BRGY Bamban Health Center

𝗡𝗔𝗧𝗜𝗢𝗡𝗔𝗟 𝗦𝗨𝗜𝗖𝗜𝗗𝗘 𝗣𝗥𝗘𝗩𝗘𝗡𝗧𝗜𝗢𝗡 𝗠𝗢𝗡𝗧𝗛

Ngayong National Su***de Prevention Month, ating inaalala ang mga buhay na nawala dahil sa kawalan ng pag-asa at paniniwala na sila’y nag-iisa. Hindi po natin dapat hayaan na ni isa man lang na kababayan natin ay dumaan sa ganiyang sitwasyon.

Magsama-sama po tayong magpalaganap ng kamalayan tungkol sa kalusugang pangkaisipan. Ang pakikipag-usap, pakikinig, pag-unawa at pagbibigay-suporta ay maaaring makapagsalba ng buhay.

Dito sa Bataan, pangunahing adbokasiya po natin na tiyakin na ang bawat Bataeño ay pinakikinggan, pinahahalagahan, at pinangangalagaan. Kung ikaw o may kakilala na nakararanas nang matinding pangamba, takot, o kawalan ng pag-asa, huwag mag-atubiling humingi ng tulong. Narito po ang mga mental health hotlines at programang handang umalalay.
***dePreventionMonth

ALAM NIYO BA?
Ipinagdiriwang ngayong araw, ika-10 ng Setyembre, ang Su***de Prevention Day. Dahil dito, ipinapayo ng Bataan Provincial Health Office na maging bahagi ng isang komunidad na nagdadamayan. Alamin ang mga babala; magtatanong at makikinig; at humingi agad ng propesyonal na tulong.

Tandaan, may kabuluhan ang nararamdaman ng bawat isa. Ang pakiramdam mo ay singhalaga ng pakiramdam ko. Maging mapagmatyag, magbigay ng oras upang makinig.

Sama-sama tayo sa pagkamit ng isang ligtas at masayang komunidad para sa mas matatag na pamilyang Bataeño.

PABATID: Sa kabila ng kumakalat na mga impormasyon tungkol sa rabies, nais ipabatid ng Bataan Provincial Health Office ang mga DOH-accredited Animal Bite Treatment Centers dito sa lalawigan ng Bataan:

Jose C. Payumo Jr. Memorial Hospital - San Ramon, Dinalupihan

Dinalupihan RHU III - Old San Jose, Dinalupihan

Hermosa RHU - Palihan, Hermosa

Orani District Hospital - Maria fe, Orani

Bataan General Hospital and Medical Center - Tenejero, Balanga City

Balanga City Health Center I - San Jose, Balanga City

Orion RHU - Wawa, Orion

Limay RHU - Townsite, Limay

Mariveles RHU I - Poblacion, Mariveles

Ayon sa datos, ang karaniwang pinagmumulan ng human rabies death ay kagat mula sa aso. Dahil dito, ipinapayo ng Bataan PHO ang responsableng pangangalaga ng aso at pusa. Ito pa rin ang pinakamabisang paraan upang masiguro na ang inyong mga alagang hayop ay hindi nagdadala ng rabies virus (lyssavirus).

Bukod sa aso't pusa, ang rabies ay maaari ring magmula sa paniki, unggoy, at tao; maaari itong maipasa sa pamamagitan ng kagat, kalmot, o pagdila sa sugat; organ transplant mula sa taong namatay sa rabies; paglanghap ng maruming hangin mula sa tinitirahan ng apektadong paniki; at pagkain ng hilaw na karne ng hayop na may rabies.

Tandaan, ang rabies ay maaaring maagapan kung makukumpleto ang bakuna laban dito, ngunit kung hindi maaagapan ay tiyak na mauuwi sa kamatayan sa oras na lumabas na ang sintomas.

Maging responsable, pabakunahan ang inyong mga alagang hayop upang rabies ay maiwasan. Sama-sama tayo sa pagkamit ng isang ligtas na komunidad na puno ng responsable at matatag na pamilyang Bataeño.