Hugot Ni Nanay

Hindi sa lahat ng oras matatag ako kaya iwas sandal naman.

"Lungkot"
ni: Chikie

Naniniwala ako na ang mga taong nahihirapang makatulog sila ay dumaranas ng matinding lungkot
Umaagos na luha na di natatapos.

Para silang nasa madilim na kweba
Hindi makahinga sumasabog na sila
Gustong humulagpos masakit sa loob
Na di mailarawang matinding lungkot

Lumalaban man, pilit nagpapakatatag
Ngunit may panahong kaduwag duwag
Kung saan bumabangon doon tinatawag
Kumakaway ang lungkot di makatakas.

Dumadaing sayo Oh Diyos ako'y dinggin
Hindi ko kaya bigat nitong damdamin
Tila sugapa ang lungkot gusto lamunin
Palayain mo ako sa lungkot na angkin.

Psalms 142:1
Ako'y dumadaing ng aking tinig sa Panginoon; ako'y namamanhik ng aking tinig sa Panginoon.

Hindi si nanay ang susuko sa buhay problema ang aayaw sa sobrang tatag ni inay.

Ang buhay ng mga nanay parang basketball lang kahit pagod na pagod laging may goal
Ang manalo sa bawat hamon

Hindi biro maging isang ina. Lalong hindi pag iniwan ka na. Kaya magandang magpalakasan tayo ng loob. Hindi ang humusga. Ilabas mo saloobin mo pero iyon lang tama.