडी शंकास्पद अवस्थामा फेला परेको थियो।
प्रहरीले चालक नभएको अवस्थामा रहेको उक्त गाडीलाई नियन्त्रणमा लिएर चेकजाँच गर्दा बीचको सिटमा चार वटा बोराभित्र लुकाइछिपाइ राखिएको २० वटा पोकाबाट १२६ किलो गाँजा बरामद गरेको जनाएको छ।
बरामद गाँजा र बोलेरो गाडी प्रहरीले नियन्त्रणमा लिएको छ भने घटनाबारे थप अनुसन्धान भइरहेको प्रहरीले जनाएको छ।

पोखराका सुकुम्बासीहरु आन्दोलित, प्रधानमन्त्री बालेन्द्र शाहको राजिनामा माग्दै निकाले मसाल जुलुस ...see more

काठमाडौंमा भूकम्पको धक्का! २.९ म्याग्नेचुट को
बुधबार साँझ ७:२४ बजे काठमाडौं मा भूकम्पको धक्का महसुस गरिएको छ।
मातातीर्थलाई केन्द्रविन्दु बनाएर गएको भूकम्पपछि सर्वसाधारण घरबाहिर निस्किएका छन्।

दुई कार्यकाल कोषाध्यक्षको सफल अनुभवसहित सुनिल कटुवाल महासचिव पदमा उम्मेदवार
काठमाडौं : नेपाली चलचित्र क्षेत्रका चर्चित कलाकार, समाजसेवी तथा खेलकुदप्रेमी व्यक्तित्व सुनिल कटुवालले नेपाल चलचित्र कलाकार संघ (FAAN) को आगामी निर्वाचनमा महासचिव पदका लागि उम्मेदवारी घोषणा गर्नुभएको छ। जेष्ठ ३ गते हुने २१औँ साधारण सभा तथा निर्वाचनलाई लक्षित गर्दै उहाँले आफ्नो उम्मेदवारी सार्वजनिक गर्नुभएको हो।
काठमाडौँको पेप्सीकोला निवासी कटुवाल केवल एक कुशल कलाकार मात्र नभई समाजसेवा र खेलकुद क्षेत्रमा पनि सक्रिय रहँदै आउनुभएको छ। उहाँ विश्व कलाकार महासंघका आजीवन सदस्य हुनुका साथै बक्स अफिस फिल्म क्लब नेपालका एक सशक्त शुभेच्छुकको रूपमा परिचित हुनुहुन्छ।
करिब दुई दशकदेखि कलाकारितामा निरन्तर समर्पित रहँदै आउनुभएका कटुवालले फिचर फिल्म, टेलिफिल्म तथा विभिन्न सृजनात्मक क्षेत्रमा उल्लेखनीय योगदान दिनुभएको छ। ‘कोहिनूर’ जस्ता सफल चलचित्रदेखि ‘किलो टेङ्गो माइक’ लगायतका चर्चित टेलिफिल्ममा उहाँको अभिनयले दर्शकको मन जित्न सफल भएको छ। हालसम्म २५ भन्दा बढी ठूलो पर्दाका चलचित्रमा अभिनय गरिसक्नुभएको छ।
कलाकार संघभित्र पनि उहाँको योगदान उल्लेखनीय छ। दुई कार्यकालसम्म कोषाध्यक्षको जिम्मेवारी सफलतापूर्वक निर्वाह गर्दै संस्थाको आर्थिक पारदर्शिता र व्यवस्थापनमा महत्वपूर्ण भूमिका खेल्नुभएको थियो। बिना कुनै विवाद आफ्नो कार्यकाल सम्पन्न गर्नुभएको उहाँको छवि इमान्दार र जिम्मेवार नेतृत्वको रूपमा स्थापित छ।
अबको कार्यकालमा संस्थालाई अझ सुदृढ बनाउँदै कलाकारहरूको हकहित, सुरक्षा र सम्मानका लागि थप प्रभावकारी ढंगले काम गर्ने लक्ष्यसहित उहाँ महासचिव पदमा उम्मेदवार बन्नुभएको हो। उहाँको उम्मेदवारीलाई चलचित्र वृत्तमा अर्थपूर्ण र सकारात्मक रूपमा हेरिएको छ।
सान्त, मिलनसार र सहयोगी स्वभावका कटुवालले सधैं कलाकारहरूको हितमा काम गर्दै आउनुभएको छ। आगामी निर्वाचनमा सम्पूर्ण कलाकारहरूलाई आफ्नो अमूल्य मत दिई विजयी गराउन उहाँले हार्दिक अपिल समेत गर्नुभएको छ।

राष्ट्रिय स्वतन्त्र पार्टीले सञ्जीव भट्टराईलाई विधेयक मन्थन विभागको उपप्रमुखमा मनोनित गरेको छ। सभापति रवि लामिछानेले उनलाई प्रमाणपत्र प्रदान गरेका हुन्। नीति तथा कानुन निर्माणमा सरोकारवालाको सहभागिता बढाउने उद्देश्यले विभाग गठन गरिएको हो।

संघीय संसद सचिवालयमा “सरसफाइ सप्ताह २०८३” अन्तर्गत उच्च पदाधिकारीहरूको सहभागितामा सरसफाइ कार्यक्रम सम्पन्न भएको छ। सभामुख, राष्ट्रिय सभाका अध्यक्ष, उपसभामुख र उपाध्यक्षसहितका नेताहरूले स्वच्छ र व्यवस्थित कार्यस्थल निर्माण गर्ने प्रतिबद्धता व्यक्त गरेका छन्।

स्वास्थ्यमन्त्री निशा मेहता र UNDP प्रतिनिधिबीच भेटवार्तामा स्वास्थ्य सुधार, सार्वजनिक खरिद र ग्लोबल फण्ड कार्यक्रमबारे छलफल भएको छ। मन्त्री मेहताले स्वास्थ्य प्रणाली डिजिटाइजेसन र अस्पताललाई ‘पेपरलेस’ बनाउन प्राविधिक सहयोगको अपेक्षा व्यक्त गरेकी छन्।

रौतहटमा भन्सार छलिका चप्पलसहित मोटरसाइकल बरामद
रौतहट, ३० बैशाख । रौतहट जिल्लाको गरुडा नगरपालिका–६ स्थित शिव मन्दिर नजिकबाट गौर भन्सार कार्यालय रौतहटको गस्ती टोलीले अवैध रूपमा भारतबाट भन्सार छलि गरी ल्याइएको सामान बरामद गरेको छ।
गस्तीका क्रममा नम्बर प्लेट नभएको मोटरसाइकलमा फैन्सी लेडिज चप्पल ९६ जोर लोड गरी नेपालतर्फ ल्याउँदै गरेको अवस्थामा टोलीले फेला पारेको हो।
भन्सार गस्ती टोलीलाई देख्नासाथ मोटरसाइकल चालक मोटरसाइकल तथा सामान छोडेर फरार भएको जनाइएको छ। त्यसपछि टोलीले वेवारिसे अवस्थामा रहेको मोटरसाइकल र चप्पल नियन्त्रणमा लिएको थियो।
बरामद गरिएको मोटरसाइकल तथा चप्पलको कुल मूल्य रु. १ लाख ३८ हजार ४ सय बराबर रहेको गौर भन्सार कार्यालय रौतहटले जनाएको छ।
बरामद सामान आवश्यक कारबाहीका लागि नियन्त्रणमा राखिएको कार्यालयले जानकारी दिएको छ।

संसदमा अरू सांसदहरू चर्को विरोधमा, महावीर पुन फोनमै व्यस्त देखिए