Botika ng Bayan Para sa Batang Cuyapo

Magandang araw po sa ating lahat!

Narito po ang mga gamot na kasalukuyang available sa Botika ng Bayan para sa Batang Cuyapo na maaari ninyong makuha nang libre.

Upang makakuha ng libreng gamot, kinakailangan lamang po na kayo ay magpatingin muna sa Cuyapo Infirmary o Rural Health Unit (RHU) at magkaroon ng reseta mula sa inyong doktor.

Mga available na gamot:

• Amlodipine
• Enalapril
• Hydrochlorothiazide
• Aspirin
• Chlorphenamine
• Prednisone
• Salmeterol + Fluticasone MDI
• Losartan
• Gliclazide
• Metformin
• Amoxicillin
• Co-amoxiclav
• Ciprofloxacin
• Clarithromycin
• Nitrofurantoin
• Oral Rehydration Salts (ORS)

📌 Mahalagang Paalala:

Sa kasalukuyan, ang libreng gamot ay maaaring maibigay sa mga pasyenteng nakarehistro sa Cuyapo Infirmary at RHU, at may balidong reseta mula sa mga nasabing pasilidad.

Kapag ganap nang na-accredit ang Botika ng Bayan sa PhilHealth YAKAP Program, maaari na rin pong makakuha ng libreng gamot ang mga pasyenteng mula sa iba pang YAKAP Facility Providers, basta’t:

• ang iniresetang gamot ay kabilang sa 75 gamot na sakop ng YAKAP Program; at
• may balidong YAKAP QR Code na inisyu ng kanilang YAKAP Facility Provider.

Maraming salamat po sa inyong pang-unawa at patuloy po naming hinihiling ang inyong suporta habang isinasagawa ang mga kinakailangang proseso upang mas marami pa nating kababayan ang mapaglingkuran.

Maraming salamat po, at manatili po tayong malusog!

MAGANDANG ARAW PO SA ATING LAHAT!

Masaya po naming ipinababatid na bukas na po ang Botika ng Bayan para sa Batang Cuyapo at handa na po kaming maglingkod sa ating mga kababayan.

Upang matiyak na ang bawat pasyente ay mabibigyan ng angkop at tamang gamot, hinihiling po namin na magpatingin muna sa ating Cuyapo Infirmary o Rural Health Unit (RHU). Ang ating mga doktor at iba pang awtorisadong healthcare professionals ang magsasagawa ng konsultasyon at magbibigay ng nararapat na reseta batay sa inyong kalagayan.

Paalala: Bago po makakuha ng gamot sa Botika ng Bayan, kinakailangan pong magpakita ng valid na reseta na nagmula sa ating Infirmary o RHU. Ito po ay upang matiyak ang ligtas, tama, at responsableng paggamit ng mga gamot para sa kapakanan ng bawat pasyente.

Ang konsultasyon sa ating RHU o Infirmary at ang mga gamot na makukuha sa Botika ng Bayan ay walang bayad para sa mga kwalipikadong benepisyaryo, alinsunod sa umiiral na mga alituntunin ng programa.

Sa inyong pagpapakonsulta, maaari na rin po kayong magparehistro sa inyong napiling health facility upang maging kwalipikado sa mga benepisyong hatid ng PhilHealth YAKAP.

Sa kasalukuyan, ang Botika ng Bayan para sa Batang Cuyapo ay nasa proseso pa ng pagiging isang PhilHealth YAKAP-accredited pharmacy provider. Patuloy po naming isinasagawa ang lahat ng kinakailangang proseso upang makamit ang akreditasyon at lalo pang mapalawak ang serbisyong maibibigay sa ating mga mamamayan.

Maraming salamat po sa inyong pang-unawa, suporta, at patuloy na pagtitiwala. Inaasahan po namin ang inyong pagbisita at pakikiisa sa ating layuning makapaghatid ng dekalidad, ligtas, at libreng serbisyong pangkalusugan para sa ating mga kababayan.