binalaybay sa uma

"Palaisipan"
✍️Leonel Salem ✍️

Bago sumali, tanungin muna ang sarili,
pag isipang mabuti kung ito ba ay Tama o Mali.
Sa desisyong hindi maaaring magkamali,
Kinakailangang sa tamang panig ay kumampi.

Ito ay nananatiling malaking palaisipan,
Bakit mayroon paring kumakaliwa sa landas na dinadaanan,
landas na kahit itanong mo kanino man,
ay hindi nila pipiliing matahakan.

Bakit may mga taong kumaliwa sa tinatahak na landas?
mas pinili ang makipagsanib sa mga nag-aaklas,
nanindigan sa pinaglalaban na batas,
Batas na kailan man ay hindi magkakatas.

Kung hangad nyu ay kapayapaaan para sa mga mamamayan,
Bakit hindi kayo nag-kaisa at itigil ang labanan.
Ano bang mayroon sa batas na inyong pinaglalaban,
Batas ba ito na patungo sa katahimikan at kaunlaran ng inang bayan.

Mababalitaan nalang minsan,
may naganap na namang bakbakan,
Araw at Gabi na naghahabulan,
nadamay na Ang mga inosenting sibilyan.

Hindi ba kayo nag-sasawa sa ganitong sistema?
hindi ba kayo natatakot sa tama ng mga bala?
Isipin ang pamilyang nag-aalala,
Naghihintay na bumalik ka at muling makasama.

"Panaginip"
✍️leonel Salem~

Masaya ako sa aking nakita,
natupad na ang panibagong sistema sa ating bansa,
Sistemang nagpangiti sa mga magsasaka,
ng binuhay muli ang papel ng agrikultura at binigyang halaga.

Kay daming problema ang na resulba,
tulad ng transportasyon, edukasyon at iba pa.
Presyo ng bigas at iba pang bilihin ay bumaba na,
at maslalong pinapahalagan ang sektor ng agrikultura.

Nagulat nalang ng ginising ako ng aking ina
nang minulat ko ang aking mga mata'y umaga na pala,
aking na-alala ang panibagong sistema ng ating bansa,
at akala ko'y totoo na, ngunit nasa panaginip ko lang Pala.

Dali-dali akong bumangon at lumakad,
upang pagmasdan ang sistema ng bansa sa totoong reyalidad,
At nagulat ako ng sa akin ay tumambad,
ang Sistema sa panaginip ko at sa totoong reyalidad ay naging baliktad.

Gustuhin ko nalang matulog muli,
at ayaw ko ng magising pa.
At pagsawahan ang panibagong sistema ng bansa,
na sa panaginip ko lang makikita.