Fund raising for Loreto Gonzales

Ako po si Laura Gonzales, kumakatok sa inyong puso, humihingi ng tulong para sa aking asawa na si Loreto Gonzales pinansyal para sa aking asawa na si Loreto Gonzales.

Si Loreto ay nagkaroon ng matinding atake sa puso (massive heart attack) habang siya ay nagtatrabaho sa kainitan ng araw. Dahil sa lubha ng atake niya sa puso, siya ay nahirapang huminga dahil sa komplikasyon sa baga (pneumonia), dahilan upang lagyan sya ng tubo at ma-ospital ng dalawang linggo.

Bilang si Loreto ang breadwinner ng aming pamilya, hindi niya magawang suportahan ang aming pamilya dahil sa hindi inaasahang medikal na emergency na ito.

Ang aming pamilya ay humingi ng tulong sa maraming ahensya ng gobyerno. Sa kabutihang palad, kami ay nabigyan ng tulong ng DSWD (Guarantee Letter). Nakapagsumite rin kami ng requirements sa iba pang mga opisyal sa North Caloocan, ngunit hindi kami mabigyan ng tulong dahil hindi daw accredit ang ospital sa kanilang tangapan at araw-araw ay sinusubukan namin na mag apply online sa PCSO ngunit hindi kami pinapalad na makapasok sa online application

Ang aming pamilya ay nakatanggap din ng tulong mula sa magkabilang panig ng aming pamilya. Ako ay nanghiram ng malaking halaga ng pera mula sa aming mga kaibigan upang mabayaran ang mga bayarin sa ospital ng asawa ko.

Sa kabila ng pagsisikap ng aming pamilya sa paggamit ng lahat ng posibleng paraan, malaking halaga pa rin ang kailangang mabayaran lalo na para sa inirekomendang mga procedures ng cardiologist: ang angiogram at angioplasty.

Ang angiogram ay nagkakahalaga ng P52.000, ang angioplasty ay P300,000 sa unang ugat, at P50,000 sa kada isang sumunod na ugat at maaari pang madagdagan depende sa magiging sitwasyon ng kanyang ospitalisasyon.

Ang inyong donasyon ay mapupunta sa pagbabayad ng kanyang mga procedures sa puso, mga bayarin sa ospital, mga gamot sa pagpapanatili at mga kagamitang medikal na kailangan, lalo na ang kanyang oxygen na naka-set up sa bahay ayon sa payo ng kanyang doktor.

Maraming salamat sa inyong pang-unawa. Lubos naming pinapahalagahan nang maaga ang inyong kontribusyon. Taos-puso kaming nagpapasalamat sa inyong oras sa pagbabasa ng aming post Ito ay siguradong makakatulong sa pagpapagaling ng aking asawa at sa pagbangon sa kasalukuyang mahirap na panahon na dinadanas ng aming pamilya.

https://gofund.me/8e3967e5