ZIN -Net

CORON

𝐂𝐎𝐑𝐎𝐍 𝐋𝐀𝐋𝐀𝐁𝐀𝐍 𝐏𝐀𝐑𝐀 𝐒𝐀 𝐁𝐀𝐘𝐀𝐍: 𝐙𝐔𝐌𝐁𝐀 𝐖𝐈𝐓𝐇 𝐏𝐑𝐈𝐃𝐄, 𝐔𝐍𝐈𝐓𝐄𝐃 𝐀𝐒 𝐎𝐍𝐄

Nagkakaisang mga kababaihan mula sa iba’t ibang barangay ng Bayan ng Coron. Magkakaiba man ang edad, pinagmulan, karanasan at yugto ng buhay, ngunit iisa ang kanilang layunin: ang makapaghatid ng karangalan sa ating minamahal na Bayan ng Coron.

Sa pamamagitan ng sayaw at pagtutulungan, buong pusong lalaban ang ating Coron Zumba Dancers upang ipakita ang husay, disiplina at pagkakaisa ng mga taga-Coron sa entablado ng Baragatan Festival 2026.

📍 June 17, 2026 | 7:00 PM
📍 RVM Sports Complex

Saksi tayo sa kanilang araw-araw na ensayo, mga sakripisyo at walang sawang pagsisikap upang maihanda ang kanilang mga sarili para sa kompetisyong ito. Tunay na kahanga-hanga ang kanilang tibay ng loob, at pagmamahal sa ating Bayan ng Coron.

Sa pangunguna ng Committee-in-Charge ng Coron Zumba Delegation na si SB Member Ma. Teresa J. Casareno, katuwang ang kanyang mga kasamahan, matagumpay na naihanda at naitaguyod ang paglahok ng ating mga kinatawan sa prestihiyosong kompetisyong ito.

Mga kababayan sa Coron, saan mang panig ng mundo lalo na po yong mga nasa Puerto Princesa, atin pong suportahan , manood po tayo at ipagdasal ang tagumpay ng ating mga Zumba Dancers.

Anuman ang maging resulta ng kompetisyon, panalo na sila sa ating mga puso❤️💛💙 WE LOB U ALL!

Coron Zumba Dancers: Lalaban Para sa Bayan!

📺 Mapapanood ang live coverage sa Baragatan sa Palawan Festival Official FB Page.